鹿角巷 (已結業)

終於終於可以潮聖久仰大名黑糖珍珠！！位於旺角既♥鹿角巷♥人龍唔算太長，等待時間都只需要大概15分鐘。裝修都幾靚，等野飲果陣仲可以差下電～黑糖鹿丸鮮奶 $28人氣榜No.1當然就係呢杯黑糖鹿丸鮮奶啦！未試過呢杯野就等如無去過鹿角巷一樣😆不過。。。我係有少少失望既，大概鐘意甜既人可能會好喜歡，相反唔喜歡甜既可能會唔太LIKE啦。一開始飲既時候，黑糖珍珠實在太甜了，是有點過份的甜，至於奶味開頭係比較淡味，但飲到最後都係覺得好甜。

記得鹿角巷係尖沙咀好出名,長期都要等差唔多一個鐘先有得飲,我之前都試過排一次,係好飲,同一時間,都等左好耐😅今次黎到旺角,又見到鹿角巷,先醒起佢開左新分店,見無咩人排隊,就想排黎飲下喇,等左大概15分鐘就叫左order,然後5分鐘左右就出左貨😆哇,快過尖沙咀果個咁多既！快就係快,不過味道黎講,黑糖鹿丸就無尖沙咀既咁好飲喇！奶味比較重,無咩茶味,無果種一試難忘既感覺！真係無尖沙咀果間咁好飲,唔怪得無咁多人排隊啦！

咁啱經過，諗住買反杯來試下，之前已經試過銅鑼灣的老虎堂和幸福堂，今次有啲好似集郵一樣，儲埋出名的黑糖珍珠，但係對比起前兩者實在係令人失望，我點左一杯暖嘅黑糖珍珠，等左大約半個小時。一攞上手就心知不妙，輕到好似冇重量一樣揭開個蓋，大部份都係奶泡，又唔係飲cappuccino，結果唔單止奶少，黑糖珍珠更加少，飲咗兩啖就完了😱唔會再回頭，一個字差！

係尖沙咀果到長期好多人排隊， 所以一直都冇試，但咁多人排一定有原因！見旺角只係排4個就去買啦！點知買飛嗰度排咗15分鐘，等嘢飲嗰度又等咗20分鐘！我買左杯阿薩姆奶茶加珍珠，簡單嚟講即話普通珍珠奶茶！全正常！冇少甜少冰！咩都冇 ！點知飲落去咩味都冇珍珠又唔好咬成杯嘢勁難飲飲咗兩啖就掉咗啦簡直係覺得浪費時間！浪費金錢！買咗杯勁難飲嘅嘢！ 珍珠奶茶嘅奶茶冇奶味冇茶味珍珠有冇味！仲差過飲水！仲要廿幾蚊一杯！差！

終於有時間來排隊潮聖了！我們這次點了最具人氣的黑糖系列：黑糖鹿丸鮮奶和小鹿出抹(抹茶拿鐵)。根據店裡的指示，鹿丸鮮奶首先要放膽大口喝下去，再攪拌後品嚐。而小鹿出抹就要拌勻後才飲用。等了大概三十多分鐘拿到可愛的杯子時，感受到底部黑糖珍珠新鮮製成的微微溫暖 哈哈。把鹿丸鮮奶一口喝下去，鮮奶味道真的很香濃順口！抹茶拿鐵的茶味亦非常濃烈，甘香苦澀程度和甜度剛剛恰到好處！當然，鮮製的黑糖珍珠也沒有令我們失望，珍珠的口感非常煙韌而且甜度剛剛好！

鹿角巷呢間鋪都幾有名成日喺唔同嘅地方都聽到直至前排發現原來佢喺旺角開咗分店都算幾多人排隊呢一日見冇乜嘢做就排一排試一試其實第一件事我麻麻哋佢個名黑糖鹿丸鮮奶第一時間諗起某一個角色第二， 鹿丸呢兩個字加黑色我會想像到係鹿嘅便便⋯⋯講出嚟都有啲尷尬講返杯黑糖鮮奶，整體上係令我幾失望外表上冇乜黑糖嘅紋理黑糖味唔夠濃，珍珠有啲稔當黑糖味不足，奶味自然就未能突出冰未溶之前奶味都還可以但係飲到後期啲冰融冰溶左之後成杯飲品就變淡左啦

