影片
【📍大埔｜突圍而出街坊雞蛋仔😋】🐨士多啤梨雞蛋仔 $21推薦度：⭐️⭐️⭐️⭐️所有雞蛋仔都可以叫佢即叫即整，大約等3-4分鐘就已經有，出爐後會先吹風機🌀🌀所以上手做到外脆內軟，另外雞蛋仔粒粒都做到一半脆口一邊有雞蛋糕嘅感覺，完全係傳統雞蛋仔應有嘅口感！仲要唔同口味都同價錢，啱晒貪心嘅小編每一次都可以叫唔同嘅味🍓🍓.🐨朱古力格仔餅 $21推薦度：⭐️⭐️⭐️⭐️⭐雖然鋪頭叫雞蛋仔專門店，但佢哋嘅格仔餅更加有驚喜🍫每日底都會有滿滿嘅牛油、砂糖、花生醬同煉奶，淨係聽呢四款邪惡嘅組合就知一定唔會差啦🍬🤣最緊要係格仔餅厚度啱啱好，擘大口一咬有一個好滿足嘅感覺，外皮做到少少薄脆，入邊食到鬆軟口感，最緊要係朱古力味極之濃郁！！！絕對打贏好多出面知名嘅店舖～如果大家覺得唔夠佢仲有埋朱古力醬以及係金莎朱古力嘅創意口味，總有一款適合自己😛.🐨日式小丸子 (6粒) $32推薦度：⭐️⭐️⭐️⭐️⭐小丸子粒粒飽滿足了，本身小編擔心佢好似預先整定，但之後發現原來都仲保持到熱度！而且每一粒小丸子都一定會有章魚粒🐙上面仲會有滿滿嘅沙律醬、紫菜碎等配料，每一粒味道都好香濃！絕對係學生放學必選小食之一～.🐨胚芽紅豆奶茶 跟餐$19推薦度：⭐️⭐️⭐️⭐️⭐本身係因為食嘢，諗住配埋杯嘢飲，但係冇諗過店舖嘅台式飲品都值得介紹😂😂😂奶茶入口順滑偏向奶味重嘅一款，胚芽可消脂解膩而有咬口～最重要係佢哋嘅紅豆超級之甜同埋煮到好溶，入口完全唔使咬就已經食到豆香🫘係小編好鍾意嘅飲品口感～～
繼續閱讀
首先，香橙朱古力花生格仔餅的外觀就讓我眼前一亮。金黃酥脆的格仔餅散發著誘人的香氣，當我咬下去時，外皮的酥脆感與內餡的濃郁巧克力和花生醬形成了完美的對比。香橙的清新味道在口中瞬間綻放，為這道甜品增添了一層清新的酸甜感，讓人感受到一種意想不到的驚喜。每一口都讓我感受到巧克力的濃郁與香橙的清新交織，接下來是苿香奶茶珍珠，這道甜品的香氣讓我感到無法抗拒。奶茶的香濃與苿香的清新相互融合，讓整體的味道更加豐富。珍珠的Q彈口感在口中咀嚼時，帶來了一種愉悅的享受。這道甜品不僅是一杯飲品，更是一種味覺的享受，最後是芝麻雞蛋仔，這道經典的香港小吃讓我感受到了一種懷舊的味道。雞蛋仔的外皮金黃酥脆，內裡則是柔軟的口感，芝麻的香氣在每一口中都能感受到，讓整道甜品更加香濃。讓每一口都充滿了甜蜜的滋味，讓我不禁想要再來一份。雞蛋仔專門店 (大埔)大埔安慈路4號昌運中心榮昌閣地下14A號舖
繼續閱讀
減肥期間忍咗好耐無食邪惡小食，今日終於放縱一下！同老公share咗四款食物，全部即叫即整，熱辣辣超滿足～ 原味雞蛋仔外脆內軟，咬開有微微蛋香，甜度適中，唔會太膩。每粒都飽滿，口感實在，係傳統嘅好味道！ 朱古力金莎格仔餅邪惡之選！格仔餅烤得香脆，夾住濃郁嘅朱古力醬同碎金莎，口感豐富。朱古力味濃但唔會過甜，金莎碎增加脆脆口感，值得試～ 珍珠奶茶茶味夠濃，奶同茶比例剛好。珍珠煮得Q彈，唔會太硬或太軟，甜度揀左半糖，岩岩好。營多撈麵中學回憶呀！好耐冇食！撈麵即煮，麵質彈牙，醬汁惹味，加咗少少辣好開胃。雖然係小食份量，但味道唔輸正式餐廳，解饞一流！ 總結：食物質素唔錯，價錢合理，即製熱辣辣係加分位。間中cheat day必選～ 📍雞蛋仔專門店 (大埔)大埔安慈路4號昌運中心榮昌閣地下14A號舖#大埔美食 #雞蛋仔 #格仔餅 #平民美食 #邪惡小食
繼續閱讀
係大埔行行下街，突然口痕😂見到呢間小店售賣香港地道小食，我就隨意揀咗三款小食醫下肚仔。雞蛋仔除咗原味，仲有朱古力、芝麻、士多啤梨味雞蛋仔，今次試咗朱古力味雞蛋仔，朱古力味道特別濃，好似蛋糕咁軟熟，如果想要雙重朱古力可以加$5，追加朱古力釘～格仔餅好少格仔餅會有其他口味，我今次試咗士多啤梨味，以為係鋪啲士多啤梨喺上邊，估唔到係成個餅都係士多啤梨味，味道鮮甜，內裏保留傳統特色花生醬、煉奶和砂糖，鹹甜交織。日式小丸子咬開有粒粒章魚，真材實料，不吝嗇灑上木魚碎、紫菜、沙律。最後叫咗杯荔枝玉露，吃得到玉露的口感讓我越嚼越涮嘴～
繼續閱讀
今日去大埔探朋友經過昌運中心- 雞蛋仔專門店， 見到好多人等緊外賣， 見咁多人等 一定係好嘢， 即刻買返幾款食物試下。朱古力雞蛋仔：香濃朱古力味外脆內軟， 忍唔住食完一粒有一粒。章魚小丸子：一盒有六粒， 粒粒飽滿， 內裏仲有好多章魚鮮甜彈牙， 上面仲放咗好多木魚同紫菜絲， 口感豐富。金莎朱古力格仔餅：外皮香脆內裡 朱古力幼滑香濃， 果仁脆香， 口感有層次。心太軟冷糕：好少地方有得買冷糕難得呢度有， 我揀咗個心太軟冷糕， 即叫即制， 拎上手熱辣辣， 冷糕蛋味香濃厚度剛好， 外皮脆口 入面餡料超多， 食得好滿足。
繼續閱讀
您可能會有興趣的...