鳳姐米線 (已結業)

一個早餐，就看出一間食店，烹調功夫，由一個沙爹牛肉麵開始，鮮牛肉，配上自家製的沙爹汁，一個平底鑊，炒小菜的方法烹調沙爹牛肉。老闆堅決唔採用市面現成醬料烹調。另一個老闆介紹的食法(鮮牛肉湯麵,奉上一小碗沙爹汁,食法沾三份一沙爹汁在牛肉上，一放進口內，鮮味與香濃 ，頓時雙重享受)，另一味早餐回鍋肉麵，又是限量心機之作，小鍋內爆炒炆煮，半淋輕微Q彈肉片，一點肥膩感覺都沒有，再加上配菜，這碗麵已非常滿足,還奉上雙拼加多士,這個早茶…👍絕對係對食物烹調執著的小店👍

灣仔返工既朋友仔又有新選擇 呢間餐廳開左冇幾耐 價錢合理味道良好又好抵食😍 新鋪開張全店免加一又九折優惠😚 真心覺得抵食！ 雖然上一手同一個鋪位都係做車仔麵 但呢一間真心高質 食物質素好用心❤️🍜 水煮肥牛米線 $45肥牛份量超多 質量水準好高 食得出牛味又嫩口 而且水煮既辣度符合香港人口味 麻得黎帶辣 辣得黎帶香 仲有呢個價錢未9折都已經可以講係灣仔office區叫平價😬🥓 蒜泥白肉 $38超大塊白肉配上勁多蒜泥🤗 鍾意整臭把口既必定要叫🤣🐔 辣子雞 $45孜然粉加辣椒粉灑上去啲雞肉度 完全帶出調味料既重要性 真係好似返左內地鄉下食既味道 😍真係整體對於食物真係好好 不過環境可能冇咁吸引🤣 見佢新開個大招牌誇張到....（誇張度呢😂）

鳳姐嘅口水雞好夠味雞好滑，絕對係用心烹調。而佢早餐我通常就會食佢嘅沙嗲牛肉麵，佢個沙爹醬自己炒同埋佢啲牛肉係用雞蛋醃，絕對唔係好似其他鋪頭用梳打粉乸到冇曬牛肉味，我已經食到上曬癮。另外有一次令我喜出望外嘅，就係原來佢嗰度係有花膠食😱，我咁大個人都未試過花膠做早餐，呢間食店絕對係我嘅超級推介。註：老細話花膠及口水雞賣完即止，要食就唔好太晏去。😊

放工無聊坐地鐵去灣仔，A1出口一出，就望見鳳姐米線的招牌，俾佢呢四字吸引住，尤其係對於喜歡食米線的我來講有着不可抗拒的魔力。睇番資料先知鳳姐米線係開業左冇耐，以花膠作配菜為賣點。入到鋪頭，望下餐牌，又有酸菜魚，又有花膠，why not both？二話不說，同女友入去試試啦。自選湯餸米線，點了沙爹湯底，餸有咖哩魷魚，紫菜，糖心雞蛋。份量足料，糖心雞蛋好好味。酸菜魚飯餐，70蚊有飯又有野飲 。生魚肉片多塊，彈牙沒骨，配上酸菜同花膠，都係份量足料，湯內有泡椒。拍青瓜酸辣醒胃，份量夠麻辣豬軟骨，辣度十足，大大塊，軟骨飽滿，麻辣醬料惹味，喜歡麻辣的朋友，不容錯過。

位於灣仔新開張的米線店，主打是特色招牌麵，另外還有自選餸菜的車仔麵形式。麵條及配料多樣化，配料選擇多，每款配料都是不同定價。麵條選擇也有多款，尤其是較少吃的，如刀削麵 、紅薯粉、油麵、走麵生菜底均有。除了湯麵外，還可選擇走湯，撈麵或者特色飯套餐，如回鍋肉煎雙蛋飯、水煮魚片配白飯等等。只需自行填紙再給店員下單。風味小食：蒜泥白肉小食配麵一併吃，很滋味。豬肉薄片，鋪上大量的蒜蓉及辣椒，肉質彈牙，蒜味十足。墊底有大量青瓜條浸泡著辣油，不過青瓜不是那麼爽口。自選粉麵湯底：麻辣湯（小辣）麵條：台灣刀削麵配菜：秘製花膠、鮮魚片、蛋白魚腐、自製水餃自由配搭，本身跟麵底的已有炸醬、芽菜、酸菜、腐皮、芫茜及蔥。炸醬帶有濃香的麻醬及冬菇香味，拌入湯中還有麻辣醬油，吃到嘴也帶點麻痺感，很惹味。刀削麵口感彈牙，有韌性。配料方面，每一份的份量蠻多。 花膠很大片；魚片滑嫩；魚腐有微腥味；水餃餡料包得蠻飽滿的。飲品：檸檬茶麵餐優惠價，可加一杯飲品，冰凍解渴的檸檬茶。冷熱飲品也是同價呢。

