鵞鱻館

營業中

休息中

同朋友食完下午茶，再逛多陣商場，佢話請我食燒鵝，好呀餐館名為鵞鱻館，查一查意思，鵞乃鵝的異體字，而鱻，音鮮，原指生魚，解釋為新鮮，三條魚，味道鮮美也這裏裝修設計時尚，海洋藍色為主，卡位和四人圓枱私隱度極高，坐得舒適。 還有兩間VIP房當然先叫碟燒鵝皇 $108例牌兩個人食，叫咗碟例牌，呢個原價每碟$158，而家特價好抵。聽聞他們用獨門秘方炮製，鵝皮脆有光澤，肉汁多，皮下油脂豐富有油香，肉味濃，啖啖甘香我喜愛食燒鵝的原味，而朋友話加上酸梅醬非常之正。蝦籽遼參蝦球煲 $188呢個雖然冇特價，原個煲仔上， 上嗰陣時仲滋滋聲，香噴噴，值回票價蝦球大隻，爽身彈牙。遼參纖維豐富，有咗佢，個餸當堂升級，而且爽口彈牙，加上蝦籽，紅椒草菇等等，非常惹味紅燒妙齡鴿 $58乳鴿表皮甘香，脆皮鎖住肉汁，一咬落去，那種外脆內嫩的滋味，非常美味免費甜品 - 冬瓜蓉冰粉冰粉是四川特產，這個甜品，清爽微甜，顏色又夠吸引我們還一人叫了一個白飯$15，花生前菜$20，茗茶$15，合共四佰多元，謝謝朋友請客

喺到食過幾次晚飯 啲燒鵝唔錯今日瞓到好晏 嚟到已經係下午茶時間叫咗燒腩仔飯同燒鵝瀨粉燒腩仔皮脆肉嫩 肥瘦適中 五十定六十蚊都都幾多舊 好抵食燒鵝加瀨粉又係好抵食 我自己唔鍾意太肥嘅燒鵝 呢到就啱啱好 皮夠脆 鵝肉好香 好好食瀨粉唔會過鹹 加埋燒鵝食就啱啱好另外叫多咗個秋葵淮山杏鮑菇 成碟嘢唔會好多油淮山同秋葵都好爽脆 加埋炒軟咗嘅菇 惹味得嚟好舒服兩個人埋單$264 真係幾抵食❓

平安夜第一次幫襯，七點正見全場得三枱客，不過想試下呢間嘅燒鵝好耐，就照入去，叫咗個套餐，$508有上湯焗龍蝦，椒鹽鮑魚，例牌燒鵝，侍應問龍蝦加唔加伊麵底，OK，就加啦。落單兩分鐘燒鵝就上枱，唔夠一分鐘鮑魚同龍蝦都上埋枱😳😳😳。燒鵝非常普通，皮唔脆，醃味又唔夠，鳳凰村老牌燒臘檔重好食過佢。椒鹽鲍魚係又凍又乾，完全無椒鹽味，個龍蝦伊麵又係唔熱，係微温，鮑魚同龍蝦，我真係懷疑佢係整定，由落單到上枱前後唔駛五分鐘，感覺係高级版兩餸飯。個伊麵底加一百。算啦，無下次

朋友找到一處新地方飯聚，再三提醒要早一點到。那我就早點完成手上工作，趕緊晚上六時到達位於鑽石山港鐵站上蓋商場的「鵞鮮館」。店內裝潢時尚，有卡位及方枱設計，枱與枱之間空間感足，潔淨明亮，坐得舒服。此店主打鵞鮮館燒鵝皇和海鮮，小菜選擇也不少。❣️ 鵞鮮館燒鵝皇 (例) $108此店招牌菜是鵞鮮館燒鵝皇，原價$158/例，現時以優惠價$108/例，一定要嚐嚐呀 燒鵝皇香氣撲鼻，皮脆肉嫩，鵝油豐腴，油而不膩。鵝肉口感細緻，肉質不柴，濕潤多汁，鵝味濃厚，搭配酸梅醬吃，風味更佳。怪不得很多客人都會點燒鵝皇來吃。❣️ 杏片黑醋銀鱈魚 $138外層焦香酸甜，內裏銀鱈魚魚肉口感嫩滑，味道鮮美。意大利黑醋醬汁入口甘甜，更顯現銀鱈魚的魚肉香氣。加入杏片的杏香和爽脆口感，整體甜不膩口，滋味。❣️ 欖菜肉鬆四季豆 $108顏色翠綠的四季豆，爆炒得爽脆，沒有煮得太腍而影響口感。配搭欖菜肉鬆，鹹香味道出色，香氣四溢，惹味可口，非常有鑊氣的一道菜。❣️ 冬瓜蓉冰粉吃得飽飽的，準備結帳，店員免費送上甜品，真的感到驚喜。驚喜不只是在於免費，而是這個甜品非常美味。店員更跟我們說這個甜品是他們自家研製的冰粉，非常滑溜，加入冬瓜蓉，口

