鮨之

營業中

休息中

今晚帶左朋友來［鮨之］慶祝生日，呢度的刺身丼新鮮好味，色彩繽紛好吸引。壽司杯亦都有特色，也想同朋友品嚐。環境舒適，因為座位寬敞，空間感大，牆上的畫也很靚，日式木系的裝潢，也可同朋友好好享受美食。服務有禮又貼心，上菜會輕輕講解，亦都會合適地收走食完的餐具，有經驗又細心的服務員。點左好多料理，滿滿一枱，非常滿足，最好味係刺身，很新鮮。白身魚柚子醋沙律 $88餐廳用油甘魚刺身，肥美油潤，入口甘香滑溜，魚油豐富，用柚子醋沙律中和膩感就岩岩好，柚子醋汁酸甜清爽，沙律菜新鮮乾淨，爽脆口感好輕盈的感覺，食完好開胃。壽司杯有3款，其中呢款就係 海膽縞蝦吞拿魚腩壽司杯 $148海膽甘甜軟綿，味道濃郁，最重要不腥，非常美味，而且味道久久不散，令人回味。縞蝦豐實飽滿，鮮甜清爽，細膩鮮美，比甜蝦更好味。吞拿魚腩蓉超多超肥美，入口快要溶化，留下滿口魚脂甘香，魚味濃郁。拌勻米飯食，每口都有魚香，非常滿足。吉列日本黑豚柳配黑松露醬 $72炸得金黃香脆，且不油膩，炸衣夠薄又香口，黑豚入口鬆化，有濃濃豬味，配松露醬真係超香，味道好夾。唐揚雞軟骨 $48脆卜卜好香，加左調味粉好惹味，脆脆的口感，食唔停口，配酒一流。北海丼

同朋友去朗豪坊shopping, 行到攰攰地本身想去food court食野但奈何未到食飯時間已經好多人，見鮨之位置較闊就決定去食喇~店員安排左我地坐卡位，旁邊就係送餐車軌道，有自助熱水，唔洗下下叫人斟水都幾方便 串燒三味包括翠肉瓜/雞翼/豬腩肉，調味適中，唔會過咸過淡~呢個三味係優惠價，原價$108，但係無係menu對比過單叫差幾多，大家去食可以留意下~大蜆麵豉湯天氣凍就叫個湯暖下胃，有2隻大蜆，我認為就有小小咸，size正常吞拿魚脆餅好食！作為小食同前菜，size岩岩好~黑松露大蝦壽司卷黑松露味好出，反而大蝦食落似打到變蝦膠咁，好黏口，個感覺好怪…個人唔建議叫，寧願就咁叫返牡丹蝦壽司食好啲~散叫壽司圖為大拖，蟹子，鰻魚，三文魚腩壽司另外再叫左中拖同牡丹蝦壽司但唔記得影相全部都新鮮好味~特別推薦大拖!! 以質素黎計，$7x一件性價比幾高!總結，不論環境服務食物質素都係滿意滿足既！想坐得舒服靜靜地傾計又享受食物，係絕對推介~

就黎到聖誕節🎄係時候約埋朋友一齊去簡禮物同食返餐好既~旺角朗豪坊簡直係不二之選. 行完街之後同好朋友入左間日式餐廳鮨之填飽個肚先~餐廳位置極之方便就係4樓food court同層. 裝修富有日式風格. 座位有吧枱同埋卡位選擇 適合一班朋友或者情侶聚餐, 我同朋友點左四款食物。北海道刺身丼 $188入面有五款刺身~三文魚.帆立貝.海膽.魚子同埋蟹肉,啱晒想一次過試晒咁多款既朋友仔食. 而且份量都唔少可以同朋友share～海膽非常新鮮鮮甜.唔會有苦澀嘅味道🫶🏻鹽燒油甘魚鮫 $128呢款十分推薦. 因為餐廳係即點即炸既.魚鮫外層脆卜卜 內面肉質軟嫩 咬落仲會有少少肉汁流出黎. 煎炸恰到好處👍🏻👍🏻牛肉壽喜燒 $ 198鍋物帶著甜甜壽喜燒香味配以日式牛肉. 豆腐.冬菇.白菜同金菇等.店員告知食法有2種 可以將生雞蛋打入鍋內一同煮滾或者直接將煮熟既牛肉夾起點落蛋汁進食. 岩哂秋冬季節暖返個胃🤭海膽蒸蛋 $ 68😍面層鋪滿香甜既海膽 份量十分多. 再放落熱辣辣既蒸蛋上面. 兩者味道食落非常夾.好有滿足感🫶🏻

