鴻福海鮮四季火鍋 (已結業)

即興想打邊爐，中等價錢當晚都full曬；酒鍋應該唔洗等，但兩個人埋單要$1500左右。以為呢間店舖殘舊d唔會貴得去邊啦⋯⋯兩個人竟然食咗$1100餐廳食材新鮮，但價錢確實貴咗：$78一隻大蝦(寫住時價要問多幾次先講)，扇貝$88一隻貴到唔敢叫。最後個價錢同酒鍋差唔多但係大排檔環境，值唔值就見仁見智啦。餐廳特色係可以打邊爐+炭火燒肉一齊，排除價錢係幾過癮⋯⋯提醒：只有手寫收據，無打印收據；最好帶定幾千cash先好過來食。

剛走入呢條土瓜灣的小巷中，已聞到陣陣炭火。餐廳分燒烤、火鍋兩種，兩種均以炭火即烤，甚有特色，識食梗係兩種都試下啦！的確，要食炭火即烤風味，時間等得耐在所難免，各位要有點耐性！燒烤方面，我地嘗試咗柯打咗鮑魚、蠔、蟶子、白鱔圈、乾魷魚等等。我哋呢班炭烤新手，完全掌握唔到啲蠔、鮑魚幾時先食得，不過店內姐姐個個都好有人情味，主動同我哋講邊啲可以食，小窩心。烤蠔味道幾好，蠔肉都算大粒，食落幾有口感。我偏愛品嚐生蠔嘅原汁原味，但喜愛味濃嘅人不妨自行添加調味。未烤前嘅鮑魚已經非常生猛，烤完後肉質彈牙又鮮甜，係我嘅必食推介。成餐一共柯打咗十幾碟食物、又啤酒又可樂，最後埋單每位$373，唔錯！

就嚟冬天一直好想試吓呢個炭爐加火鍋海鮮。個地點都幾難搵，喺條巷仔入面環境其實都幾差當係原始風味既一種啦😂😂海鮮價錢同出面餐廳食嘅差不多不過係大隻㗎上枱仲識得郁！！另外火鍋揀咗冬陰公湯底出面比較少有所以想試吓，冇想像中咁辣清清地其實幾啱打邊爐。食咗幾個生麵🤣🤣好正！叫咗鮑魚大貝帆立貝帆立貝佢有一個特別嘅醬比你嘅！一定要加！！味道都好好好香！！d呀姐都幾熱情成個氣氛好好冬天最啱幾個朋友一齊打邊爐取暖不過要預咗食完成身炭火味。

男朋友心血來潮，放工去土瓜灣食炭爐打邊爐。環境似大排擋，不要有太大期望，但姐姐們雖然有點粗聲粗氣，但服務係體貼的，耐心地指點我地點樣燒。兩個炭爐拼在一起真的太熱，但食物超好味，而且新鮮大大件，下次要冬天先來。鍋底選了咸菜魔鬼魚，味道特別，魔鬼魚在香港好少食到，我自己在馬來西亞旅行的時間食過，肉質一絲絲，好好食。男朋友點了特多的海鮮，白鱔圈厚切，燒起來再加餐廳的醬油，爽口滋味。本地手切牛肉可燒可打邊爐，燒的話就香口，打邊爐的牛肉吸收了湯底的味道，各有千秋。是次二人消費共八百三十元，好好體驗香港大排擋的特色。

記得第一次食係一大班同事去炭爐仲叫左個象拔蚌刺身,幾爽,但環境始終唔敢多食生野事隔幾年再去係朋友想食特色火鍋地方唔就腳,一係的士一係揸車先去到叫左個藥材滋補鍋湯底:幾香鮮雞潤牛肉:唔太差新鮮鵝腸:黑柏葉:幾爽雞子:小小雪味，幾大粒食完全身都會有燒野食既味，兩個埋單都五百幾，如果食環境就完全唔值，行條窄巷先到加無裝修佢另外仲有燒野食不過我諗味必會再去因為外面都有好多選擇，除非你對炭爐情有獨鍾

