鮮芋仙 (V Point )

營業中

休息中

鮮芋鮮真係食過好多次 次次都排長龍 都唔明點解長期都咁多人排緊 😂香港人真係好鐘意排隊不過無可否認 佢地既芋圓又真係好好食😋 可能而家個個都去唔到台灣 所以要搵d地道台灣野頂住先次次都係食刨冰凍到肚都痛埋 但真係好好食😋成日都忍唔到口 今次終於聽話食啲熱野 點知有驚人發現 原來紅豆湯仲好食 叫芋圓4號 入面有芋頭紅豆珍珠 呢個配搭真係好正 熱紅豆湯配埋芋圓 軟綿綿仲食到芋圓本身既香味 芋頭又夠粉 入面仲有成兩大舊 飽到當晚餐都冇問題🤣珍珠非常煙韌 下次大家唔想食凍野果陣都可以試吓

鮮芋仙 每日都排長龍既鮮芋仙， 唔係繁忙時間去食，就唔使等咁耐芋薯圓Q麻糬牛奶冰 😍 $52配料有有芋薯圓，小芋圓，麻糬，冬瓜凍，一球雪糕 麻糬好煙韌，最鍾意芋薯圓 入面係芋頭餡😚 牛奶冰唔係好重奶味，又唔好會太甜。份量都幾多下，兩個人都食唔晒📍 鮮芋仙 (銅鑼灣)銅鑼灣登龍街18號V Point 地下1號舖#meetfresh #meetfresh鮮芋仙 #鮮芋仙 #鮮芋仙香港 #芋圓 #牛奶冰 #麻糬 #台灣糖水 #豆花 #燒仙草 #香港美食 #foodie #foodie hk

“小芋圓冬瓜檸檬愛玉”($35)之前成日飛嗰陣去到唔同outport都要食鮮芋仙🤣喺台灣,大陸,越南,遠至奧克蘭都要仆去食😂所以香港開鮮芋仙真係一大喜訊🤣堂食就食過好多次但飲品真係第一次買😝見呢期出咗檸檬愛玉系列一於trytry佢😍叫咗呢杯小芋圓冬瓜檸檬愛玉☺杯底係滿滿嘅小芋圓😍雖然唔係好睇到但中間係檸檬愛玉🍋味道以檸檬味為主飲落酸酸甜甜幾清爽不過就唔多覺有冬瓜味😂小芋圓質地qq但其實就冇咩味下次都係食返碗我最愛嘅招牌算😝

真心正今次叫左 芋圓牛奶冰再加3蚊追加一份仙草仙草真心好滑一口就吸入！仙草都係可以清熱氣 再加埋黑糖冰真心好夾唔太甜！手工芋圓煙韌彈牙入邊仲有紅豆餡真心超彈牙超好食不過就越食越凍個牛奶冰非常吸引又唔會過甜排隊排咗15分鐘值得呀鮮芋仙 (銅鑼灣)銅鑼灣登龍街18號V Point 地下1號舖#foodphotography #eathealthy #foodstagram #hkig #hkfood #instagood @foodiecoupletour #foodiecoupletour #香港情侶日常 #hkblogger #instalike #hkfoodblogger #hkfoodlover #couplethings #hongkongfoodie #hkfoodies #hkcouple #hkfoodstagram #instafood #fooddaily #tasty #hkfoodpic #icook #followmeplease #followforfollowbackfast

行行吓見到鮮芋仙，咁我又未試過，橫掂未夠飽，我哋就入去食咗個冰😂😂，嗰日去到都幾多人排隊～布丁Q麻糬牛奶冰咁大份嚟講， $52真係唔算貴，一定夠兩個人食。裏面有布丁、小芋圓、麻糬同冬瓜凍。布丁係杏仁同埋雞蛋味，好滑、好動L。小芋圓都有芋頭味，細細粒，份量都幾多。麻糬煙煙韌韌，呈長條形，我鍾意白色個舊多啲。冬瓜凍就甜甜地，冬瓜味唔算重。牛奶冰都幾正，有啲煉奶嘅味👍🏻！雪糕就係普通嘅雲呢拿雪糕。整體嚟講都幾好味，下次想試埋芋頭🤤！Btw依間分店啲冷氣好凍😂，食冰已經好凍，仲要俾個冷氣吹住，我哋一路食一路震，隔離枱都一齊震緊，笑死！

