影片
港鐵旺角站 C3 出口, 港鐵旺角站 E1 出口, 港鐵旺角東站 B 出口
繼續閱讀
電話號碼
23079822
開飯介紹
食材自日本空運到港，有別於坊間的日式料理，提供愛媛立魚、橫須賀八爪魚、日本榮螺等。點餐後菜式會直接有「孔雀魚」由廚房直送到餐桌位置，感受嶄新體驗。餐廳引入全手機OpenRice App遙距攞位、落單服務。
繼續閱讀
營業時間
今日營業
11:30 - 22:00
星期一至日
11:30 - 22:00
*Last Order: 2100
以上資料只供參考, 請與餐廳確認詳情
-
網上訂座服務暫停
相關文章
旺角日本料理開到一街都係，可惜多數係放題，講起都成六、七年冇食過放題，食唔到咁多盞浪費，寧願將錢錢變做喜歡的樣子 😆朗豪坊嘅鮨之係我嘅 Go-to，高質食材加上位置闊落坐得舒服，間唔中就會同男朋友屋企人去 🇯🇵 A la Carte 菜式定價中上人均約$500，但最近發現佢哋推出咗超抵食嘅二人前套餐，有齊刺身壽司串燒炸物主食甜品勁豐富 😍 水準一如既往穩定，絕對無將貨就價 🙌🏽❀ 特選二人前套餐｜$698 + 10%前菜河豚魚乾加入味醂炭燒，甜甜哋又香口，口感煙韌唔會太硬，配酒一流 🍶厚切刺身鮮甜肥美，除咗固定嘅吞拿魚背、三文魚腩同赤蝦，當日精選嘅季節刺身係我最愛嘅油甘魚，魚皮泛銀色光澤足以證明新鮮度 💯壽司有油脂香濃嘅火炙左口魚裙邊，入口即融，帶子伴上 Creamy 海膽好加分，仲有火炙鰻魚卷同蔥吞拿魚腩卷，一個 Set 食到不同風味表示滿足！🍣串燒日本黑豚五花腩好驚喜，脂肪燒得焦香，咬落毫不肥膩仲好 Juicy 🤤 翠玉瓜燒得剛好，食咗咁多肉好需要蔬菜 🥒炸物火候掌握得宜，吉列炸蠔外脆內嫩，蠔肉爆汁，仲有金黃香脆嘅唐揚炸雞同雞皮餃子 🍗主食揀咗豚肉泡菜石鍋飯，泡菜醬汁酸辣醒胃，仲有飯焦脆卜卜，雖然飽到上心口但都忍唔住食咗碗 😋綠茶蕨餅軟糯不過甜，完美作結 🫶🏻另外嗌咗滑捋捋嘅海膽茶碗蒸，同每次嚟都會點嘅舞茸土瓶蒸，菇菌清香加少少青檸汁好好味㗎 🍋🟩套餐唔包飲品，最後埋單八百幾蚊，呢個價錢咁多嘢食仲要無伏，食到捧住肚走，性價比超高，推薦大家去試吓～🥰📍 鮨之旺角亞皆老街8號朗豪坊4樓6號舖
繼續閱讀
周末午市$130自選五款配料嘅魚生飯總括嚟講，食物質素有番咁上下，但又未至於令人留下深刻印象。值得一讚嘅係，蔥吞拿魚蓉處理得好好，完全冇腥味；三文魚亦新鮮肥美。不過有啲細節位明顯要扣分，例如灸燒三文魚下面嘅飯竟然係暖嘅，影響咗魚生嘅口感同溫度，呢點比較失望。另外，玉子燒味道偏淡，如果可以再甜啲會更好。飲品方面，杯芒果梳打有驚喜，值得一讚！總結嚟講，如果純粹追求CP值，市面上有差唔多質素但更抵食嘅選擇。不過，呢度最大嘅優勢係環境闊落，坐得非常舒服，氣氛唔錯，所以如果係想搵個地方約會或者同朋友慢慢傾偈，呢度會係一個相當唔錯嘅選擇。
繼續閱讀
近期食過最難食嘅日本嘢🤯估唔到會喺朗豪坊度食呢日星期六嘅下晝全場都滿咗八成，佢哋生意都幾好㗎我叫咗個月見豚肉丼飯，調味非常重口味比廣東臘肉更加鹹，鹹嘅程度應該拍得住鹹魚，認真！呢一set午餐價錢係$128仲要收+1服務費，味道嚟講$38都比多佢🥶朋友叫嘅吉列豬扒烏冬，嗰塊吉列豬扒都好乾食物就無影到相啦，但忍唔住影低杯茶食到啲咁難食同埋咁鹹嘅嘢，梗係想飲返杯茶沖淡下個味蕾！但係杯茶勁多茶渣，我真係未食過一間日本嘢，供應嘅茶會係咁樣！
繼續閱讀
難得兩個人去完附近行街再撐枱腳，喺朗豪坊揀左呢間靜靜地既日本野🍣懶得諗食咩，就決定叫個二人前套餐👫🏻.✨燒河豚魚✨本身我好中意食燒魚乾，呢個燒河豚魚入口偏甜又暖暖地咁，好岩我口味，切晒做一條條兩個人食份量都幾多✨刺身4點 ✨唔算大舊但係厚身，用料新鮮✨壽司4點✨唔會大舊飯，帆立貝壽司夠鮮甜，火炙左口魚都充滿油香✨炸物：吉列蠔、炸雞、雞皮餃子✨吉列蠔外脆內軟；炸雞正常發揮；雞皮餃子就太油，而且炸得唔夠脆身✨串燒：黑豚五花腩、雞軟骨、翠玉瓜✨3串串燒都燒得好夠火喉，焦香得黎又唔會燒到老晒✨豚肉湯烏冬✨呢個烏冬係成個套餐入面最差，仲要唔記得左影相！賣相就係水烚豚肉同水烚烏冬咁，味道都好淡好淡，好失望！.✨綠茶蕨餅✨上面舖左紅豆，但我都係覺得黑糖會夾d
繼續閱讀
老公想食日式午餐，見呢間餐牌好多選擇，有好似車仔麵咁樣自選唔同魚生嘅丼飯、有好多唔同併法嘅套餐，例如壽司拼天婦羅、拼串燒、拼烏冬等等，又有滑蛋丼、咖哩飯嗰類。我叫咗個串燒餐，個餐有5件壽司、三串串燒、一碗迷你烏冬、一個茶碗蒸蛋，好豐富！串燒燒得尤其出色！壽司嘅魚生好大片，但醋飯就特登搓到細細粒，我好鍾意呢個「少飯」比例😂。其中一件壽司係甜蝦，好粗好肥美，仲細心地搣走咗蝦尾殼，讚！最好味嗰件係左口魚裙邊，火炙過，油脂超級甘香🤤侍應都好醒目，好快收拾走用完嘅碗碟。會再嚟！
繼續閱讀
您可能會有興趣的...