鴨大哥 (時代廣場)

營業中

休息中

我哋今日叫咗北京烤鴨半隻，個份量唔算多，但係肉質都OK，我嗌左個鴨絲酸辣湯，超好味，同埋有個是日燉湯，杞子什麼燉雞，亦都係超好味，值得嗌，再叫咗個蜆蚧煎釀唐山菜膽，個名好似好勁、但係味道一般，啲鯪魚肉太淋，最後叫左個椒鹽鮮魷，啖啖肉，好好味

媽媽生日🎂試新店！圖中呢個檸檬雞，好多年冇食，呢度整得好食👍，加左杏仁片更脆，吾會淋完汁就咩都軟晒，雞肉厚得黎仲係軟身吾柴，個汁夠多味道又剛剛好👍。其他仲有，片皮鴨正常，用小爐慶住餅皮👍。。。蜆芥鯪魚菜膽，蜆幾多，鯪魚肉冇碎骨👍大大舊有4舊，汁好味吾腥👍 。。。係個海蜇薰蹄差d，薰蹄好似解凍吾夠甘🤔，本身冇味冇道又吾加麻油，可能主要靠個辣既配汁啦，我地吾識欣賞😅。 最奇怪係個經理樣既服務人員話晚市吾賣主餐牌上面既普通叉燒🤔，只賣和牛叉燒😒。。。

因為有很多時代coupon 所以找到這一間餐廳薑蔥斑球 $218大約六塊左右 很好味道 雖然貴哈哈哈😄大大塊魚肉很爽！蔥油餅 可以不點，沒有什麼特色 超市速凍食品貨色。片皮鴨 主打就是鴨的鴨大哥鴨肉普通可以，可惜不夠熱黑松露素餃 很像潮州粉粿鴨鬆梅菜包挺鬆軟，梅菜很香覺得整頓飯最好吃就是這個叉燒 偏好瘦叉燒的我們下單拜託🙏🏻要瘦點，真的做到，值得一讚。入口鬆軟，調味佳，試過最好味道叉燒之一椰汁🥥製作的小白兔🐰沒有餡料，味道不甜，我覺得這個可以pass

同朋友叫咗個＄798二人餐，鴨大哥嘅燒鴨半隻，鴨皮好碎，包起青瓜大蔥絲食、好正！燻蹄、海蜇本身冇乜味，只係加咗啲好辣嘅辣油，食到味道只係辣！🔥另湯羹有小元貝同蝦肉，味道都算唔錯。鹹蛋大蝦🍤每人2隻，見到以為好嘢味，原來食落好一般，有啲失望😞！煎銀鱈魚都係一般，唔碎口。總括嚟講用優惠券都算抵食！最推介片皮鴨今次都係第一次食，如果問下次會唔會再嚟？都會嘅，試吓叫第二樣嘢，睇吓會唔會好食啲，不過就一定會食片皮鴨！

生於此地要活在當下，出街食得一餐得一餐，朋友見得一面就少一面。🥲近排成日食西餐，想食下中菜平衡下。難得有海港城商場餐飲半價優惠，一於約埋朋友一齊去咗想食好耐嘅鴨大哥。小編沒有訂位，只得等餐廳開門，確保一定入到座。招牌菜烤鴨當然不能錯過，烤鴨皮脆肉嫩，肥瘦適中，沒有油膩感，更難得是薄餅夠薄，但又唔會滲油，食完都唔會成手油👍🏻👍🏻讚！唯一扣分係龍眼脆皮蝦球，明明是荔枝不是龍眼，休想瞞騙我的舌頭🤣。

今午去銅鑼灣時代廣場食午餐，電梯直上十樓食通天，見到很大只鴨模型，是鴨大哥.  決定在此午餐, 鴨大哥主打食鴨, 連點心都以鴨為主題, 好特別, 叫了： 上素餃, 一籠三件, 皮晶瑩剔透.  內餡為健康的雜菌, 口感不錯, 很爽口, 又豐富. 雪菜鴨絲芋角 擺設好靚, 芋角炸起脆口, 又唔油.雲南黑豬義燒腸, 腸粉皮好滑, 雲南黑豬叉燒好稔, 有肉味, 豉油好靚.鴨松梅菜包,  熱騰騰, 包皮發得鬆軟又唔厚, 內裏多汁, 鴨松梅菜好味. 鮮竹卷,  鮮竹卷內餡調味好, 用上湯蒸可以清淡一點, 沒有用蠔油打成茨比較健康. 魚肚棉花雞,  用料足, 雞肉好滑, 味道不俗.海鮮鴨湯泡飯  湯底很甜又足料, 裏面有蝦肉, 帶子同冬瓜粒, 配脆米.   把泡米倒進湯內, 脆米依然脆口,  好味道. 招呼也不錯, 點心食材及質素都好. 

