鯨丼 (已結業)

今日去左水星街睇睇有甚麼咩吃，經過鯨丼，見到門口左邊既餐單，侍應出嚟介紹貼係門口右邊既午飯餐單，原來左邊既是晚餐。🤣🤣我地見午餐價錢都可以，逛完條街一圈就入去試一試。小店既環境都舒服，侍應有禮貌。有個上年紀既女仕想吃甲羅燒，侍應很有耐性地解釋某些食品祇有晚上供應。鰻魚飯（原條）配凍玄米茶，鰻魚味道可以，飯夠熱，份量剛剛好。玄米茶就畧為淡黑蒜油海鮮拉麵 － 份量剛剛好，海鮮有蝦、青口、帆立貝、八爪魚仔、蟹柳……，湯底濃度適中，好好味，吃完不會感到口渴。👍凍柚子茶－ 味道畧淡味道: ⭐️⭐️⭐️⭐️⭐️服務: ⭐️⭐️⭐️⭐️價錢: ⭐️⭐️⭐️⭐️🦽👍🏻: ⭐️⭐️⭐️🚗: 天后地鐵站上面有停車場

問朋友炮台山天后附近有咩好食，佢哋大家都介紹咗這間必食小店，因為話小店今日就約埋一位朋友兩個去試吓，睇吓有冇佢哋講得咁好食「必食少店」這間小店挺舒適環境衛生也不錯我叫咗個炸豬扒蛋包飯，出餸時間好快，落單一陣已經送到面前，而且聞到陣陣香味，急不及待食了一啖，嘩！好好味呀，豬扒又香又脆又好味而且同個芡汁夾得好好，連埋個蛋包飯一齊，簡直一絕朋友叫咗個炒烏冬，超水準老師傅手藝，夠鑊氣味道拿捏得剛剛好，好好味呀，大師傅之作過兩日再嚟試過其他款式，唔錯唔錯

今年初認識了一間平靚正的日式餐廳，位於天后水星街，已成為每星期必到之午餐好去處。我最欣賞的是黑蒜油拉麵🍜色香味俱全，抵食又大碗，一試愛上了😋我和家人最愛吃：👉🏻黑蒜油慢煮豬軟骨拉麵👉🏻黑蒜油火炙黑豚肉拉麵👉🏻原條鰻魚飯👉🏻雙色芝士牛肉丼👉🏻咖哩吉列炸蝦蛋包飯👉🏻咖哩吉列豬扒蛋包飯每次都會追加：照燒雞翼及蟹肉忌廉薯餅👏🏻疫情之下，本地零售、飲食及服務業等都面對重重困境，香港人都堅毅不屈，迎難而上，努力經營提供服務。大家要多多支持小店啊！

今天想吃魚，於是去買了個燒鰻魚定食，外賣有85折，很化算。燒鰻魚定食盒很精致，有三格，分別擺飯，燒鰻魚和前菜沙律，另外一盒裝麵飼湯。湯很熱，回到家還是燙嘴的。定食份量不大，質量不差，鰻魚燒得鮮香軟糯，多汁可口，沙律新鮮，拌醋，珍珠米飯拌以紫菜芝麻，很香。一星期要吃兩次魚，下次試燒鯖魚。

呢間野可以話係我飯堂！😆基本上成個 menu都好抵食又好食，又可以有熱柚子蜜飲添啊！🍯今日叫左個黑蒜油慢煮豬軟骨烏冬，有4大舊豬軟骨，肉質又軟，個湯又濃！又免費有柚子蜜飲！ 價錢只係60蚊咋！咁樣既lunch 絕對超值啦😍基本上佢lunch menu 由50幾蚊-70蚊都有，平時佢既3色芝士肥牛飯或者原條鰻魚飯都好抵，份量味道都好出色！可能吾係太多人識呢間餐廳，不過真心推介俾大家啊！咁既價錢咁既份量，性價比超高啊👍🏻

之前朋友同我介紹話依度啲野好好食，特別係啲串燒，所以琴晚同女朋友喺銅鑼灣行完街就過黎試下，我地分別叫左一個黑蒜油豬軟骨湯烏冬同一份西京銀雪魚定食，銀鱈魚甜甜地好好食，配飯食真係一流。淨係主食已經覺得我朋友無介紹錯，我地不枉此行，但啲串燒原來真係先至係戲肉，啲串燒真係不得了，如果唔係已經叫左主食驚食唔哂，我地真係每樣叫左嘅野都叫多一次呀。總括黎講，一定一定會再黎食！

今日夜晚又係兩個人嗌外賣係網上平台揀左哩間見佢食物圖片幾吸引兩個人我地嗌左牛肉鰹魚湯烏冬，滑蛋吉列豬扒丼，口痕嗌多個野菜大板燒個烏冬幫我地分左湯不用另加錢，個鰹魚湯好好味，魚味重，少咸，不過牛肉麻麻地，太韌難咬，overall 不過不失。個滑蛋吉列豬扒丼好唔錯丫，豬扒汁都比得多👍個豬扒炸得脆，只係個蛋份量吾算多，飯就好多，食剩1/3飯。個大板燒我個人認為係好味既，其實我第一次食大板燒，入面同章魚燒有d似，只係冇海鮮，野菜大板燒幾健康，又平平地細細件👍值得encore

