鮨穴

營業中

休息中

最近時代廣場有劵優惠，於是去呢間門面叫得宜既餐廳食個傘飯。。當日去到大約兩點半，但因為未有位，於是就係門口諗住等一陣，過左一陣已經好多人係後面排隊。門口負責接待係女仔態度唔多好，安排入座亦非常混亂，我記得我同朋友兩位排第二個，但佢就安排排後面所有人入曬座先比我地入座，問佢"點解咁既，明明我地黎先架wor” 佢就九唔搭八咁話咩執緊台，而且語氣極之晦氣，可能見我地用劵啦。 其實類似情形係呢間餐廳都唔係第一次發生，客人入去用劵食好似得罪佢地咁，如果係冇心做劵就唔好派，辛苦搵黎志在食，唔想入去食餐飯好似受罪咁lor，關於入座安排，呢間餐廳真係要多加改善。講番食物,叫左兩個lunch set，都係牛肉烏冬。佢個set都叫多野食，亦有水準。最特別係另加既果個牛油蕃薯小食，上果陣係著住火既，而且味道較得幾岩。總括而言，呢間餐廳食物係唔錯，但服務，尤其入座安排真係要多加改善，唔怕入去受氣既可以一試

lunch點了2份mini don sets, 1 份薄牛肉燒，上菜唔夠體貼，mini set don有2 個自選don飯，salad, soba, 前菜，全部都是一件件分開上，並沒有用一個tray裝好一個set. 結果waiter黎左N次分別將4 碗mini don, 2 碗soba, 薄牛肉上菜，未試過食日本野係咁。野食味道可以，價錢貴，呢個價錢可以有其他cp值高的日本菜揀

以日本菜來説鮨穴的菜色選擇算是包羅萬有，當中，有串燒，壽司，魚生，烏冬等等，所謂各色其色，食物新鮮高質素，總有一樣食物適合你。以我有選擇困難症的人來説，真係相當合適。只有一點我要提提大家，近期time square有用coupon 的優惠，所以人客多左很多，所以大家要留意等偐旳時間啦。

因為有Times Square 既美食優惠卷，所以就同朋友試下呢間食日本餐😁因為係臨時決定，就打算walk-in，我大約11:30到達，店舖12:00開門，出面已經排左一條隊。等到12:30就入座，期間店員安排有條理，沒有混亂，例如可以係排隊既時候去佢地自家網上填資料，唔洗寫紙仔👏🏻👍🏻📍叫左天扶良刺身御膳（$208），以及特上刺身御膳（$288）兩個set都有沙律+前菜+甜品，但只有後一個set 先有茶碗蒸及味增湯首先要讚下佢地碗碟，真係好靚😍😍沙律&前菜不過不失茶碗蒸不錯，海鮮味好鮮又多海鮮， 個蛋又滑📍天扶良刺身御膳炸漿係薄既，炸物有海鮮及蔬菜，但蝦有少少唔係咁新鮮，相反個魚唔錯蕎麥麵及壽司不過不失📍特上刺身御膳配飯刺身都新鮮的，但海膽略為苦最後，係因為有優惠卷先會幫襯，如果正價的話不會再來😗

因為之前喺Time Square買野，剩低一大推飲食coupon，所以我哋就去咗鮨穴食lunch。我地喺一星期前已經book定位，知道一有coupon，應該好難walk-in。當日去到嘅時候，已經有好多人排緊隊，而我哋好彩有book位，就可以直接入座。我哋今次叫咗刺身御膳、海膽壽司同埋煎牛舌。刺身御膳可能有時限關係，上菜速度非常迅速。刺身無以往既新鮮，可能因為lunch set既關係，但份量足夠。煎牛舌相反散叫既煎牛舌就相當吸引，入口即溶，完全係發揮穴既水準。海膽壽司食材比刺身相對新鮮，而且食得出係用心製作。

