鱷魚泰國餐廳 (已結業)

好好食，下次有机会会再帮襯😚老闆好好人. D野食煮得好好食，煮得好入味 青檸烏頭魚个湯酸酸地，好入味！ 冬陰功湯香味撲鼻,材料豐富，味道好足👍 个辣椒膏炒蜆鮮嫩多汁 ,煮得好入味生蝦好新鮮, 直得品嚐

九龍城又有新泰國餐廳，因為叫做鱷魚餐廳所以餐廳門口有好大隻鱷魚貼紙！因為係新舖開張，所以晚市有野送！門口格離就有個易拉𣕧寫住即送5選1！9點後仲有7折優惠添！舖頭唔算好大，但個環境好光鮮，牆上面有幅幾特別嘅掛畫，好似係古時人類大戰鱷魚嘅畫餐廳入面有餐牌寫住可以免費揀邊5樣野食！有青檸烏頭、飛天通菜、炸蝦餅、酸辣鳳爪同粉絲肉碎湯識揀就緊係揀青檸烏頭啦！食泰國野緊係要叫定杯野飲，呢到啲飲品比一般泰國餐廳多，有椰青嗰啲泰式野飲之外，仲有好多沙冰類添！椰青沙冰本身以為用普通杯裝，但原來係用原個椰青裝住！味道又夠濃！超正呀！朋友好中意食食肉碎生菜包，次次食親都會叫！肉碎可以揀豬、午、雞肉！上面放咗兩條辣椒乾，好似好辣咁！肉碎食落好香好惹味！辣味食完慢慢辣出黎！肉碎入面仲混合咗脂肪粒、洋蔥同香料好好食！之後到送嘅青檸烏頭都黎喇！哇，真係成個爐送上嚟嗰種！免費有得食真係抵！青檸汁比平時食開嘅清新！食落去酸酸甜甜超開胃！見到介紹有隻好似雀仔嘅菜色，原來叫做小鳥等愛，睇個名同樣真係唔知係咩黎，原來係炸蝦餅！！其實應該話炸蝦球先岩，圓滾滾大大個！食落去好脆好彈牙！除咗出面有層蝦膠之外，原來入面仲有隻蝦！又

今日黎九龍城感受下泰菜嘅魅力，跟住一上openrice就見到呢邊真係好多泰菜嘅舖頭，於是就去左簡下有邊間新開去試下，行行下見到呢間舖個名叫鱷魚餐廳嘅餐廳，見到個名幾特別於是就簡左呢度開飯喇。冬蔭公湯一開始就緊係要飲個湯先喇，呢個冬蔭公湯個湯底真係好濃，入口有濃濃香草味同辣味，而且份量唔會小，仲有成隻蝦係入面，不過餐廳老細話可以整個加辣版俾客人架，想食番最正宗冬蔭公湯嘅辣味可以黎挑戰架。肉碎生菜包(豬肉)豬肉碎好有口感，夠晒甘香，加埋佢本身果種淡淡嘅香草味，唔需要其他嘅調味，將豬肉碎夾埋生菜攏入口，都已經好令人滿足。青咖哩(牛腩)一上枱嘅時候已經非常香同埋亮身，青咖哩入口感覺滑身好夠椰香味，不過牛腩都唔小，入口夠彈牙，肉又夠晒結實，餐廳肯定係用鮮牛腩做嘅。蒜蓉包將青咖哩配合蒜蓉包係一個絕配，餐廳嘅蒜蓉包全部即叫即整，保證新鮮又熱辣辣嘅同時又夠軟身，咖哩香濃味道配合烤餅真係令人一試難忘青檸汁烏頭餐廳俾每枱客人可以免費選擇一個餐廳指定嘅菜式，我地就揀左啲青檸汁烏頭，青檸汁烏頭都真材實料架，烏頭口感結實又夠彈牙，加埋啲開胃嘅青檸汁真係好醒胃，慢慢食住再慢慢傾下偈，真係好嘆架。今次試新野嘅體驗都

大約兩點左右去，見冇咩人，入去試試。環境乾淨整潔的，感覺不錯👍午餐餐牌都有多種選擇，我就點咗個泰式肉碎煎蛋飯，濃郁的金不換味道唔錯，送飯一流，美中不足係 油太多。冬陰公湯河粉，湯底夠濃，好好味。唯獨餸太少，只有兩隻蝦和兩粒🍄午餐有咁嘅水準，值得再去！

老闆同老闆娘都nice，員工都好nice,值得一去👏🏻👏🏻特別推介馬拉盞炒椰菜苗，啲菜又嫩又爽口，生蝦新鮮又大隻，配菜又靚。吊燒熱辣辣脆卜卜，下次一定會再幫襯👍🏼👍🏼