100
1
0
港鐵尖沙咀/尖東站 P3 出口, 步行約6分鐘 繼續閱讀
電話號碼
23661988
營業時間
今日營業
11:00 - 22:00
星期一至日
11:00 - 22:00
付款方式
Visa Master AlipayHK 支付寶 現金 AE 銀聯 JCB
座位數目
30
其他資料
Wi-Fi 詳細介紹
酒精飲品
自帶酒水
泊車 詳細介紹
電話訂座
外賣服務
加一服務費
當面支付
食評 (104)
等級4 2019-01-27
514 瀏覽
今日全日為母親大人慶祝生日, 節目當然要特別啲啦, 所以我決定同屋企去風雅一番, 去品茶。能在鬧市中有一個這樣的靜室實在難得。武夷茶本身都係我地喜愛的茶之一, 由其是大紅袍,一年我地都飲唔少。茶館以竹木布置, 應覺優雅,而且單邊一排大窗,採光十足。呢間茶室提供自家茶園嘅出品, 種類都幾多。我地四人行,就揀左兩個二人餐, 咁就可以試四手茶。主打當然係試大紅袍啦 、然後就係肉桂岩茶、小種紅茶同菊花,甘香醇厚各種風味都有, 很難得。店家放低茶葉set, 就問我地懂唔懂茶, 自問雖然唔專業, 但在家閒時都愛品茶, 所以基本泡茶技巧步驟都是懂的。所以店家就放下一個焗茶盎同一個紫砂壺俾我地自己慢慢玩😏。不過唔識都唔緊要, 店家係會教你嘅👌。我地四款茶, 菊花同小種紅茶就建議用茶盎。而大紅袍肉桂呢就用紫砂壺, 出嚟嘅茶會更香甜, 茶色更清澈。煲好水放好茶葉, 一般第一泡是用嚟洗杯的唔會飲, 第二泡就開始倒入附上嘅公道杯, 咁樣兩三泡嘅茶,味同色都會均衡啲, 每人飲嘅味道都會一致, 所以視為「公道」。第一款我地試肉桂, 味道非常香, 入口甘醇。第二款是較貴嘅「雅」級大紅袍,茶味亦較突出, 但我覺得香味是肉桂的較優勝。弟婦愛佢地嘅菊花,甘香但冇澀味。反而小種紅茶就較為普通左啲,不過一分幾一分貨嘛。而且可能我地因為工作上成日有人送靚茶葉來, 所以嘴會飲到刁哂🤭😁😜。幾款茶葉會好順滑,這就是靚茶嘅最基本。跟茶會有兩盤茶食,所以唔怕太寡。跟店家閒談,茶室仲會不定期有中樂玉石鑑賞等茶藝活動,之前我本身想報佢嘅中醫茶療活動, 可惜佢剛停了!之後可能試下報中樂與茶嘅活動先得。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-19
409 瀏覽
忙裏偷閑🤣就會想搵個正整地嘅地方傾吓計嘆吓茶🍵🍵🍵🍵,正正就比我搵到喺尖沙咀呢一間鳳凰茶苑🥳,佢其實就係喺科學館對面街都好容易搵到🤣。環境非常之幽靜,背景播住悠閒嘅音樂清幽雅致😊,令人真心非常之放鬆☺️☺️仲有落地大玻璃景俾你飽覽尖沙咀一帶嘅景觀,當然唔少得嘅係係落地大玻璃前面影返相打打卡啦☺️🥰店員介紹佢哋嘅茶係嚟自武夷山嘅茶葉🤔,佢哋自家品牌個名叫做密雲龍🤔,最低消費$50😌茶嘅類型選擇都好多🤔🤔🤔🤔🤔原來佢哋仲有茶具同茶葉賣🤔經過一輪嘅掙扎選擇之後,就決定係你啦😂二人套餐包括有密雲龍大紅袍,玫瑰花茶或者菊花茶二揀一( $228 ),會贈送茶色一份,包括有曲奇餅/腰果/杏仁/乾果☺️ 店員會教你點樣去沖泡😳佢哋好細心正同茶走用紫砂茶壺,花茶例如玫瑰花🌹就會畀返透明玻璃茶壺靚靚俾你影相🌹佢哋仲話如果有時間可以參加佢哋嘅課程學下真正嘅茶道🍵😳查真係一門唔用依家學問啊😃唔經唔覺飲下茶傾吓計食吓餅就坐咗三粒鐘😂😂😂得閒你放鬆下都幾正🥰 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-07
337 瀏覽