日本返黎之前仲係好想食日本野去開旺角朗豪坊，就試咗呢間，呢度環境闊落坐得好舒服，我地叫咗個北海丼(北海道刺身飯)有五款刺身，三文魚/三文魚籽/帶子/海膽/松葉蟹肉，海膽好甜刺身好新鮮，估唔到份量都幾大碗。串燒三味(五花腩/雞翼/翠肉瓜)雞翼好貼心做咗單骨咁燒，食嘅時候好方便，翠玉瓜就勁多汁，五花腩燒外脆內嫩。燒豆腐口感都幾得意，薄薄一層脆皮，入面勁滑鰻魚串燒，海膽茶碗蒸都好好味。旺角朗豪坊4樓406號鋪

日本菜真的吃不膩😌～我身邊有好多朋友仔跟我一樣愛吃日本料理，最近我就去𝐋𝐮𝐛𝐮𝐝𝐬集團旗下的🇯🇵鮨之 𝐒𝐮𝐬𝐡𝐢 𝐙𝐮𝐬𝐡𝐢試試囉(⁎⁍̴̛ᴗ⁍̴̛⁎)～已經吃過好多間集團的餐廳，每間的質素都好好，所以對於這間分店都有好高的期望呀～食物款式多，應有盡有，還有時令推介呢(≧▽≦)!☆ 汁燒熊本黑豚月見丼🐽$𝟏𝟐𝟖月見丼超級大碗，飯量多得足夠兩人分享。黑豚肉有焦香，肉質較為結實。☆ 吞拿魚腩薄脆🐟$𝟔𝟐之前吃過吞拿魚腩薄脆，由於太好吃，所以要再吃一次。吞拿魚蓉脂肪豐富，米通好脆呀～☆ 牛肉壽喜燒🍲$𝟏𝟗𝟖牛肉壽喜燒超級大鍋，牛肉片量多鮮美，還有豆腐、娃娃菜、粉絲等，好豐富。☆ 吉列日本黑豚柳🐽$𝟕𝟐黑豚柳炸得香脆，豚肉比較結實，可以蘸黑松露醬呀～•

日本返黎之前仲係好想食日本野去開旺角朗豪坊，就試咗呢間，呢度環境闊落坐得好舒服，我地叫咗個北海丼(北海道刺身飯)有五款刺身，三文魚/三文魚籽/帶子/海膽/松葉蟹肉，海膽好甜刺身好新鮮，估唔到份量都幾大碗。串燒三味(五花腩/雞翼/翠肉瓜)雞翼好貼心做咗單骨咁燒，食嘅時候好方便，翠玉瓜就勁多汁，五花腩燒外脆內嫩。牛燒豆腐口感都幾得意，薄薄一層脆皮，入面勁滑鰻魚串燒，海膽茶碗蒸都好好味。旺角朗豪坊4樓406號鋪

由於食唔到omakase,但都勁想食壽司，所以簡左去呢間鮨之佢環境都算舒服，仲估唔到佢有火車送餐軌道吞拿魚腩薄脆最鍾意嘅配搭，但係唔係度度有得食呢款小食，有得食當然唔可以錯過吞拿魚腩本身已經係賣飛佛，加上佢好香脆嘅薄脆，同埋薄薄既千島醬，邪惡又好食嘅之選特上壽司盛合原條穴子，火灸左口魚，赤海蝦，油甘魚腩，勘八（章紅魚），海膽壽司，玉子，三文魚子，中吞拿魚腩小卷3件有三文魚同白身魚整體壽司都新鮮，都幾飽肚，一個人食嘅話有啲難度西京燒銀鱈魚超愛西京燒，基本上西京燒都唔會令我失望，多數燒到油分好香，就咁食或者點沙律醬都好好味😋而且佢份量都算中等，我都幾推介食晚餐黎講佢我要位於朗豪坊來講唔算多人，諗唔到食咩佢都係一個幾好嘅選擇

【油尖旺區】【鮨之】同朋友嚟到朗豪坊，講真我對呢度有咩食真係唔係話咁清楚，平時都好少去啲大商場食嘢。作為一個 foodie，平時大部份時間都中意選擇非集團嘅餐廳，當然好難避免都會掂到大集團，但係有時啲集團分支嘅我都接受到。講返朗豪坊呢邊，本身朋友係想食 Pepper Lunch 嘅，但係 food court 實在係一席難求，因此要另外揀嘢食。喺 food court 旁邊嘅呢間日本餐廳自然就成為咗上乘之選，入到去之後就同朋友坐低咗，環境都舒服，整體都企理嘅。大家都叫咗嘢食，都係包埋沙律、前菜、甜品，前菜係中華沙律嚟，都 okay 嘅。我哋另外仲各叫咗一客 $38 嘅「茶碗蒸蛋」，個樣似碗湯羹咁，食落都正常嘅。主食方面，朋友叫咗 $88 嘅「雞扒烏冬」，佢覺得都唔錯嘅。我就叫 $228 嘅「極級霜燒壽司御膳八件」，呢個餐仲包埋麵豉湯，okay 嘅，啲壽司都幾好味。甜品最後上，係抹茶大福嚟，味道一般，但用嚟做甜品算係克盡己任。加埋一埋單價 $431，喺旺角食餐日本嘢係差唔多價錢，冇特別。。。（地址：旺角亞皆老街8號朗豪坊4樓6號舖）#1amfoodie #foodie #hkfoodie