呢間野以前黎食已經覺得唔錯 啲野幾好食 之後間唔中都有去買2-3碗返屋企一開頭都幾好 之後愈做愈差 外賣既份量根本亂咁做 亂咁出品 冇標準 冇準則忙既時候出錯都話可以體諒下 但係間鋪完全冇客人咁滯 點解都可以求求其其 碗野就$45 話平唔平 但出品絕對應該要對得起呢個價錢收銀果啲員工永遠做自己野為先 有客企係到想落單都唔會叫佢客等等 直接走開 .冇人既時候就攞電話出嚟玩下 已經同呢間公司嘅客服投訴過唔少姐 完全冇改善 係到敷衍客人正所謂有圖有真相 .2兜野可以差咁遠 我真係呆左糖水呢家野 有時買比同事 朋友食 .咁既份量買比人或者人哋叫我幫手買 我都尷尬仲要係連鎖店 咁既品質如果$20碗既話我就唔會有咁多要求啦

想食鮮芋仙好耐，今日晏晝見條龍唔係好長就試下！—————————————天氣涼涼地都係想食返d熱野，叫左個芋圓紫米粥！呢頭叫完，個頭就有得拎，效率超高🤣🤣🤣🤣紫米粥味道唔算太甜，唔錯，不過水多料少，每羹都係得個幾粒紫米，如果多d就好啦。😪😪😪芋圓同地瓜圓幾好食！🤤🤤🤤🤤口感淋淋地但又幾有咬口，仲會食到芋頭同蕃薯味，唔係得個顏色，唔錯呢～～～～等天氣熱d再試佢地既冰😆😆😆😆

呢間真係想食好耐好耐，但每次見到人龍到知無咩希望。我太鐘意食煙韌芋圓，點都要食返次，五點幾經過見到八個人排隊，等左二十分鐘先有得食。Menu花多眼亂，所有組合都想試，揀左豆漿底的招牌豆漿豆花，裡面有芋圓、芋頭、珍珠，我再加左薏仁。好心急想食，望住個beeper，望穿秋水終於響了。見到嗰時冇啲失望，諗緊係咪落漏左啲乜野，只有芋頭探出頭。當我出去cashier時，見到個牌，提醒我地用匙更找撩下佢，就會見到哂啲料。果然係咁 XD 我估好多都試過我呢個情況，哈哈。最最最推介係個芋頭，又甜又香又粉又綿，我唔係芋頭fans都覺得好好食，芋圓都相當唔錯，算係煙韌的，好食好食。唯一係豆漿底好甜，令到成碗糖水都偏甜。

已經成年無去過台灣😢 呢日黎到銅鑼灣，扮自己去左轉台灣～ 去隔離食完<燈籠滷味>，再過黎<鮮芋仙>食個台式牛奶冰做甜品~今次叫左<芋薯圓Q麻糬牛奶冰>，一上枱就畀個份量震撼到，真係兩個人都食唔哂~入面勁多料，有芋薯圓、小芋圓、Q麻糬、冬瓜凍~芋薯圓係蕃薯圓入面有芋泥~即係包心芋圓咁😍 小芋圓就細細粒咁，啱撈埋啲牛奶冰一齊食~Q麻糬就兩隻味，黑糖同原味，我就鍾意黑糖味多啲~而冬瓜凍就係成個冰唯一fresh既野🤣

鮮芋仙meetfres超涼爽冰芋圓🧡🧡 4 / 5🤍排隊排左半個鐘🥴但佢地整甜品整得好快💟冰芋圓5號 $45Size正常 沙冰唔算超多 有花豆、白玉、珍珠&芋圓😝 味道唔會過甜 不過大家記得啲沙冰唔好搞碎晒🥲我搞碎咗然後勁快融💟仙草冰沙6號 $45朋友的 超級大碗 冰沙同埋仙草佔咗一大半 有粉條、粉粿、珍珠—————————————————————