一行幾人前兩天特地黎到土瓜灣食炭爐火鍋，一開頭睇個名，以為係大大間嘅街坊式酒樓，去到店先發現原來係間相當地踎嘅小店 ，地方唔算大，大概放左5-6張長枱。我地開頭先攻海鮮：司奄、螺、蜆同聖子，估唔到新鮮之餘帶點炭香，而且保留到海鮮入面嘅水份👍後尾我地重貪得意嗌左碟乾吊片黎燒，懷緬一下以前舊式街邊燒魷魚果種風味，果然香脆可口，正呀！我地跟住嗌左個羊腩煲做邊爐湯底，非常足料！我地六人每人都分到起碼3-4舊羊肉，無膻味而且肉質香口，本身有少少抗拒食羊肉嘅我都忍唔住一舊接一舊！湯料其實普遍都平，質數亦唔錯，係碟美國牛肉有少少事與願遺。以為地踎小店就無服務可言？錯喇！呢度嘅店員雖然都係粗聲粗氣，但其實非常熱心，會同我地有講有笑，見到我地燒田雞時重從旁教我地要點啲豉油再去燒先至夠香夠入味！呢間小店充斥嘅除左炭香，重係濃厚嘅人情味♥

九龍尤其是紅磡這一片一直到太子這一片都是老一輩的香港人居住的地方，自然美食的品質都比較好一點了，這裏據說以前還拍過電影古惑仔，店裏燒烤比火鍋好吃一點，在這裏吃東西還有那麽一絲懷舊的情懷

星期日放假！一於同屋企人4圍食野！細佬女友話想食炭爐邊爐，我即時打電話比我個美食錦囊（朱頭），佢介紹左呢間隱世既炭爐邊爐比我，當時我同屋企岩岩響銅鑼銅鑼行完街，亦因爲大家都唔識點去，就直接由銅鑼灣飛的落土瓜灣😎去到土瓜灣落車，要入一條小巷仔先到食店，去到店員問我地有無訂枱？我答無！心諗：吓！唔係掛！細店都要訂枱？幸好我地都只係等左一枝煙既時間，好快可以入座🤪入座後，大家一齊昅吓餐牌睇下有乜好食？眼見湯底都有好多款，配料都算多野，不過好食唔好食，新鮮唔新鮮就要食過至知道喇！打邊爐就係好在因為係烚吓烚吓，大家都可以揀自己鐘意食既配料，不過我發覺男人真係食乜都無所謂，最好就唔好問佢地，因為得出答案大多數都千篇一律都係『無所謂』『你話事』『是旦隨便』，所以我問都廢時問呀哥細佬，直接點晒自己鐘意食既野🤣雖然好多湯底選擇，但我地最終選擇最大路既豬骨湯底，下次會同朋友試其他湯底！今次打邊爐配料點左：鮮牛肉，雞子，響零，脆骨腩，白鱔片，魚卜至於燒烤配料就點左：牛脷，雞軟骨，茄子點既都係大路食物，無乜特別！不過好在有我喜歡既響零，魚卜同鱔片頂住，唯獨個茄子🍆真係唔知點解燒極都唔熟😅因為仲會有下場，所以呢

未曾試過咁難食既煲~~~以前去過諗住再去食下食左一啖就埋單走。仲要煲無肉。。食落去好似煲湯豬肉咁!我究竟系緊羊肉定豬肉呢?價錢同個煲都唔合理既!!好食的話幾$唔系問題~~仲要煲得個幾舊小小的肉。。藥材多過啲肉!!真心以後都唔會再去~環境已經唔系太好!都差不重要!~

10月8日同班知己良朋到來，心情真巧緊張，因為每個人都是第一次去食炭爐火鍋，這裡食材很新鮮，但美中不足的地方是有很多食材都沒有，因為唔啱時候，下次我們會再次來食。我最愛吃海鮮，好新鮮好好味

聽聞好出名，突別同一大班朋友試下，地點都幾隱蔽，跟著地圖都有d難度，喺條後行入面，門面唔起眼，入到去姐姐就問燒定打邊爐呀，可以兩樣一齊，咁我地就梗係要試上啦，燒炭爐叫左唔小海鮮，有大硯，飽魚， 大鱔片，多春魚，飽魚新鮮到一路燒佢一路仲爭扎而大硯冇沙，清甜，仲有叫左九菜花， 雞腎都好好味，有時候姐姐見我地唔識燒會教路㗎，好親切，打邊爐嘅配料都有20-30款選擇，不過個煲細左小小，每次唔可以放太多野食落去，因為我地有10人，就要等耐d,不過食物新鮮等一陣都可以接受，會介紹俾朋友

