鮨一日本料理 (大壩街)

營業中

休息中

荃灣百老匯對面有間居酒屋，今日晚餐就同朋友去咗呢到聚聚🦪寶之真蠔 $88/2-蠔順滑清甜 海水味唔係咁重-回甘味道維持十多秒🐟季節白身魚薄切 $98-薄切白身魚淡淡魚香 肉質結實-配柚子醋 Perfect Match🍺清酒煮蜆 $62-蜆肉飽滿 比一般蜆size為大-清香酒味加上蜆本身帶甜🍣特上十貫目 $298-時令當造魚生由師傅親自挑選-海膽味道夠鮮夠甜 海膽味都幾濃-三文魚籽粒粒爆珠口感 海水味重-魷魚黏口綿密 帶子肥厚鮮甜🦀甲羅燒 $98-甲羅燒配有數塊烤脆麵包-將蛋黃攬拌蟹膏 鮮味甜味出哂嚟-塗上烤香麵包甚為惹味🍱錦繡魚生飯定食 $98-有多款魚生 油甘魚味道夠香 有淡淡魚肉味-八爪魚爽口彈牙-飯份量充足總括嚟講，味道相當唔錯，環境服務都好好，推薦可以一試

特地為左條池魚開個po!!!!!好驚喜,小店都有咁精美的擺盤,非常有心思同誠意. 池魚味道係好有鮮味,無腥味,切既時候處理得好好! 其他食物亦有出奇水準. 吉列蠔炸得好香脆, 唔厚粉, 新鮮熱辣. $72就有4隻, 抵食!刺身拼盤的油甘魚同三文魚好厚切, 啖啖肉,好食! 成個拼盤仲有帆立貝,八爪魚同甜蝦, 5樣野先$118, 比起同區好多日本料理店尼講算係不過不失, 對得住個價錢!仲點左一個燒蕃薯仔,店員話係日本進口, 燒得剛剛好, 唔會太林, 而且幾甜.飲品我點左杯白桃梳打, 日本野, 個樽幾靚, 好夠氣同埋真係佢既桃味唔係化學味, 幾好飲.

老死下晝無啦啦打比我話要食日本野，咁夜晚就叫佢黎我公司附近一齊食個晚飯啦。其實呢間野我都係第一次試，朋友話試過呢間幾唔錯所以就黎呢度食啦！一入去，見佢格局坐得幾舒服，同埋都幾有日本小店既感覺。一入到去，ｄ店員ｄ服務都超好超級nice，帶完位就介紹有咩值得試試黎到食日本野一定要叫刺身！！先叫左個五品刺身定食，跟住再加左個池魚刺身～大滿足！估唔到小店都可以咁驚喜，佢個池魚刺身係原條咁上！！對上一次咁樣食既真係日本個陣喇，好驚喜，而且唔貴，只係$188就成條咁食～我地再追加左個刺身飯Share食（廢事食得太多Carbs😂)，同埋叫多個幾個小食～刺身飯ｄ飯既濕度岩岩好，三文魚亦都係厚切的。帆立貝食落都係好甜同埋好軟熟。除左刺身，我地覺得佢既油甘魚魚鮫幾好食，油份充足，而且唔會好腥。另外仲叫左個清酒煮蜆，清酒唔算話好突出，不過ｄ蜆食得出係好新鮮同埋口感係幾滑既！冇諗過荃灣都有咁高質既小店，下次會帶兩老黎試試！

今日同朋友係荃灣廣場睇完戲大家都想食日本菜於是留意到呢間正正係商場對面既鮨一日本料理入到去店員安排左我地坐壽司BAR臺樓面店員服務友善同我地介紹左D時令食材蟹肉牛油果蟹籽沙律蟹肉份量豐富 肉多得菜 正三文魚腩手卷魚肉肥美 紫菜爽脆鰻魚壽司上枱前用火槍燒過迫出油份 入口好香帶子海膽反卷+拖羅反卷帶子配海膽 互相配合 鮮甜可口拖羅入口鬆化 清酒煮蜆隻隻蜆都大大隻 非常滿足蘿蔔清甜無渣仲有叫到其他小食 都好味整體而言唔錯 會再黎

鮨一 ••••••••••••••••••••餐廳位於荃灣大壩街79號地舖•••••••••••••••••••今日本身想食壽司郎 不過好多人排隊所以黎左鮨一☺️因為好肚餓 所以叫左個螺肉同炸雞軟骨食下雞軟骨好熱好脆,牛油果🥑蟹肉沙律🥗,呢個配搭好好清新開胃份量又唔會太小😉2個人食岩岩好☺️叫左兩款反卷食,師傅用心地整🥰令食物質素提升左不小!!個人比較喜歡海膽帶子反卷 因為兩款食物我都好喜歡💕最後叫左甲羅燒☺️蟹羔配上烘過既麵包🥯,都係不錯ge選擇🥰