好耐冇去過尖沙咀行街，行耐左，見到鮮芋仙，諗都冇諗就入去左，因為我最鐘意就係食芋圓！入面都有好多人幫襯，大概等左5至10分鐘左右，入到去已經揀好左食仙草尼碗仙草都幾大碗下，入面有兩隻味既芋圓，又有我好鍾意既薏米，煙煙韌韌，口感一流，另外配埋仙草凍，食落真係非常涼快，又唔會太甜！食完一碗仙草，已經非常飽肚，但都不忘順便買多碗芋圓返去孝敬屋企人，希望鮮芋仙可以係將軍澳開分店，我到時就可以日日去食啦yeah

去到先知呢間5點就無得堂食😓店員話有陣時仲早過5點...見無咩人排隊，外賣布甸Q麻糬牛奶冰，賣相麻麻地，味道唔差，但係啲冰好似無咁多，食到個底啲冰成塊唔溶，用膠匙羹整唔碎

🍧🍨 鮮芋仙先一向都好出名 而我每次經過係冇見過佢有唔駛排隊嘅時候😅每次都排長龍每次都放棄 然後有一次喺銅鑼灣行完街冇嘢做 作為一個 #芋圓控 又勁鍾意啲煙韌野 於是的起心肝排下隊🤣最後排嘅時間可以接受 排咗大約20分鐘🍧芋薯圓Q麻薯牛奶冰 $52黎到見到呢啲碟嘢已經嚇一嚇 我覺得應該係3-4人份量黎😂佢正常入面係有雙色麻薯、小芋圓、大芋圓、冬瓜凍。可惜我食嗰一次佢竟然冇哂麻薯😑😑😑走去搵薏米代替😑其實好失望 因為薏米絕對冇可能代替到煙韌嘅麻薯😭😭而食薏米就即係食緊一樣冇味嘅嘢咁🥺沙冰底有黑糖再加咗煉奶 同埋頂頂有牛奶雪糕。其實比較覺得名過於實 芋圓好似冇乜味 不過我就比較鍾意小芋圓 細細粒 幾粒幾粒咁食好Q彈。老實講佢咁多嘢堆埋一齊好難handle😑仲要某幾樣配料都係滯嘅😓份量細啲或者配料少啲可能好啲😩當然咁嘅時候價錢亦都要平啲啦😅

有日經過佢，又唔算太多人等，又想飲珍奶，就入咗去叫仙草奶綠走冰，不過等咗好耐#仙草 很不錯，有少少涼粉味，再帶少少甜，同埋似啫喱咁，好滑#奶綠 偏茶味多，亦都唔太甜，好好，但感覺有啲削胃，胃唔好嘅朋友，最好食啲野先好飲呢度嘅奶綠味道: 8/10味精: 0/10價錢: 6/10環境: 6/10服務: 6/10#vinaincwb #vinadrink #meetfresh #bubbletea #greentealattewithgrassjelly #grassjelly #greentealatte #foodporn #hkfoodie #foodie #f4follow #f4f #likesforlike #l4l #l4likes

芋薯圓Q麻糬牛奶冰 $52🍧: 芋薯圓、小芋圓、Q麻糬、冬瓜凍好耐冇食鮮芋仙又口痕想食 依個超大份又抵食 所以就算係中午時份都要排隊 真係人氣旺盛🤣 個人最鐘意係芋薯圓 係黃色波波個粒 入面仲有芋泥軟綿綿超正😋 小芋圓口感煙韌 配冰食都好夾🥰 Q麻糬有黑白兩款 黑糖比較好食 另一款感覺比較重奶味 個人麻麻 但配料既份量好多 加上配埋煉奶同黑糖既冰底再加牛奶雪糕 可以話三重享受 不過呢個份量2個人會太多 3-4人就啱啱好喇🤤評分: 8/10🌟———————————————————————鮮芋仙 (銅鑼灣)銅鑼灣登龍街18號V Point 地下1號舖