鮮芋仙 (V Point )

營業中

休息中

想食呢間台灣過江龍好耐，食完新年飯唔飽就黎食第二餐。9點黎到，都已經坐滿，好彩等陣幾分鐘，就有位。呢點就唔係好適合大家慢慢食談心。由於係新春，所以選擇比平時少，冇咗咩芋圓123號，亦都冇豆花。我地一家三口就叫咗兩款，分別係招牌仙草沙冰同埋熱芋圓紫米粥。兩碗都係大碗，share食剛剛好。招牌仙草沙冰幾有驚喜，因為本身唔好仙草。沙冰唔會淡而冇味，有仙草嘅甜味。其中一個原因本身唔好仙草係因為有時出面食會好硬同埋有一種唔識形容嘅健康甘甘地嘅味道，但今次冇呢個問題，同埋夠曬滑。芋圓有兩隻色，一個相信係芋圓，另一個相信係番薯，因為黃色嘅。但我因爲有d狼吞虎嚥，所以冇仔細食佢地有冇咩大分別。不過可以講句，芋圓係有Q彈口感，呢點係精髓。熱芋圓紫米粥嘅芋圓同招牌仙草沙冰一樣，但可能因為熱食嘅原因，芋圓冇咁Q彈。而紫米粥亦遜色。一係唔夠熱，對於母親大人黎講，最唔鐘意就係唔熱唔凍、兩頭唔到岸嘅食物。二係唔夠甜。三係太水，紫米唔多。雖然今次唔係話太驚歎，但會有下次。等過咗新春，有多d款式再黎食。

成日推介朋友黎呢到食，我覺得真係好好食🥰上星期又黎咗啦，同之前一樣，又係要排勁耐。今次叫左紅豆湯底，因為天氣凍唔想食凍野，如果叫凍就會係沙冰底。配料有珍珠，芋圓，全部都好好食，又大碗，十分chewy，我覺得鮮芋仙既芋圓真係我食過最好食的一間，所以就算要等好耐都冇乜所謂😂😂

是最近大熱的甜品鋪。晚飯時間都已經排長龍，店內的位置很迫，不適合久坐，大家都是快吃完時旁邊就有人在等位，不好意思坐太久。芋圓二號（地瓜+薏仁+珍珠）這種冰品在台灣未見過類似的傳統，算是創新式的甜品，地瓜+薏仁+珍珠，底層是刨冰，朋友覺得冬天食有點違和，如果介意嘅話可以叫熱食/仙草類等。味道方面，芋圓水準不錯，有咬口，地瓜薏仁是無加工食材，覺得一碗甜品好食之餘又健康，坊間來說都算難得。芋圓二號：4/5分 🌕🌕🌕🌕

行下街想食糖水，想到附近有一間台式甜品店，名叫「鮮芋鮮」，地點：銅鑼灣登龍街18 號。來自台灣的連鎖店「鮮芋仙」聽説十分出名，在台灣當地十分有人氣，在銅鑼灣開香港首間分店便引起一陣熱潮，日日排長龍，當時我也到訪嘗鮮排了半左右小時。主打招牌全手工製造的手工芋圓、仙草和麻糬等甜品，近日更在荃灣和屯門各開分店。堅持採用天然食材現煮現賣。我食了3次，今次是第四次了，由芋圓1號、2號、3號、到今日是4號材料有芋頭，芋圓、紅豆和珍珠非常豐富。芋頭仍然好好食入口軟糯，口感綿密、香濃不愧是招牌，芋圓沒有了先前食到的煙韌Q彈有咬勁，變得好一般軟身無味，有點失望。紅豆湯煮得夠爛喝起來感覺沙沙的，糯糯的，甜甜的好好喝。

