影片
正常唔會特登入嚟食嘢，都係係訂咗日營或宿營先會幫襯，今次訂咗宿營，預早幾日入晒錢，訂了第一天的晚餐、第二日的早餐及午餐。在入營前一日先收到通知，第二日的早餐及午餐安排唔到，因為餐廳結業。如果係結業就應該早啲出聲，更加冇理由叫我繼續入錢。當日入營之後，晚上六時準時到達餐廳，餐廳職員表示我係最後一台，快啲食完要快啲走，因為佢哋要執拾東西離開。枱面上的餸菜比平日多，以往都是四碟或者五碟餸，今次有六碟，但估計都係啲剩餘物資，例如啲燒烤包抽出來的腸仔及豬扒，並且用燒烤嘅蜜糖放埋落去煮，其餘炒菜及蒸蛋及梅菜蒸肉餅尚算正常，滷水雞翼都好味嘅。離開營地兩日，餐廳職員竟然話不如提供返啲飯盒俾我，大佬呀，我哋入營先會喺呢度食飯，我走咗之後你俾啲煩我做乜呢？最好梗係快啲退錢啦，但係又要我填表，又要等…..Anyway, 希望下一個接手餐廳嘅機構會做返好啲啦!
繼續閱讀
放假約晒肥髀啲同學仔入鯉魚門公園及渡假村玩日營，為方便大家一齊訂午餐，$30.3五餸一湯，大小同價！下午1點開餐，早10分鐘到餐廳，不過店員話日營訂餐未入得，結果大家熱住等了十分鐘（下下要行斜路都唔想走開）入座地方簡單，枱面包好膠枱布，枱面已放好晒5碟餸，白飯及湯放保溫桶！- 蒸肉餅：賣相一般，肉餅好薄，唔乾有肉汁，ok- 咖哩魚蛋豬皮蘿蔔：食咗魚蛋蘿蔔（豬皮好少）魚蛋入味彈牙，蘿蔔清甜無渣，咖哩汁杰身，味道唔辣，撈飯好食- 蒸水蛋：嫩滑，撈飯一流- 炒旺菜：唔係乾炒，菜幾嫩幾爽，調味唔會太鹹，啲菜汁幾清甜- 鹵水雞全翼：無食- 白飯：室溫飯，唔夠鬆軟，有啲結塊- 湯：我無飲期間真係無接觸過店員，除了在門口唔比我哋入場嗰個女店員，佢態度正常以咁嘅價錢來講ok
繼續閱讀