鳳園雞煲火鍋

今日去咗旺角一間叫「鳳園雞煲火鍋」嘅餐廳食晚餐，呢間餐廳係最近新開張，屬於內地嘅連鎖品牌，喺廣州、北京等地方都有分店。餐廳樓高兩層，座位都算幾寬敞，自助醬料區會收取每人$16嘅醬料費，每枱都設置傳熱嘅電子爐，而且使用厚身保溫嘅瓦煲，火鍋配菜嘅擺盤都幾精緻。🍊 原味椰子雞湯底我哋揀咗原味椰子雞，職員會先將一個新鮮椰青倒入鍋中，滾熱之後再將半隻新鮮走地文昌雞放入窩中，成個鍋再滾起嘅時候就可以食得。新鮮雞件嘅雞肉十分嫩滑，完全冇雪藏味，而湯底滾起後充滿椰子嘅清甜味同雞件嘅肉味，可以喺煮其他火鍋配料前先飲一碗湯。除咗原味之外，可以選擇竹笙或者木瓜嘅椰子雞湯，文昌雞亦可選擇半隻或一隻。🍊 優選肥牛肥牛分咗精品、優選、特級三個級別，我哋揀咗中價位嘅優選，肥牛嘅油脂感都幾重，幾秒就可以煮熟🍊 精品牛舌牛舌切得好薄身，放入鍋中大概10秒就煮熟，食落去口感好爽，口感偏薄，而且幾有牛味🍊 潮汕牛筋丸潮汕牛筋丸不嬲都好出名，咬落去充滿口感，爽口彈牙但牛筋唔會黐牙，而且牛嘅味道都好濃郁🍊西洋菜今次揀咗平時較少食嘅西洋菜，西洋菜份量幾多而且幾新鮮，煮熟之後嘅菜幹仍然好清爽，菜葉吸收晒椰子湯底嘅清甜🍊 天然桃膠椰

🐓喺旺角新開左鳳園雞煲火鍋，唔洗返內地食～叫左必食 五指毛桃脆皮雞煲，脆皮雞已經起好哂肉，雞肉只需要涮30秒就食得✅～肉質非常滑嫩，五指毛桃湯底好滑甜～已經飲左好幾碗～🌶️撈汁鮮鮑魚足足有6隻以上，好彈牙，每一隻都沾滿醬汁，仲有青瓜一齊撈～酸酸甜甜開胃菜～～🐄潮汕牛筋丸認為必點牛筋丸，牛香味好濃郁，亦都好彈牙，好多肉汁🤤🍸百香果檸檬水🍹百香果香橙水兩杯份量巨多，百香果籽喺底～夏天最適合飲啲開胃飲品～🥭天然芒果椰子凍🍨銀耳桃膠蓮子黨兩款甜品唔太甜～食完雞煲抗邊爐可以中和一下～如果喺旺角附近行街又想食白滑雞肉同飲啖靚湯～呢間係唔錯既選擇～

新開火鍋雞煲店，主打養生火鍋湯底同脆皮雞，田園風裝修，座位寬敞👏🏻最驚打邊爐坐到好迫🔸撈汁紫菜生蠔 $48生蠔一口大小，一份有5粒，配埋脆滑既紫菜，撈汁甜中帶檸檬酸，好岩夏天食開開胃。🔸無花果脆皮雞煲 $228湯底清甜唔油膩，加入多種養生食材，如：無花果、椰子肉、紅棗、杞子…一上台就先飲碗湯🥣呢個煲跟送全隻脆皮雞，採用300日果園雞🐣所以唔好expect好大隻🤣但都夠食的，去骨分成7碟上，肉片到好薄，淥30秒就食得，外皮爽脆。特別啲既有蛋單，即未熟既雞蛋，食落似平時既蛋黃，再淡味少少🤏另外叫左啲打邊爐配料，有牛肉/海鮮/蔬菜/丸…鹹蛋黃蝦丸 （$58）一份有6粒；鮮鮑魚 （$29/隻），2隻起叫；精品肥牛（ $98）正正常常。🔸百香果檸檬水 $38大杯抵飲❣️加入新鮮百香果，食到粒粒百香果籽，飲落酸甜開胃，兩人share都ok。🔸天然桃膠椰子凍 $28桃膠鋪滿表面，底下係椰子味奶凍。