之前係內地食過鮮芋仙，是日晚上係銅鑼灣vpoint 竟然見到有分店！晚飯時間仲未見到人龍，但食完飯再去就人山人海，排隊排到出面了。現場係自助形式入座，大家要一邊排隊一邊搵位，有少許混亂，店面不算大，中間座位坐滿有少少擠迫。因為好想食麻薯，所以點左呢個牛奶冰，非常大盤，牛奶味都好重，以呢個價錢有咁多配料算唔錯，同埋配料同個冰底都好夾，唯一美中不足係冰粒有少少太粗，咬到頗粗既冰粒，但整體都唔錯，會再光顧嘗試其他甜品。

之前同男朋友行街見到，係我好想食好耐嘅鮮芋仙，因為見到網上係咁洗版，我同佢都好鐘意芋圓，戈日好熱，就毫不猶豫入左去一入到去，席無虛座，坐滿晒人，戈時係3:30左右，我仲驚同男友搵唔到位，好彩2人位比較容易等到，睇餐牌，我最想食戈款無左（唔記得係咩），就叫左圖下嘅一大碗「雜不冷」（依然係我幫佢改嘅名）見到咁大碗甜品就超興奮，啲芋圓全部都煙韌好食，有蕃薯&芋頭味，d晶球都甜甜的，值得一讚嘅係啲糖漿/奶都cover晒落d冰到，唔會食到一啖無味的冰，但我地2個越食越凍，最後都食唔晒，建議三個或以上嘅人食😂

男朋友知小妹好鍾意食芋圓 所以一齊開頭成日都食芋圓近排少左食～ 黎左銅鑼灣晚飯梗係要黎鮮芋仙一向都人多 自從黃左之後就更加多 唯有等下位啦又encore呢個 （唔記得叫咩名）但幾十蚊大大份夠兩個人食除左左下角果個普通之外其餘都鍾意食🥰🥰🥰🥰🥰又好有煙韌既口感😋😋😋😋😋😋不過最鍾意係係大陸食過既芋頭磚頭冰可惜香港冇 而家又唔會返大陸但呢個都頂到癮既hahah除左鋪面比較逼夾其他都好完美🙂

成日伸出援手既小黃店💛·芋薯圓Q麻糬牛奶冰 $52個牛奶冰幾好食 不過冬天食真係有d凍🙊佢個麻薯好好食 不過呢個冰佢自己跟嗰啲芋圓係細細粒嗰啲 食落冇咁爽😂我之前食過佢紅豆湯 嗰個就啲芋圓就會大粒啲 食落開心d 而且佢個紅豆湯唔會太甜 都幾好食😆😆·📍銅鑼灣登龍街18號V Point 地下1號舖📍荃灣楊屋道1號荃新天地一期地下G46號舖📍屯門屯順街1號屯門市廣場1期1樓Kiosk C

係銅鑼灣行行下街落大雨，所以搵左依間甜品舖避雨。上網一查先發現係台灣好出名嘅過江龍，全球有800間分台嫁，隨便入都去到間好野，lucky 我份人比較貪心，想食芋圓之餘仲想試埋仙草，why not both?哈哈，所以叫左招牌仙草沙冰，一碗有芋圓、仙草凍和仙草冰沙仲附有一小瓶奶油，我一次過落曬發覺太甜，下次落一半夠喇！奶油中和仙草嘅藥味之餘，仲令仙草更滑溜仙草沙冰好重黑糖，開頭食超好味，食食下都覺得太甜。朋友食左芋圓2號，除左有芋圓和番薯圓，仲有刨冰、芋頭、珍珠、薏米，相當足料！多料到朋友食唔曬朋友話刨冰唔會過甜，但係食到尾果啲就冇咩味喇。雖然冇係台灣九份食到嘅咁好味，但係依間已經係我地係香港食到最好味啲芋圓舖頭，推介俾大家

最近食過呢間覺得味道唔錯。 興致勃勃幫屋企人買外賣， 問收銀姐姐有關menu一啲問題， 佢冇解釋，仲係度冷笑、 有啲藐視嘅態度。 當時放工時間並不繁忙。之後見到我唔高興 ， 先至提議芋圓選擇。希望收銀姐姐態度有待改善。