〖 海膽控系列❤️‍🔥：鮨一🎌荃灣 〗澎湃又完全唔留手嘅海膽山呀‼️海膽嘅份量仲多過啲飯🫢作為海膽控好難唔激動呀！🤣 【千層海膽飯 🍣 ($298)】餐廳專程選用特上馬糞海膽👏🏻口感夠creamy得黎味道鮮甜☺️ 片片分明堆砌滿到成個火山咁！頂層仲特登加上金箔令成件事更加grand 底層配上非常軟綿綿嘅吞拿魚蓉😛幾乎都唔使咀嚼已經入口即溶🤤無論就咁食定係加紫菜飯一齊食都大滿足！❤️ ========================== 好味指數：😋😋😋打卡指數：👍🏻👍🏻👍🏻👍🏻👍🏻抵食指數：🤑🤑 ========================== 📍 鮨一日本料理 (大壩街) (荃灣)荃灣大壩街79號地舖

又係幫襯黃店系列啦 荃灣廣場對面嘅呢間鮨一日本料理叫咗個招牌嘅之一海膽飯 海膽成座山咁高 非常鮮甜味美 下面仲加咗鮮甜到十足嘅吞拿魚蓉 用嚟送飯一流另外叫多個甲羅燒蟹膏 份量好多非常香甜

朋友請我到荃灣鮨一午餐有數款午市定食可選擇各自選了一客壽司十貫定食見牆上黑板寫有期間限定日本生蠔又被吸引了order 了每人兩隻是日日本生蠔真係超鮮甜口感creamy而且大隻厚肉入口有海水味非常新鮮蠔上面灑了少許蔥花個人認為唔加蔥食會更享受到蠔的鮮香食第二隻蠔時我將蔥花提走更加滋味我同好友都非常滿足壽司十貫同樣高質最喜歡同期待的海膽同三文魚籽都非常高質新鮮火炙左口魚有驚喜吃罷魚油香餘韻久久不散正呀午市壽司定食 $188 算是合理

叫左個刺身飯食，魚生得勁薄勁少份量，味道冇特別，飯就勁多，仲要食完之後肚痛，唔知係唔新鮮定佢冇做好衛生，真係唔知講乜好，間店既衛生情況令人擔憂，我以後都唔會幫襯，比錢買難受，原來尖沙咀都有分店，我好耐之前食過，海膽係臭既，不過算啦，佢後尾有比我退返果碟野，好後悔再試佢荃灣呢間分店，真係冇諗到伏到爆，腸胃好既朋友都不妨一試，我食咁多間日本野既刺身飯都冇試過食完會肚痛既，呢間鮨一都算係第一次，諗起都驚。

需要你的支持喔🥺🙆🏻‍♀🐷💬每一篇食評都好認真打架—————————————————————📍 鮨一喺荃灣廣場對面，🐷爸鐘意食魚生專登book左呢間💛店請佢食，但係少失望🥲🥲可能冇食到佢出名嗰個千層海膽飯，下次試（有機會嘅話）整體CP值較低，冇乜特別好食，合格嘅但唔值呢個價，人均$300幾，雖然服務唔差嘅，有改善嘅空間—————————————————————❣️ 特上十貫目壽司 $298呢個特上會揀當造嘅魚生整，但冇乜好特別嘅魚生，完全唔值呢個價錢….壽司嘅水準較低，飯又偏細粒，搞到🐷爸食唔飽.❣火炙魚生丼 $158有三文魚、油甘魚、左口魚邊、帶子、蟹棒同海膽！左口魚邊的油脂好豐富，燒完之後仲香！不錯的，但都係細左啲.❣️特上三色丼 $178有海膽、三文魚籽、吞拿魚蓉，同上面嗰兩個定食都配麵豉湯同沙律，不過都真係一般普通貨色，丼飯份量黎講真係好細.❣️ 炸雞軟骨$45啱啱炸起每粒都係熱辣辣，脆卜卜，夠味嘅！.❣️ 北海道仙鳳趾真蠔 $88有兩款蠔，店員推介北海道嘅真蠔，🇯🇵人叫佢做「海中牛奶」叫做唯一有驚喜🥹一上枱嘩出聲，真係好！大！隻！🐷爸話好滑又creamy好新鮮，都唔差的.❣️ 手打牛肉