椰子雞煲係呢度其中一個招牌款式~湯底係席前倒入原個泰國椰青，清甜椰子水加上嫩滑文昌雞~清甜嘅湯底更加突顯到雞肉嘅鮮甜原味，而且佢哋嘅雞皮係好神奇嘅爽脆質感，而雞肉就比較結實~食完雞就可以打邊爐啦~我哋叫咗空中花園拼盤~一盤有齊肥牛、粟米、南瓜冬瓜、黑皮雞樅菌（成支鉛筆咁）、生菜、娃娃菜、響鈴、牛筋丸同鹹蛋黃蝦丸同埋蟹柳，真係勁多款式夠晒豐富！我哋仲叫咗雞雜，有好罕見嘅雞內蛋（即刻平時日式串燒嘅提燈）口感好特別好Q彈，味道就似蛋黃，第一次食感覺幾有趣~另外仲有雞肝雞腎就比較大路啲~

經過旺角見到有間樓高3層嘅火鍋店新開張，餐廳主打靚雞靚湯，最吸引嘅就係7層嘅脆皮雞層架，所以新張期內都已經好受歡迎，座無虛席無花果脆皮雞煲 ($228)七層雞架先聲奪人，湯底$228連埋呢set雞肉都幾抵食，而且雞肉無骨，碌30秒即食，食落嫩滑彈牙，7層中嘅首層係雞件同椰子，店員會先落呢碟同湯底一齊煲，底層則係雞雜，另外無花果湯底中有紅棗同粟米，未滾肉前可以飲返碗，幾清甜精品牛舌 (約$78)牛舌薄切，肉質滑溜帶天然牛肉香，食落有彈性空中花園 (約$138)空中花園呢個拼盤包羅萬有，上層有肥牛、粟米、南瓜同黑皮姬松茸，下層有生菜、娃娃菜、響鈴、牛筋丸同鹹蛋黃蝦丸，估唔到一個拼盤會有咁多食材鹹蛋黃蝦丸 (約$58)食完拼盤再encore左鹹蛋黃蝦丸，蝦肉滑嫩彈牙，中間鹹蛋黃流沙香濃，入口爆漿，幾特格

朋友在上個月食過，今日特意約我去這位於旺角豉油街36-42號榮高大廈地下至2樓的<鳳園雞煲火鍋>食午餐，環境舒適，裝修庭園格局，富有渡假風味。醬料費每人$16。我哋點咗：🥢原味椰子雞煲（半隻雞） $208：原隻椰子加雞件，水滾後計四分鐘就可以進食，雞肉嫩滑，湯底清甜。🥢撈汁鮮鮑魚 $78：鮑魚新鮮爽口有彈牙，伴碟有青瓜，酸酸甜甜好開胃。🥢蝦滑 $68：蝦滑好新鮮，結實又彈牙。🥢蔬菜拼盤 $78：款式多，有生菜、皇帝菜、娃娃菜、冬瓜、粟米、南瓜..等等，健康又好味。🥢皇帝菜 $36：新鮮好味。🥢海帶苗 $36：海帶係健康的食材，海帶苗比較幼細，好食。🥢鳳園大滿貫 $18：招牌甜品，材料豐富，有紅豆、桃膠、芋圓....等等，清涼好食。

食品一般，選擇不多！食到出晒汗，食龍肉都冇味啦！牛肉薄過張A4紙，絕對唔怕唔熟會肚痛，因為真係可以做到3秒即食，其他食品選擇唔多，暫時沒有酒牌，所以如果要飲酒的人要自己落樓下買。

今晚首次來到旺角鳳園雞煲火鍋，環境很雅致乾淨衛生。熱騰騰雞煲配椰子水頗有水準😋真多謝那位高大戴眼鏡哥哥服侍周到，一流服務真的很值讚！最近還做起推廣，一個價錢等如送券免兩吃，可能很快就結束。

第一次來，招牌椰子雞煲好好味，椰子好清甜，雞肉都好鮮嫩，好好味！火鍋食材都好新鮮，臘味煲仔飯都好正！有位戴眼鏡既店員哥哥服務好好，照顧好周到，好親切又好專業咁介紹招牌菜，一定會再來幫襯！

路過見到88折就上黎試下，環境好靚裝修好ok，音樂都係caaual music好cozy!!(特別提出）😈🐔五指毛桃脆皮雞招牌雞煲之一，超推薦!!🤤個湯底已經好rich，雞肉每一啖都好彈牙好味（冇骨㗎）🦐撈汁鮮蝦 & 撈汁紫菜生蠔🦪Superrr nice and fresh，好啱最近d天氣熱到爆，就算lunch break過黎就食涼菜都ok😂生蠔好飽滿新鮮，鮮蝦好多，肉質唔錯🥥冰凍椰青 & 凍檸茶🍋凍椰青一定要試下，好解暑，好啱配雞煲會覺得幾fresh!! 檸檬茶就中等口味，無功無過，好大杯就真 環境真係nice，音樂又浪漫、燈光好舒服影相好出片，好似椰林樹影咁，成棟有2-3樓，最近有88折同送禮物，真係要趁機食多幾次哈哈哈哈