好耐之前已經聽過呢間巷仔店，亦都聽朋友講要預先最少一星期前訂位。。尋日心血來潮即興預約居然有位。。難得去到，梗係一次過試晒炭爐燒同邊爐。啲姐姐都好好，見我哋2個新手第一次食，都好主動幫我哋同教我哋點用佢啲自家製醬料燒會好食啲。佢哋嘅自家製辣醬一啲都唔辣，但加埋落去啲食材度燒，即刻變得好惹味。海鮮食材燒係比較出色，不過海鮮價錢略兼貴，4隻蝦都已經180蚊！手切牛不過不失，不過都係燒比較好味。而丸類就完全唔得。。

炭火燒......炭燒美食，以燒海鮮為主.....大家都變態咁望住啲鮑魚係炭火上係咁郁.....仲有第一次食燒魚春，原來要加點豉油，超細火咁慢慢燒..........燒完外脆內軟！另外，墨魚滑用來燒，係好好味架，哩個燒完好香，外脆內彈牙！哩度仲有新鮮鵝腸，見到啲肥膏就對板了！海鮮也新鮮，鮑魚/聖子/大鱔/象拔蚌仔真的超正！而肥牛無論打邊爐定係炭燒也出色！雖然我們有叫火鍋，但其實湯底一般，只是用作煮菜用途，大部份食物也是以炭燒為主！而地方真的是地荗，好彩還算乾淨！而店內姐姐也十分友善！

朋友介紹去，去前已上 openrice research 吓，都知道是什麼狀況，朋友喜歡去，我也抱著難得見吓朋友，所以，燒賣就燒賣，加上，我又未試過在香港吃炭爐（廣州吃過）。我們二人火鍋兼燒烤，點了：火鍋：鹹酸菜魔鬼魚湯底（未吃過，有新鮮感，但又唔係話好好味）本地肥牛（唔講以為係普通牛肉、好鞋、冇牛味）美國筒蠔（好細筒、蠔唔大隻、冇鮮味）黑柏葉（還可以）魚皮餃併韮菜餃（惡劣）皇帝菜（一般新鮮）火鍋配料冇樣好食，最好食，反而係湯底嘅魔鬼魚，唔該唒～燒烤：白鱔圏（好味的）牛脷（可以的）雞心（可以的）雞腎（一般）酒水及其他：三支朝日啤酒、兩隻蛋埋單 $850+，如此食物質素，這個價錢，我赤都肉埋，其實，哩個價絕對有 1/3 係招呼你玩炭爐、及隨便吸煙，Ok～ 炭爐哩啲嘢，玩一次已好足夠，食物劣質，個爐識飛都係冇用，喺九龍城求其搵間火鍋店，用同樣價錢，食物質素一定好好多，淨係碟手切本地肥牛已經靚到曉叫，叫埋波士頓龍蝦都仲得。奉勸各位，唔好咁貪玩，俾幾多錢應該食返什麼質素食物，如果真係想食炭爐，自己買幾包炭，帶埋個煲去郊野公園，一樣做到哩個效果，環境仲好好多添，再用 $800 去街市買食物，和牛

次次出去食飯總係煩惱打邊爐定烤肉好，可以一次過食晒２樣就完美啦。原來鴻福海鮮四季火鍋真係有呢件事，幸好唔使點排隊都有得食～呢度火鍋湯底都幾多特別選擇，建議大家好似我咁揀魔鬼魚湯底 ，咪以為佢好奇怪阿，其實味道辣辣地用嚟淥肉最正～而且呢度最特別係無論火鍋定燒烤都係用炭，係炭！用炭的話食物出嚟嘅味道就更加原始，亦都唔會太油膩。雖然話可以兩樣一齊，但我覺得海鮮用嚟烤最好，大家記得一定要點鮑魚同聖子，烤完鮑魚勁爽口彈牙，而聖子Ｄ鮮味就出曬嚟，正！！火鍋的話魚皮餃都好夠味，而牛肉等等嘅肉類都好新鮮，點淥都唔會老唯一可惜就係鱷魚肉，味道有Ｄ奇怪，可能係我個人口味問題啦～整體嚟講呢度食物真係幾高質，雖然價錢唔算好平，但可以烤淥同步又有咁多選擇，抵玩啊～