影片
最近喺大埔頭足球場踢完波，就順便去球場隔離嘅鴻利士多醫醫肚。😋第一次嚟呢間士多，睇裝修就知歷史悠久，連冷氣都冇 😂 不過都算幾涼爽。諗住問姐姐攞個餐牌睇吓，點知姐姐話呢度係冇餐牌，你想食咩同佢講就得，不過最後佢都攞咗一份勁普通嘅餐牌出嚟。肉丁蛋麵 ($38) : 賣相正正常常，不過自己覺得價錢就貴咗啲，同埋啲麵唔係出前一丁就有點可惜，臨走嗰陣時見到速遞哥哥食緊碟頭飯，賣相相當精神，不過就唔知幾錢，下次有機會試一試碟頭飯。
繼續閱讀
好古老懷舊嘅士多。有時有豬腳飯/雞翼飯。冇華麗裝修或頂級服務。都係啲貼地嘢。老闆友善。多年來拜完山必定叫個餐蛋麵。佢餐肉非常厚。明明係普通嘅公仔麵但同自己煮嘅唔同味。佢煮得特別好味。飯類份量好大。一定飽。冇冷氣。夏天食會一身汗。秋冬天好好多。
繼續閱讀
踩單車周圍去下，入到嚟三點有少少肚餓，就坐低咗。呢間平民士多冇menu，問老闆有咩麵食，老闆就話五花腩牛腩豬頸肉。咁我就要咗碗花腩蛋麵同杯凍奶茶。花腩麵不過不失，蛋有少少熟過頭，蛋黃係實嘅。碗麵夠多生菜，呢個抵讚。重點杯奶茶夠哂茶香，平時飲嘅係甜，呢杯奶茶甜中帶甘，完全唔滯，非常驚喜。枱面都有唔少調味料任君選擇，我加咗少少花椒油落碗麵，效果意外地搭。鐘意食辣嘅你見到枱面有五六種辣料一定唔會失望。環境幽靜，人情味濃厚，幾好幾好。
繼續閱讀
心血來潮想試試古色古香既鄉村士多風味，像是小時候係大埔錦山的長城市多一樣。想起大埔頭村有鴻利士多，就立即飛的士再次探訪啦。的士叔叔稱完全未聽過鴻利士多呢，朋友們亦不知道這裡有間士多啊。上綱搵又搵唔到，地圖上又沒有這地方，好靈異呀！飄流士多？唯有叫的士叔叔係三育中學附近落比我再自己步行啦。其實士多係大埔頭村南邊公廁對出、匡智學校後面之麻。星期六朝早冷冷清清，只有一對母子在食麵呢，大量座位坐邊都得。一陣清涼山風吹過，帶來夜香飄飄！早知坐室內啦，穩陣好多麻！遠處傳來異味，而且室外煙頭味濃烈。我想食福麵呢，但侍應叔叔話得福米無福麵，有最普通的餐腿蛋、五香肉丁、麵包、多士、即食麵供應，另外仲有烏冬供應。無緊要，實在太肚餓喇，那麼唯有食出前一丁，再加多杯凍齋啡，食完就行去一田買餸。太陽蛋厚切餐肉出前一丁，大量爽嫩生菜非常甜美，太陽蛋過熟呢，蛋黃都唔見埋，幸好煎得十分香口。即煎厚餐肉好好味，外脆內軟，肉汁微滲，咸香吸引。侍應哥仔推介泰國辣粉，仲好係勁辣添，但對我無什麼效果，都唔夠辣既，又唔夠香，失望。最終都係要加士拉差辣醬，好味好多。湯底太多水，濃郁欠棒，麵質都唔錯，滿意。太陽蛋厚切餐肉出前一丁，非常住家出前一丁風味！侍應叔叔真係超級耐心又用心地慢煎厚餐肉，我係屋企都會這樣做。煎得外脆內軟，金黃微脆外層包軟塾嫩肉，一咬爆汁！肉汁完全煎封在內，非凡香口啊！太陽蛋黃暖暖而味道甘甜香濃，蛋白底脆面滑，撈上麵條同吃，黏黏滑滑，正啊！雖然湯底水多了，淡了一點點，不過爽滑麵條撈上蛋黃同樣十分可口美味！大量生菜鋪得滿滿，連麵底都完全遮蓋，侍應叔叔好重手，毫不猶豫或吝嗇，足足半份菜啊！非常爽甜鮮嫩，勁多汁，好好味。三文治一般擺放，最頂係太陽蛋厚餐肉、中間隔著生菜，最底才是湯麵，這樣便可避免香脆餐肉被浸腍啦 ﹗真是想得周到又細心，讚。試過所謂勁辣泰國辣粉，但完全唔辣，今次到辣椒油喇。豉味辣椒油十分有趣得意，真係大大粒豆豉！豉味香濃帶甜，微微的辣帶著微微的香，不過不失啦。
繼續閱讀