有一日因為要係旺角等另一位，一路行一路諗有咩可以做黎sip時間周圍行，行過西洋菜南街，見到呢間野，心諗：岩啦！還掂都係等，不如順便買杯野飲啦。永遠行過尖沙咀果間都係超長龍，而家都係等10個左右，抵啦由於健康問題，不能飲凍，揀左熱嘅小鹿出抹。有黑糖味，有抹茶味（飲得出落足料，夠濃，有抹茶嘅甘味）好唔好飲？都好飲嘅，但唔知係咪本身係設計做凍飲，熱飲感覺唔太夾。呢日咁岩有推廣，買一杯野飲就可以憑單去隔離Loreal換支唇膏💄，好抵！之後又有日，另一位想飲野，條隊又短（因為落雨），只係等3/4個，又再幫襯另一位好貼心，明明佢自己想飲，為左我都可以飲，叫左熱黑糖鹿丸鮮奶。今次呢杯成份單一，黑糖味明顯d，但都係覺得唔完美。我總結認為，黑糖珍珠奶係唔岩熱飲的。（唔係呢間嘅問題，飲過另一間深水埗的，都有同樣問題）身體強壯嘅朋友，飲凍嘅啦，相信係好飲好多！補充少少，兩次都叫熱飲，但兩次都只係暖，一d都唔熱

近期hk都好流行飲黑糖珍奶咁啱經過旺角又見呢到新分店開幕唔算多人排 就試下啦排左15分鐘就試到呢杯黑糖鹿丸相比起老虎堂 鹿角巷就無咁甜 但個人喜歡飲老虎堂多d 因爲個女既口感厚身d不過如果唔洗點排除都值得一試

而家個個朋友都手拎住呢杯野打卡，搞到藍妹都心思思想知究竟係咪真係咁好飲。😵一大隻鹿做Logo，下面寫住「The Valley」， 鹿角巷，藍妹其實幾鐘意呢個名，特別而有高檔既感覺。排隊再等埋杯野出，足足等左20分鐘，實在太多人買啦😅—黑糖鹿丸鮮奶好鐘意個杯係圓形底，好揸好多。唔好睇佢好似細杯過平時啲特飲，飲下飲下都飲左好耐。🤣呢杯野因為係鮮奶，加埋啲珍珠真係好飽肚。😱鮮奶淡味，佢除左珍珠既黑糖味，就冇加其他糖，所以整體會偏淡。黑糖珍珠好好味，甜度都有7/10，食落去煙煙韌韌，不過唔知點解有啲珍珠好硬，個心好似未煮透咁。—雪絨白桃烏龍除左頭先杯黑糖鹿丸鮮奶，真係冇乜人會叫其他野飲，男朋友對呢杯幾有興趣，藍妹都期待有驚喜。😳驚喜就冇啦，佢既味道好淡，尤其是白桃，真係近乎飲唔到。所謂雪絨，應該係芝士，但係芝士味完全唔濃郁。成杯野，可以用「清淡」黎總結。—係呢到買兩杯野飲，已經要70蚊，真係好貴。🤑親身試過，覺得唔值，感覺上名氣大過質素。野飲唔係差，但係只能說不過不失，並冇令藍妹想一試再試。😔 

另一黑糖珍珠鮮奶名店係旺角開左分店，雖然飲左兩次都係朋友買過來比我，但相信質素都唔會太大分別。首先講一下珍珠，咬口適中，夠煙un，雖然口感係好，但係黑糖味就略為淡，唔夠黑糖味，好在甜味唔似某店咁係糖漿味。但呢到值得一讚既係佢個奶，真係好濃鮮奶味，所以我會話呢到已經算係中高水平，起碼佢只係得黑糖味一方略顯不足，其他算係非常不錯。•