鑽石山站一出行5分鐘左右就到呢間酒樓，地點非常方便，我選擇非常之多，適合一家大細及老人家一齊食晚餐「燒鵝例牌」$108見佢招牌菜係燒鵝就點碟嚟試吓，都算幾好食，燒鵝肥大獄口，啖啖肉，燒鵝皮燒到好香，脂肪分布均勻，鵝油味幾香，例牌一碟都有十幾舊，再加埋個甜酸乳豬醬， 十分開胃醒神「黑蒜惹菌豚」$138大大碟，有好多菇同埋蜜糖豆，比較健康，蒜味非常之香濃，豬肉好爽滑，應該係豬頸肉，蜜糖豆炒得清脆爽口，呢碟餸炒得好夠鑊氣，不錯

同老豆去鑽石山食嘢，俾呢間連名都唔識讀嘅中菜館😂吸引咗，一於試下呢間餐廳先🤣餐廳裝修幾靚，乾淨光猛，座位寛敝舒適，客人好多氣氛好熱鬧。餐牌好多選擇，有小炒、燉湯、炒飯、餐前小食等等。鵞鱻館燒鵝皇(例) $108職員向我地介紹佢地有招牌燒鵝，而家做緊特價$108一例，超抵食！梗係要試下啦🤣！招牌燒鵝表皮超香脆，啖啖都好香鵝油味🤤燒鵝肉質嫩滑，啖啖都係肉汁，真係好好食！小朋友超鐘意食，佢自己一個ko咗半份🤫石鍋鮑魚雞粒炒飯 $168主食揀咗石鍋鮑魚雞粒炒飯，炒飯熱辣辣食特別滋味！😍上台見到好大一鍋，足夠2-3人份量，配料亦好多，有好多雞粒香菇菜粒等等，撈埋一齊食十分美味❤️欖菜肉崧四季豆 $108食咗咁多肉要食返少少蔬菜，四季豆好耐無食，呢個四季豆炒到好爽脆，味道唔錯！

呢間中菜新開左一排，以前都食過樂富分店，味道唔錯，值得推介比大家。餐廳樓面以酒樓黎講唔算大，不過勝在光猛同舒適，枱與枱之間相隔有一定距離，想要私隱既朋友可以選擇包廂房。當日叫左龍蝦組合，套餐食物都唔小，分別有燒鵝(例牌)、椒鹽蒸鮮鮑魚及上湯波士頓龍蝦，而我當日就將上湯轉左芝士再加伊麵(需+$50)，另外再叫左個椒鹽炸豆腐作餐前小食。落單後食物上菜速度都幾快，椒鹽炸豆腐最先搶閘，炸豆腐外皮炸得香脆，內裡嫩滑，椒鹽粉調味足夠，每粒都沾上椒鹽，份量仲要好多，抵食夾大件，我每次黎都必點。椒鹽蒸鮮鮑魚，先蒸熟後再灑上炸蒜及椒鹽，記得樂富分店係將鮑魚炸熟，呢到以蒸煮法令鮑魚保持鮮味，加上無咁熱氣，鮑魚食落鮮甜爽彈不過老，餐廳亦將鮑魚洗乾淨及去內臟，一拮就食得。不過兩種做法我比較喜歡香口惹味果種。燒鵝係餐廳招牌菜，做得十分有水準，燒鵝大隻肉厚，醃得夠肉入味，燒烤火侯時間掌握得好好，肉嫩皮脆，即使食到最後一舊燒鵝塊皮都係脆口鬆化的。店鋪既酸梅醬甜酸平衡，食落十分開胃。芝士龍蝦伊麵，當日一行二人，每人分到半邊龍蝦，龍蝦肉質爽彈鮮甜，蝦肉離殼易剝出亦無煮得過火。芝士汁好香芝士味，味道不錯，有奶香而且幾CR

