鴻福堂 (已搬遷) 新店位置

講真 鴻福堂真心整得幾好選擇都算多有野飲有野食又算健康欣賞佢既燒賣同飯類一碗碗蒸飯都算係幾好味選擇種類都算多更欣賞佢枝感冒茶 對症下藥好快好番希望可以再多點優惠咁就更好

天氣咁熱，涷野飲都成左所有人既消暑聖品紫米係真係幾多既，但感覺到甜味都比較重 椰香味唔太突出 🙁普普通通呀中伏既飲品莫過於佢！好奇怪！一黎又甜！芒果溝菠蘿 結果有陣陣酸味 似話梅咁 好奇怪😅

夏日炎炎點可以放棄凍飲架呢？早兩日同事幫我買左鴻福堂既飲品卷，行街經過當然要買返兩枝飲下！當7仔一枝津路都要$10時，鴻福堂真的唔貴！首先出場，士多啤梨奶露飲品，即係士多啤梨奶，入口時覺得少少酸，奶味唔太重，再飲就覺得奶味中和左士多啤梨既酸味，好飲左，同埋甜味係底部，一定要搖勻先飲呀！屬於我既係菊花雪梨花旗蔘蜜，一打開蓋已經覺得好香，好香的菊花味（順帶一提，飲品夠凍，透心涼喎！）第一口都係菊花味，好清新的味道，雪梨味坦白講唔多覺，花旗蔘味初時不太明顯，再多飲就慢慢覺得有d甘甜味，就係花旗蔘的甜味！$26一枝我覺得質素不錯！

今日又經過鴻福堂又買嚟飲，之後有會員卡就成日買今日飲川貝批把雪梨水，時間太趕無加熱，等左成個鐘先開嚟飲。比起另一隻批把葉飲品，依款無乜渣，幾好同雖然有川貝但有雪梨中和所以都唔苦

呢排唔知做嘜，成日食到衰野，連放工小食都覺得好難食。唔食燒賣，叫紫菜黑椒牛肉飯團(HKD 18)。吉開個飯團就散晒，叉都叉唔到上黎食。我諗應該係叫你成條當香腸咁食先得。散開晒堆牛肉碎，淨食係冇味道。一條條牛肉絲/碎，睇落都唔開胃。個飯團，得個辣字。外表有顏色，以為都夠味。原來唔係...煮野落老抽忘了生抽，又係冇嘜味，得個色。紫菜有等於冇，真係當GIMMICK，賣貴D。係熱櫃囉所以熱辣辣，如果凍冰冰就真係搵鬼食。肚餓都覺得難食，就認真難食。食燒賣啦，唔好揀。

今天到鴻福堂來了個外賣午膳速食，湯飯套餐有兩種價錢，一款是指定湯款$42, 另一款是自選湯款$52。我選擇了指定湯款$42套餐，土魷蒸肉餅飯加蘋果無花果南北杏豬骨湯。土魷蒸肉餅飯超乾，加了一包豉油都唔夠。個飯超硬，肉餅硬之餘，味道非常淡。蘋果湯不錯，蘋果味很香，很清潤, 值得推介~

是晚在這邊晚飯, 未開始聚餐前有點口喝, 不如先賣支飲品吧.川貝雪梨海底椰飲品 $22: 8分, 雪得夠冰凍, 在這大熱天時, 真是消暑解品. 雪梨味不會太甜, 加入了海底椰, 是幾清潤的.一支500毫升, 份量十足. 喝完了, 是時候吃填鴨.

今天國內工作回港. 回到香港約了香港運輸在大學站交收文件,由於我早到,運輸正在由旺角趕過來,所以我一人在大學站行來行去.晚上8:00多,肚子已餓了. 所以我一人打算在美心看看有什麼晚餐醫醫肚. 誰不知,這樣又沽清,那樣又沽清. 突然起想之前openrice的旅遊遊蹤,雖然拿不到什麼旅行大獎,但總算拿到一些安慰獎.所謂安慰獎,便是鴻福堂一些湯水及飲品禮券.一直也放了這張coupon在銀包裏,就是這樣便轉了到鴻福堂換了一碗杏仁豬肺湯. 我從來未飲過鴻福堂的所有湯水,今次是第一次. 哈哈,因我平時都有母親大人的愛心湯水麻.當我還未飲一口,已覺得鴻福堂的湯水真的有得做,以前還不明白為何湯水都能賣到咁這麼貴.今天,讓我真証看到鴻福堂的湯水真係好猛料,大家看看大大件的豬肺,不只是一兩件,起碼四五件大大的豬肺在湯裏.問心,雖然湯水又真的淡了點,但豬肺大大件真的值回票價.唔知下次換咩湯水好呢?

是日不駒車前往關卡了, 選擇了搭火車. 早餐未食的我本來打算係火車站美心解決. 到了大會站, 竟然被另一家, 近幾年才興起的車站食肆吸引了. 就是做涼茶起家的鴻福堂.鴻福堂, 起初的確只是賣下涼茶, 湯水, 茶葉蛋. 而家越做越多範. 現在的鴻福堂, 有不少己經搞到成間快餐店仔咁. 有檯有凳, 有人服務, 有得堂食.早餐點了一大隻糯米雞, 再加一支燕麥豆漿. 可能有奶茶供應, 但我沒有去問, 感覺入得黎鴻福堂, 都係要識得飲. 糯米雞, 說真, 美心MX又好, 聖安娜又好, 連鴻福堂既都好. 呢一D連鎖食肆既糯米雞, 絕對是由供應這supply. 總之有人要N隻糯米雞, 總有廠商回復, we supply them!!!!為何會這樣說, 除size各有不同之外. 於味道, 餡料, 糯米既煙韌程度, 我個人覺得是一樣樣的. 味道, 由內裡的肉醬滲出到面層, 再加多隻雞亦仔. 就是美味, 而且非常standard的糯米雞.豆漿, 加了燕麥. 味道match落去, 有點不習慣, 覺得, 還是純豆漿好飲.吃飽了, 坐火車返工. 又要開始一週南征北戰的生活.

(這是寫大學火車站的鴻福堂,因為找不到才貼在這裡)剛從冰冷的課室走出來,打道回府中經過這裡,想找點熱呼呼的食物暖身,於是便貪得意買了一個香芋饅頭.其實這裡一直都很旺場,不少在這裡轉車的馬鞍山街坊,以及中大的學生也視之為大學火車站的樂土,辛勞了一天在這裡吃燒賣實是一大快事~!返到屋企後,饅頭仍然溫暖.急不及待一口咬落去,好滿足,柔軟之餘密度也高,很足料.不過慢慢覺得不太對勁,這不是香芋饅頭嗎?為甚麼完全沒有香芋味…….