鮮粉人家 (已結業)

還記得上年考DSE，每天也會到新蒲崗自修室溫習，而午餐、晚餐既首選都係依間既酸辣粉。佢既薯粉較幼和軟身，所以好容易就咬開。佢地既酸辣粉也可以自由選擇辣度，可能我本身食得辣，所以我覺得選擇中辣也不夠辣而且一碗麵有分標準size和加大size，加大size唔加分料$20有$1找，因而我覺得已經很經濟實惠。其實我一直都好想試佢地既小食，但每次都因為怕食唔晒而無食……最近同友人去依間食，先有機會食，點知一食就愛上我地揀既係豬頸肉，要加埋佢地既辣油才好吃。我覺得好好味。而友人就覺得麻麻，她認為要加埋辣油才好吃些。所以這真是因人而異。而且我覺得價錢也不算太貴，一碟也只是$20他們的飲品也不錯呀！我最愛飲他們的芒果果汁，甜甜而又凍涼的果汁，真是夏天首選。

我五年前就食個到既酸辣粉，個時我夠膽講，個到既酸辣粉係全黃大仙最好食，要辣有辣，要麻有麻，次次都岀曬汗，又平，又好食。但近排又返去食下，想回味下，叫左個重慶酸辣粉，大辣，我一食，得個咸，唔辣，問佢可唔可以辣小小，佢同我講枱面有辣椒油你自己加，好失望，想當年好味既酸辣粉都變啦

朋友住呢邊附近 今日特登入完wts 再轉車黎呢間食雞煲因為朋友開哂頭話 又平又好味 ~佢系1個餐黎既~ 1個雞煲 1個菜 1個送 ~格局似台式餐廳都細都迫架！雞大件 好滑 好多肉 不過如果可以切細件d會比較好~方便咬~雖然大件d 但都好入味 我地食中辣 辣度唔夠~ 下次再去要大件D~話說 平時2人可以清1個雞煲+幾個小炒既我地 今次系食唔哂架！

先係去左新舖,點知人太多,姐姐叫我地去舊舖, 跟住個拎住一煲熱湯煲嘅阿姐行左一條街先去到舊舖原來就係新蒲崗廣場地下果間去到, 舖仔細細但FULL晒,得返一張長二三枱無計,2人, 照坐. 叫左雞煲, $138一隻雞煲連一碟肥牛同生菜其實就係幾抵咁嘅, 但果碟肥牛...真係好好好一般, 平價肥牛, 正價要$4X碟就一D都唔值, 仲要大量菜托底雞煲本身, 我覺得一般, 又唔麻又唔辣, 無出面d辣雞煲咁好味話一隻雞...但我覺得無一隻囉...其他火鍋料, 全部都係來貨, 即係你自己去街巿都買到返屋企打邊爐果d無乜特色, 但價錢就唔多抵喇....overall來講, 試過就算, quota留返試其他

一個送加 $5車仔面咁不過我通常食佢D小食 加大 $19 元食完舌頭麻麻地~好好味又彈牙但味精味都好重下架大家就唔好飲太多湯了唔係好thristy老水 $ 20有蛋豬耳豬腸豆芽雞冀尖幾抵食~~~~~~好過散叫

今晚又同皇阿媽行新商場一田, 但唔想晌商場食飯, 加上天氣凍凍想打邊邊, 行行下路過此店, 看見這小店每枱都是吃雞煲, 於是就試下....叫左個套餐($128), 因皇阿媽唔食辣, 所以試左個唔辣雞煲一上爐原來好大煲, 心諗.....今晚食肉over晒超標了 (事實個雞煲3個人都夠食)雞是預先煮好, 所以就算未滾都幾入味, 雖說唔辣, 但其實食食下都有d辣辣地因娘娘不吃牛, 所以選了蝦及薯粉蝦沒什特別, 而薯粉吸引了雞煲湯後, 味濃, 正呀雞煲整體是不錯且抵食, 但食食下就會覺得好口渴, 幾重味精

