鰹烏冬 (駱駝漆大廈第三座)

營業中

休息中

*✲ﾟ*。🇯🇵💛最愛嘅手打烏冬店😍
最近去先發現觀塘分店搬咗落2樓 唔好去錯11樓摸門釘呀⚠️

食左好多次都仲未試哂咁多款烏冬🙈
烏冬係手打讚岐烏冬😋
月見烏冬用左鰹魚湯做湯底 好香鰹魚味 上面仲有隻生雞蛋🥚
醬油烏冬係冇湯嘅冷烏冬 可以按自己喜好落檸檬汁🍋骨付雞必叫💯🤤 隻雞髀燒得好香🍗 加埋胡椒大蒜醬好惹味 又juicy🤤
不過呢次好似比之前食細隻左少少🤏
關東煮就相對清淡啲😛
今次係Weekend 12點幾去觀塘分店 大約1點開始勁full 要等一陣位🙈-✨ 月見烏冬 ($54)
✨ 醬油烏冬 ($50)
✨ 骨付雞 (+$36)✨ 關東煮 (+$26)-📍 鰹烏冬 @udon.hk▫️ 觀塘開源道60號駱駝漆大廈3期2樓T室▫️ 牛頭角創業街31號LT Tower地下及1樓3A號舖▫️ 長沙灣元洲街450/464號寶華閣地下4號舖▫️ 佐敦彌敦道380號香港逸東酒店Eaton Food Hall LG樓8號舖

非一般烏冬，可以買返去自己煮，要有耐性，有哂教學好容易架， 溫馨提示記得要大煲水。煮左2個俾3個小朋友食，唔夠喉！！齊聲話再要~~~ 麵質加湯底都無敵好味，一定會再黎買定放雪櫃再食

呢間烏冬好似一向都好出名，好耐之前有食過佢哋近長沙灣嗰邊嘅分店～已經覺得佢哋嘅烏冬幾出色！💓今次將嚟到觀塘分店食lunch，一樣出色！不過以一個晏晝飯嘅價錢嚟講，佢就進取咗少少啦💸～魚湯豆乳鳥冬（熱）＋關東煮 $78🐠🥛魚湯嘅味道濃郁得來又唔會覺得好鹹，加入豆乳，令到成個湯底更加香滑，我足足飲咗大半碗湯，之後都唔會覺得口渴，證明佢哋嘅湯底真係冇落味精㗎～關東煮一碗入面有五個唔同款，分別係蘿蔔、獅子狗卷、雞蛋、蒟蒻同埋椰菜卷🍢🍢，蘿蔔同雞蛋煮得特別入味，蒟蒻嘅質感夠晒Q彈！整體嚟講，關東煮嘅份量都夠多！💓月見烏冬(熱）+骨付雞 🐔$90月見烏冬有名門卷、海苔、生蛋，配上薑同蔥～姜同蔥嘅出現提升左成個湯底嘅味道！✨我嘅食法係直接整爛隻蛋，將佢撈埋烏冬一齊食～🍳蛋真係世界上世一嘅平價美食！🥰另外骨付雞簡單啲嚟講就係雞髀！🤣呢個係必嗌嘅item，當日同行嘅同事大推！雞皮焦脆香口，入面嘅雞肉嫩滑多汁，食到最後會覺得偏鹹少少，但係配埋烏冬一齊食，我又覺得冇乜大問題，推介大家試吓尼個骨付雞🥰👍🏻👍🏻👍🏻

呢間烏冬想食好耐，我係食觀塘店嘅，本身想食抹茶烏冬，去幾次都係賣哂，兩次都係夜晚去食，座無虛席，要等位🍜【鰹魚清湯烏冬（熱）】 $46 (7.8/10)入面有海帶、蔥，鰹魚湯好好飲，配埋天婦羅碎更加有口感😚，不過唔太特別🍜【醬油烏冬（冷）】 $50 (8.0/10)入面都係有海帶、蔥，冷烏冬比熱烏冬更加彈牙，同埋佢有配上檸檬片去比你加落去，食落好開胃🍥【夏一烏冬（冷）】 $55 (8.2/10)係一個好啱夏天食嘅冷烏冬，有檸檬片、蛋、飯素、蔥同埋青瓜，食落好煙韌彈牙，份量好多，好食🍗【骨付雞】 加配$34 (8.5/10)啫係炸雞脾，肉嫩多汁❤️，但係水準不一，我第一次食就脆口嘅，但第二次炸得唔夠脆，價錢有啲貴，加配嚟講要$30幾，店員第一次入單入錯左單點骨付雞要$44，我嗰陣先知單點一個炸雞脾都要咁貴😨🐟【多春魚】 加配$19 (7.7/10)有兩條，用天婦羅嚟嘅，不過覺得冇咩特別🍢【關東煮】 加配$26 (8/10)入面有蘿蔔、蒟蒻、蛋、菜卷、魚片，futd個關東煮湯好飲，蘿蔔冇渣好食，個菜卷好吸湯，好好食🤤，鍾意關東煮嘅人一定要試-📍【鰹烏冬 Katsuo Udon】 觀塘開源道6