鮨穴

營業中

休息中

餐廳裝修用上黑金和式風格，再加上手繪錦鯉牆，設計別具風格午市主打定食套餐，選用日本直送新鮮食材炮製雖然價位偏高，但可以享受高質的食材及舒適的環境，絕對值得一試食物方面 :特上壽司御膳 : 壽司上的刺身新鮮甜美，醋飯份量適中，款式種類多，再加上沙律、前菜、海鮮蒸蛋、味噌汁、甜品，豐富的壽司御膳北海道刺身飯 : 刺身新鮮甜美、蟹肉有口感，配上醋飯、再加上沙律、前菜、味噌汁、甜品，美味的刺身丼

💸人均消費: $400🌿評分: 4/5🈶加一服務費適逢有時代廣場coupon✨就同爸爸嚟食日本野🗾呢間之前都食過覺得食物質素幾好幾新鮮😋坐得都幾舒服😌但可惜可能因為人流眾多所以服務態度較差🥹✰特上刺身御膳 ($388)所有刺身都係厚切嘅同埋好新鮮😍不過唔好expect佢會同餐牌上面嘅刺身係一樣😂因為佢有啲會因為時令唔同而轉翻啲啱時令嘅刺身😗呢個御膳刺身款式好多😎有三文魚、拖羅、帶子、油甘魚、鯛魚、池魚、左口魚、海膽(仲有一款我唔識🤥但我覺得唔太好食的) 咁多款入面我最鍾意左口魚❤️佢油脂超豐富😻食完都好念念不忘🤧✰特上壽司御膳 ($308)左邊嗰三舊懷疑純粹想塞飽我, 冇乜三文魚味😂其他就唔逐款講啦~ 但舊拖羅真係好正🥰真係好鍾意呢啲油脂咁豐富嘅魚🐠上面兩個都係lunch set🌷會送埋沙律🥗茶碗蒸🥚味噌湯同埋甜品🍮沙律同茶碗蒸都好好食✨沙律係用胡麻醬調味🌻唔係就咁俾堆菜你🥳茶碗蒸雖然料唔多, 但超級滑😌✰季節雪葩 ($98)有幾款揀的!! 我記得有桃🍑有我哋嗌嘅呢個菠蘿🍍仲有一個唔記得咗😵‍💫冇諗過佢咁大個🤫佢呢個size同味都似鳳梨多啲😉幾清甜幾好食😜

晚餐之二人前日本菜。大熱天時，與朋友在銅鑼灣逛街，必選商場，有冷氣、食買一次過搞掂，不用走來走去，方便快捷。我們都是日本控，自然選吃日本菜。星期六晚上外出吃飯，必須排隊，所以預早出動，排了約半小時，終於有位。～～～～～～～～～～～～～～～～～～～餐牌選擇多，我們樣樣都想吃，就盡情點菜吧。🍱特上壽司御膳 $398⭐️⭐️⭐️⭐️⭐️有拖羅和海膽，一見到已經😍😍！單看未吃已覺得新鮮油潤，入口一試，果然如此😋😋😋😋😋拖羅甘香鮮甜、油分足；海膽鮮味十足、甘甜、毫沒腥味，兩樣都非常新鮮；其他壽司都一樣新鮮好味。壽司飯醋剛剛好、握得實淨不鬆散。🍱蔥吞拿薄脆 $78⭐️⭐️⭐️⭐️⭐️甘香鬆脆，一點也不油膩，吃不停口，好味！🍱薄切油甘魚胡麻汁⭐️⭐️⭐️⭐️油甘魚味鮮嫩滑，汁料醒胃。🍱軟殼蟹沙律⭐️⭐️⭐️一般啦。🍱炸金菇⭐️⭐️⭐️⭐️炸得脆口，正！佐酒一流！總括而言，非常滿意的一餐😁😋😋🎉😍

位於銅鑼灣時代廣場食通天嘅嘢鰭穴，因為有支援時代廣場優惠美食券，咁所以買完嘢就揀你試吓啦🙂週日都有午市套餐，種類繁多， 因為比較細食， 所以會揀啲方便share嘅套餐，見到有一個迷你定食套餐，包括前菜、湯、同埋三款迷你丼！咁我今次揀咗燒霜迷你丼同埋海膽三文魚迷你丼，分量迷你唔可以試晒兩個口味，啱晒女仔🧍‍♀️！燒霜迷你丼因為好少食生野，通常我會揀炙燒，起碼叫有煮（燒）過🤫食材包括炙燒左口魚同埋炙燒三文魚，左口魚幾好味有口感，都保留到魚鮮味，推薦👍🏻海膽三文魚迷你丼簡呢個丼係因為有海膽😆呢間餐廳食物都有質素，海膽新鮮，仲有配紫菜，推薦👍🏻最後要提一提個甜品，係杏仁冷糕同埋類似日本小菓子，個人覺得幾好味😋😆

