麗姐雲南米線

營業中

休息中

酸辣湯底開胃到飛起，酸得清爽、辣得過癮，尾段仲帶少少椒麻回甘，飲完唔覺笠。米線爽滑彈牙，掛湯力啱啱好，每一啖都好滿足。自家製春卷脆到爆，外皮金黃不油，咬開多汁、餡料實淨；豬頸肉油香平均但零膩，厚薄適中，輕浸酸辣湯更惹味。小食方面，口水雞麻辣帶香、雞肉嫩滑；豬手入味帶膠質，啖啖彈牙，越食越上癮。配料全部有誠意，小食再加分，CP值真係爆燈。服務亦出乎意料地好：由入座到結帳流程順暢，店員笑住介紹、落單覆核仔細，上菜速度快，仲會貼心提醒食法同辣度調整；就算人多都保持禮貌同效率，食得舒服先至最加分。整体係一間會想回頭的米線店。

嗌咗兩碗酸辣米線 ，一條酸菜都見唔到 ，湯底鹹到爆炸，淨係見到啲豆瓣醬嘅黃豆浮喺面，正常米缐都會有芽菜喺底，佢又係一條都冇，明明餐牌上面都冇話有芫荽，唔知點解又會有啲芫荽喺個面上面嘅。啲腩肉肥過Vivian，我地一直都懷疑自己係咪食緊臘肉，因為個感覺同埋味道都真係好似 ，+$15嘅豬頸肉得五小舊 講緊係每塊正常size嘅一半。仲要唔係平時嗰種燒豬頸肉，係包左吉列皮去炸，又多油，又厚粉，完全食唔到豬頸肉喺邊度。好日都唔寫一個食評，呢間難食到不能用言語形容，大家避伏。本身冇諗住寫食評所以冇影相

本著試伏的心情去試，原本有心理準備有50%伏，點知事實係更伏。蟲草花烏鷄薯粉，湯底說不出是雞湯定豬骨湯，只嚐到油益味。雞肉不多，味道咸，肉質鞋。自選米線，揀了蕃茄湯底，餸揀左豬軟骨、雲吞、蘿蔔，湯無蕃茄味，只有幾粒蕃茄肉，湯底好咸，有啲似五香肉丁味，豬軟骨的肉鞋，雲吞只有豬肉無蝦肉，肉質不太新鮮，蘿蔔正常，唔甜，米線偏幼。一路食一路覺得勁咸，飲左杯凍檸茶都解唔到味精。價錢係正常偏平的，六十幾連飲品，但絕對無下次。食完只留下空虛同味精。

本來去食拉麵，點知轉左米線，即管入去試吓，意外地很好吃，特別是花椒豬手，米線湯底麻辣酸辣都好味。 可惜唔記得影相，下次去補返。 想試 雞翼尖， 拍青瓜， 花椒魚皮，小食好吸引，價錢平。 裝修就同之前日本拉麵舖一樣嘅都舒服。服務就好好，因為都係幾位阿姐招呼。 我見佢有辣椒醬啊，其他嘢可以買， 不過唔知係咪啲人未知就唔係太多客，但係就多外賣，希望佢都生意好啲可以做得住等我下次再去食多幾次。 因為而家香港經濟真係麻麻地。 互相支持吓。