今日约同幾位老友聚會，揀咗荷李活廣場的鵞鱻館，喜歡這餐廳位置交通方便，裝修新簇雅緻，坐得舒適。先來半隻燒鹅，皮脆肉厚有口感，肥肉不多，肉汁鮮，大家都讚不绝口，果然是鎮店之寶，是必食之選。生煎墨魚餅，煎得好香口，粒粒墨魚爽口彈牙，又要一讚。杏片黑醋銀鳕魚，新鮮炸好的銀鱈魚，再配上黑甜醋，味道不錯，但魚肉仍帶點腥味，扣分。金不換䐁肉炒河，好有穫氣，香噴嘖，再加上金不換的獨特香味，好美味。大家都非常滿意的一餐👍👍😋😋

星期五收工之後同朋友喺鑽石山行街經過見到呢間餐廳環境好光猛又整潔😍加上門口有個燒味部覺得好吸引就一於入去試吓🤣.💎$108 特價燒鵝王(例牌）餐廳做緊推廣優惠所以燒鵝有得特價呢個價錢就食到舖頭最出名嘅招牌菜之一😆每件燒鵝都好有油香 充滿鵝味肉質爽口 而且肥瘦均勻配埋酸酸甜甜嘅醬一齊食好夾例牌仲包埋一隻燒鵝髀🤩妹正.💎$168 魚香茄子蝦球煲我同朋友叫多咗個小菜用嚟飯食呢個魚香茄子蝦球煲上枱嘅時候熱辣辣😍茄子有少少焦香味配埋肉碎同埋大大粒嘅蝦球好好食蝦球好新鮮🥰食落口啖啖肉.💎$168 石鍋鮑魚雞粒炒飯平時炒飯就食得多都好少見到係用石鍋裝住上枱上枱嘅時候同樣都係超級熱辣辣🤣每粒飯粒都粒粒分明軟硬程度啱啱好而且鮑魚同雞粒嘅份量都好多真係每一啖都食到配料絕對係真材實料😍🤩.💎$15 茗茶/位.💎$20 前菜

喺荷里活廣場睇戲，朋友話想食中菜仲話已經諗好想食咩🤣坐扶手電梯上到3樓，係一間新嘅中菜館，叫鮮館，餐廳都尚算寬敞光猛，乾淨衛生，店員安排左卡位俾我地！餐廳燒鵝最有名，我地叫左個例牌燒鵝, 幸運到係燒鵝脾部位，鵝皮香脆，油脂甘香，肉質鮮嫩又有豐富肉汁，同著名嘅連鎖店有過之而無不及杏汁雞茸銀耳羹濃郁嘅杏仁配上爽口豐富嘅銀耳，有個湯羹感覺好滋潤七味鹽燒豆腐粒粒分明，每粒豆腐都外脆內嫩，做下酒菜一流蒜蓉粉絲蒸蟶子每隻$68， 有厚厚嘅粉絲鋪底，配上蒜蓉和蔥粒，朋友好滿意，仲想encore! 石鍋鮑魚雞粒炒飯絕對係餐廳心機之作，石鍋食到尾仲係熱辣辣的，底部的飯亦因為高温而變左了粒粒脆米，食到尾石鍋仍然是熱哄哄的！最後食返碗冬瓜茸冰粉解膩！整體很滿意的一餐！

燒鵝係我喜愛美食之一，朋友推介鑽石山荷里活廣場有平靚正燒鵝食，今晚佢話帶我去試吓！鵞鱻館是一間提供各式精緻粵菜和海鮮的餐廳，裝修時尚，具典雅風格。燒鵝王係用咗餐廳研製獨特的風乾及燒製技巧燒製。做到皮脆、肉滑、骨香、多汁。皮燒得非常之香脆，肉嫩厚肉多汁，加埋酸梅醬令肉質更加有層次。千島一字骨：一字排煎炸至四面金黃，拌入酸酸甜甜的千島汁之後，增添一份酸酸甜甜的香氣，食得更滋味。七味鹽燒豆腐：將豆腐切丁塊，炸至金黃色，皮脆內滑，再灑上七味粉鹽，一口一粒非常惹味。

