影片
🇯🇵串燒 🚹1-4人 🐻#炸物控 ——————🎉🎉鳥貴族大埔店於7月1日開始試業啦🎉🎉鳥貴族大埔店：🤳門外有QR code可以即掃、登記排隊、仲有得睇埋排位🕟用餐時間90分鐘❌🍺暫時未有酒賣✍🏽私心排隊攻略：星期日4點幾係可以即入！——————💯=推薦💯大板風味鐵板烤山藥泥$29.9就…大板燒醬加山藥泥，有啲似食緊大板燒味嘅粥🤣🤣但又幾好食😋💯雞腿貴族燒 (秘制醬汁)$29.9@1串啲蔥最好食🤣吸晒醬汁；雞肉就中上水準👍🏽嫩👍🏽有肉汁，但食落就無蔥咁濃味，醬汁嘅味亦只停留喺肉嘅表面～🐻🐻❄️想佢雞肉再醃耐啲、入味啲就更好啦🤤雞翅根 秘制醬汁$29.9姐係雞鎚肉😛，食落好嫩滑👍🏽👍🏽👍🏽碟上額外有個辣醬，唔算太辣，但因為淨食肉味道會比較淡，所以建議要點醬食！💯雞爽肉 鹽燒$29.9兩條咸味唔同🤣🤣，第一條鹽燒味勁入味，勁正🤤！另一條就係有入面唔算太入味嘅情況🤣～但🐻🐻❄️都係私心鍾意鹽燒多啲🤣🤣P.S.雞爽肉其實係雞頸周圍嘅肌肉嚟～😛炸串（豬腩肉）$29.9吉列豬扒同等水準嘅炸物，個醬係酸酸哋，可以解炸物嘅膩，不過串住有啲難點醬🤣🤣柚子醋枝豆伴小貝柱$19.9有少少wasabi，唔配酒就咁食無咩特別💯秘汁滷蛋$19.9糖心，加芥末幾特別，唔會伏😛🤣混合果汁$19.9唔似果汁，似乳酪嘅質地同味道，仲有啲疑似罐頭果肉🤣🤣可爾必思熱情果梳打$19.9比較甜，少少熱情果味…不過個杯啲醬飛到周圍都係，真係有啲豪放，希望餐廳試業完可以改善吓😛🪑座位私隱度高👍🏽👍🏽幾啱食住傾偈🤣💁♂️服務💁🏽♀️雖然我哋個位凹咗入去，唔近走廊位，但店員唔會忘記我哋🤣會適時入嚟收碟👍🏽👍🏽小食、飲品都好快上，串燒要等一陣，但係可接受嘅速度👌🏽結論：🍻飲酒嘅朋友可以等有酒賣再嚟；想試食物嘅可以襯依家😛
繼續閱讀
暑假帶一班細路仔嚟試新嘢，一行6個人。特別鳴謝前台服務員。服務態度一流，因為今天黃雨的關係所以大家比原定遲咗嚟，服務員肯幫我hold枱而不計入用餐時間90分鐘內。十分感恩！食物質素跟想像中一樣。高質數，好好食！火喉控制得好好，雞肉，雞翅好淋，鹽燒、燒汁雞皮都好脆口。雞肝好化，入口即融。甜品選擇有幾款，質數幾好。豬肉串就有一點乾。牛肉串好夠肉汁。不過餐單有點單一，主要食雞。價錢大部分都是$29.9。暫時未有酒精飲料。
繼續閱讀
入到去感覺似去咗和民,叫咗個雞湯飯同薯仔沙津,山药,章魚燒,雞湯飯要等較耐, 其他食物上得快,食完仲等緊,味道都ok偏咸，質素一般,選擇也少, 如飲酒叫小食朋友聚會就ok！
繼續閱讀
新開張即管去試吓，有點失望。點牛肉串，嚟到入口係微暖，似翻熱嘅？？？醬汁唔好味，因偏淡 ，鹹味都冇，枱上有七味粉，唯有加七味粉調味。人流唔多，無需要整定曬食物，再加上你新開張， 應該呈現最好一面俾客人。雞腎串嚟到就好滿意，第一熱辣辣，熱辣辣先好食㗎嘛，唔通你燒烤鍾意食凍，由其是串燒食品。 唉，唔熱，真係唔好食。讓青椒，失望到爆，入邊讓咗免治豬肉，個青椒，底部弧形冇切除，照樣燒，背部就焦，底部冇煎香，有青味。大部份價格都係29.9，再要另外加一。員工3人或4人聚埋一齊企喺度倾偈，另外員工將食物放喺枱邊就走人，又唔出聲。完全未調較好員工及服務。同埋帶位auntie廣東話都未講得清楚.....唔好講服務，食物唔熱
繼續閱讀
真係期望越大，失望越大囉食物大多數都係$29.9一碟，唔好理價錢的問題，首先食物的味道，沒有太大驚喜，亦沒有特別覺得很好吃有些我覺得簡直唔好食！波波，仲差過一田超市嗰間，好似食粉漿，完全沒有章魚！串燒秘製汁，個人口味覺得一啲都唔好味荔枝茶，唔覺得有荔枝味最搞笑就係叫侍應俾部稅我，去到話要自己落單，這樣都唔緊要，冇人會再加水，如果你想再飲水的話，又要自己落單釀青椒，我唔知道落青椒嘅肉係咪雞肉，完全冇味，我覺得仲衰過酒樓食嘅釀青椒最後諗住試埋佢個雪糕蕨餅，結果個蕨餅一啲都唔煙靭，失望兩個人食咗三百幾蚊，如果好食嘅，真係冇乜所謂，但係我覺得呢一餐真係唔值總括嚟講，一試無妨，我估我應該唔會再去
繼續閱讀