鳴發茶餐廳

不多说，两只濑尿虾收我880港币，海鲜炒饭我姑且就算他明码标价58港币吧，尖沙咀这个地方寸土寸金，贵点可以理解，你皮皮虾卖这么贵，还张口就是全香港没有比这便宜的，更气人的是我坐下来问价的时候，跟我明明说的是两只218港币，结账的时候就变成了880港币，这就是香港美食嘛，大陆游客可算见识到了。…查看更多

實不相瞞本身我都唔知呢間野嘅存在係係大陸嚟嘅朋友同我講呢間嘢好出名話嚟香港必食嘅餐廳我先至踏入呢一間大排檔🤣🤣呢間大排檔都好大間見佢都租咗好多鋪位不過始終佢都係比較開放式嘅環境所以夏天呢啲天氣去個冷氣就唔係好夠完全熱辣辣我哋一坐低姐姐就同我哋介紹有咩招牌菜咁我哋就order咗避風塘炒蟹其實食落嘅味道都OK嘅雖然佢有提供埋工具但係始終食嗰陣會有啲論盡不過如果可以將蟹殼卜碎少少咁可能會更加入味更加好食同時都更加容易啲去食我哋仲叫咗兩隻手臂咁長嘅瀨尿蝦佢同避風塘炒蟹一樣其實剝咗殼入面就冇乜味加上呢兩隻嘢都唔平性價比就冇咁高見佢係大排檔所以都叫咗啲小炒呢個薯仔牛柳粒就正正常常冇乜特別係個份量少咗啲好似一人份量咁我哋見唔係好夠食就叫咗個菜同埋呢個藤椒魚皮Order嗰陣問姐姐佢個辣度如何姐姐話微辣點知上到嚟中晒伏完全係辣到條脷痹晒眼水鼻涕都一齊出同埋佢啲魚皮解凍得唔係咁好所以去到底嗰啲係連埋舊冰上感覺麻麻哋總括嚟講呢一間嘢就唔係好抵食姐姐嘅態度都唔係話咁好當我哋只係叫咗避風塘炒蟹同埋瀨尿蝦呢兩款時價海鮮而冇再叫其他嘅時候姐姐係立即黑我哋面跟住叫佢拎啲咩都唔睬我哋咁嘅服務態度就有啲趕客就住性價比低同埋服務態度我就唔會再嚟呢一間啦…查看更多

夜媽媽9點幾好肚餓，心思思想食大排檔，平時見到呢間大牌檔大大間又多人，都幾吸引，人流咁多諗住衰極有個譜，點知就中哂伏，不可一不可再。原本企係街口諗緊入唔入去既時候，就比個阿姐招攬左過去，呢一刻應該要聞到陣伏味呀。同朋友2人 叫了：| 紅燒豆腐 | (Rate: 0/10)| 椒鹽鮮魷 | (Rate: 4/10)| 生炒排骨 | (Rate: 4.5/10)|腐乳炒通菜 | (Rate: 3/10)| 紅燒豆腐 $68 | (Rate: 0/10)呢個真係不得了阿。唔知佢點樣做到大大舊豆腐，但一Ｄ豆腐味都冇。好似比水浸左一整日咁，得水味。簡直侮辱左舊豆腐。平日唔浪費食物既我，食完一舊都放棄左呢碟。| 椒鹽鮮魷 $76| (Rate: 4/10)大排檔必叫架喇，聽落好普通既椒鹽鮮魷，要整得好食都唔係咁易。佢炸得都算脆既，但一咬落去就知咩料。炸皮同魷魚分離，魷魚肉淋，有Ｄ滑潺潺，但冇怪味既。| 生炒排骨 | (Rate: 4.5/10)即係菠蘿咕嚕肉，都係大排檔必叫。成晚最正常既一碟。但咕嚕汁偏酸、雖然叫排骨，但都算啖啖肉，但肉質就偏韌。配菜青椒洋蔥都好似炒得過耐。整體冇鑊氣。|腐乳炒通菜 | (Rate: 3/10)食落似蒜蓉少通菜多過腐乳炒通菜 ，冇腐乳味，超多油。整體：大伏！冇鑊氣，貴，難食！…查看更多

位於佐敦嘅鳴發川辣蟹 與廟街位置近， 人流多， 食物應該唔會太差掛，點知... 😂蒜蓉蒸蟶子~ 點了菜後 五分鐘內上枱，速度驚人，但是一點也不熱， 這是新鮮蒸的嗎？ 😣 size 不算細， 但是唔熱 係咪蒸定？？ 😣😣避風塘炒蟹~ 係百零蚊唔係貴， 預咗佢唔係畀啲咩靚蟹你，但係呢個水蟹 肉質很削 唔入味，連蟹鉗都沒有劈開個殼 ， 就算個避風塘炒得幾好食都幫助不大， 更何況這個避風塘炒得油 濕濕地 😂蠔餅~ 係炸的，炸到好似天婦羅咁， 配上泰雞醬， 女伴吃了八分之一表示放棄 😂，唔好嘥 飢詩食埋~ 💪😂眼見有很多遊客， 如果遊客以為此店就是香港地道特色美食，香港旅遊業就GG了😂😂😂飢Point : 2/10#hungermarch #飢詩 #非飢詩…查看更多

