鳥華 (已結業)

拉麵有兩款湯底，第一款雞白湯湯底，雞味濃，湯底奶白色，第二款係醬油湯底，醬油味好香，兩個湯底各有特色。拉麵麵身滑而有彈性加上香蔥好好食。叉燒味亦很香，一個套餐會再加一碗細飯，個飯就一般般，不太吸引，但就一定好夠飽。…查看更多

只可以講係v-city吾知可以食咩野之下又吾洗等位的拉麵舖…去到8點，今次我選擇食左辛辣豚肉湯拉麵 加 餃子味道只屬一般，因為肉偏少而面質偏淋，辣度中辣但冇辣味，份量適中。餃子冇咩味但夠熱，冇餃子醬，想落醋又冇味，和上次黎都係失望，下次行遠少少去市中心食仲多選擇…查看更多

鳥華拉麵魚介雞白湯拉麵🍜$79之前想去尖沙咀試下佢地個雞白湯，點知原來無左，入屯門比我見到，就9秒9坐底，魚介雞白湯帶有淡淡的鰹魚香味，湯頭濃郁，不像🐷骨那麼肥膩，但略為偏淡，叉燒又係比較淡，沒甚肉味，但面質彈牙有爽口，這𥚃蔥花是免費加碼的，小第非常喜歡，把湯一飲而盡這是對一碗拉麵的尊重吧！それはそれのためにラーメンについてのスープボウル排水しました！…查看更多

味付蛋這個味道一般，隻蛋是凍。我覺得爭些小綠茶，冇特別雞白湯拉麵個湯太咸了 ,叉燒味道一般，拉麵太淋有時去Vcity一個人吃晚餐。主要屋企人不在屋企時候，早前又在Vcity吃晚餐。我揀吃拉麵，鳥華而家只有Vcity一間店。可能拉麵競爭太大,開始做不住。鳥華之前去過幾次,今次叫雞白湯拉麵，湯頭比以前咸咗好多，好彩叫綠茶1支,拉麵煮得太淋了 ,味道整體唔好吃，服務就一般,這裡不用等位呀,應該冇下次了…查看更多

昨天到屯門買東西，誤以為這間是灣仔鳥華亭的分店(因門口掛了紅布及鳥華字體有些相似) ，餐牌上所顯示的雞湯拉麵也與灣仔那間正宗的有些相似。不過那天感冒卻叫黑蒜油豚骨湯底的拉麵，本人十分愛吃拉麵及對味精非常敏感，湯一入口已感到不妙，他們落了不少味精，沒有濃郁豚骨湯味。:(其次他們所用麵條又不是正宗日本麵，沒有蛋香之餘麵身又沒有彈性。:(叉燒方面更差，肉質粗硬又沒有肉味，比"味X拉麵"還差。:(這碗沒有質素的拉麵竟收取日本正宗拉麵的價錢，真是過份﹗﹗…查看更多

小弟鐘意雞湯，當然就點了個雞白湯拉麵，雞湯的味道香濃，不過有點過火，勝在沒有油，麵質感是偏硬，掛湯一般。雞肉一般，都係豬肉還好。大體上，味道偏鹹，麵條質感一般，偏硬身，掛湯能力一般，真係麻麻，只係湯夠味。不過勝在環境舒服。…查看更多

黎到V-CITY, 見有拉麵食, 就去試試, 同友人各點一碗拉麵, 再點多個小食.店子細細, 座位又估唔到甘多, 都唔算好迫. 店員都有禮貌, 只係有時冇視你, 可能夢遊緊.衛生麻麻, 我都知星期六多客, 但係太唔乾淨啦, 雞骨係地下, 而且D座位好油.講返食物先.一番雞白湯拉麵 ($79) :個湯唔油好清, 睇落好似老火雞湯, 而且好有膠質, 見佢開始起一層膜就知.濃郁既湯, 雞味反而少, 但好似豬骨加雞既味.紫菜另上既, 自己放落去.麵質爽滑彈牙, 唔會煮到過淋, 幾好味. 味付蛋仲有少少未熟哂, D蛋黃好香又滑, 而且好入味.叉燒有2塊, 睇落乾硬, 但原來食落好易咬鬆化既肉, 肉味唔算濃, 唔係好肥, 但食完膩膩地.特盛雞白湯拉麵 ($118) :同樣紫菜另上, 基本上同一番雞白湯拉麵一樣, 只係多左幾塊叉燒, 同有D蔥.分量比較多, 岩男仔食.炸雞 ($4X) :岩岩炸起, 夠哂熱. 脆卜卜既. 不過雞肉鞋D, 同乾身D, 不過都好惹味香口.(其實我地叫錯左, 我地想試門口放住個D一口炸雞粒, 下次再試啦).…查看更多