去到間餐廳冇人招呼入位，好不容易找到個人就問你會唔會用商場劵，見你用劵就燶口燶面，語氣唔係好好咁要求我哋5分鐘內落單，否則不能用劵。用劵有時間限制？？？真係冇聽過。咁我哋坐咗一陣後留意到其他後來的客人則沒有吹趕，亦笑面帶入去。可見有差別對待，如果係用劵啲朋友想要服務的，請不要光顧這一間店。講到性價比，呢個價錢就偏貴。首先上啲沙律唔係好生鮮，可能係見你用劵啦😂魚生方面就還新鮮嘅，不過海膽超腥。本人較重視服務態度，除咗嗰斟茶啲2X歲妹外個個燶口燶面好似得罪人咁，我個人唔鍾意。埋左單就有嗰人企喺隔離，攞左條毛巾喺枱面係咁樣嚟樣去，其實有多枱剩低嘅，亦不是繁忙時段，我個人不太喜歡。not recommended!!!

同男朋友慶祝紀念日，佢突然想食日本菜，就貿貿然入咗呢間日本餐廳食🤣book都冇book認真求其😂不過呢間都幾好食既🥰💛特上壽司拼盤 每件壽司上面既魚生/刺身都好新鮮同滑嫩，特別係海膽🥰，帶子更加係入口即融😋，唯一美中不足既係啲飯黏度唔夠，成日一夾就散🙁💛火灸三文魚芝士卷三文魚好新鮮，但係唔夠火灸既感覺。不過芝士味勁濃☺️酸醬夠酸加埋爽脆青瓜，食落好開胃好fresh👍🏻飯就幾軟身同濕。💛松葉蟹甲羅石鍋飯 材料有海膽、蟹膏、蟹籽、紫菜。就咁食海膽係幾鮮甜🥰如果將所有材料撈埋，就只係試到好重既蟹膏味，蟹膏味完全蓋過海膽鮮味🥲飯幾濕腍，食到最底仲有啲飯焦添😆🫶🏻

是次用餐共點6個項目其中10貫壽司拼盤(*發現餐廳誤收價錢特上壽司拼盤12貫）真蠔飛驒牛壽司蝦片盛(3件）月不見の池 吟釀 生貯藏300ml三文魚腩壽司燒鵝肝壽司整體來說飯好小但尚可以接受魚生方面可圈可點質素麻麻重點嚟啦！發現收據上其中一項有問題•特上壽司拼盤12貫 (＄458)而我落單及收到的是- 壽司拼盤10貫 ($358)即係連埋加-多收左＄110即日打返去餐廳聯繫末果翌日成功聯繫上該店職員反映完之後佢哋查左成日都冇回覆到之後果日再打去今次先係餐廳經理Vincent 定wilson 處理對方稱因為已經過了幾日餐廳款項已上數公司，所以不能退差額，前線冇權力等表示安排不到退款而佢哋嘅解決方案竟然係叫你下次光顧比返discount你 ！？個post我有相證明公道自在人心

今個月幾乎每個禮拜都來時代廣場一次，就是為了延續時代廣場美食之旅。日本餐廳一定係首選。環境尚算寬敞，侍應服務態度不錯。餐牌有很多款式供選擇。沙律夠新鮮；前菜有醃製過的蘿蔔絲和木耳；海鮮蒸蛋，蛋夠滑，鹹鹹香香；味噌湯夠熱足料，唔會過鹹。<壽司御膳>魚生壽司都幾新鮮，每件壽司細細件，飯較少，雖然一口一啖便可吞進肚裏，但感覺仍然滿足。部分壽司面上放有一啲如海膽、魚子來提升壽司的味道。赤身唔會有腥味，上面的芥辣粒很特別；甜蝦鮮甜，上面的海膽半融；帶子嫩滑厚肉。<雜錦魚生飯>海膽呈黃色，鮮甜；魚類的刺身油分充足；吞拿魚腩口感用軟綿綿，飯的口感非常好，煙韌有微甜，加了芝麻粒和紫菜，味道更香。最後的甜品比較甜。用了時代廣場優惠券就抵食呀！

食物：食物一般，魚生唔新鮮，用醬料遮味晚市種類選擇少，全部都係單點。總括而言性價比超低。相同價錢外面大把選擇。服務：經理態度勁差，對客人冇禮貌，講野有骨。價錢同服務有落差🥹

餐廳：鮨穴 @zushiana 地點：銅鑼灣勿地臣街1號時代廣場12樓1202號鋪有Times既Dinning coupon 當然要用咗佢啦⋯⋯呢間餐廳係Times黎講都幾出名，所以好多時都要等位，不過今日等15分鐘左右真係算快🫢🫢叫咗3個 魚生飯 配 天婦羅 + 蕎麥麵 / 烏冬另一個叫 雜錦魚生飯所有食材都幾新鮮，味道中規中矩，用咗dinning coupon -$500 後 大約$700埋單都ok既……如果無coupon就未必值呢個價位囉🫤