朋友有coupon所以去食鴨大哥，環境好寬敞舒適，不過入去餐廳前個reception 冇理我哋，佢係餐廳入面忙咗好耐先招呼到我哋，我哋叫咗個二人套餐 （$798）麻辣燻蹄海蜇前菜啲麻辣都幾辣吓，但好好味，海蜇好爽口，而燻蹄亦都好冧海鮮魚肚羹個羹非常鮮甜，而且啲魚肚好彈口，勁想再encore黃金蝦每人每碟2隻，用鹹蛋黃包住隻蝦炸，真係炸到金黃色，鹹蛋黃配隻蝦真係一流，非常好食，而蝦亦都好彈口，整體口感味道都一流香煎銀鱈魚唯一有少少失望係依碟銀鱈魚，好多骨，而且味道唔算好好食，僅僅及格水平北京烤鴨 （半隻）等到最後一道菜，亦係主角，最期待的，北京烤鴨，先講餅皮，整到好薄，真係師傅功架，而鴨都片得厚薄適中，唔會太薄而冇嚼口，而且烤得隻鴨啲味好惹味，但唯一敗筆可能係甜醬太甜，真係只點一滴仔就夠，先可以食到鴨味，同埋佢有黑糖，亦都落咗啲，可能甜醬真係淹蓋咗黑糖嘅甜，唯一食到黑糖嘅粒粒口感整體上菜啲侍應都上得好快，一見我哋食完上一道菜就即刻收碟再上菜，係唯一北京烤鴨要等陣先食到，同埋但唔知點解餐廳會播搖滾老歌😂😂😂好似有啲格格不入，但整體食物服務都大致上滿意

有商場優惠券就諗住食餐好，片皮鴨一向係至愛名單之一，一於約齊4人lunch去食番隻。一坐低侍應好識做，聽到我地想食鴨就即話幫我地落單先，因為需時製作，諗住加分。之後叫多幾款，點心，小菜咩都叫下，可惜點心超差，先來超硬芋角（唔怪得上菜要跟刀叉）不過支叉係叉唔落，再來未熟鹹水角（切開個皮仲未透）唯有退貨。炸雲吞不過味精重手咗。好彩廚房師傅得，來個咕嚕肉，好味皮又脆，要讚，炸豆腐都好味唔錯，再來個雜菜煲都有水準。講咗咁耐點解冇相又冇鴨評，咪因為等咗45分鐘都未有，三追四問都係等，仲要突然走來話咭機壞咗，冇現金就請去撳機先最後就緊係埋單走人兼一肚氣，我地打工仔食飯先得一個鐘，點等到你"超"慢工出細貨。鴨店冇鴨真係未試過，仲諗住等主角上枱先影相。

老婆掃貨囤護膚品換到時代廣場美食卷，見呢間主打食我至愛嘅片皮鴨就嚟試下，茶介$15@另收加一🌟鮮蝦餃王 $48好多蝦仁🦐有鮮味，值得一試🌟五香鴨絲春卷 $42一般炸春卷，無咩特別🌟雲南黑土豬叉燒 $128叉燒味偏鹹，肥瘦均勻🌟椒鹽鮮魷 $138好驚艷，𠝹花𠝹到好靚，鮮魷大舊到要分2啖食，足料到好誇張🌟北京烤鴨半隻$288烤鴨係連皮帶肉既，燒得好甘香，甘大碟鴨配料比得唔多🌟廚魔黑松露XO醬龍蝦粉絲煲$368呢個係成餐最好食😋有成隻龍蝦🦞係入面，仲要係厚肉架！對得起呢個價！粉絲吸收哂所有精華好好味，不過唔多覺松露味😜可能Xo醬味太濃

其實都幫襯咗好多年，但質素每況愈下，尤其點心之類。叉燒腸以前好好食，但現在腸粉嘅皮較厚皮，麻麻地。另外，最普遍嘅雪山叉燒包，佢都可以做到果皮底好硬又韌，似唔新鮮或隔咗夜翻熱。如果咁嘅價錢俾啲咁嘅質素好唔合理。脆皮蝦腸嘅蝦霉，好在個脆皮掩蓋住都叫做可以食落口😑（唯一優點係環境叫舒適，坐得叫舒服，得一位肥叔叔服務態度非常好）

今日唔洗OT又係星期五約咗一班閨蜜一起慶祝有朋友出pool單身咗23年終於搵到男朋友啦 yeahhh🥰🥰所以就決定一齊去食好耐都無食過嘅片皮鴨收工去到時代廣場10樓 大概6點半 人唔算太多等一兩檯大概20分鐘就入座 門口嘅侍應哥哥都好貼心 安排座位俾我地一齊坐 探完熱 掃埋個安心出行就可以開始叫野啦 三個人叫三樣嘢啱啱好 餐廳嘅環境燈光柔和 裝修都好靚 大約等咗10-15分鐘 嘢食就黎齊啦 雖然餐廳晚餐時間好繁忙 但係上菜時間都好快 片皮鴨加埋啲配料一齊食 真係超級正😍😍小炒王意想不到咁有水準 好食過大排檔！椒鹽鮮魷都好新鮮 食到個肚仔都出埋黎😆😆好耐都無試過咁滿足❤️❤️❤️100分晚餐😍

