鮮粉人家 (已結業)

由以前紅磡舊舖開始食食到最後執咗而家新蒲崗廣場呢間舊位執咗喺另一個位置開咗酸辣粉米線嗰啲軟硬適中好好食好似其他地方好少有得坐低食呢種軟度嘅酸辣粉除咗傷心酸辣粉同旦王之外呢度都算係一個幾好嘅選擇唯一地點就唔係好方便除咗特登過嚟做嘢或者搵朋友都唔會特登過嚟新蒲崗始終冇地鐵到巴士又要特登搭就算地鐵落車都要行一段好遠嘅路太唔方便呀除非有機會你做嘢先會食豬頸肉套餐都好好食涼拌豆芽辣得黎好正杯特飲都唔錯

終於可以4個人出街坐定定食飯喇😂今次黎呢間鮮粉人家到食返個lunch先。嗌左三個餐一個小食🤤豬頸肉菜飯，又加少少花生，食落口脆卜卜夠哂特別😆夫妻肺片飯餐個餐好抵食，除左有肺片之外，仲有一碟手拍青瓜同跟埋飲品都係40蚊左右，又大碟又抵食👍🏻兩餸米線湯底做得好好味又唔會太鹹最後仲叫多一個雞扒，佢雖然係炸，但又唔會太乾，仲有肉汁🤤都好好味👍🏻

由於疫情關係... 唔敢帶小朋友出街食.. 所以叫外賣.. 但又落唔到街拎.. 同個姐姐講佢都好好人咁話送上黎比我地我地叫左米線同兩個飯.. 飯餐好抵食.. 佢有一個餸.. 可以揀菜飯.. 然後送一碟菜or一碟青瓜... 仲跟埋野飲添呀.. 最緊要就係個味道唔差嘅而米線我就叫左酸辣.. 佢湯底都做得唔錯嘅.. 因為出面米線好多都冇乜味道呢間舖都值得大家去試試。

2點30去食減左2蚊，可能因為係咁份量就就少左啲，但加埋野飲兩餸都係35 以一個lunch/下午茶價算唔錯，味道就同出面個啲傷乜個啲差唔多 所以唔評論太多因爲每人口味都唔同，但我覺得食得辣可以叫辣啲 ，因為中辣都唔太辣。

飯堂級🙆🏻‍♂️依間雞煲真係做得幾出色🌞因為其實小trend(即係我❤️)真係無辣不歡🌶️乜都要加辣無論粥粉麵飯🍙🍚🍛🍲which means 我隊辣係有一定要求🥢依間雞煲既辣係鹹辣鹹辣🌶️ #招牌雞煲套餐💰188 ✍🏻7/10佢個餐可以卑你揀(金菇肥牛卷/肥牛片/串串蝦) + (手打薯粉/生菜/腐皮/蘿蔔) 依兩個選擇擇其一💡佢入面有好多乾辣椒🌶️其實真系會越煲越辣🤦🏻‍♂️如果頂唔順既人可以一開始或者中途撈曬起身🌚同埋佢比較係辣多過麻辣👅如果大家係附近圖書館溫完書可以去試試佢👍🏻佢d服務都幾好阿姐級🧒🏽👱🏽‍♀️👩🏽👧🏽

湯底唔得，肥牛又多肥膏，根本冇乜肉，雞中翼又細又梅，煮到過晒龍，珍珠奶茶難飲，不知所謂。唔會再食，早知食其他野好過貪方便，因在自修室溫書，諗住樓下有得食就算，點知中伏。

新浦崗有好多間酸辣粉舖而眾多間入面呢間係我既首選價值便宜就不在話下（around $28-30中）最最最最緊要既係有我好鍾意既花生味我叫左豬頸肉一餸佢地既豬頸肉份量一啲都冇偷雞就咁睇圖未計湯入面已經有6條仲要唔係薄切！米線亦都好幼滑彈牙我就唔太食得好辣 不過都叫仲左中辣唔係唔辣 係好味到我一定要叫辣先得除左佢地啲花生好出味之外酸菜同酸豆角都好正 酸酸咸咸 配落個湯味道一流環境方面 都唔錯 不過好少位但佢地其實有第二間分店係附近 所以呢間冇位都可以去第間大啲既

