鵞鱻館

營業中

休息中

晚上跟同事在鑽石山開會後，經過一間荷里活廣場見到一間新式中菜餐廳「鵞鱻館」，被門面鮮明的裝修吸引，決定一試 ，它是間新派中式風格加上白色雲石及湖水藍綠色為主題，佈置簡潔又貴氣，座位寬敞，環境不錯。餐牌選擇很多，主打各式海鮮，招牌燒鵝皇，鑊氣中式小菜，涼菜小食，乾鍋，中式甜品等，餐前有花生小食一碟。鵞鱻館燒鵝皇 ，必試招牌菜，賣相甘香吸引，份量十足，燒鵝半肥瘦，鵝皮燒得香脆而肉質夠滑，油脂感十足，燒鵝肉味道濃郁，肉質嫩滑，甘香可口，彈牙多肉汁，蘸一點酸梅醬汁更能提鮮！馬上點了一個白飯，盡吸燒鵝皇汁，伴飯一流！杏片黑醋銀鱈魚，上菜時賣相精緻，銀鱈魚外層爽脆焦香入口甘香，伴碟精緻的鮮花，打卡一流，魚肉口感很細嫩綿滑，夠火候的魚油香味四溢，酸甜黑醋味到好處，十分醒胃。瑤柱海味雜菜煲，份量大碟上湯浸過後依然嫩綠，好像一個小山，菜種及菇菌類款式多，口感爽脆，鮮味很突出，瑤柱及蝦干材料十足，清而不膩，健康之選。整體來說，餐廳食材質素及環境很好 ，打卡一流，菜式認真製作，令食客感受中菜吸引之處，加上員工主動有禮，對這間走新式中菜餐廳十分滿意，值得一試。

今天來到鑽石山荷李活廣場三樓的「鵞鱻館」食晚餐，餐廳名字很特別。查查字典，原來是「鵝鮮館」的異體字。顧名思義，這餐廳主打“鵝”。這餐廳裝修簇新，佈置得非常雅緻，尤其是儼如小廂房一般的卡位，我最喜歡。到這裏來，當然要嚐嚐招牌菜------燒鵝。“燒鵝皇（例牌）”，一大隻燒鵝髀，酥脆外皮，甘香可口，肉質特別嫩滑肥美，肉汁豐富，是必食之選。“杏片黑醋銀鱈魚”，肉質鮮嫩的銀鱈魚，外面包粉漿炸脆，外脆內軟，加上黑甜醋和香脆的杏仁片，有出奇好的口感，讓人食出驚喜來。“台南高山手撕雞”，有手撕雞肉，爽口的雲耳，酸甜青瓜，微辣惹味。雖是冷盤前菜，仍然有質素。“冬瓜冰粉”，附送的甜品，味道卻奇佳。用冬瓜蓉加冰粉製成，清甜冰凍，滋潤可口。能夠在舒適的環境下享用高質素菜餚，真是人生一大快事。

平時食野睇戲，一定睇下食評才選擇，因為難得飯聚， 很怕中伏。今次爸爸生日，五個人去食晚餐，有燒鵝、鮑魚、龍蝦、蒸魚、文昌雞和七味粉豆腐。其實是叫了兩個餐，結果包羅萬有，每道菜都好食。但是每個餐都不貴，大概五百元一個餐（三道菜），因此期望較低，料不到龍蝦和魚都十分鮮甜、而且厚肉；鮑魚和豆腐用椒盬，意外是其外皮炸得酥脆；燒鵝就真不愧招牌菜， 啖啖肉， 味濃皮香。平時都不寫食評，今次覺得真心抵讚，所以要同大家分享！

