鴻苑燒味

營業中

休息中

肉質過老，口感欠佳因為好耐無食過燒鵝飯，見附近有一間燒味店雖然見到裝修有D殘舊，但都衝入去，今日叫咗份燒鵝外賣，好期待住，但係...燒鵝飯 ($50)包裝OK，但係一打開，就發現啲鵝肉唔係咁吸引。(雖然飯同肉既份量都幾多, 同埋有菜送)睇落去鵝皮已經燶燶地，食落去就發現有苦味，肉質過老，咬起上嚟好似嚼木頭咁。肉質過老，啲汁都唔夠，食落去乾乾地，完全無咗燒鵝嘅香嫩。價錢嚟講，雖然唔係好貴，但係食到嘅口感，真係唔係咁值。總括嚟講，呢份燒鵝飯外賣，雖然包裝同份量都OK，但係肉質過老，食落去口感唔好，下次應該唔會再叫。

鴻苑燒味係新開張冇幾耐，此店前身係華億燒味飯店，鴻苑一開張嗰陣時一，鹽焗雞係賣緊$80蚊一隻，不過由於疫情太過嚴峻嘅關係，所以雞嘅來貨數目少咗好多，店主迫於無奈只有加價由$80蚊再加多$20蚊，即係$100蚊一隻鹽焗雞，不過鴻苑嘅鹽焗雞的確係好大隻，而且有好重嘅咸香味道，一聞到就已經知道必定係好食，除咗鹽焗雞之外，其他嘅燒味質素都相當唔錯，燒鵝飯真係好抵食，只係賣$38蚊一盒，又多一間美味嘅燒味店喇哈哈🤣