鹿角巷 (已結業)

要遇上一杯自己喜歡嘅珍珠奶茶, 根本就同遇上戀人一樣, 需要緣份同timing嘅配合 若果您第1次飲, 經驗不多, 基本上任何一間甚至自己喺屋企自己沖, 你都會覺得好味道 假若您已經經驗老到, 處處尋覓, 甚至已經喺台灣飲過至地道至正宗嘅, 會令您留戀嘅...只會係您心入面嘅真愛 鹿角巷已經聞名很久, 我亦都想一嚐其味, 感受一下我到底愛與不愛? 6月份我同一班同事去台灣旅行, 喺台中逢甲夜巿巧遇鹿角巷, 我哋雙方亙相一個眼神交流, 二話不說衝咗埋去排隊, 因為大家都明知道尖沙咀分店, 你冇番咁上下耐性同時間你都唔會有機會飲到, 而我哋對珍珠奶茶嘅慾望亦未至於令到我哋甘願付出呢個時間去等待, 大家都心知肚明, 有好多喺香港排到出汁嘅"名牌", 喺發源地根本就係平平無奇, 隨便就可以品嚐得到。但世事往往豈能如願? 我哋就算遇上了, 排到埋去店員已經話珍珠奶茶已經賣光光了......既然仍然未有緣份, 我哋亦都無謂強求 直至番到香港, 其實出旺角已經見到鹿角巷正在裝修準備開幕, 心諗: 到時咪又係排排排...... 點知就係一個落雨嘅晚上, 一個充滿人圍住聽"concert"嘅街上,

係尖沙咀排到開巷既鹿角巷終於在旺角開分店，適逢人在旺角，當然要一試。晚上九時多，竟然都得好少人排，所以熱住都想試一試。由於新張優惠，四十五元可揀指定兩款飲料，所以唯有放棄黑糖珍珠鮮奶，改做檸檬翠綠茶和鐵觀音珍珠奶茶。檸檬綠茶好解渴，好似果茶。鐵觀音珍珠奶茶選了少糖少冰，茶味岀，珍珠淋，但感覺不是太特別，下次正價未必會再揀呢款。以優惠價來說，兩杯都質素還好，只是未見有太突出之處，一試無妨。

今日見朋友po上網話好多人都去咗旺角新分店試味道，所以一睇到就即刻衝過去試一試！其實係睇到「唔使排隊」所以好吸引本身對尖沙咀嘅店舖既質素有驚喜，因為試過真係好唔錯，鍾意黑糖珍珠自家獨特嘅黑糖味，所以對旺角新開嘅分店有期待，但係又怕有分店質素會下降！我叫咗黑糖鹿丸鮮奶，同之前係尖沙咀嘅一樣！排隊時間比預期短，用咗大概10分鐘左右就已經可以order到。店鋪好大，所以等住都有冷氣嘆！ 等咗大概15分鐘左右，就有得拎 超開心😍😍一拎上手，黑糖珍珠仲係熱既，所以都係好期待！店舖裏有好多影相位，所以影左5分鐘先至開始飲！味道方面，黑糖珍珠依舊超好味，獨特嘅黑糖味道我覺得淨係呢邊先有，但係鮮奶就一般般～冇尖沙咀店整得咁好味！但水準都有保持🤣呢間真係等候時間少咗好多，所以我覺得好好👍🏻👍🏻

今日行過旺角行人區,驚見鹿仔😱,先醒起前排睇佢promotion會開新分店,想當年係尖沙咀等左成粒鐘既黑糖鹿丸,真係一試難忘😆原來今日係旺角分店第一日開張～仲要咁岩行過無咩人排隊,又要有新product,雖然岩岩食完tea,肚子滿滿der,但唔飲真係對唔住自己😂😂排隊落單前前後後都係用左15分鐘🙊黑糖鹿丸鮮奶 & 雪絨黑糖鮮奶茶黑糖鹿丸相信大家都有飲過,都知佢既威力,今次重點講新出既雪絨,芝士奶蓋打到好杰身,一啖吸落去好滿足,仲要上面淋左層薄薄既黑糖,都唔錯,但奶茶味一般無特別,不過不失啦

我係特登等佢開門去買，等左十幾分鐘我買咗戀上海檸威，杯野係灰白色嘅。珍珠幾多下，但係好差，因為係一啲甜味都冇，超級失望😓檸檬味唔算濃，會有一啲乳酸味整體來講係算比較稀，哩杯係鹿角巷推薦嘅飲品不過認真麻麻哋我個朋友佢買咗雪絨黑糖鮮奶茶，冇咩特別，茶底差，奶蓋唔夠芝士味，普普通通想試吓嘅朋友唔好抱咁大期望鹿角巷唔算高質🤦🏻‍♀️* 提示：想買水果茶，例如焦糖菠蘿，係兩點先開始供應 （所以我今次係試唔到焦糖菠蘿）

旺角鹿角巷係新開既咁岩剛剛落完雨 所以條隊唔算長就決定同朋友去飲～買左黑糖鹿丸 即係黑糖珍珠奶茶（$28）大約等左15分鐘 入面有冷氣唔熱平時本身都唔特別好珍珠 因為又難咬又無味但佢地啲珍珠係有好濃既黑糖味道 好正！不過杯野就不太重黑糖味 反而重奶味我個人覺得咁樣幾好幾清新因為唔會蓋住珍珠個浸味 仲會突顯到出黎 如果野飲都重味既話可能會太甜/太重口 雖然好似好細杯 但意外地其實飲完都真係好鬼飽 食唔落飯杯黑糖珍珠既賣相都好靚打卡一流

話說人生第一杯黑糖奶飲就係始於鹿角巷，飲完返唔到轉頭，近年黑糖奶飲本地及過江龍越來越多，味道品質好唔好飲就真係見人見智，畢竟個人口味嘅嘢同鐘唔鐘意榴槤臭豆腐一樣，都好主觀嘅。當試過試過乜乜堂，物物茶後，立見高下。，我始終最愛鹿角巷。 今日鹿角巷旺角開分店，不是朝聖，而係捧場，全程廿分鐘左右，就有得飲啦，黑糖珍珠依舊味濃甜厚彈牙，奶味好似比尖沙咀淡小小，但還是覺得佢最好。 以後唔洗去好遠，旺角咁就近就隨時可以飲喇