鴻福堂

21-1-2025 (Tue)運輸公司送年糕劵俾我哋，今次係鴻福堂，睇睇張劵，係金腿瑤柱蘿蔔糕，俾劵當日，係可以喺全線鴻福堂攞嘅最後一日，之後日子就要去指定鴻福堂攞，印象中，我冇食過鴻福嘅，我就喺-1-2025（Sat）同老公食完晏嚟攞，店員都提醒返到屋企要雪，重順便講句祝福語。到29-1-2025（Wed）大年初一朝，就同老公切年糕先蒸嚟食，喺切嘅時候都有啲難，因為較實淨，見到係有瑤柱絲，蒸完軟腍腍，調味適中，口感都正常冇問題。之後兩朝都有煎嚟食，當然自己煎到外脆內熱食冇影響味道。…查看更多

黎到荃灣海之戀，揾小食醫肚，鴻福堂應該都唔差掛，所以就試下。買左燒賣$12/10粒可能放在熱櫃一段時間，所以燒賣好乾好韌，唔太好食，有d失望，仲要貴過阿波蘿$10/10粒，冇下次lu。…查看更多

#偽廚娘系列日煮夜煮, 三條king 需求都唔同, 真係煮到無停手有時煮到悶 煮到累, 就「外賣」啦😂今日就試左鴻福堂全新自家小菜系列隨時加餸，5分鐘食得。兩湯兩餸, 好足料！我地食得好飽😋自家小菜系列包括:🔸柱侯蘿蔔炆牛腩 (300克)： 牛腩經過精心炮製，炆得特別軟稔入味，配合清甜的白蘿蔔，再加入秘製柱侯醬慢火烹調，加倍滋味。 🔸秘製醬汁花生炆豬手 (300克) : 優質的豬手用慢火煮至軟綿，再以香葉、桂皮、八角等多款香料熬製的醬汁炆至入味，配以香濃的花生， 啖啖滋味又足料!🔸赤小豆薏仁響螺祛濕湯 ⭐️健脾祛濕🔸花膠響螺煲竹絲雞湯 ⭐️ 滋補養生 ⋯ 飲落口, 好膠質👍🏻真係淨係按個掣煮飯就得！好輕鬆呀 🥰 連Luca 都肯食炆牛腩⋯⋯個汁😍撈飯食, 再同媽媽講... 好好味呀🤤 已經好成功我仲入手左好多小食 老公睇戲睇波就有小食送啤酒…查看更多

今日收工就搭西鐵返屋企啦，一如以往都係係荃灣西站落車，平時都唔係係海之戀商場出口出呀，今日就係果度上啦！上左一陣就開始口淡淡，想飲杯野，但係又唔想飲d台式飲品wor, 見到e間鴻福堂，心唸就啱啦，入去買支好野飲下啦，入到去間舖頭都無咩人，見到雪櫃都好多選擇，有幾款涼茶，有我成日都飲嘅楊枝甘露，但係見到支川貝杏仁露，正wor, 於是就買支試下，八達通俾錢好方便，開黎飲之後覺得非常足料，唔係太甜，好潤好解渴，好似飲緊糖水咁，聽聞冬天飲用重會潤肺止咳，真係合時飲品，會再買。…查看更多