今日約左老死撐枱腳，懐念廟街的美食。在佐敦一邊行一邊睇下有咩嘢好嘢。經過鳴發川辣蟹，大排擋風味。睇到肉蟹大大隻。已經忍不住要食避風塘炒蟹。在店舖門前選了2隻中型的活蟹，只是計380，十分化算。炒蟹上枱就聞到香味，十分新鮮。炒得剛好，肉質鮮嫩。食炒蟹唔可以無啤酒。啤酒小姐來推薦，我們喝了2支😂豉汁炒蜆，風味十足。大排擋就是要夠鑊氣，有水準。加上蜆夠新鮮及肥美，連手指都舔舔脷😘豉油皇炒麵，中規中矩。如果銀芽多D就會爽脆D。…查看更多

半夜飲完酒肚餓去佐敦食消夜，喺廟街附近見到依間大排檔，半夜三間都咁多人應該唔錯掛，點知就中伏啦！認住佢個招牌大大隻字寫住川辣蟹，真名叫做鳴發茶餐廳！我哋兩個人叫咗：瀨尿蝦毛，$160得四隻川辣蝦，六隻手指尾咁大嘅基圍蝦，仲要係霉既$120豉椒炒大蜆，上碟得堆殼，$100鹽水芥蘭，條菜老都食唔到青島啤酒一支埋單五百幾雖然明知廟街主要招呼遊客，但呢間大排檔貴到離晒譜，雖然明碼實價，但質素同份量差到要講粗口！擺明呃水魚！…查看更多

Let me start out by saying I can afford a meal anywhere. And I don't mind paying. But this meal would have gotten the same review if the food was free. Stopped in here for a quick bit while out one day. The food was pricey, 6 pieces of small size prawns were $200. The food was just ok.…查看更多

Interesting story.We had one beer and a small spicy clam dish. Only one third of the clams had something inside, the others were all empty. When we went to pay, we offered the amount less the beer as a fair price for the lack of clams situation. She took the money, threw the clams onto the street and picked up the empty beer bottle and tried to smash it on the table and yelled abuse at us :). My husband had to intervene to save me from the crazy lady (most likely a multiple cat owner). Local crazy experience 5/5, customer service 0. …查看更多

是晚同朋友於九點晚飯，三個人(後來朋友叫多一個朋友來)，叫咗一只辣蟹，三只賴屎蝦(大只)，一碟蟶子(好細只果種)，一碟東風螺，一碟炒通菜，一碟油麥菜，三支啤酒。我趕住走先，去埋單，竟然要$1853，仲話平$3比我真係多謝哂。其實由細到大都知廟街做遊客生意，但通常見到local客都會收斂，附近幾檔同廟街入面大排檔食過都未曾試過咁貴，埋單果陣因為呢檔喺正大街已經預左會貴D，但估唔到要成二千蚊，差不多位位$500，但因為自己趕時間走，同埋朋友牛一，所以冇諗咁多比左先算，之後真係越諗越覺得唔合理。所以特登開個account發表吓，希望香港人自己友唔好再去比人搵笨，或者一覺得張單唔合理就再check吓單，問多幾次，唔好似我今晚咁豬:(。…查看更多

話說一直都想打哩間店的食評但一直搜尋不到因為原來他將果名寫了做茶餐廳等我仲一直搜一直搜難怪不敢用真名啦鳴發茶餐廳VS鳴發川辣蟹(餐牌顯示),,連餐廳名都不敢寫就是不想比人搜尋到不過好彩我終於找到但哩的相我一直keep住因為真心不想有下一位中伏老實價錢都不平點解要咁樣比這些質量客人食湯游客都不是這樣子今日終於比我用地區搜到就立刻要打番這篇食評事緣我一直扭老公叫他陪我食油麻地的獅奄因為我真係幾仲意食咁又加上fb見到人地post完相更加想食咁一路行就見到哩間有得食還比門口生猛的瀨尿蝦吸引咁就決定幫親點知真係除了白灼獅奄無問題的外完全幾百元唔知食了咩下肚還比老公串啦油麻地食海鮮仲唔做水魚辣酒煮花螺都唔知煮到過哂火定唔生鮮咁硬身的都可以梅林林辣酒又無味得層油跟住說最貴瀨尿蝦仲一肚火老公話哩的係養的蝦有咩可能咁大隻蝦入邊無肉架真係嚇到你一頭霧水難聽的我去街市買20元死蝦一盆可能是蛋一隻的肉都多過它真心誇張到仲要活蝦煮我黎食殼咩真心o哂口一個字典型湯水魚…查看更多

煲仔飯似粥，淡而無味，飯又爛！四季豆係淋既，完全唔爽口！炒飯係凍既。。。價錢又貴！係呃遊客食既舖頭金沙骨硬到咬唔到！得個炸蠔餅食得下，正常d，總之就無回頭啦，太難食了…查看更多

與媽咪冬冬地, 走去油麻地打算食返個煲仔飯. 由於她比較餓, 走到吳松街時左望右望, 隨便選間食下啦! 三個人, 叫左兩個飯: 滑雞及咸魚肉片, 再加一個油鹽蜆子及獅蚶, 就成為$198大元.個飯除了細煲之外, 淡而無味, 蜆子就多沙, 比較好算是個獅蚶. 好彩附近總有好多食店, 未食完半碗飯, 媽咪已經話再到另一處食嘢!!!! 唔會再來!!! …查看更多