今早不斷下著雨，之前見食評唔錯，便來到試食咖哩吉列豬扒蛋包飯，包一杯熱飲，無加一，價錢合理，食物唔錯，假如豬扒厚一點更好，深知物價上漲，但五十二元的日式午餐已唔錯，會回頭。

丼飯烏冬種類繁多，而且價錢合理。作為午餐之選是不錯選擇是日午餐簡咗滑蛋雞扒丼，雞扒煎至焦香，色澤好靚。而雞肉仍保持鮮嫩多汁。另外，醬汁略咸，但配飯剛好。滑蛋則不過不失。份量來就說，餸飯比例剛好。整體水準不錯大件抵食會再光顧

一直都聽聞同事瘋狂讚呢間嘅lunch好食又抵食，今次就一於去試下🍱咖喱吉列豬扒蛋包飯 ($52)一聽個名已經feel到好豐富，個飯一上台更加係忍唔住哇左聲，因為佢個賣相真係好靚好高級個蛋包飯，塊蛋炒得岩岩好，帶有少許蛋汁，令口感更滑，入面d飯粒粒分明，蛋面撒左少量柴魚碎乾、紫菜碎同芝麻，未食已經可以聞到柴魚的淡淡香味🤤而塊吉列豬扒更加係全餐的重點🤤佢應該係我食過咁多間吉列豬扒之中最好食的，連大部分專門食吉列豬扒的餐費都比唔過佢！炸漿厚道適中，食到脆脆表面的同時又會食到令人滿足的肉肉分量，而且一上台嘅時候仲係好熱辣辣，明顯係岩岩新鮮炸好，而唔係預先炸起咖喱係味道帶甜的日式咖喱，咖喱分量唔少，足夠沾滿全份飯🤤佢d set lunch價錢全部都唔貴，而且包冷熱飲品或者罐裝汽水，我就試左佢新出嘅玫瑰紅茶，不過可能因為我飲凍茶，所以玫瑰味偏淡，比較似純紅茶Overall呢間個吉列豬扒真係高質到不可思議，喜愛吉列豬扒的朋友，如果有緣去開天后不妨試下佢😍

因為同事推薦呢間野，所以黎試下，過左午飯時間，幾乎冇人食左個午餐－雙色芝士牛肉丼份量好足夠，配埋玄米茶，呢個價錢可以接受不過略嫌冇乜牛肉汁，希望食到中段米飯都會有汁滲透到落去，有改善嘅空間

2021.04.03 鯨井見到佢lunch menu 幾吸引，入去坐低就自己用qr code 落單，我叫左鰻魚飯。原條鰻魚，都係$68，用app 登記仲有$5coupon, 啫係$63，抵食。賣相都幾好，鰻魚有少少骨，可接受既，都算厚肉，燒到個邊邊焦焦地，好香，好味，encore!跟餐我要左玄米茶，廢事飲汽水啦，可樂唔洗加錢。

臨近新年，我提早咗收爐，就約咗朋友去行維園花市，行之前梗係食咗飯先去啦，就係天后附近搵嘢食，周圍都好多餐廳，花多眼亂，行到去水星街，見到呢間食丼飯既日本餐廳。睇咗個menu 都不錯，咁就決定試新嘢啦！午餐有10個餐，午餐黎講，都算多款，咁我就揀左蒲燒鯛魚腩丼飯，再加多個蟹肉忌廉薯餅，餐飲同叫左杯熱柚子蜜。個飯上到黎，竟然同menu張相一樣，無圖文不符。啲魚腩都睇落幾靚仔，食落去甜甜地，好嫩滑又唔會腥，真係幾好食！係有啲驚喜！🤩啲配菜都算正常，個飯量都幾多，到最後我都食唔晒。個小食係蟹肉忌廉薯餅，都算正正常常，外脆內軟，有啲流心咁。整體來講，餐飯算唔錯，個蒲燒鯛魚腩真係幾好食，有機會，會再過嚟試下其他嘢食。😋

是日放假無野做，見係平日不如過去維園行下花市，為左避免lunch hour 一早12點就過左天后食左野先。呢間鯨丼似乎係新開，朋友話試下新野。店面唔算好大，但都夠哂乾淨。由於未到lunch hour 店鋪得兩三枱客係到，夠哂社交距離😂Lunch Menu 都有10款選擇，唔會睇到花多眼亂。我揀左4. 豚肉鰹魚湯烏冬 配蟹子蝦多士。上網見人話份量好少，但我就唔覺得份量少啦🤣 好大碗食到好飽肚。蟹子蝦多士咬落啖啖蝦肉，細細塊又脆脆地好香口。總括黎講餐飯味道同份量個人而言都好滿足，值得推介！

今日一個人喺天后做野，去到中午食午餐，就喺附近搵下野食，因為平時都好少喺天后度食，行下行下行到去水星街，見到有間叫鯨丼嘅餐廳，門面裝修都幾靚，平時我都鍾意食日本嘢，所以就試一試。佢地嘅午餐menu都幾多野食，我揀左個滑蛋雞扒飯做主食，我再加多左個蟹子蝦多士，午餐包一碗麵豉湯，食物嘅賣相同味道都幾好，雞扒口感幾嫩，飯嘅份量都幾多，我個人食量咁大，都好夠食，再加埋個蝦多士，簡直飽到上心口，個蝦多士真心覺得好食，非常脆口，正！成餐飯都好滿意！