朗豪坊高質日式餐廳，店內裝潢富有日本風格，設有大幅壁畫，環境好闊落 悠閒寧靜，服務員態度非常好，帶來高質素用餐享受☺️ 晚市二人消費：$587.4 🫧包括一服務費🫧 💖💖💖食評💖💖💖 雜錦魚生丼 $188推薦！新鮮的海鮮結合多種口感，包括左口魚、蟹籽、三文魚籽、玉子燒等等，配料豐富，每一口都能感受到不同的風味😍😍鰻魚飯 $148高質鰻魚烤得香嫩 口感一流，淋上獨特的醬汁，搭配軟糯的白飯，口感鮮美，讓人垂涎欲滴黑松露甜蝦卷 $78蝦肉蓉鮮嫩，散發黑松露的香氣，加入了牛油果及青瓜口感豐富，令人回味無窮海鮮茶壺湯 $62湯底鮮甜，充滿海鮮的風味，加入茶壺中煮製，香氣四溢，喝下一口暖身又開胃，配料有鮮蝦、蜆、魚肉等等吞拿魚手卷 $58新鮮的吞拿魚搭配爽脆海苔，搭配完美😋

鮨之 - 旺角 📍旺角亞皆老街8號朗豪坊4樓6號舖嚟到旺角搵食，今次喺朗豪坊見到一間價錢幾平又幾乾淨嘅餐廳。服務好，坐得都好舒服。餐廳提供綠茶粉，有煎茶味道，仲有水龍頭喺隔離，水夠熱，茶特別香濃。吉列廣島蠔 - $62價錢相宜，上枱仲好犀利，有架車喺隔籬路軌送上嚟。蠔油有4大粒，即叫即炸，炸皮唔會好厚，配埋酸酸哋嘅醬汁，減除炸物嘅油膩，蠔亦都好Juicy好新鮮.隔離仲有啲沙律菜，好開胃。龍蝦沙律 - $82好清新嘅一味菜，個樣好似蝦滑，沙律入面有好多熟既龍蝦肉，好彈牙，仲有啲蟹籽，好有咬口。下面有青瓜絲墊底，增加爽脆感。海膽帆立貝柱壽司杯 - $188呢度有三款壽司杯，有我最鍾意嘅海膽加帆立貝刺身組合。咪睇佢碗仔細細，正正切合胃口又好想食好嘢嘅女士。份量就好似一個手卷，面頭有爆多嘅料，兩樣刺身都鮮味十足，海膽入口仲有海水味。北海道刺身飯 - $188分量十足嘅刺身飯，有成五款刺身。佢個飯同壽司杯一樣，都係加咗芝麻好有心思，豉油少甜亦都好加分。刺身除咗壽司杯嗰兩款，三文魚都好肥美，松葉蟹肉同蟹子都好多，口感好好。串燒三味 - $78 （原價$120）睇見Menu每個月都有一個特價嘢，今期

今日喺朗豪坊行完街攰攰地就去咗food court嗰度睇吓有咩食，經過呢間日本嘢就俾佢吸咗入去🤣🤣突然之間好想食刺身❤️-呢度環境都幾舒服😌暗暗地幾適合坐下傾吓偈～裝修格調非常富有日本風味🇯🇵-三文魚籽海膽壽司杯 $168超多三文魚子滿滿的一碗！🤩配上鮮甜嘅海膽🤤好鮮味又新鮮🤭-牛油果軟殼蟹卷 $88軟殼蟹炸得好香脆😋牛油果好軟滑仲有啲魚子喺面😍有唔同層次🥰-貝三味 $298日本蠔，北寄貝，赤貝貝類爽口又鮮味好正🥹配上檸檬好清新尤其係個日本蠔真係超鮮甜🥹-佢地啲抹茶都好香🤭