芋薯圓Q麻薯牛奶冰 🍡🍨🍠🍼尼個真係超高cp值，又好味，份量又多，款式又多最頂果層有個雲呢拿雪糕🍨，味道都好好食，個咪唔會係好假，好cheap 個d味而啲冰、全部嘢食表面都有一層焦糖汁🍦，尼層汁令全部嘢食嘅味道昇華😋😋配料方面最有驚喜嘅係芋薯圓，原本以為佢係將芋頭同番薯溝埋，但原來係個皮係用番薯整，而個餡用芋頭整，完全估唔到😱d細細既小芋圓，份量好多，溝埋落啲冰度就好好食而Q麻糬，好煙韌，仲有兩個口味，但係我就分唔到係咩黎😍😍而啲冬瓜凍，以為佢會Hea Hea地，但係都好好食

每次食完飯經過都見大排長龍試唔到，難得今晚經過見唔洗排到出門口決定試一試。同朋友兵分兩路大概十五分鐘就買到飛及有位坐。眼見每樣甜品都大大碗份量十足，絕對抵食。芋圓及地瓜圓煙韌，紅豆湯甜味適中，紅豆軟腍，芋頭大大件又粉又腍帶有芋頭味。可惜唔夠熱只係微暖。原來燒仙草只有凍沒有熱提供，如果唔想食凍的話可以叫走冰。燒仙草仙草味濃甜味適中，口感帶少許煙韌無涼粉般爽口。珍珠煙韌有嚼勁，蓮子及綠豆軟腍甜味適中。

今日收工後仲早約左朋友去銅鑼灣食晚餐，時間未到便來到燈龍街的鮮芋仙食左個甜品先原定計劃來此店食熱的芋圓或仙草，一入到門口便看見有顧客食一大碟的牛奶冰好像好吸引需要自行去櫃檯拎餐牌，再去order有部bibi機響後，自行拎 食完都記住自行拎去回收處芋薯圓Q麻薯牛奶冰 $52芋薯露 Size就像西米露，但食落有煙韌的口感同平時大大粒的芋圓也有分別小芋薯 做法係湯丸，看落似芋圓，食落都以為係湯丸，一咬原來入邊係流心的芋溶流出來Q麻薯 一條條的麻薯口感煙韌有2款口味冬瓜凍 似冬瓜晶瑩剔透，軟軟的啫喱倒了很多牛奶，煉奶，黑糖令到個冰超有味，最上還配搭了一球雲尼拿雪糕味道 賣相 衞生 服務 抵食 推介

我超級愛吃芋圓，見到出名的都會光顧，最近openrice 銅鑼灣有什麼好吃的，發現有芋圓，於是找天去幫襯。同事跟我記這間排隊超多人，堂食好難找位置。我打算午膳時間去試，如果沒有位置也可以外賣回公司吃。去到大約1:15pm, 只有寥寥數人，決定堂食。由於天氣冷，於是點了芋圓紫米粥($42)。另外加了一粒芝麻麻糬($8)。芋圓紫米粥的有芋圓及蕃薯圓，數目也有十多粒之多。口感還好，如再有更彈Q的感覺會更好。芋圓能咬到芋頭粒，而蕃薯咬多幾口會散發些少蕃薯味，但整體味道不突出，我比較喜歡味道很重的芋圓，但至今吃過大多數味道不算太濃。至於紫米粥幾好食又夠大碗，當食一個lunch都很夠。味道香又濃。最後吃粒芝麻麻糬作飯後甜品，我都是覺得煙韌口感差了一點，整體味道一般。

聞名不如試食，一直好想試食但因為住得遠而無機會，終於同朋友5人行入到去。值得一讚份量夠大，牛奶冰係比較好既選擇，其餘兩項都無乜特別，芋圓的確夠彈。當日去到大排長龍，雖然人多但流量夠快，所以等左一陣就有位，提提大家餐廳係以自助形式執拾餐桌，記得食完要順手啦！