鮮芋仙 (已搬遷) 新店位置

呢間台灣過江龍長期都好多人排隊，港九新界都分有店，我哋今次就去咗尖沙咀嗰間，喺尖沙咀/尖東站B2出口行大概3分鐘就到啦，星期日3點幾竟然冇乜人，唔洗攞飛就入得啦🥰🍧布丁Q 麻糬牛奶冰💲5️⃣2️⃣見好多人都食呢個，一定要同朋友share👭🏻份量好多 一個人真係唔會食得曬😂等左幾分鐘就嚟到啦🤩影boomerang真係好正❗️個布丁動L動L咁😆雪糕係雲呢拿味🍦幾好食😋牛奶冰就正常發揮，下面會比較淡🤔不過刨冰係咁都理解嘅🤪配料有兩舊布丁🍮,芋圓,麻糬,冬瓜凍🥰黃色布丁係原味，白色係杏仁味我哋都唔鍾意食杏仁…所以麻麻地白色嗰個😂芋圓雖然細細粒，但係食落幾好食🤤白色麻糬係原味，黑色就係黑糖味😋麻糬同埋芋圓都係煙韌控最愛😆冬瓜凍就正常發揮？下次會再食埋芋圓冰先😍🤤🌟個雪糕溶左撈埋冰好好食㗎！你哋可以試下🤫

<芋薯圓Q麻糬牛奶冰>$52 #推薦💗 今次已經係第五次食 呢個甜品真係好啱兩份分 又平又大份 夏天食超消暑 上面嘅牛奶雪糕超正 而且碎冰融左都會變成牛奶水最好味🥰 最鍾意係黑糖同牛奶麻薯 煙韌得黎又好味 特別係黑糖麻薯超出色 今次嘅芋薯圓嘅芋泥比平時多🤩 所以特別食得出超好味 冬瓜凍同小芋圓其實係食個口感 味道就唔係特別出😍整體：因為防疫措施嘅關係 店裏唔可以坐滿晒 結果等咗接近45分鐘先入得去食 而且職員叫Number叫得比較慢如果快啲就好🥺

香港有雞蛋仔，而台灣就有雞蛋糕。雖然仲未有得飛台灣，但鮮芋仙就將這款台式味道帶到香港，只要去它們的尖沙咀分店就都可以品嘗到這款台式口味，堂食、外賣都有，最重要是期間限定，錯過就無機會啦！卡士達味雞蛋糕 $29/4件外賣有紙盒，打開一睇雞蛋糕似足雞蛋，賣相好得意，率先影張打卡相先！入口蛋糕口感好實在，軟熟口感配搭香甜的卡士達醬，最適合作為稿賞自己的下午茶。如果同我一樣係外賣返屋企，可以翻熱，味道會更好味呀！

食完晚餐就梗係要食返個甜品啦🤣🤣呢間鮮芋仙又係超級多人排隊🤦🏻‍♀️好彩我嗰晚早食完飯～大約七點嚟都唔算好多人排隊😻-見到堂食嘅人有一半都有叫呢一個冰～見到佢大大份都係賣50幾蚊，CP值真係超高呀😍😍-芋薯圓Q麻糬牛奶冰佢嘅冰係水味嘅刨冰🍧再喺面頭淋啲煉奶～好彩嘅係食到最尾都仲有奶味👏🏻👏🏻佢嘅配料超級多，簡直係芋圓控同埋麻糬控嘅天堂😍芋圓係好重地瓜同埋紫薯嘅味道！而佢嘅麻薯係超級煙韌，我超級鍾意，好有咬口❤️-希望遲啲可以多啲分店唔使成日都排長龍啦～

話說上次過嚟淨係買咗幾杯嘢飲，事後發覺蠢咗，睇翻資料原來有款打卡度一流嘅甜品…於是乎相隔3個星期多再過嚟，一試佢哋嘅芋薯圓Q麻糬牛奶冰 (另外仲有款布丁Q麻糬牛奶冰）上枱時真係好震撼，中間係刨冰托住個雪糕球，底層就以啫喱，芋薯圓，Q 麻糬，小芋圓圍住，360度任何一個角度影相都咁靚！至於味道方面，啫喱，芋薯圓，Q 麻糬，小芋圓嘅口感都係煙韌爽彈，刨冰配搭雪糕食落更加透心涼，夏天消暑之選而份量亦足夠2-3個人食，值得一試！