都係有time square coupon , 差唔多半價，今次平左$350，物超所值👍🏻👍🏻所以一定要試吓呢間日本菜我哋一行三人12:00左右到逢，以為已經早過lunch times時間，但係門口已經排了十多人，因為沒有預約，所以等左差唔多1.5小時🤔，可能仍然好多人仲放緊復活節假，下次一定唔會排隊！打算立即再book 下次再嚟，不過下個booking係要18號，足足10日後才book到真誇張😎！午市套餐及定食1）刺身御膳 $258（跟沙律、前菜、海鮮蒸蛋、白飯、味增汁、甜品）- 全部刺身非常之新鮮👍🏻唯一不太満意是舊海膽，應該唔係日本貨係加拿大🇨🇦AA海膽貨！2）特上天婦羅御膳$298（跟沙律、前菜、海鮮蒸蛋、白飯、味噌汁、甜品）-天婦羅好新鮮即炸即上👅👍🏻👍🏻3）日本吉列黑豚滑蛋飯$188（跟沙律、前菜、味噌汁、甜品）- 黑豚肉實淨鬆軟反而係個滑蛋咸咗啲，下次應該會選咖喱黑豚飯😁可能好些🤩

今日經開時代廣場，就搵下晚餐食邊間。。行到鮨穴之前都想試，就入去試下果然無令我失望，質數賣相都係價錢略貴整體所叫既食物都好食，用靚食材，服務同環境都ok, 如果有機會會再試

朋友上星期日生日🎂約左去位於銅鑼灣勿地臣街一號時代廣場12樓1202號鋪的鮨穴，坐港鐵好容易搵到，系一間專食日本菜壽司，刺身的餐廳🍴，叫左一個麵豉湯同一碗🥣日式蒸蛋，真係夠使滑，我朋友叫北海道刺身飯，有三文魚魚子，帆立貝，海膽，和甜🦐，三文魚，都好新鮮，味道鮮甜，刺身每件都厚切🔪，三文魚🍣油脂都均勻分佈，入口咬完都即溶，吞拿魚🐟都系好鮮味，材料的質素，侍應的服務質素我哋都感覺唔錯，值得再去食

食物中毒，又屙又嘔難得放假帶媽咪去食日本野，午市叫咗壽司拼盤，同海膽飯套餐。食咗少少既海膽飯都已經覺得唔太新鮮，海膽苦苦地。不過當下無同侍應投訴，點知食完約一兩個鐘，媽咪即刻反胃嘔翻哂所有食物出黎，仲要嘔咗成五六七次，黃膽水都嘔晒出嚟。之後仲肚屙咗成兩三次，全部屙水，好彩翻得切屋企。諗住放假同媽咪開心行街街食飯，宜家搞到要睇醫生。完全會blacklist呢間餐廳，以後都唔會再去，大家都唔好去中伏！

是有訂左位唔洗等直接入得，因為甘啱有時代廣場劵，所以都唔介意食得豪啲，叫左好多野食。先講講環境先，暗暗地座位寬敞舒適。因為四人限聚關係，我地6人被分配左兩張枱。野食方面我地冷盤叫左三文魚他他沙律、特上壽司拼盤、帶子卷同辛味吞拿魚卷。熱食一人一個主食，我自己點左天婦羅炸蝦配冷烏冬，朋友們點左一個鰻魚石鍋飯同牛肉湯烏冬，另外仲點左啲串燒，我自己揀左燒雞翼同雞軟骨，朋友就揀左免治雞肉同雞肉大蔥。先講冷盤兩個卷先，帶子卷都新鮮，冇啲唔靚帶子既霉味，唔錯。而果辛味吞拿魚卷就有啲失望啦，唔辣但果辣醬味好濃，係韓式辣醬味黎，所以蓋過哂吞拿魚既味道，唔係難食，但果辣醬有啲冇誠意。而果三文魚他他沙律，啲菜都算新鮮，但朋友都食到某啲菜有苦味，果三文魚好唔錯，厚切得黎側邊有輕輕燒過，呢啲細節位幾有心思，三文魚同菜既比例係一比一，個人黎講因為中意食沙律所以如果多返啲菜會好啲，但如果對主打魚生既人黎講佢就好抵食啦！整體好食，但要扣分係果沙律上得較遲，食左唔少熱食先黎，節序有啲亂左。黎得食日本野點少得壽司，是日重點當然就係呢個特上壽司拼盤啦！唔係每款我都有食，我食左吞拿魚卷，覺得呢個好食過之前既辛味吞拿魚卷，海膽

