鳳城酒家 (已結業)

焗西米布甸好好味, 但係蝦多士多油到簡直係一舊索晒油o既炸麵包~~ 希望水準唔會一路跌落去啦~另外, 成班女侍應竟然為o左睇電視, 一路企o係我o地後面, 仲係貼得好近o個種~ 無d禮貌~

食過番尋味，再o黎鳳城。兩次所見，1、2樓都全場爆滿，又唔似冇乜人o播。不過都幾同意酸菜同芥唔應該每位收；好似我地今次有8個人，可能因為有小朋友，酸菜收$42，芥收$42，免o左茶錢，所以茶芥總共係$82。雖然係咁，小妹覺得都未至於不合理o既，因為比較起其他酒樓食晚飯，其實D茶芥都係咁上下價錢，而且好多仲貴D添。今次都係食雞燉翅、炸子雞同荷葉飯。雞燉翅依然多翅，炸子雞依然非常好味；不過個荷葉飯冇上次果個咁正，有D失望。除此之外，仲叫o左個鍋貼蝦同鵪鶉鬆生菜包；因為有人唔食鵪鶉，我地改o左用瘦肉，可能冇咁香，不過都好好味，而且冇咁油添。個鍋貼蝦略嫌油膩o左D，不過D蝦都鮮味，唔錯。整體依然滿意。相中就係鍋貼蝦。

今天和家人一行六人到鳳城, 埋單時發現單上只顯示一條大數並比預計昂貴, 再向待應查詢後發現原是免茶錢. 但芥是每位六元(相等於收茶錢), 而且飯前的一碟酸菜(一檯只有一小碟), 亦是每位收六元. 單是以上已八十元了, 覺得收費不合理, 酸菜沒理由每位計, 應逐碟計(如十元一碟). 食物亦不太好吃. 所以不是太多人.

一行4人去o左太子鳳城開飯。叫o既主要係招牌菜，但幾乎全部都話要預訂，離譜；不過真係幾好食，我地叫o左：1). 雞燉翅(小窩)，$210：碗碗都有一梳梳翅，湯濃味但略嫌多油，算幾抵食。2). 豬生腸(例牌)，$90：只得一小碟，貴o左少少；不過乳豬真係皮脆肉鮮，生腸又冇出面果D咁「人工」紅色，好爽口，唔錯。3). 脆皮龍江雞(半隻)，$50：呢味菜做緊特價，好抵食。雞皮整得好脆，雞肉又嫩又滑，好正！不過真係好油，食完成碟雞之後成碟都係油；但始終忍唔住要食埋D雞皮，肥死喇，點算好？！4). 荷葉飯，$80：小妹最怕D荷葉飯一「pat」咁；但呢度整得幾乾身，又多料，唔錯！5). 焗西米布甸(大)，$90：食完先知原來有個細size，激鬼死！不過冇預期中好味，裏面唔夠實，但都整得好香。4個人食到非常滿足(勁飽~)，卒之又食又拎，半個荷葉飯同大半個焗西米布甸都要打包。總括o黎講係好滿意o既一餐，會再去~~相中係out-focus招牌脆皮龍江雞半隻。

上個禮拜四約o左食家C,Kenny(A.K.A.笨橙),紅紫同藍槳去上環鳳城食晚飯Y小姐唔舒服無o黎..點知藍槳亦俾人鉗住..最後食甜品時先o黎到...今次食家C做足功課所以由佢發板.都叫成六味!第一味:鍋貼蝦- 其實咪即係蝦多士... o的多士又油又唔脆第二味:炒鮮奶拼野雞卷- 幾滑.我話覺得似炒蛋白多o的(Kenny就響度笑..)野雞卷香口但比較肥仔.第三味:鵪鶉鬆生菜包- 好有水準.推介.鵪鶉鬆炒得好有口感第四味:脆皮龍江雞- 中規中矩第五味:炸粉果- 另一推介.我同食家C都話正.粉果金黃可口,皮夠薄,料又足(真係有蝦仁o架)第六味:腐乳椒絲通菜壓軸好戲...要預訂o既西米焗布甸.. 好好味呀!!!!焗出o黎o既布甸皮煙煙韌韌,又香噴噴.蓮蓉又唔係太甜.但係我都係鍾意食跑馬地蓮園o既西米布甸.. ^.^

年廿六去完太子鳳城同小黑貓團年後,一直想試埋上環鳳城, 因為近我屋企.終於年廿八晚, 一行四人去左上環鳳城食團年飯,而所點菜式大致上同我地去果餐雷同.一個4-6人份量的"五和菜"套餐($698)包括:雞燉翅<--用烏雞, 飽翅, 水準與太子鳳城無異.*生魚捲<--用雲耳, 西芹炒, 生魚捲內有雲腿, 非常美味!炸子雞<--足半隻, 熱辣辣脆卜卜窩貼蝦<--呢味最抵, 因為有9隻, 如果分開order已經要$98.生菜包鵪鶉鬆<--順德明菜, 加甜醬更好食.*楊州炒飯<--呢個頂級!!!比荷葉飯更勝一籌, 夠味又足料, 我懷疑佢加左"美極"去炒; 蝦仁有十幾廿隻, 重有肥叉及生菜....非order不可!!!另加一客炒鮮奶($52),連汽水茶芥加一果盤甜品$910幾埋單,以質素計絕對超值.廚房水準方面, 除左上菜次序亂少少, 味道似乎比太子鳳城更好!上次食過北角鳳城大失所望之後,上環鳳城的老班底總算爭返氣!上環鳳城初四至啟市,平時一至日11:30am前早茶大, 中, 小點都係$8碟,搵日去試埋嘆茶先!!

同三十幾人去團年, 連開三圍~ 不過地方好迫.....order o左好多野, 最正係雞燉翅, 一排排o既群翅, 好足料呀~~~~~~ 另外個荷葉飯, 炸粉果, 鵪鶉鬆生菜包, 炸子雞都好好味~ 蟹黃蟹肉扒芥菜膽都好足料, 不過d蟹黃無咩蟹味~ 可能太多人啦, 唔多夠人手喎~

呢間酒樓真係幾舊式囉, 去到要自己洗杯碟個d, 同埋佢味精都幾勁下, 我上次去完成晚都口乾乾訓唔到. 佢係少人囉, 冇人趕你走, 係就係舊咋, 都唔平呀.