鶴和風料理 (已結業)

約左朋友聚舊，晚飯去左呢間野到，因為聽講呢間日本料理新開張，連我住長沙灣嘅朋友都唔知道有，所以我地兩個抱住好奇嘅心態去食。我地八點幾先到，入面唔系好多人，只有一兩枱有客。我地坐低，望下周圍，佈局設計簡單，無咩特別，衛生程度算唔錯嘅。揭開餐牌，睇到不同嘅日本菜式，款式無咩獨出，普遍有既野，但價錢都幾平。我地叫左個二人套餐，有刺身，有飯等等。初初食個沙律同麵豉湯，質素平平。之後到個刺身，雖然系二人套餐，但份量就好似一人套餐禁，有D少。而刺身食落，三文魚、北寄貝等魚生，無咩味，有嘅只系雪嘅味。之後嘅海鮮煱，味道只系普通魚湯味。其後自己點左個螺肉，食落，有點失望，因為好明顯食落化仲有冰未溶，甚至用眼都可以睇到，令到我食左幾個就唔想食。 不過，佢地都有野好，就系個蒸蛋，好重蛋味。總體來講，質素還有進步空間。

某周日去晚膳，食客不多，環境寧靜，坐得舒適，老闆娘服務好，店員加茶夠快，兩人共點了以下食物：咖喱豬扒飯咖喱芡汁很香，伴以蘿蔔及青瓜絲，豬扒很入味，簡單得來，都算好吃。三文魚腩刺身+鮮蝦三文魚壽司兩件三文魚腩肉質肥美，口感一流；壽司的蝦夠鮮甜，脫殼後，與整件三文魚壽司一併咀嚼，很對味，效果佳！蟹籽鰻魚蛋炒飯飯炒得香，不乾身，鰻魚切成粒狀，混在飯堆中，蛋炒得濕，有蛋汁，把蟹籽與蛋撈勻後，變了蛋花，整碟飯和餸都很足料，味道不俗。

晚餐外賣:牛油果軟殼蟹卷物，燒鯖魚，玉子豬扒飯。軟殼蟹卷物：跟其他日本餐廳相比飯不夠酸，牛油果未熟比較硬，每件卷物有三片牛油果，一夾會跌下來，吃得不方便。燒鯖魚：燒得好，皮不燶，沾汁偏酸。玉子豬扒飯：用來炸豬扒的油較舊，炸出來豬扒深色，蛋煮得剛好，汁偏多，偏甜都算可接受。環境衞生：廚房可以，環境整潔。服務：老闆娘服務好，其他一般。

跟朋友到深水埗黃金商場逛逛, 由於我少到深水埗食飯, 於是搵搵資料, 見呢間店都有幾個人介紹, 加上又好耐無食日本野, 於是決定選擇呢間店7:00幾到達, 前面剛好有對夫妻同時進入, 入去後, 全個場係完全無人心想, 唔通d食物唔好食 ??唔諗咁多了, 眼見餐牌食物花多眼亂, 一下子都唔知揀咩好最後決定點了幾樣食物 :鐵板牛柳粒, 正 !搬上枱時發出吱吱聲, 咬落好"林"身, 值得推介海鮮湯烏冬, 好足料, 有晒青口, 蝦, 蜆好鮮甜, 絕對唔係街邊有d餐廳聲稱係海鮮, 但結果無乜料的朋友提議點牛油果軟殼蟹壽司, 於是也點了一客試試, 味道都不錯芝士吉列蝦壽司, 炸蝦咬落好脆, 有蝦頭, 蝦尾, 加埋軟滑的芝士, 絕配 !

深水埗元州街給人的感覺是很巿井，不太適合吃日本嘢，所以日式料理很難在此經營。 「鶴」之前也是日式料理，可惜執笠收場。 現在轉手後，感覺大大改良了。 之前也在此吃過壽司晚餐，雖不算特別，但勝在抵食，而且老闆娘和店員很有禮貌，令我印象良好。 今天來吃個午餐，㨂了「拉麵午餐」（$45） 先來雜菜沙律，幾Fresh，如果可以切絲就更好 小食是三文魚卷物，做得不俗 自選拉麵，我選叉燒和豬骨湯。個玉子切得醜了點，但味道還可以。拉麵的麵質偏軟，感覺像「味千」的水準。叉燒切得薄，但太薄，一夾起就散，是煮得太腍了。 而豬骨湯的味道還算可以。套餐包飲品，我飲奶茶 甜品是豆腐布丁，味道酸酸地，都幾滑。 這拉麵套餐談不上頂級美味，但以$45包拉麵、沙律、卷物、甜品、飲品，就真算抵，性價高，有時平平地想Casual地吃些日本嘢，這店其實算不錯。

屋企附近新開左日本野，特登同媽咪試下。入面環境四正，音樂比較細聲，可以同媽咪傾下計。先食刺身:帶子-好大隻又肥美海膽-估唔到咁好味，好耐冇食到咁鮮甜的海膽，有時就算高級貴價日本餐廳d海膽都有腥味，但佢地d海膽一d腥味都冇，好鮮好重海膽味！希靈魚-我冇食，不過媽咪話好好味！三文魚-OK,不過依個價錢來說係好唔錯。赤貝-爽，佢地將d赤貝裙同青瓜絲用紫菜卷成小卷，好得意！超級牡丹蝦-超級超級超大隻！嘩，好正，個蝦頭好甜。已經好滿足，但都叫左少少串燒試下:牛柳串燒-噢！我溶左！好好味！要襯熱食！鵝肝多士-我好鍾意食鵝肝架。依個真係鵝肝不是鴨肝。媽咪鍾意佢唔漏喉，不過我鍾意好漏好肥美的，所以依個我評價一般 。反而覺得個多士超級好味。牛利串燒-唔錯，彈牙又多汁，好香牛肉味！老闆娘話d生蠔原來好大隻，不過我地已經好飽，下次再試！九點半重有五蚊壽司超抵又係下次再試！我同媽咪都食得好開心，好滿足！

今曰去完教會，在元洲街發現一間新日本餐㕔，看到門口的午巿套餐牌頗為吸引, 我和教友們一行八人, 叫了刺身船，牛肉刺身，鐵板牛脷, 炸芝士年糕等。待餐前，先送上薯仔沙律及野菜沙律。蒜蓉鐡板牛脷最正，炸芝士年糕笫一次食幾得意，還有甜品送，叫了咁多嘢,埋單每人70元,整體而言，店的食物價錢很合理，服務也很好，一定會再去食。😄

幫爸爸慶生，選擇左深水埗呢個地點，原本初初去打边爐，點知爸爸見到門口寫住38元4隻蠔嘅日本料理就嚷住要試，初初見到間野喺深水埗都冇乜期望，點知又有驚喜喎，頭盤黎左兩pack生蠔，好新鲜,好大隻，再黎一個刺身船，有七八款刺身，夠哂體頭，爸爸食得好滋味，跟住就黎左D壽司定食，全部喺手握嘅，D飯都幾好食，唔會酸而且勁抵食，唔記得左好似80幾元，又有烏冬，又有沙律，又有温泉蛋添，跟住就掛住食，冇乜影相，總括而言，下次會再黎