Once getting into the restaurant, the Japanese taste is so strong, we getting into inside room and I like the oil painting of fish or dragon lolll haaa, it's such a good decoration, with those lamp bulb, the environment is so warm hereee ha, good for friend gathering. But the price range is a bit higher than other branchesRecommended by friend, and ordered Sliced Sashimi Bowl, having many different seafood ingredients including sweet shrimp and head, salmon fish, tuna fish, urchin, scallop, and

《半價食日本菜🇯🇵💓》.👩🏻‍🍳 北海丼 + 魚子帶子丼💰 ～$300 in total.太多時代廣場coupon不知道怎麼花？去吃日料!!😘 立刻半價了，瞬間覺得很划算🤪 三文魚子精華爆在口裡的感覺+海膽的鮮甜+魚生的厚度和肥美，讓肥豬整個體驗都幸福感滿滿的，不過注意可能要排隊喔～💞.📍鮨穴 Zushi Ana

最近時代廣場推出很多餐飲及購物優惠。其中餐飲優惠券，於指定餐廳每消費＄100可減＄50，最多可以使用10張。即買滿＄1000最多可減＄500。今次就買了鮨穴的特上刺生拼盤外賣，有大約10款刺生，包括牡丹蝦，大拖羅，三文魚腩，油甘魚，帶子，海膽等等全部刺生質素十分高，其中2款有皮魚，魚味突出，海膽細細片但濃厚鮮甜，大拖羅甘香肥美。。另外點了一隻粒貝刺生，十分鮮甜爽口。餐廳下午都有set lunch,有機會要試試。

嗌左個「佐賀產牛肉薄燒鐵板燒御膳」$348首先出到黎個樣已經圖文不符個多士真係仲衰過茶餐廳就咁成塊白方包上(有煎過下）睇圖就完全明白個對比仲要吸哂側邊啲湯汁 啖啖油 冧badbad側邊啲菜好少少～有「茶餐廳炒雜菜」質素咁上下🙂但餐牌上面唔係炒雜菜喎仲要冇人地茶餐廳嘅鑊氣喎🙂塊牛咸到成塊鹽片咁 包住嘅餡料又係又咸又啖啖油🤢食完會想係咁飲水我覺得可以係茶餐廳賣$48 我會接受呢個質素但呢個成$348仲要加一 有time square cashpon先諗住去下 點知中伏

疫情之下，都真係好耐冇出過街食飯，趁星期六去開銅鑼灣而且又好想食魚生飯，為左獎勵吓自己，就去咗試食呢間高級日本餐廳慰勞吓自己一個星期辛勞嘅工作地點：位於時代廣場商場入面食通天，喺正Pizzaexpress隔離環境：餐廳去行型格暗黑風，入面有吧枱可以俾你睇住師傅為你準備魚生飯，另外仲有好精美嘅日式壁畫，高檔得來又帶點日本風。雖然係走暗黑風，但餐廳放咗一盞盞吊燈同埋射燈，坐又唔會覺得好暗好黑喎食物質素：今餐叫咗兩個午市套餐，一個係北海道刺身飯，一個係雜錦魚生飯。套餐包括一客一盒沙律、一客芒果螺頭小食、一碗麵豉湯同埋一個日式蒸蛋。真係估唔到呢個餐有咁多嘢食㗎 ！呢幾樣野最出色嘅我都係覺得芒果螺頭小食比較特別，芒果十分鮮甜，再配上中華沙律嘅螺頭汁，一鹹一甜嘅配搭竟然出奇地好食，勁之開胃但麵豉湯就略嫌比較淡咗少少，同埋個蛋比較淡咗啲，唔通係想中和返兩道菜嘅味道係我哋食緊前菜小食嘅時候，見到師傅喺我哋面前親手用火槍整火炙刺身飯，極之eye catching😎首先為大家介紹雜錦魚生飯，顧名思義就係乜都有嘅魚生飯。有三文魚吞拿魚甜蝦帆立貝海膽鯛魚等等。每樣野都好新鮮，特別係三文魚極之肥美，帆立貝鮮甜，