又係另一個時代廣場用卷食飯之夜。今次揀左間未食過既鴨大哥，間店鋪唔係拎飛仔，係人肉排隊等位。其實排隊等位都唔錯，你眼見前面有幾多人 ，就預到你要排幾耐，同埋有客人願意去等位排隊嘅餐廳，應該唔會伏得去邊。排咗大概15分鐘就入到去坐。睇咗個餐牌有廚師精選，就揀咗個鴨湯泡飯。上到黎果陣又幾驚喜，一來係好大盤，兩來佢個脆米係分開上。好快又上埋個雜菜粉絲煲又係大大盤， 心諗大獲，仲有個羊肉未上，今次叫太多野食。好彩果羊又唔算多，係切好kmm粒粒，似平時既羊肉串，兩串份量甘。個泡飯同個鴨湯真係好夾，再加埋可以另外落脆米，成個口感配得好好，唔錯，不枉我排隊去食佢XD不過張台就好細，放完鴨泡飯同粉絲煲，基本上都無乜位淨甘濟。

時代廣場的鴨大哥除了招牌的北京填鴨，這一道龍蝦粉絲煲也值得一試。鮮甜的龍蝦配上炒香的XO醬，以及粒粒黑松露，三者味道鮮明卻毫不衝突，連鋪底的粉絲也因吸滿龍蝦汁而變成橙色，連最後一口也絕不浪費任何一滴精華。

上二個月生日，再加上手上面仲有時代廣場優惠卷未用晒，呢間餐廳我一直都好想試，店舖門口仲有一隻好得意嘅額添，所以就約咗去食順便慶祝生日。可能因為優惠券就嚟過期嘅，去到現場超級多人排隊，好彩叫咗屋企人早啲去攞位，如果唔係都應該好難食到啊！我哋今次叫咗椒鹽鮮魷，海鮮鴨湯泡飯，咕嚕肉，重有就當然係我最鍾意食嘅北京烤鴨啦！椒鹽鮮魷份量唔係好多，不過佢嘅魷魚好似海綿咁外皮鬆脆裏面軟林林口感超正，不過調味有啲太重手，鹹味比較重。重頭戲北京烤鴨超好食！食落有鴨油嘅香味但唔會太膩，而且佢嘅配料都幾特別竟然有芝麻醬，食落去別有一番風味。海鮮鴨湯泡飯湯底幾特別，有少少藥材當歸味感覺好補身，而且佢用上炒米代替白飯，口感好得意，我個人好推薦。咕嚕肉味炸粉唔多啖啖肉而且荔枝肉好鮮甜，我個人覺得都唔錯㗎！總括嚟講呢間餐廳嘅菜式大多都係合格以上，不過如果平時食嘅話價錢就略嫌有啲貴，大家如果有興趣嘅話都可以試吓！

鴨大哥，係米芝蓮三星「廚魔」梁經倫 (Alvin)開既中菜館，餐廳門面幾靚，門外真係放左大大隻「鴨大哥」做生招牌🦆🤣 環境寬敞，座位舒服👍🏾 好適合同屋企人、朋友邊傾計邊食飯🥰 環境氣氛唔錯！.落完單後，店員好細心甘話俾我地知，因為烤鴨要時間烤，所以一陣會先上泡飯食左先.📌 海鮮鴨湯泡飯$188脆米同湯會分開上枱，然後店員會幫你將脆米倒入湯，入面好足料，有蝦仁🍤、帶子粒、芫茜、鴨肉絲、鴨皮！而且湯頭濃郁，味道清甜，有啲藥膳: 當歸、紅棗既味道，而且夠哂熱辣辣(要讚👍🏾) ，泡飯加埋米通兩個口感一次過食到，好特別！口感同味道既層次都好豐富，有驚喜👍🏾.📌 墨西哥牛奶叉燒包$48呢個就真係做得麻麻地，唔夠熱，亦食唔到有任何墨西哥牛奶既感覺，而且入面既叉燒太少，食落一陣風咁！.📌 和牛叉燒$168旁邊配有烤蒜頭，烤過既蒜頭既甜甜地的👍🏾 但係個和牛叉燒，聲稱係用和牛做到好似叉燒咁樣，但食落無牛味，亦唔似叉燒，我會覺得似燒牛小排，而且唔夠熱，爭啲！.📌北京烤鴨（全隻）($528) 我哋既重頭戲嚟啦😍 店員會先show 1 show 隻鴨既全相俾你睇，之後先拎去片🤣 片皮鴨表面油光十足，賣相好靚