今日旺角收工約咗朋友食嘢，上網openrice見到朗豪坊有一間日本嘢，本身見啲評價一般般，但係朋友想試下，於是就一齊去試下喇，位置喺朗豪坊4樓食街出面嘅「鮨之」。餐廳環境餐廳裝修係日本風格，亦都擺咗好多日本酒，餐廳夠大，空間感足夠，食飯傾計一流。店員服務店員服務有禮貌，坐低就問要水定要茶，上串燒主動問使唔使拆簽，又會介紹下啲食材，又唔似上網啲人講態度咁惡劣喎。極上魚生飯（$188）刺身有三文魚、立魚、帶子、蝦、穴子、左口魚裙邊、海膽、三文魚籽同蟹籽配菜有酸蘿蔔，日本醃菜，酸薑，刺身夠新鮮，飯唔會一舊舊，一咬落去粒粒分明。黑松露甜蝦壽司卷（$78）蝦刺身上面放咗黑松露，中間係青瓜餡，底下係沙律醬，一啖放落口層次豐富，食到最後有黑松露嘅味道喺口腔中徘徊，呢個價錢我覺得好抵食。串燒拼盤（$78）燒豬腩肉、燒翠玉瓜、燒雞翼，燒得好好燒到表面有脆口以及有焦香味，配上佢自家嘅椒鹽以及黑椒，再加上少少檸檬汁，開胃得嚟又好味。吉列豬扒配松露醬（$78）吉列豬扒有四粒，係逐粒逐粒炸嘅，表皮香脆，豬肉本身有肉汁，配上自家製嘅黑松露醬，口感升華至另一個層次。月見豚肉飯（$128）豬肉片有五至六塊配上月見蛋，

📍鮨之 (旺角)旺角亞皆老街8號朗豪坊4樓6號舖==============================呢間餐廳位置係朗豪坊food court門口，雖然呢個位置長期好多人亦好嘈雜，但餐廳設計巧妙地阻隔左人群再配合埋d小窗口，令餐廳內用餐客人完全唔會比外面ge 人群影響到，非常欣賞餐廳設計👍🏻👍🏻呢間餐廳主要係食刺身丼，壽司同串燒，今日想同同事放工後舒舒服服食個晚餐放鬆下，所以就去左呢間餐廳食喇～==============================1️⃣串燒三味🍡（五花腩/雞翼/翠玉瓜）串燒係即叫即燒，上菜時仲係好熱辣辣～🐷五花腩：外面燒到好香脆，入面仲保留住好多肉汁，一d都唔油👍🏻🐥雞翼：雞翼係切成單骨再串住燒，所以食果時好方便～🥬翠玉瓜：翠玉瓜保留左好多水份，但又唔會有草青味，配埋木魚絲好好味😋2️⃣吉列日本黑豚柳黑松露醬🐷睇menu時以為係原塊豬扒炸完再切粒，原來係將豬肉攪碎變左類似肉丸再炸，食落質地好似麥樂雞，好多肉汁配埋黑松露醬好好味，職員有提醒個黑松露醬係佢地自己調配，所以比出面食到ge 更加香同埋好夾個黑豚柳～😙😙3️⃣汁燒熊本黑豚月見丼🍚黑豚肉切到好薄片，所以食落唔會鞋

今次同朋友去到朗豪坊的鮨之🎈質素都OK,但唔建議食海膽炒飯，如圖所示真係蛋炒飯上面再放海膽，有啲失望😂😂日本佐賀A4和牛都有牛味，帶有少少油脂，但感覺都係麻麻🤭🤭但其他食物都OK嘅👌👌貴應該貴在鋪租#黃怪獸 #黃怪獸覓食 #黃怪獸自家製 #香港美食 #香港好去處 #香港 #食 #食譜 #食飯 #自己整 #食飯啦 #yum #yumyum #yummy #hk #hkfoodie #hkfood #foodie #foodiehk #foodporn #hk90s #想要更多真實食評搜尋ig黃怪獸覓食 #love #followback #instagramers #tweegram #photooftheday #20likes #amazing

同姑姐姑媽嚟朗豪坊～順便食日本野有個鮨字都會想試下北海丼～海膽鮮甜無怪味蟹肉份量十足三文魚肥美另外叫左個牛肉烏冬～無咩特別湯底偏甜叫左個壽司御膳～鍾意火灸左口魚，魚油十足蝦，貝類都幾好玉子唔算太甜本身想試海膽帆立貝柱壽司杯，咁啱果日無，睇相d海膽好大好厚下次會試埋串燒坐卡位隔離有個軌道送餐出嚟自己拎整得幾靚~睇住佢飛嚟會莫名期待店員有禮貌，主動幫忙3個人食左$607主要老人家細食，試唔到太多野價錢都唔算貴