影片
以上資料只供參考, 請與餐廳確認詳情
附上圖片是我第一次來吃車仔麵，滿心期待建生終於有車仔麵！仲見價錢$45（4餸）真心抵。點知啲餸嘅份量…睇相不解釋🙂↕️ 味道未去到難食，正常車仔麵味。最搞笑係我杯珍珠奶茶冇粗飲筒，我就問佢攞隻羹不珍珠，佢話冇俾支叉我吉😳 呢個都算..當佢啱啱開業冇預備，當時佢仲笑笑口咁，唯有自己內心無奈。然後重點來了！想講第二次尼食粥同腸粉，呢個我嬲得滯冇影相！當時我等咗好耐，跟住見佢碗粥喺食堂個微波爐拎出嚟，仲要係唔熱嘅！我心諗你微波爐放廚房扮煲滾拎出嚟都算啦，咁樣公然微波爐嘟嘟嘟聲攞出嚟？感覺似喺屋企叮返熱啲粥嚟食，佢真係夠晒誠意😧 仲要叮唔熱！！發生咩事？！最嚇人係個腸粉（貼住手指公嘅石磨腸粉）同白達叔叔漿糊冇分別！！真係好恐怖！食到我好嬲🤬 想叫佢叮返熱碗粥都冇心機！點解食肆可以做到咁冇心？你係職員你敢唔敢食返自己整嘅嘢？！雖然我好肚餓但真係食唔落！成間舖頭冇乜人當時下晝六點幾左右，正常嘅呢個時間係唔多人，不過重點係烏蠅多過人🥶個衛生你可以想像到。食嘅時候我都幾嬲自己第二次嚟，純粹嗰刻好想食粥同腸粉附近又冇，就試吓俾多次機會，點知恐怖過車仔麵好多好多！想挑戰嘅話就過嚟試吓
繼續閱讀
嗱，我同你講，車仔麵要好食，唔單止要夠料、夠味，仲要夠自由！最近去咗鴻仔記車仔麵，真係試完之後覺得自己可以開間車仔麵DIY店咁款，選擇多到眼花！🤣講真，每次食車仔麵都陷入選擇困難症，最後揀咗鹵水雞翼、豆卜、通菜、肥牛。佢湯底可以自己調配，你可以自由混合麻辣、酸辣、腩汁、瑞士汁、沙嗲醬等等。我就揀左瑞士汁，有啲人話咖喱汁都正，但我下次先試。呢度$45就已經有四款餸，店舖唔算大，但乾淨企理，老闆同店員都有種老街坊feel。°°°°°°°°°°°°°°°°°°°°°°°°°°°°°°鴻仔記車仔麵 @hungs_cartnoodles📍屯門建生商場地下124號舖#MrsLong #hk #hkbloggermama #Longs #mamablogger #香港美食 #餐廳推介 #hkfoodie #親子好去處 #假日好去處 #香港探店 #foodieshk #hkigfood #tasteofhk #hkfoodlovers
繼續閱讀
呢間嘅四餸麵真係抵食到爆最正係佢除咗普通油麵、河粉、米線之外竟然有營多撈麵揀 真係好少有佢哋自家製嘅辣椒油同菜甫都幾正個菜甫仲有陣蝦米香 好惹味我地嗌咗兩碗四餸麵：第一碗揀咗：☑️ 日式溏心蛋 - 流心效果perfect池！☑️ 墨魚卷 - 炸到脆卜卜好香口☑️ 秘製豬皮 - 索晒啲辣汁入味到不得了☑️ 滷水雞翼尖 - 煮到淋晒啜落好過癮第二碗就揀咗：☑️ 豬大腸 - 煮得夠淋又冇臭味☑️ 牛腩 - 專登揀有筋位食落超黏口☑️ 豬紅 - 滑溜溜咁好入味☑️ 麵筋 - 吸晒啲湯汁正到爆真心推介佢個秘製豬皮 辣辣哋好惹味仲有啲牛腩筋位 食到黏晒嘴最驚喜係豬大腸都整得咁乾淨 完全冇異味$45食到咁多款嘢 真係好抵👍🏻
繼續閱讀