☆ 𝙈𝙚𝙚𝙩 𝙁𝙧𝙚𝙨𝙝鮮芋仙尖沙咀厚福街3號華博商業大廈地下2-3號舖好好食！真係好好食！唔係第一次食，但係完全理解點解成日都咁多人排。✦ 布丁Q麻糬牛奶冰 每樣野都好好食，我唔知有芋圓仔所以另外加左芋圓(無影)，全部野放係冰面都無凍到變硬，一樣好軟糯好煙韌，冰底無日式刨冰咁綿，但係都ok，唔會話好大粒好硬，布丁有雞蛋布丁同杏汁布丁，我好鍾意杏汁布丁，因為我本身好鍾意飲杏霜，同埋布丁好滑滑，好好味(〃ω〃)

自從鮮芋仙登陸香港，一路都想食，但每次都被條人龍嚇怕。某日黑雨過後，人人趕返工，終於有機會比我食啦！宜家補返個食評先。. 手工芋圓2號 薏仁地瓜珍珠手工芋圓系列配既係沙冰底同黑糖糖水，唔同號數係代表唔同配料。思前想後最尾揀左薏仁地瓜同珍珠。入面我覺得地瓜最甜最有驚喜最好味，而且唔多台式甜品舖有地瓜選擇。因為配沙冰底既關係，食到最後實在太凍啦。. 招牌仙草沙冰4號 芋頭紅豆珍珠芋圓系列既味道係靠黑糖糖水，而招牌仙草就係靠個一小盒奶油。呢度既仙草本身都好滑好濃味，加左奶油後，除左影相靚左double，仙草既味道都昇華左個double。所以想要多盒奶油，要額外加錢架。另外要讚個芋頭，食落真係好香芋頭味，又夠綿夠淋。下次加錢都會嗌多個芋頭做topping。. 日式Q麻糬有原味同黑糖味，自己鐘意原味多d。一碟有八舊咁多岩曬同朋友share，一齊過下口癮。結論係望住鮮芋仙既menu唔使諗咁多，招牌仙草系列係必叫！IG please follow: my.me.mo_Memo for food. travel. photo一齊交流飲飲食食😋

第一次食鮮芋仙係幾年前返大陸嘅時候食嘅，選擇多，好多唔同嘅拼法已經pre-set左，方便心大心細嘅人揀款。而且配料又可以加配，價錢仲要好平，大大碗先至係講緊$30港幣。早排鮮芋仙係香港開分店，超高人氣，次次經過無輪外賣定係堂食依舊超多人排隊。有次落雨經過見到外賣居然冇人龍，即刻衝去買黎試下！▪️仙草4號 $45仙草4號係有仙草、紅豆、芋頭同珍珠。仙草正常冇特別，紅豆用糖水煮過但過甜，而且碗糖水底都係過甜，一路食一路瘋狂飲水！珍珠就冇咩味道，成碗糖水唯一食得落係個芋頭，香甜蜜味又軟綿，最緊要係唔會過甜！▪️珍珠雞蛋布丁 $10雞蛋布丁同平時日本便利店買到嘅布丁一樣，滑嘟嘟又重蛋香，性價比高！▪️日式Q麻糬 $32入面有兩款麻糬，兩款嘅口感都唔同。兩款麻糬面頭都有啲黑糖漿，白色個款質地比起黑色個款煙韌，黑色個款口感係淋滋滋。單憑味道坦白講，食唔到兩款有咩分別😅📍鮮芋仙尖沙咀厚福街3號華博商業大廈地下2-3號舖

之前飲過這裏的飲品，今次就來吃這個甜品*布丁Q麻糬牛奶冰，360°看都咁吸引，打卡一流牛奶冰造型似座甜品山配料有Q麻糬，小芋圓，布丁，黑糖啫喱，尖頂有一個雲呢拿雪糕球。先吃布丁，黃色雞蛋布丁，味道可以，白色是杏仁布丁，超濃杏仁香，杏仁豆腐的味道，口感更似奶凍，個人最鍾意麻糬入口煙韌，芋圓Q彈，兩樣都好有口感。牛奶冰加了黑糖水，再加埋雪糕一齊吃，多幾啖就覺得好甜整體來說這個甜品份量足夠二人分享，價錢又合理💯

炎炎夏日, 最啱食返碗透心涼冰降下火去左大家都唔陌生既”鮮芋仙”平時去開都係食佢哋嘅招牌, 今次就試咗佢哋嘅牛奶冰鍾意食煙韌野既你一定唔可以錯過!有齊晒芋薯圓,小芋圓,牛奶/黑糖麻糬同冬瓜凍. 食完成個人都涼曬⚠️至少要搵三個人食, 因為真係好大兜