旺角開左分店，好方便，之前一直都係揀佢嘅招牌飲品～ 見佢新分店開咗，又力推雪絨系列，所以就去幫襯下～ 旺角呢間真係大過尖沙咀兩倍至三陪，環境大，等飲品嘅位置都好多，而且嘆住冷氣等飲品幾正～ 店裏邊打晒燈，有一個專for影相既牆，佈置就一流啦😊🤣 我叫咗佢嘅新系列雪絨黑糖鮮奶茶～ 等嘅時間都係比尖沙咀店短，雖然都係要排隊😊但係真係快咗👍🏻拎到飲品，梗係先打卡！外貌睇落去就好靚，好似軟綿綿嘅雪一樣。未到就好一般，黑糖配茶再配奶，感覺有啲太over～ 少少似港式奶茶果款紙包飲品，如果雪絨黑糖鮮奶應該好好多😂 我就覺得冇乜驚喜感，唔係好值呢個價🙈

尖沙咀鹿角巷的人龍不減，素沒耐性排隊的我一直沒試過傳說中的黑糖鹿丸鮮奶。旺角新分店開幕，暫未出現人龍，決定一試。大約候了10分鐘，黑糖鹿丸鮮奶到手。外表沒有坊間的黑糖虎紋，珍珠佔了飲料的五分一，店員表示可先喝一口再攪拌，先嘗一口，奶香不足，質地稀身，味道仿如脫脂奶，攪拌後甜度沒有明顯增加，黑糖香欠奉，令人相當失望，唯珍珠頗有咬口，才不致令人太生氣。但若要花上小時去喝這杯黑糖珍珠鮮奶，實在不值。

平日無時無刻經過都好長人龍 🙈星期日晚上經過竟然排隊人數只有大概10人所以就排隊買左杯湊下熱鬧 😀買左一杯TOP5之中排NO.1既招牌既黑糖鹿丸鮮奶同埋一杯TOP5之中排NO.3既戀香奇異果買左飛後等左大概5-8分鍾就有喇🙂👉🏻招牌既黑糖鹿丸鮮奶：男朋友話鮮奶味亦濃　黑糖味重連珍珠亦有黑糖味　口感彈牙珍珠與飲品比例來計算多記得要飲前搖均！👉🏻戀香奇異果：個人來講是比較喜愛較FRESH既飲品STAFF同我講是沙冰來 唔會太甜 所以點了！珍珠口感好彈牙沙冰唔會太稀亦唔會太稠是我鍾意既稀稠度仲有啲奇異果核碎係度除此之外酸酸甜甜的　又有珍珠咬下　是我杯茶😛—— 總結來講都好飲既😋但係唔會成日買黎飲總覺得時下興既手搖茶容量愈來愈少，價錢卻愈來愈貴🙁因為我同男朋友都是吸水大笨象，飲野速度好快，所以感覺好似唔係好抵。哈哈🤪

最近「台風」吹襲香港，開左好多間台式飲料專門店，今日無懼風雨去左旺角試「鹿角巷」，大熱過江龍點可以唔試下！可能因為今日落雨，所以排隊買都係等左十分鐘左右，我叫左招牌既黑糖鹿丸鮮奶。但等拎野飲就要等三十分鐘，所以行左去附近睇衫兼避雨。最後行街行左廿分鐘就行返返去鹿角巷，其實都唔駛等三十分鐘咁耐，等左廿分鐘左右......終於等到我地既黑糖鹿丸鮮奶！！第一啖就咁飲粒黑糖珍珠真係超甜既黑糖味，但未必人人都喜愛，攪勻左之後飲唔算太甜，好好飲！鮮奶味亦好濃！但係咪值得等咁耐先飲到就見人見至。

呢日又做行街既指定動作，行到咁上下要飲番杯手搖鮮奶補足下能量先繼續作戰鹿角巷尖沙咀既分店我試過～旺角新開既呢一間就第一次試～之前試過尖沙咀既小鹿出沒覺得非常之好飲～今似既黑糖鹿丸鮮奶雖然冇咀驚為天人，但味道都真係非常之唔錯呢日去竟然唔駛排，由落單到拎野飲只係等左十分鐘，真係非常之快！飲左啖黑糖先將作搖勻，未搖之前陣黑糖味都已經好出，搖左之後同鮮奶夾埋一齊，感覺唔會太甜，鮮奶夾完黑糖溝淡左淨黑糖本身既甜度，個感覺係勁夾D鹿丸好有咬口，打打下又想再飲陰杯