作為灣仔地頭蟲又中意食米線既我，見到間新開既米線無理由唔試下佢。佢既配料比較特別同少見，我就叫左花膠、咖哩魷魚、溏心蛋同韭菜。我今次叫左豬骨湯，米線好爽口唔會過淋。佢每碗米線都會有肉醉、酸菜、芽菜、莞茜同蔥，十分足料。值得一讚既係佢唔會偷工偷料配料比到好足，你睇佢塊花膠咁大塊就知抵食！咖哩魷魚係幾特別，不過可能唔想搶左個湯既味道，叫略微咖哩味就唔太足啦！檸茶方面其實都幾出色,佢個茶好清好順口，甜度合適唔會過甜！

早些日子，經過這裡的時候發現一個大大的開業慶祝花牌，當時覺得很有趣，細看下發現原來這裡是一家吃米線的餐廳。我這天點了一碗豬骨湯米線、一份小吃及飲品。米線配送炸醬、芽菜、酸菜及腐皮（其實還有蔥及芫茜，但我不需要），其他配菜是額外點選的。我選了三個餸，所以我的湯米線超級豐富！這天的重點當然是花膠，加$12便得到一片非常厚身而且大片的美味花膠，吃完它感覺充滿骨膠原！自製水餃是韭菜餃，味道很不錯，餡料很結實，是真材實料的。豬軟骨比較一般，我覺得它有點太濃郁，太突出。雖然是好吃的味道，但在我的三餸米線裡頭，豬軟骨的調味太霸道了！小吃是拍青瓜。青瓜爽脆出色，而且份量十足，味道來源的麻辣醬不算非常辣，但很麻。而飲品是凍檸茶少甜。我覺得這天的凍檸茶特別好喝。當然因為我吃了辣，所以很需要凍飲。但這杯凍檸茶充滿檸檬香氣，茶底較平常的淡，就算減了糖都完全不會苦澀。

灣仔地道米線lunch 或放工快食之算依間係駱克道新開嘅鳳姐米線menu 上嘅選擇多除左米線米份仲可以揀薯粉 烏冬或者刀削麵米線本身亦都跟咗炸醬唔使另外叫炸醬好好味唔算好油餸方面今次叫咗佢哋招牌菜包括咖喱魷魚同埋墨魚餅，炸魚皮刀削麵棉質彈牙爽口墨魚餅彈牙，唔油膩👍👍👍咖哩魷魚唔韌，份量都唔小㗎炸魚皮好脆，唔會過鹹全部餸都幾好食小食就叫左香煎雞翼朋友就叫咗佢哋嘅招牌花膠酸菜魚飯白飯大大碗而魚肉同花膠都好食健康又好味係附近返工嘅朋友可以一試

鳳姐米線 地址: 灣仔駱克道139號地舖電話: 39973265成日食米線，酸辣湯胡麻湯，見到新開架米線舖，雙腳就忍唔住直入啦張剔剔紙好方便，大大張好多餸添，新開張9折優惠。好多人似我貪新鮮，要左satay 湯底$32 米線有炸醬 ，芽菜，酸菜，腐皮，芫茜蔥，因為我地係2個人share ,決定瘋狂把餸加入米線入面。$12手打墨魚餅，$10 肥牛$10豬大腸，$6雲耳$6蘿蔔，$12花膠 $10 日式溏心蛋，一堆山丘差點嚇親店員。加油菜$14 韭菜加腩汁$11跟餐配樽仔奶茶，奶茶甜度就我而言岩岩好過份甜。我地每人再挑一個小食，$38 麻辣豬軟骨炆到腍一腍，個汁唔會話好辣，少少辣又帶甜架魯水汁，真係好好食，叫一份準沒錯。濃味野$28 尖椒皮蛋一齊辣過夠呀。醃甜酸辣蘿蔔，試左兩塊幾爽口wor餸架選擇好多，唔港下下食連鎖店來來去去得個幾樣，呢度有近三十多種餸，小食亦都多。