鮮味工房 (已結業)

由於以前係呢度返工，佢絕對係我最愛嘅飯堂之一雖然佢係工廈，但附近返工嘅人對佢一定唔陌生佢個menu唔會點改，但每一款我都大愛！特別係呢個壽司set，非常新鮮，份量又多仲配埋前菜、湯、沙律同熱茶大大份都唔使$80，出面邊度食到呀！

荃灣西工廈日式餐廳佢都係其中之一間荃灣西飯堂😂環境唔錯，食物高質👍🏻👍🏻👍🏻都有成10個餐俾大家揀-今次介紹下 特選壽司🍣一個set有主食 + 味噌湯、沙律、小食、煎茶壽司好新鮮、好肥美個set份量剛剛好，唔會過飽，頂住哂👍🏻

去荃灣搵表妹帶我去食 Lunch, 如果唔係有人帶, 一定搵唔到! 隱世日式樓上店, 據聞夜間變身串燒店! 睇睇 Menu, $68+ 起, 以樓上店嚟講完全唔貴, 表妹誠意推介性價比超高! 溫泉火山丼 $78 ~ 好有驚喜! 其實係火炙刺身 + 溫泉蛋飯! 有玻璃蝦 (好貼心地去尾), 鰻魚, 蟹柳, 鴨胸 (每樣都有2片)! 醬汁好好味, 唔會過甜或過咸, 滿滿紫菜絲及蟹子, 成件事口感超豐富! 特選壽司套餐 $78 ~ 表妹常食套餐之一, 豐富到不得了! 足足有10件壽司, 而唔係 cheap cheap餸, 有牡丹蝦, 帶子, 左口邊, 鰻魚…etc! 性價比超級高! 註: 最值得讚係鰻魚, 我本身唔鍾意食鰻魚, 但呢個鰻魚好值得推介! 唔腥, 肉質非常厚實, 無幼骨! 超推介!