經常特登走黎食既雞煲..因為小弟到女友都極喜愛雞煲..有食遍全港所有雞煲既想法 128 = 雞煲(1隻) + 金菇肥牛(8件,薄薄地的肥牛) , 紅薯粉味道方面 : 佢唔係麻辣味 , 似好耐之前 "重慶雞公煲" 既味 不過呢個就多湯汁d , 比較juicy , 雞 : 應該唔係新鮮雞 , 不過d 雞算入味 , 脾位幾滑 , 但有d 位置都會嚡 , 因為始終係成隻雞.應該唔會成隻都滑掛 金菇肥牛卷 : 普通金菇肥牛囉 薯粉 : 因為個湯底好夠味 , 所以好入味, 煮到透味帶少少紅色 同埋自己煮可以預時間唔會太腍辣度方面, 中辣都已經算幾辣下d雞食到咁上下,就可以order其他野打邊爐refill 既湯汁都有味..唔會太沖淡個湯底如果平時想食雞煲..又唔想食麻辣果隻.可以試下呢個又平 , 又多份量基本上一男一女係應該食唔哂

吾知係吾係因為外賣 , 又或者晚市轉左廚師 , 個味同上次食完全吾一樣 , 仲要入吾到口 外賣返左屋企食 , 路程好近 , 相信吾會比d粉吸晒d 湯 , 但係真係好辣 . 我叫既係重慶酸辣粉 , 小辣 , 一打開個蓋 , 呆到=口=! 一片紅色 , 已經心知不妙 .. 食落口 ... 真係呢 ... 辣到傻 , 個湯底仲要得個咸字 , 一d酸辣味都冇 , 食多2啖 , 真係放棄 . = ="自問自己吾係一個吾食得辣既人, 但係對住豌得個 「辣」字既粉真係食吾落 . 仲有 , 我係冇另外加餸 , 因為之前食開佢有跟d芽菜 , 肉碎 , 花生 同豆角 , 但係今次佢比d料勁少 = =""" 幾乎要搵先搵到d ... 好失望 , 已經都吾會食 .

昨天晚上又係返學的日子,我們三個又要搵食啦,今次要食輕一點,留肚放學食乳酪,本來想去返上次食車仔麵的地方,行行下經過呢度,其實次次經過都見店入面好多人,都好想入去諗的,今次見到入面都係好多人,我地都俾吸引終於入左去試,只係得番一張枱有位,我地見其它枱都係食緊火鍋小菜,餐牌都係只有那些選擇,就問仕應晚市係咪冇得叫粉食,仕應就攞左另外一個餐牌俾我地,有幾款粉選擇再加餸,我點左重慶酸辣粉,朋友點左酸辣米線,另一個都係食酸辣米線,全部小辣,都驚好辣呀.朋友們先點了仕應好快手即刻落單走左,我還在諗,我諗左一陣,終於諗到食蘿白加紫菜,點知冇晒紫菜又冇蘿白,朋友明明食蘿白,估唔到佢食左最後的羅白呀,跟住我再點炸菜,又冇,仕應話剛剛係我點果三樣冇,好辛苦再揀左竹苼及芽菜.....好快又嚟左啦, 可以加錢叫台式飲品,5至6元都好抵呀,不過我地冇叫.都幾大碗喎!我的是重慶酸辣粉,質感好煙韌好有咬口,朋友試少少都話比其它地方的有口感,配料有肉碎,花生,蔥及芫茜,芽菜,竹苼好味呀,好入味,個粉唔係好辣,ok,唔算太濃味,好味道.朋友俾左少少腐竹我食,都好滑架. 食完碗粉即刻流晒汗.這裏有水煮魚,酸菜魚等等火鍋

於深圳按摩後已是晚上8時，由於與好友星期一早上也要上班，決定先回港再吃晚餐~在火車上大家想了一回，好友提起曾到這裡吃麻辣雞煲，很抵吃，於是決定一起來這裡試試~ 來到這裡，由於只有2人，決定點了麻辣雞煲(中辣)配金菇肥牛卷及薯粉，大支裝青島~先來了支大青島，很冰凍呢！只是$12/支，實在很抵喔！等了一會，服務員捧著熱烘烘的雞煲出來，真的很大煲！ 材料也真不少，大約有1隻雞、大量洋蔥、少量白蘿蔔、芫茜、紅椒、好多香料... 很急不及待等滾起後立刻夾一件雞試試~ 沒有雞味，而且湯底也沒有很香的味道，有點失望... 反而白蘿蔔已可食，夠林、夠入味~ 但以這個價錢有這麼多份量及材料已是很不錯了...金菇肥牛卷：由於是跟餐，沒有太大的寄望，肥牛質感較硬，但入口也有牛味；金菇沒甚麼特別，吸了麻辣湯後也不錯的~薯粉：煮到差不多透明，發現太林身，沒有薯粉應有的口感，但味道不錯；於是試試滾一會即刻夾起，但又不夠入味，實在有點不知怎樣才好... 其實以$128這個價錢能有這麼大的麻辣雞煲還有兩款配料選擇，實在很難再有其他要求了，再加上$12/支大青島，糧尾時這兒實在是一個不錯的選擇~