又到外出做嘢嘅時間，完成了工作去食嘢，唔知食乜好，近近哋去鮮粉人家度食碗米線本身我唔係食得好辣，只喺叫咗桂林米線加少辣嘅麻辣汁配料有我鍾意食嘅花生同滷蛋 仲有酸豆角，肉碎，蒽等配料肉碎少到唔多覺眼鍾意食佢嘅白魚蛋，幾夠彈口，水餃都好味，麻辣汁雖然只係要小辣，對我嚟講辣度已經好足夠

今日黎咗新蒲崗呢頭行下，因為約咗朋友係附近唱K！行行下太餓了，佢地又未到於是我自己走咗去食個下午茶，大概係因為冇食午餐所以要食得多d ！咁岩就見到呢間叫鮮粉人家嘅店 原來係食重慶酸辣粉的，不過佢都有清湯米線。我就點咗個大碗重慶酸辣粉（紅薯粉）因為我個人唔太鐘意食米線所以就食紅薯粉吧然後再配咗3個送就係 蟹柳，牛展同埋豬頸肉而且我我簡咗小辣！提提大家2:30後黎減3蚊 如果2:30前黎學生會減2蚊！首先，要讚下蟹柳有3條都算幾好一般都係2條比3條算多，然後牛展都好好味因爲好「淋」好入味！到豬頸肉都幾好味！都係好「淋」。唯一唔好嘅係地下好似有d 唔乾淨。野食係幾好味嘅！

之前去完圖書館,好肚餓,落到樓下見到間食店,又係下午茶,就走入去食酸辣粉。 入到店入面,揾左張抬坐,發覺張枱好多油,抹唔乾淨。叫左一碗酸辣粉小辣加豬紅，等左幾分鐘就有得食。 望落去碗面好大碗,其實成碗都係湯,得一半係面。碗酸辣粉好酸，都無辣味，仲有味精味,薯粉煮過頭,入口一d都5煙韌，而且個湯底太過酸。d豬紅入口淡而無味,完全無加過任何調味料,用水整熟就算。 好失望，下次食酸辣粉唔會去尼間，d粉好難食,得酸同咸味。一個字：差

咁大個女都未食過咁難食既餐廳😭仲要響咁餓既時候食到，真係好想喊😭環境：勁dirty,好多野飛黎飛去，餐紙同台都係上手食完既既殘漬，台同地都油淋淋，冷氣機又滴水😒仲有冇多d野👍平時見到好多人幫襯，以為好好食，食果d人諗緊咩？新蒲崗既街坊完全冇要求？間野仲要唔平😒呢杯野真係好難飲，菠蘿係唔知咩黎，好碎既一粒粒，好似柚子茶咁，仲係加$8S先生果杯先好笑，哈蜜瓜果汁，你有冇見過哈蜜瓜咁既色？係有哈蜜瓜味，呢2杯野好似大陸珍珠奶茶鋪賣既野飲咁，唉又一經典，青瓜還青瓜味，辣油還辣油，青瓜完全唔入味，青瓜又唔爽脆，我見到好似即場撈，入到味先奇。小辣唔辣，真係得辣同酸，但所有餸都冇入味，好驚，真係評都唔想評，又細碗，麵祖都$18，每個餸$5，豬耳得幾條絲，蟹柳2條，牛栢葉完全冇味😭我好想喊，貼錢買難受。S先生咁食得都唔想食晒碗麵，仲要$109埋單，咁難食真係一蚊都唔想比，比$109食d咁既野真係好嬲😡最搞笑係店員呀姐無啦啦坐響我前面睇電視👍真心覺得唔該執左佢當幫忙😤