這間舖的店名便告訴你出名是燒鵝，所以我和朋友便點了一份例牌燒鵝。燒鵝來到枱面的時候，脂肪不多，肉汁豐富，不會有很大的羶味，當然吃起來比一般的燒鴨更嫩滑，半份燒鵝的份量絕對不少，但由於我和朋友太肚餓了，所以拍照的時候，最上方的一層已被我們吃掉。我們還選了要一份山楂咕嚕肉，可見咕嚕肉配以山楂酸酸甜甜，比起一般只靠醬汁啲酸味來得溫和一點的口感，而且咕嚕肉炸得香脆入口不俗。飯類方面，我也點了一個石鍋鮑魚雞粒炒飯，石鍋保溫，讓整餐飯吃起來飯都是熱騰騰的，而且用料也很多，啖啖都能吃到雞粒或鮑魚。最後菜選了蒜茸炒豆苗，豆苗鮮嫩配上蒜茸炒，的確是最佳配搭。

荷里活廣場中式菜式除咗酒樓, 其他食肆都較普通， 最近開了間人人氣中菜酒家 「鵞鱻館」， 主打燒鵝和海鮮。 今晚跟家人一行7人到達， 門口有魚缸養了各樣海鮮，和掛滿燒鵝， 脹卜卜的， 看來不錯。 我們分別叫了不同食物， 整體質素不錯。 【燒鵝皇】推廣價 HK$198 （半只)燒鵝皮燒得好靚, 燒鵝皮脆卜卜, 燒鵝皮跟油層分開, 皮脆肉嫩, 只嫌油比例多。.【避風塘賴尿蝦】$238 /只一上枱已聞到香口的味道， 用豆豉喎乾蔥蒜頭辣椒爆香， 又辣又香， 很野味！ 唯一只嫌賴尿蝦size較少。 【金不換炒蟶子王】蟶子用金不換炒是新嘗試， 味道食落也不錯， 蟶子肉厚爽甜， 跟金不換配搭得不錯。【煎墨魚餅】墨魚餅配馬蹄一起煎，配雞醬一起吃， 口感爽口，味道適中。 【櫻花茶炒飯】炒飯來說， 這家店的水準算很高， 炒飯以鮮蝦，蛋配以櫻花蝦走油之後一起炒， 炒飯粒粒分明， 櫻花蝦香脆，值得一試👍。

自從屯馬線開通後，往來鑽石山站更方便，在上蓋商場購物順便食完晚餐才回家。 在商場三樓，有一間簇新的中式食肆，門面左邊擺放一列幾個大魚缸，🐟🐟🦞🦀供客人挑選；在旁有燒鵝，賣相相當吸睛，這個設計非常配合酒樓名稱「鵞鱻館」。 店內的裝潢及色調真是清新脱俗，突破傳統的感覺。 🌸鵞鱻館燒鵝皇-例牌 (特價$108)色澤明亮，皮肉之間帶點油脂，鵝肉入味，其燒鵝製法與別不同，八掛一問，原來用特別風乾及燒製技巧，所以外皮特別脆口，令人回味無窮，值得推介。 🌸雲勝百合炒蝦球($188)材料十足，🦐爽彈牙，勝瓜清甜多汁，一股田園清新味道。 🌸七味鹽燒豆腐($58)厨師手藝了得， 簡單的食材就做出一個出色的菜式 ，薄薄脆漿包著雪白的豆腐，炸出外層金黄，入口非常酥脆而內軟滑，而且七味鹽燒味道又不太濃，真係食唔停！ 整體非常滿意，除味道好之外，侍應服務周到，座位舒適，原來仲有12人大枱仲係獨立房間，下次就可以訂跟家庭聚餐啦！

在志蓮淨苑做完義工之後和義工朋友到附近鑽石山地鐵站的荷里活廣場覓食，經過3/F一間開業不久的鵞鱻館；門外廚窗掛上令人垂涎欲滴的肥美燒鵝皇和其他出爐燒味；餐廳內的裝潢瑰麗堂皇、光線明亮和座位寬敞舒適。必吃鎮店之寶的燒鵝皇，兩人叫例牌份量十足，鵝肉有口感醃得入味和外皮脆，確是與別不同，值得推介。伴上配角開胃的山楂；令主角酸酸甜甜的咕嚕肉，不覺油膩。一啖一口的新鮮熱辣辣七味鹽燒豆腐，外皮香脆，內部嫩滑，溫馨提示：要小心吃因為好夠熱。。有創意的開胃杏片黑醋銀鱈魚，配合杏片和黑醋，提升了鱈魚味道，另有一番滋味！鵞鱻館還有矜貴的鮑參翅肚、生猛海鲜類和多款巧手粵菜，下次要帶埋屋企人來吃。