以前拍拖好鍾意去鑽石山荷里活廣場買東西，而家結咗婚就鍾意去荷里活廣場睇戲🎬 食晚飯，再行下日式小家品店。扶手電梯上3樓旁邊發現開咗間新餐廳，我連個名都唔係好識讀 鵞鱻館，所以就引起左我嘅好奇心。外面望入去裝潢都幾靚，餐牌見到招牌菜係我最鍾意食嘅燒鵝皇，一於試吓！餐廳裝飾充滿了 Tiffany Blue 風格，既摩登且時尚，有特色卡位適合一家大細；枱與枱之間距離空間足夠，乾淨衛生，坐得舒適。餐廳主打燒鵝皇，店長亦有推介限量新鮮海鮮、前菜小食、廣東有鑊氣小炒、特色炒飯；一於每樣都試吓！ 鵞鱻館燒鵝皇(例) $108個名叫得做獨門秘方一定有驚喜，招牌燒鵝特價推廣，一份例牌 $108，CP值好高！例牌嘅嘢乜嘢部位就睇彩數啦！我今次行運啦，有燒鵝髀！上堂熱辣辣香噴噴，燒鵝皮脆肉嫰，鵝皮香脆甘香，每一啖都有鵝油香，齒頰留香。鵝肉味道濃郁，肉質嫩滑，甘腴可口，彈牙又有肉汁，最緊要就係蘸一點酸梅醬汁，特別和味，同深井有得 fight! 七味鹽燒豆腐 $58炸得金黃色豆腐一口 size 容易食，一層脆皮外皮，薄脆鬆化，香口不油膩，口感外脆內軟，香辣調味十分惹味。山楂咕嚕肉 $128原來真係有山楂，天然山

11月5日揾食肥華與一班前眼科同事，在此店預訂咗一圍鮑魚星斑宴 ，為前上司陳sir擺生日酒，當晚竟有意外驚喜，獲此店安排一間廳房入座，使到能有私人空間享用此圍酒席，而當晚酒席中原有嘅每款菜色及額外另加嘅此店招牌食品原隻燒鵝，都係有水準之作，令到出席此餐生日宴同事，對此圍酒席都表示滿意，加上肥華帶來的兩紅壹白的餐酒，和同事門送給呀Sir，的生日旦糕，更為此餐加添歡樂氣氛，杯上杯落齊賀壽星Sir生日快樂，身體健康，而此店侍應員工當晚對客表現亦欣勤到位 ，美酒佳餚加上貼心的服務，真係要多謝此店為我們提供到一個成功的生日宴會💯👍👍👍

以燒鵝為主打的在香港都有很多，不過稱得上美味的，為數甚少。今晚便來到荷里活廣場內這食肆是一試。鵞鱻館燒鵝王$158，上枱的時候，燒鵝還有點點暖意，燒鵝鵝皮香脆可口，脂肪甘香惹味，鵝肉味道十足，不愧以燒鵝為主打的一間食肆。如果喜歡吃燒鵝的，必定一試。生煎墨魚餅$138，麥魚餅來的墨魚膠爽口彈牙，還有豐富的墨魚粒，已經很久沒有吃過這麼美味的墨魚餅。欖菜肉鬆四季豆$108，四季豆沒有過火，所以沒有苦澀味，欖菜的香味混合肉碎之後，是一道非常惹味的小菜。

第一次黎呢間食晚飯，比起傳統食中菜酒樓，坐得更舒適，餐廳嘅裝修十分雅致鵞鱻館燒鵝皇(例）$108呢個有特價，好抵食，燒鵝皮脆肉嫩，油脂分布得好靚好多汁，食落啖啖肉，又香又滑蝦子海參豆腐煲$158海參煮得夠腍，口感又爽又冇腥味，豆腐好香好入味肉鬆黃金魷魚鬚$88蛋黃肉鬆魷魚咬落酥脆，第一次食呢個味道，原來係可以好夾最後送咗兩碗冬瓜冰粉，係呢到嘅特式糖水，飲落好清新又解膩，味道又唔會過甜，值得一讚👍🏻

同老公去鑽石山荷里活廣場睇戲，之後去搵餐廳食飯，經過一間餐廳鵞鱻館，門口窗廚都掛咗啲燒味好吸引，老公見到佢最喜歡嘅燒鵝，轉眼已經登記入座去了。餐廳裝修雅緻，燈光明亮，座位寬敞舒適。燒鵝半隻：餐廳選用重約5至6斤皮薄肉嫩的黑棕鵝，黑棕鵝骨細肉嫩又多汁，味道鮮美，以秘技燒製出別具風味的燒鵝，色澤鮮明，皮脆肉鮮嫩，配以酸梅醬更美味！紅燒妙齡鴨：乳鴿即叫做，熱辣辣香噴噴，皮嫩肉嫩，肉質鮮美。七味鹽燒豆腐：豆腐色澤金黃有如小金磚，豆腐表層香脆，內裡滑溜，配上七味粉，讓豆腐變得更加惹味！櫻花蝦炒飯：加了櫻花蝦的櫻花蝦炒飯，香氣撲鼻，炒飯粒粒分明，配料還加入鮮蝦粒，食落除了有香味，還有爽口鮮甜的口感！