見openrice好多好評🤡諗住試吓。。。點知。。🤡叫咗個$138嘅set 10貫包湯沙律。其中3件係腐皮/熟蝦/蟹柳。。。超級普通貨式，熟蝦無味，腐皮甜甜地同蟹柳加咗啲沙律醬，好有百佳感覺。。。🤓🤓軍艦蟹子無咩味道，跟住食咗應該分別係吞拿魚同油甘魚（？）。。。都係無咩味。。。三文魚正常，帶子一般，海膽好彩唔苦。加$6有3件三文魚刺身，口感ok，但都係無咩味。 本身諗住試吓平啲嘅set睇吓質素點先再order多啲，好可惜。。。可能揀返貴啲嘅sets係會好好多。。。

經朋友推介，12月menu有第二位半價優惠🥰即刻book位，可以坐吧枱！齋睇個Menu都有啲高級食材，有生蠔、鮟鱇魚肝！加埋另外啲食物一共有20道菜！刺身不過不失，食材食得出幾新鮮睇得出每道食物都有擺盤設計過👍🏻有啲更加冇喺出邊omakase食過值得欣賞👏🏻👏🏻👏🏻最欣賞係特色手卷！拖羅三文魚子海膽最好食嘅嘢放埋一齊❤️成口滿足！叫埋支sake每人$500，呢個價錢食lunch都未必食到👍🏻

💛因為朋友鍾意食魚生 book咗呢間日本料理同佢慶祝生日🥳都幾有驚喜✨ 好高質 lunch menu抵食😋最平$72已經食到魚生丼唔食魚生都唔使擔心 佢哋仲有其他熟食料理🍱座位有普通枱&壽司bar枱～ 可以電話訂座～-🍣【鮨一丼定食】$188 (lunch set)午餐付送：前菜 沙律 麵豉湯｜牡丹蝦｜海膽｜吞拿魚腩｜三文魚子｜白身魚｜呢個啱哂海鮮刺身fans!!! 超豐富 望落啲魚生都好正～係朋友食嘅 佢話高質✨-🍣【三色丼定食】$92 (lunch set)｜三文魚｜帶子｜甜蝦｜三款刺身都好新鮮 份量幾足✨特別鍾意甜蝦🤤Menu冇特別寫 但仲有蟹籽&冬菇漬物冬菇有驚喜 甜甜地 好味😋-🍣【刺身三片】+$6Lunch set加$6就有多三片刺身 咁抵一定要加！當日係三文魚刺身～-✨推薦指數：8/10💰人均消費：$146⏳等候時間：booked

今日係荃灣行街諗住買下聖誕禮物，行到夜晚就去荃灣廣場對出搵食🌊千層海膽飯 $298-海膽份量好多 疊到高一高 而且好新鮮 濃烈海膽甜 多汁漸溶😋-吞拿魚蓉淡淡油脂香-多塊香脆紫菜 包海膽食一流🦪北海道仙鳳趾真蠔 $88/1-真蠔大隻飽滿富彈性-入口爽身 極之鮮甜-後勁十足 濃香味優👍🏻🥗蟹肉牛油果凱撒沙律 $78-蟹肉牛油果🥑再加入蟹膏混合成圓餅形-味道與甲羅燒相似🐠鹽燒油甘魚鮫 $98-油甘魚外皮香脆-魚肉嫩滑 帶油甘香🐡雞泡魚干 $68-甜蜜糖味加上軟熟魚干-食唔停口嘅小食😁總括而言，呢間日本料理食物質素高，但唔算貴，難怪咁受歡迎有幾間分店👍🏻👍🏻出色

今日夜晚約左朋友去荃灣行donki 去donki之前決定去以前食過好幾次尖沙咀鮨一既荃灣分店 北海道仙鳳趾真蠔 $88喺鮨一真蠔有兩款 店員特別推介 北海道嘅真蠔 比普通真蠔更大隻 口感嫩滑喺日本有「海中牛奶」的美譽 北海道厚岸灣仙鳳趾是以生蠔聞名的地方 食落口唔重海水味 口感creamy 肉質飽滿鮮甜 非常新鮮 牛油果什錦魚生他他 $88平時三文魚牛油果他他就食得多 咁多唔同魚生嘅都係第一次 面頭有我最愛嘅海膽加上粒粒飽滿嘅蟹子 唔同嘅魚生加埋味道滿分😋 如果多啲牛油果就好啦鱈魚白子 $78鱈魚白子 係冬季既時令美食 白子襯咗柚子醋 口感柔軟似奶油咁順滑 必試原條池魚刺身 $188成條魚切出嚟嘅肉都唔少 配上有柚子醋 帶起白身魚既鮮味 如果條魚隻眼仔精靈d就更好特上十貫目壽司 $298呢個特上會揀時令嘅魚生作為壽司可以一次過可以品嘗到時令當造嘅魚壽司嘅水準比我之前去尖沙咀舖食爭少少巨峰梳打 $28巨峰味都幾濃 梳打感覺好refresh座位唔太多 好在有一早book定位黎食