品酒,品咖啡,品茶,都是我喜歡放假時做的事情。目的只有一個,放空。今天是週未,就帶女朋友去品茶。香港﹐要找一間,純品酒不難,純品咖啡難,純品茶更難。不過,在網上就找到一間,純品茶的茶舖,交通亦相當方便。鳳凰茶苑,位於尖東加連威老道,由地鐵站或者西鐵站走去,大約十分鐘。這是一間,品茶的專門店,主打的是來自武夷山的岩茶。武夷山,一個盛產茶葉的地方,也是一個在我中學時期,曾經到訪過的地方。最出名的岩茶,當然是大紅袍。走進茶苑,環境清靜,佈置都是跟茶有關。經店員引導,在一個位置上坐下,便由店員介紹各式茶品,豐儉攸人,除了岩茶,還有一些花茶。最後,點了一份兩人套餐,188元,可以品嚐到兩種岩茶,武夷水仙,以及大紅袍,同時包含一份簡單的茶食。先品嚐,以清香為主的水仙,由店員開茶,這裹的沖茶方式,相對功夫茶來說,比較簡單。水仙,入口清香,回甘味中等。之後再品嘗,口感豐富的大紅袍,這裡的大紅袍分數級,我飲的不是最好也不是最差的,雅級。入口,相對水仙來說,較濃,口感層次豐富,回甘味更持久。簡單的品茶,悠間地渡過了週未的下午。 各位網友,在香港有其他純喝咖啡,或者飲茶的地方嗎?如果有,請留言吿之,謝謝!鳳凰茶苑地址:加連威老道77號開麟中心2樓緣份天成,初心為本。喜歡用文字分享我的味覺之旅,有興趣請follow我~緣食魔宮。抵玩指數最高為三星,所有不用自掏錢包或劣評者, 將不給予抵玩指數。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-16
374 瀏覽
肥妹仔對飲茶不嬲都係冇心得嘅,但係閒時都鍾意沖一壺茶嚟飲,幫自己提提神順便養下身。今次有機會去到呢一間鳳凰茶苑飲一壺靚茶,實在非常難得。入到去個裝修同環境都非常優美,茶苑入面有好多展示櫃 ,上面有好多唔同嘅茶壺展示出嚟, 有啲價值不菲,睇得出呢一間茶苑嘅主人好有心想推廣中國嘅飲茶文化。 肥妹仔我喺個茶園轉咗一圈,見到有好多唔同茶種嘅茶葉展示出嚟為客人介紹,每一種睇落去都係精挑細選過,非常有心機。肥妹仔我見到個餐牌上有好多唔同品種嘅茶,花多眼亂,所以肥妹仔就聽店員推介,揀咗一個二人套餐。套餐入麵包括咗一壺密雲龍大紅袍(鮮雅醇)同玫瑰花茶,另外重附上一份小吃,有一啲果仁,曲奇,乾果等等用嚟送茶。個店員首先會幫我哋開茶,店員同我地介紹番,我哋飲既呢一隻麥雲龍大紅袍係用緊岩茶壺,佢會先用熱水喺茶壺上淋一次水,呢一種動作為之均勻受水,然後就去洗茶,即係將第一次沖茶葉既水留起用嚟養壺,不會飲用,咁樣個茶味先會越嚟越香濃。肥妹仔我唔係一個資深嘅飲茶學者,講唔到好多大道理或者好專業嘅名詞,但係肥妹仔真係飲得出呢一種大紅袍味道係好香,好清,冇坊間一啲所謂高級嘅大紅袍咁intense,完全冇苦澀味,飲落去好順喉, 而且佢嘅水亦都唔會好深色,似紅茶嘅顏色,店員介紹話呢一種茶色同香味先係做得好既大紅袍。玫瑰花茶呢肥妹仔就覺得對比起大紅袍比較普通,似我哋一般出街飲嘅花茶。 繼續閱讀
(以上食評乃用戶個人意見 , 並不代表OpenRice之觀點。)
忙咗成個禮拜,weekend自然係想休息一下,放慢腳步。 今次去咗個幾特別嘅地方,有別於一般飲茶嘅地方。呢間茶苑提供多款唔同嘅茶類,可以畀人下品嚐到武夷山出產嘅岩茶、大紅袍、名欉等,相當特別。 店家提供除咗有單點嘅茶類,亦都有套餐,可以按個人喜好選擇,而套餐就奉上一啲茶食,即係小小嘅果乾曲奇等等。但就無提供點心/其他飽肚嘅食物,因為唔係餐廳。而我哋就選擇咗個二人套餐,包括密雲龍大紅袍,係雅級嘅,比較濃厚醇和,岩茶方面就係武夷山嘅水仙,據店員介紹,呢款茶係比較「靜」,即係飲落會好舒服,令人感覺平靜, 又唔少鍾意做瑜伽嘅人都會選擇呢款茶。喺等待緊茶葉同埋茶食嘅時候,不妨喺店內打個轉, 因為 店內擺設多款不同嘅茶具以供售賣。雖然我就係Window shopping啫,但係其實睇下都開心,因為好多款唔同嘅茶具例如紫砂、瓷器 等等嘅茶具製作得非常精細, 好似行入咗一個小型嘅茶具博物館。而且擺放得相當之靚,茶具手工都好精細。睇咗一陣,我哋選擇嘅密雲龍大紅袍及武夷水仙都準備好。店員先幫我哋開茶, 開茶嘅過程相當有學問 ,經過暖茶具、浸泡等等嘅過程, 先可以沖到一杯好茶。我哋先飲嘅係武夷山水仙,飲落好香好清,果然俾人一種平和嘅感覺,飲多兩啖仲有少少眼瞓,因為真係飲得好舒服,我唔係好識形容。而大紅袍就相對有層次,除咗香氣之外,飲落比較濃郁複雜。雖然我唔係好識得品茶,但呢個地方我覺得好適合同朋友品茗談心,比坐喺某啲連鎖cafe, 更好打發時間,過一個悠閒嘅週末。 繼續閱讀
(以上食評乃用戶個人意見 , 並不代表OpenRice之觀點。)