魚蛋皇 (已結業)

今日行过呢間店,...食了个牛腩面, 啲牛腩很入味,汤底也很浓.吃了炸魚皮,是新鮮的黃膳魚皮,魚皮浸落汤吃別有一番风味来到深水埗就看到这间店的價錢平,有套餐优惠.适合我这个长期糧尾的人食. 希望下次可以試埋佢其他生菜可以選擇腩汁或者蠔油汁我吃了蠔油的,蠔油雖然很多我覺得有點鹹,但是生菜也是烚得啱啱好的.最後這間原來是有支裝汽水,好少店舖餐廳還有支裝只有罐裝多數.可以為以下這個樽裝可樂,也又別有一番滋味的.

我本身喜歡食牛雜麵，在Youtube有介紹這間店，好似是family business，從事整魚蛋、煮牛雜好認真，諸如似類的故事。所以，吸引我來一試，下午要排隊才能進入，地方有些舊和迫，叫了“金牌牛三寶麵”，其實，目的想試多款不同的牛雜（或丸），上菜算快，湯底很濃，牛肚是入味的和夠軟身，牛丸、牛筋和牛腩也好味和咬口，略嫌好似好重味精，和份量好似少了些，食完幾口渴。坐位不算坐得太舒服，但接待尚算友善。其實，食材新鮮，不用太重味，反而覆蓋了原味，希望有所改善。

今天去了深水埗辦些事情，下午茶時間有點肚餓隨便找了一家店湊合吃一餐。見到這店有下午茶优惠供應，雙拼面加油菜加飲品也衹是五十二元。進來裝修比較簡陋，服務員態度都很一般，說話沒有什麼耐性。點了牛腩牛丸米+蠔油芥蘭+熱檸水。老實説話 他們的湯底真的鹹到不得了，吃完非常口渴。完全不明白為什麼要弄到那麼鹹。牛腩味道不錯，肉身比較腍有咬口。但留院一吃就知道是超市雪藏貨色。蠔油芥蘭味道還可以芥蘭尚算新鮮。熱檸水中規中矩吧。但整體來說 只屬中下 應該不會再去。

星期天，深水埗到處人頭湧湧，食店大都要等候座位，唯獨這店不用等候，肚子太餓，就這間吧。點了一碗牛三寶粗麵和一碗牛雜河粉。我點的是牛三寶粗麵，牛三寶就是牛腩、牛肚和牛筋。先喝一口湯頭，嘩，好鹹！吃一口牛腩，也是鹹！吃口麵吧，有梘水味！湯、牛和麵都不合格，唯有拌點紅醋勉強吃完。朋友的牛雜河粉，湯和牛雜情況一樣，都是鹹，河粉較好。終於明白為何每間食店都要輪候座位，唯獨這店可以不用等候。另外，我認為這店有一點應該要改善，就是店門外放着下午茶的牌子，牌子上沒有列明供應的日子和時間，我便以為有下午茶供應，誰知，入內坐下後一問，店員卻說這天是星期天，沒有下午茶。我覺得沒有下午茶，就應該把那牌子放回店內，如果仍然把那牌子放出來作招徠，會令人誤會。不過老實說，以這店的食物水平，有沒有下午茶我也不會再來光顧了。

深水埗咁多野食，🤯睇到眼都光埋，真係呢個炎熱既夏天唔知食咩好，所以是但入左黎食魚蛋河。果然，手打魚蛋係好彈牙既，☺️☺️☺️唔知係咪老闆自己打既呢？$28真係好抵食呀呀呀～～～～～～～食食下見到隔離位幾個人叫蠔仔粥，忍唔住都叫左碗，好入味好開胃。最緊要係平靚正，平民價，快！😛雖然天氣熱，但因為個粥好香，好易入口，下次要再食過呢個～～～ 另外，炸魚皮都好好味架，冇油益味，香口👅👅好食過出邊既炸魚皮 哈哈。

大大招牌魚旦皇，仲以為係勁野！中晒伏！入到去坐底都無人招呼睇咗一輪，D伙記唔願做有個勁暗瘡嘅年青人俾我叫唔該，好唔願咁行理黎落單，張手寫單就從半空放手漂落黎，唔係我接住實漂落地。雲吞撈嚟到油淋淋，雲吞唔好食仲有D霉，浸住雲吞嗰碗湯剩係得個鹹味完全冇大地魚湯底味，麵又太硬，唔易咬斷，熱檬茶無茶味，失敗！埋單仲攪笑，我俾$42要找一蚊，櫃面個男仔竟然望咗一眼就唔理我繼續打手機，我企係度望住佢打機成分鐘，先有個亞姐問我做乜，我話俾錢囉！火都嚟！亞姐話呢面俾啦，我問櫃面唔收架咩？個男仔打住機答話無得找呀！真吹脹！臨走我講咗句 老豆剩落係唔同D咁嘅鋪頭，野唔好食，招呼唔好仲叫自己係皇！佢地搵夠喇，大家唔駛去喇！

由於有些時候晚上9點多回到深水埗唔想再回家煮野食, 於是乎好自然又會想試下呢間魚蛋皇還有什麼食物是可以幫襯的, 分別去了兩次,21 Jan – 飽魚片肉碎方魚泡粥 $38 依舊是相當大碗, 但湯太熱非常之容易燙咀, 飽魚片係有不過唔多, 還有冬菇絲, 湯還是那種潮式方魚湯, 可能因為沒有蠔仔的關係整體份量似縮咗水咁, 以這店的粥來說似乎還是蠔仔肉碎粥是最好味,太座要咗 – 南乳豬手麵, 放面豬手只有兩舊, 鹵色不深, 口感係ok, 但皮太淋湯汁太咸, 麵可能已經是這南乳豬手麵的賣點了, 麵質少少彈性, 少枧水味,29 Jan – 原汁牛腩麵$25 同樣地原汁太咸, 牛腩稍稍偏瘦但有點牛騷味, 但麵今次則未沖清梘水味, 這個也非此店的鎮店之寶吧!可能, 來魚蛋皇還是乖乖的叫魚蛋粉, 魚片頭麵之類的吧!

在汝洲街近西九龍的那一頭近四/五年開了不少新食肆, 有開過不滿半年就捱不下去的, 亦有些睇住佢由一開始無乜客人入至最近見經常都可以半滿, 情況已有所改善, 這晚同太座入來一試, 其實之前都入過來試過一碗魚蛋粉之類的東西, 但當時見佢只做粉麵, 而當天見佢已做多了點食物- 有飯賣! 當然放上飯面的都只限於做粉麵嘅配料而已, 當晚我們叫咗: 蠔仔粥 $38, 一攞埋嚟, 似模似樣喎! 米飯/蠔仔份量亦好足, 個湯味道適中, 切青蔥花稍為粗豪了一點之外其他是對辦的, 食完這碗粥即使係大食量的人肯定可以飽一半以上,淨雙丸 $25, 兩樣丸都各有特色, 牛丸質感沒有橡膠口感, 味道亦有些牛肉味,魚蛋彈牙有魚味, 以這價位可以接受!看他做了一整年, 感覺是漸入佳景了