Vcity是屯門大型商場之一，我每天放工都會經過VCITY,Vcity内食店基本上去過,徐了酒樓同日式燒烤未去過之外，屯門拉麵店不能同市區相比,鳥華是光顧次數算多,這兩日去了vcity吃午餐，無意中發現多了特價午市,主要輕食為主，而家有不少餐廳推出輕食午餐，女人又怕肥又要四處食,輕食幫到追求健康OL,今次点了雞白湯拉麵(49元/餃子)+5元汽水，另加味付蛋(10元) 我覺得拉麵又幾好吃，只是拉麵稍為硬身些小，我愛吃軟身拉麵，雞白湯味道又不太咸,我飲了半碗,湯底味道唔錯,餃子亦好好吃，餃子的皮夠薄就唔夠多肉汁,整體幾好吃，服務就一般,地方十分適中，座位亦坐得舒適相比市區同元朗,屯門冇咁選擇，拉麵店在屯門算多,我覺得鳥華已經幾好…查看更多

星期日其實已經接近兩點先食lunch點知四圍都好多人想起呢間一直都好想試 點知坐底睇完餐牌先知大問題 餐牌𥚃面有尖沙咀店限定另外有一部份係晚上6點先開始供應 可以點既選擇無幾 點了佢哋引以為傲既雞白湯麵加蛋 上菜快但拉麵普通量少湯底又太鹹 唯一係個雞蛋好食 埋單$79加一 食完好似冇食咁 真係只此一次下不違例:(…查看更多

本來諗住吃隔離(牛角燒肉)點知要等好耐先有位.....走左去隔離鳥華啦麵.....一直都想試一試...今天有機會了睇餐牌...款式不多...主打雞湯..當然要一試....我點了雞白湯叉燒拉麵湯底農得黎好香雞湯味...麵身帶小粗有點韌感覺..唔會軟林林..合我心意.至於叉燒厚度ok入味的但淋而不滑.食落有點兒爭小小的感覺 ....整碗麵黎講都可說是好食的老婆點的滑蛋猪扒飯...也可以猪扒應該是即炸的.....滑蛋煮的時間很好...炸猪扒入囗時仍然脆囗...不過飯質偏硬....要扣分............總結(鳥華)黎講都可以是一間一試無防的啦麵店..但不要其望過高...也不會話難食到放不進口裏的..............…查看更多

最近成日去VCITY光顧它的食店,今晚就去了烏華拉麵,烏華拉麵去過3次,今晚点了濃蝦湯海老拉麵(79元),湯底看上去好似好濃味,其實一點都不濃味,拉麵今晚水準一般啦,我覺得只是一般,應話呢個拉麵不太啱我口味,清湯底較為啱我口味多D,我覺得烏華都OK,服務都OK,今晚不算太多人,不用等位,座位任坐,呢度地方不算好大,我覺得座位坐得舒服味道:濃蝦湯拉麵只是一般,湯底不算太濃味,蝦只是蝦干,不如叫蝦干拉麵啦,給它的名字誤導咗服務:都OK環境:地方不大,尚算舒適番吃:間中來就OK …查看更多

收左工番到屯門，等埋老公去巴倫紐睇戲，lunch就自己搞掂。自己一個，星期六既下午係新墟呢一帶食野一定多人，但我又唔想同人搭枱，又想坐得舒服，價錢又要合理.....哈哈，其實我都幾奄尖架。否決左m記，海皇粥店，上海野，tomato otamot.....最後比我搵到佢—鳥華，唔係因為佢好好食，因為我都係第一次試，70多元食個正宗的日本拉麵都算係咁啦，最重要係佢有適合“單身人士”用餐的位子，就係對住個落地大玻璃，望住一田超市用餐喇。既可以免卻跟陌生人打對面坐的尷尬和拘謹，又可以閒適地用餐，慢慢食都得哩！至於食物，我只可說ok啦，個麵同湯底無咩特別，不過隻糖心蛋好好味！义燒都不錯！如果下次我都係要自己一個食lunch, 我都會再食呢間，但下次會試佢d飯…查看更多

:(點了個下午茶餐嘅白雞湯底，個湯底又油又無味，拉麵又普通，好彩無食正價嘅拉麵，唔係就浪費左幾十蚊，價錢又貴……個茶係立頓茶包，仲要唔夠熱。食過今次就夠，唔會再嚟。…查看更多

好吧, 首先講他們引以為傲的湯底, 龍蝦湯底得個鹹, 雞肉湯底又淡又好難飲, 豬骨湯沒有豬味. 然後拉麵非常硬身, 難食.叉燒很低質素難食, 雞肉感覺比麥記的差幾皮. 黑豚骨質素很差得個鞋, 芝麻雞翼肉少味道差.另外雖然人流少, 但上菜速度出奇的慢... 食個半鐘有五十分鐘的等待, 廚房比新人練習緊煮麵?…查看更多

:(拉麵款式好少，來來去去都只得叉燒一種，只係不同湯底選擇。:(濃蝦湯底好咸。:(叫左個鷄亦好似食緊麥當當咁無特別。:(鷄白湯還可以，但拉麵好硬…叉燒唔好食。:(咁嘅價錢同一wind堂和屯王好好多倍，一定唔會再食。…查看更多