今日嗌左個炸醬米線外賣, 個時係服務員幫我落單的~!到拎左返屋企發現米線冇跟個湯底, 即時打落舖頭查詢~ 舖頭員工一句唔好意思都沒有, 就說:"我地改左餐單...唔會個個客都要提甦既, 係咪先, 你落單個時又唔睇清楚~"餐牌完全冇提及過改左, 員工又唔講聲, 雖然可以講唔會通知聲, 但我應係咩方向得知唔跟湯底呢~雖然有冇湯都唔緊要, 但咁樣既服務態度真係好難頂LOW!!

好耐冇去、之前黎食過一次..今回事關向身邊圖晝館大樓岀發,才又路經始地湯底無乜特別,個人更應為偏咸..最特別就係''湯底''比一般街上的多料如...《豆角同肉碎》,其它店鋪一般檔''餸''嚟叫但每件事也有兩面睇,''餸''就少到慘不忍暏..印象中未層試過叫$4.配料墨丸餸只有''2粒''咁多今次我選擇了墨丸同柴菜兩個餸成為$24.大蚊【對不起城行城市的米線中,今時今日你fail!!】「冇heart且咸...」不過你要多謝「味粉」公司的用心幫助。我想應詃冇第三次!!

愛辣ge 朋友..實在要一試..!!!挑戰一下大辣.!!重慶酸辣粉比起普通米線同酸辣米線正好多.!!睇佢個樣好似好核突咁..其實佢好彈牙.. 亦好有酸辣味.!!重彈牙過烏東呢.!我對佢d 豆角就mama la..因為我就唔太喜歡食d 酸豆角.但佢ge 肉燥好正ga..!有小辣.中辣.大辣,麻辣等等..小辣已經食到一身汗ga la.至於佢ge飯呢...肉燥飯就最正la...佢d 汁真係好好味ga..!!愛肉燥or 辣ge 人最arm 食.!!!

去開圖書館,而且想食呢間D酸辣粉好耐!朋友都推介過!於是一個人膽粗粗入左去試對呢間D酸辣粉好有期望不過入到去入面得幾張檯..而且正值星期六LUNCH都5係好多客...5算好多選擇,有米線,酸辣粉,魯肉飯果D一開始驚會好辣所以揀左小辣諗住保險D點知完全5辣...又無酸味....好彩有酸豆角無限量供應,呢樣抵讚!!個湯5算好香..亦不太好飲...完全5似酸辣粉..失望~仲有杯野飲..差到呢..我真係寧願飲水=(難飲到喊而且毫無服務可言...= =!

之前經過此店. 見價錢幾平.今次就專程過去試下. 星期六黎講. 呢邊泊車平同多位. $108 餐一個招牌雞煲.+ 金姑肥牛卷+薯粉. (配料有幾款選擇)湯底. 揀左唔辣. 唔辣都一樣好夠味. 好似小肥羊. 食完成身都係味. 雞係冰鮮雞. 比較瘦. 比較多骨同埋細件. 但都應該差唔多有一隻. 好入味. 呢個價錢算係敢樣. 金姑肥牛卷個湯底好濃味. 金姑吸晒D汁好夾。　紅薯粉都係因為個湯夠味.食D 無味既野都會好入味. 好少打邊爐可以食呢種紅薯粉. 通常食酸辣米線鋪先有得食. 另外再加配料. 栗米, 腐皮, 生菜, 蘿白, 各$9 一碟. 小食拍青瓜. $8 . 唔係幾辣.其他小食都係十幾蚊碟. 飲品都有幾多特飲揀. $6杯沙冰, 柚子蜜等. $8蚊杯珍珠奶茶. 初頭都幾無信心. 呢D 鋪頭D 野飲. 應該都無咩水準可言. 但見咁平. 而且食D 咁濃味既湯底. 唔飲野唔多掂. 就叫左珍珠奶茶同熱菊花蜜.珍珠奶茶. 估唔倒佢又幾好飲. 仲叫左兩杯~竟然係唔甜同埋有茶味. 菊花蜜都正常~凍金桔蜜就有少少甜.每人飲左兩杯飲品. 你抱住食大家樂邊爐既心態去食. 你會有驚喜. 主要係個湯底比