去厚福街搵食，行到熱焫焫又攰攰地，行咗條街一轉睇下有咩食，最後決定一於食個冰凍甜品先平日中午唔太多人，啱啱好仲有張吉枱，唔使排呢間分店地方算幾闊落，坐得舒服雖然佢幾多選擇，但我差唔多次次都係叫冰芋圓四號，因為我好鍾意食芋頭，黑糖冰做底，食到尾都好夠黑糖味，好多料，有兩大舊芋頭，好綿好稔，好食呀，珍珠細細粒彈牙，紅豆幾多稔，芋圓同蕃薯圓都幾多，煙韌好，略嫌唔係好夠蕃薯味同芋頭味，咁多料入面最鍾意都係芋頭食完都幾飽下，細食可以當正餐食完真係成個人涼爽晒

話說相約朋友尖沙咀lunch 後，大家都意猶未盡，決定行去厚福街睇睇有無甜品舖可以坐低，繼續談天說地…大家都對呢間主打台灣芋圓嘅甜品舖有啲興趣，等位嘅人都多，我哋都等咗差不多45分鐘比較特別嘅係就算顧客等到有位，都要係門口cashier 位置落咗單先比完錢才可入內安坐由於大家實在太飽，只好叫杯嘢飲就算，甜品唯有留待下次▶️小芋圓奶茶 - 奶茶底做得唔錯，用芋圓取代傳統嘅珍珠，感覺新鮮，而口感亦較煙韌▶️仙草冰沙凍奶霜 - 朋友話仙草味濃，但就甜咗少少總結：飲品唔錯，甜品/糖水就唯有下次再試，另外環境都ok，坐得舒服，但就無服務可言！

鮮芋仙其實已經係香港開左好久到而家都有好多人介紹😚再加上天氣咁熱自然就會想食冰🤣無論幾時都會現一大堆人流😉不過小編真係好好彩排左20幾分鐘就食到🤪❤️推介指數: 9.25/10 😎會回訪嗎: ✔️✔️✔️✔️✔️ （雖然唔會成都黎但黎到附近會幫襯😍）等候時間：～30 mins (平日7:30PM) —————————————————————😍芋薯圓Q麻糬牛奶冰 $52 (9.25/10)小編在很久之前已經食過到兒家再黎呢度食都冇令我失望😻如果你叫我挑剔佢唔好嘅地方只可以講佢真係好邪惡兩個人都食唔曬😂而且減肥嘅朋友最好唔好試啦因為真係有啲甜架🤤又有牛奶又有焦糖不過刨冰甜先好食架bor😦接下來就到小編大讚佢嘅時候😂絕對冇收錢賣廣告😅首先佢份量真心好多再加上有麻糬塞住個肚真係食到好飽🤤然後無論係雪糕定係刨冰都有好濃嘅牛奶味雪糕好大個刨冰都好高😆而且夠碎好容易小小咁食下面嘅麻糬真係又多又長又Q彈再加上包心足味嘅大芋薯圓好咬口同埋細細地食極都食唔曬嘅細芋圓簡直係大滿足❤️但小編覺得啫喱就相對遜色左啲冇咩味其實可有可冇😢總結而言性價比係perfect而且開左8間分店😆（開係將軍澳附近可以嗎😂）不過大家等咁久先食

唔知幾時先可以再去旅行，懷念台灣的芋圓，食完飯又想食番碗甜品，就來到這間長期要排隊的人龍店，7:45來到取票等位，要等40張枱。取完票去附近商場行下，8:30返到來已截止取票，最後等到9:15終於有位。假日如果想堂食真係要早點取票，相信8點後到已經食唔到。冰芋圓4號($45)配料有芋頭、紅豆、珍珠、芋圓及刨冰底。芋頭夠粉，其他配料亦保持水準，刨冰底黑糖味剛剛好，唔會淡亦不會過甜，當係懷念一下台灣的味道。

其實都唔係第一次食呢間甜品店，不過之前淨係去銅鑼灣分店，當中最鍾意嘅係佢嘅仙草同芋圓仙草味道唔會太甜，配合埋其他配料非常清爽另外推介佢嘅芋圓，好有芋頭味，而且非常煙韌，鍾意食呢d煙煙韌韌野嘅朋友仔一定岩口味今次叫咗個芋薯圓麻薯牛奶冰，全部都係好有咬口，配合埋牛奶冰相當消暑，而且性價比高，一份已經夠兩個人食不過呢間人氣甜品店的確經常好多人排隊，真係要有緣先可以食到，特別係晚飯後嘅時間，如果係附近食飯嘅可以提早拎定飛，唔係真係會有排等架