放完狗去食麵，叫了一碗重慶酸辣粉， 淨麵18，再加個餸要5蚊， 叫了魚腐魚腐只有2片，入口無味仲要唔彈牙，發了水勁似食到酸齋的口能，5蚊2片都幾搶錢。到麵啦，湯小辣，得個酸字又多味精，個薯粉煮過頭發曬水，入口唔彈勁難食，有dd 肉醉同芽菜，仲有d 醃過架豆角但勁鹹，成碗湯最重要，卻又鹹又酸又重味精。我有叫飲品，加埋31蚊，早知食譚仔，勁難食又唔正宗架酸辣粉只此一家。

今日特意嚟「鮮粉人家」食烤魚，點知原來烤魚要訂，我朋友無訂魚所以無得食，有點失望。 朋友仔話雞煲都好好食，我都已經嚟到雞煲就雞煲。雞煲套餐當然有雞煲，還可以揀2個火鍋材料，套餐HK$178。朋友仔成日嚟食，所以由佢決定，雞煲要BB辣，火鍋材料揀金菇肥牛及薯粉。雞煲跟我平時食的雞煲有 D 唔同，佢系有好多湯，但系湯又比平時打邊爐 D湯濃，但又比餸菜汁稀，暫且叫湯汁。雞煲內有不同材料，有雞而且已經熟、有紫洋蔥、芫茜、綠色的大辣椒、其他香料等。朋友仔叫我先食紫洋蔥，因為紫洋蔥滾一陣就可以食，淋左就唔好食，而家食就有少少嚼口，又食到原有紫洋蔥的甜味。朋友仔就話早D將薯粉放入鍋內可以比薯粉入味，遲左滾到無晒湯汁侍應到時加湯就會稀釋左原本D湯汁的味道。佢又話而家就一路食雞一路等薯粉啦。我終於可以食雞，只系滾左一陣都已經入晒味，雞一D都唔肥，辣度我可以接受到，但系我唔喜歡食雞皮，所以雞腳、雞翼、難處理雞皮的雞件就全部屬朋友仔食，佢都不知多開心，佢話隻腳入晒味好好食。我食左一口薯粉全完明白朋友仔點解揀薯粉，就好似打邊爐加粉絲一樣，可以全完吸晒湯底的味道，但薯粉比粉絲還勝一籌，因為薯粉比粉絲有嚼口。最後

行過附近幾條街有很多街坊餐廳，隨便選了間比較人多的，諗住比較有保證。點了個雞煲 set (可以選魚煲) $198，可以選兩款配菜，我們選了肥牛片 + 腐皮。個雞煲有一隻雞份量，鮮雞肉幾靚、多肉，牛肉 ok。個煲本身不太鹹，可以選微辣到「癲辣」，食完又不覺得口渴。以這個價錢來說 quality 很合理。唯一缺點是洗手間在後巷，如非必要就不要去了...

之前朋友一直推介位於新蒲崗的鮮粉人家，話食雞煲好食又好抵，今日終於有機會黎到試下喇～今次係我第一次黎的，試左一個麻辣雞煲呢度的麻辣雞煲以芽菜青瓜作伴底，還有芫茜洋蔥添加香味～ 湯底真係名副其實有辣之餘仲有麻LOL 食起上黎都真係有少少吃力orzzzzz不過食雞煲，雞先係主打！呢度的雞都唔差呀，肉有少少肥，但係好厚～ 不過我覺得呢度的雞煲有別於其他食店，因為呢度係以浸泡形式享用而非煮既另外仲叫左金菇肥牛，食哂D雞就放落去打邊爐咁食～浸泡係麻辣雞湯度的金菇肥牛食落真係別有一番風味，金菇吸哂麻辣雞湯D味，食起上黎好刺激LOL，加上D肥牛肥瘦適中，好好食呀呢間餐廳的菜式主要為四川地道口味，因為老闆係四川人，而其他出名的菜式有烤魚、酸菜魚，同埋口水雞～ 一間套餐雞煲魚煲配一個小菜兩碗飯及兩杯飲料都係大約180-200，都算幾fair的=v=