中菜一直以來都是大眾化以及受歡迎的菜色之一，這次我們來到了位於鑽石山荷里活廣場的鵞鱻館試一試！入到餐廳，整個環境氣氛都很時尚，餐廳的裝修新淨，而且地方很企理乾淨，坐得非常舒適。我們兩人點了肉鬆黃金魷魚鬚、涼拌海蜇花、瑤柱海味雜菜煲和石鍋鮑魚雞粒炒飯。肉鬆黃金魷魚鬚，上菜的時候香氣十足，油炸的酥脆香味，鹹蛋黃的香味和魷魚的鮮味都非常豐富。魷魚鬚炸得非常之鬆脆配上鹹蛋黃和肉松鬆一起進食，非常的配搭，美味可口。而且份量也很大，性價比很高，值得推介！另一個前菜是涼拌海蜇花，這個涼拌的醬汁調配得非常之好，酸味鹹味都適中，而且帶有適量的麻油香味。海蜇花很入味，而且口感爽脆的，非常好食。還有木耳和青瓜等配料，很豐富很開胃，可以一試。瑤柱海味雜菜煲，一上菜已經看到非常多種類的海鮮，有鮮蝦，蝦乾，魷魚等。而且蔬菜的種類也有很多種，還有一些粉絲。整體的調味非常入味，蔬菜烹調的熟度也剛剛好。值得推介！最後是石鍋瑤柱雞粒炒飯，上菜的時候石鍋的熱力很猛，香氣十足。切粒的鮑魚以及雞粒的分量也很多。而且這個炒飯炒得很出色，飯粒粒分明，調味道位，顏色也上得很靚。色香味俱全！

呢間個名好特別，我唔識點發音🫣原來係出名食燒鵝的‼️外觀看似酒樓的門面，內裡感覺好寬敞舒適，好有空間感別有風格的中菜館「燒鵝皇」平時我多數都會食燒腩仔，好少食燒鵝，因為一般都價錢比較貴但呢度而家有優惠價例牌都只係$108咋‼️燒鵝肉質好肥美，充滿油香燒鵝皮有少少脆口口感有啲嚼口，但鵝嘅味道好濃「石鍋鮑魚雞粒炒飯」石鍋keep住都好熱辣辣，食到尾仍然有熱度仲有我最鍾意嘅飯焦鮑魚雖然係切粒，但每啖都可以食到Q彈嘅鮑魚～～炒飯做到顆粒分明，鮑魚汁炒飯真係非常惹味❤️相信無人會抗拒得到‼️「羅漢上素」雲耳非常爽脆食咁多肉，要食返素菜平衡下蝶豆花冰粉紫色的顏色好有視覺效果加左冬瓜茸，味道冰涼清甜

同媽媽去荷里活廣場行完街，見到有間新店，門外有一個魚缸，有龍蝦及魚。餐廳裝修新，有圓枱梳化位，坐得幾舒服。蒜蓉粉絲蒸蟶子 | 每隻$68兩隻蟶子$136，舖滿了蒜蓉及蔥粒，看起來十分豐富。面頭有大量粉絲，聞到好香油味，蟶子大隻鮮甜。脆皮燒鵝王| 例牌特價$108 原價$158 ，新張期特價$108。燒鵝皮香脆，肉質嫩滑而且有汁，脾位啖啖肉。杏片黑醋銀鱈魚 | $138第一次食銀鱈魚用這種烹調方法，一落枱聞到黑醋的香味。銀雪魚炸過，加上黑醋汁凝固成一層脆面凝膠，外層脆內層軟滑。甜品 送贈的甜品為冬瓜冰粉，甜味適中，冬瓜蓉味道突出，夏天食幾解暑。