今次真係嬲到要第一次po文開開心心諗住食日本野就算有coupon性價比都唔高唔計coupon原價都要成8百蚊完全都係普通野，亦稱唔上好食重點係食完冇耐已經肚痛🙄唯有要去商場解決，屋企都返唔切而且唔係非一般既肚痛，係痾水果隻返到屋企又痾，成晚都唔舒服第朝返公司又痾😷呢間野究竟係幾污漕？？正宗貼錢買難受😤連朋友有強壯腸胃都唔舒服左幾日腸胃唔好既人千祈唔好去，你會後悔的真係估唔到開係時代廣場d質素會係咁大家有coupon既真係唔好揀呢間，冇coupon更加唔駛去，真係唔知d好評係點黎

因為我有商場嘅coupon，今日約咗朋友一齊來分享，不過因為有突發事件，所以最後我一個人獨自午餐。 自己一個人遊走於 時代廣場9樓至13樓之間， 揀嚟揀去咪又係食返日本嘢，呢幾年去唔到日本始終係帶着一點對日本嘅思念。已經是下午二時多，在店外面看到餐廳內客人都甚多， 門外境還有四五個客在排隊， 係真唔係？ 排第一位的一位男士告訴其他排隊的客人他只是在等朋友， 此時各人才恍然大悟，然後陸續進入餐廳用餐，真搞笑。 唔係入餐廳食飯好心就唔好企喺排隊位啦。 餐廳店員詢問我喜歡坐餐枱位或者吧枱位，我一人用膳當然喜歡坐吧枱啦，可以見到廚師工作情況也看到吧枱櫃後面的裝飾，是非常治愈的。在打算進入餐廳前已經想好點這一個＂霜燒魚生飯＂， 因為用火槍稍為把生魚片燒一下， 魚生入口的時候有一陣燒焦的香氣非常迷人， 特別是魚油豐富的魚生更適合用炙燒這個方法，如果經常看我食評的朋友們都應該知道我是非常喜歡焦香味的。這一款套餐包括：沙律、麵豉湯、漬物及甜品。 我先吃完沙律和漬物， 魚生飯才上枱，這個霜燒魚生飯用了一個藍色的闊口大碗盛載，炙燒帶子，炙燒三文魚腩及炙燒左口魚裙邊，每款各有四大片，把整碗飯面都蓋住， 上面

無得WFH，我又唔係姓黎，要返公司心情難免有d不爽，唯有lunch同同事出去食餐好。我哋兩個人，每人叫咗個set，一份特上刺身御膳同一份美國照燒牛扒御膳。每份set都包咗沙律，茶碗蒸，面豉湯，涼拌前菜同飯後甜品。 特上刺身御膳-刺身望落都好新鮮，但同事表示唯獨偏偏佢最愛嘅拖羅實在太肥QAQ，食落口好似咬住舊豬油咁。 至於我份美國照燒牛扒御膳，味道確實唔錯，照燒汁外仲食到少少黑椒味，可惜牛扒有d 韌。 整體嚟講，食物算唔錯，正正常常，餐廳上菜速度好快，適合扮工仔短少嘅lunch時間。

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ @zushiana 係時代開得通常我都唔會有咩期望 不過zushi水準係kp到 👍🏻 推介食油甘魚鵝肝粒佐南高梅醋醬 個combination都幾夾 食落個味道酸酸甜甜 鵝肝味當然都好出 但又唔會覆蓋晒油金魚嘅味👏🏻 至於石鍋類就一般般啦 無咩特別 價錢都唔算親民 係個油甘魚叫做合理少少 ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ🌼 Food油甘魚鵝肝粒佐南高梅醋醬 $210三文魚芝士卷 $83松松葉蟹甲羅石鍋飯 $168鰻魚蒲燒石鍋飯 $134美國產牛柳粒石鍋飯 $185櫻花蝦三文魚子石鍋飯 $414⭐️ Deal✔️@lubudsfoodandbeverage 依加做緊現金券回贈 有3個plan 睇下岩唔岩你地😊 記得用個app儲埋分 ✔️唔想搞咁多野可以直接去 @openrice_hk 買coupon 再OpenRice Pay. ◇◇◇◇◇◇◇◇◇#cass_cwb #cass_銅鑼灣 #cass_japanese #cass_日本菜 #eatwccinhk

超級掛住日本系列🇯🇵今日放假同男友尋找日本的味道之前行過見到啲相好吸引 但晚餐價錢都算中上所以放棄咗有一平日經過 見到有lunch set 即刻衝左入去 開心食🥳🥳雜錦刺身丼Lunch set 會送上蒸蛋 盤前沙律 我覺得個蒸蛋好滑 好有口感 好好食😍主菜都算多刺生種類 每件好鮮甜 新鮮有選擇困難症嘅你呢個魚生飯值得一試 可以試到唔同嘅魚生一次過滿足你幾個願望北海道海膽平時男朋友唔肯食海膽 佢話好臭😷 為咗令佢改觀 叫咗個北海道海膽俾佢試吓佢話一試難忘 令佢對海膽改觀呢個海膽食落去好滑 係好味都唔想吞落去等佢係個口到盡情跳舞 💃🏼本身諗住成個餐都係我食點知佢條友仔食晒咁滯 仲話想要多碗添😤