鑽石山這個商場已經進駐了很多不同菜式的餐廳。今日來吃這間是新餐廳，名字很特別叫「鵞鱻館」，一看就知道是吃燒鵝和海鮮很出色啦！餐廳裝修很光猛清新，一邊牆全部是長方形卡枱位置給二至四位享用，另一邊是圓形枱做了入牆枱局給六至八位享用，天花燈用上微藍光照射，給人感覺好舒服又前衛。獨門秘方燒鵝皇 特價$108例講得是獨門秘方燒鵝皇，我們一定點這個啦！見到枱枱也是點這個就知道是王牌，例牌份量也很多，皮燒得非常之香脆，肉嫩厚肉多汁，油脂分布平均燒鵝要帶少少肥先至甘香，加埋酸梅醬令肉質更加有層次。漁家小炒皇 $168這款小炒皇同平時吃的有少少不同，這裡師傅加了脆炸芋頭條非常香脆有咬口，魷魚蝦乾非常厚肉大隻又入味，韭菜花翠綠新鮮爽脆。石鍋鮑魚雞粒炒飯 $168熱辣辣石鍋鮑魚雞粒炒飯，一上枱沙沙聲香噴噴，一大鍋份量很足，鮑魚雞粒非常入味彈牙，炒飯做到粒粒分明炒得夠乾身非常鮮味。

My families and I went to a restaurant called "BISTRO OF GOOSE" （鵞鱻館）located in Shop 320C, 3/F, Plaza Hollywood, 3 Lung Poon Street, Diamond Hill鑽石山龍蟠街3號荷里活廣場3樓320CRestaurant adopted in light color tone with rattan arches booth seatings,white semi circular booth seatings"Roasted goose"鵞鱻館燒鵝皇HKD$158/regular 例Roasted goose is this restaurant signature dish!crispy skinjuicy tender meatnot over seasoning nor too salty“Stir fried shrimp with Black fungus luffa ”雲勝百合炒蝦球HKG$188The shrimp is springy and

原來荷里活廣場開咗間中菜館，今晚放工帶媽咪嘆下中菜，店舖光猛座位寬敞，睇下菜牌有龍蝦二人餐$498，有燒鵝有鮑魚，就食呢個啦～～🤪｜椒鹽鮮鮑隻6隻｜每人食到三隻～炸得外邊黃金香脆，咬落又軟滑柔韌，食完一隻停唔到要食第二隻～～🤩🤩🤩｜脆皮燒鵝（例牌）｜本來以為例牌份量唔會好多，上菜時好驚喜份量好足，燒鵝皮脆脆哋，肉質唔會韌仲好有肉汁，蘸啲甜酸醬食好好味～甜酸醬唔會過濃搶去燒鵝鮮味～🥰｜上湯焗波士頓龍蝦 加$50伊面｜份量同樣巨型！龍蝦好新鮮一食就知係新鮮煮，肉質好爽口鮮甜，令人一食回味～上湯伊面掛汁一流～份量多到打包走都得👍🏻最後仲送冬瓜冰粉，甜甜地、清清地夠晒清熱～

鵞鱻館係荷里活廣場唯一自設魚池嘅酒家，可以品嘗到最鮮活嘅海鮮🐟🦐🦞🦀。除咗海鮮，聽聞呢度嘅燒鵝都好出名，今日我哋就嚟試吓喇😙🦢脆皮燒鵝王例牌 $108喺呢度一定要叫碟燒鵝食🥹，例牌一啲都唔馬虎，唔會俾晒啲頭頭尾尾你食。食燒鵝，燒鵝皮係重點，脆得來又帶點鬆化，咬下鵝油咇岀🤩，好香呀！肉質鮮嫩濕潤juicy，一口一口食到停唔到口🤤🐖山楂咕嚕肉 $128咕嚕肉稍為輕炸過，炸粉唔會勁厚，外脆內軟，平時出去食嘅咕嚕肉會有啲硬，呢度嘅好食好多🤭。佢啲汁酸酸甜甜，本身唔係好餓嘅我啲胃口都番晒嚟😂🐥石鍋鮑魚雞粒炒飯 $128即叫即炒，小心個石鍋超級熱。超大鍋，炒得乾身唔油膩，雞肉同鮑魚切成細粒，可以混合炒飯一齊食，增添口感和味道。每粒飯都上晒色😍，味道均勻，調味剛好，最鍾意就係有飯焦係底‼️，口感脆卜卜，雖然熱氣， 但忍唔住全部食晒👍🏼食完仲有個自家製嘅冬瓜蓉冰粉送番，好似啫喱咁，入口冰涼滑嘟嘟，又唔會甜到飛起，作為飯後甜品真係好正☺️