魚翅城酒家 (已結業)

昨天和太太往此食晚飯,當然一定要點翅,招牌翅不錯,但蟹皇翅就普通,翅味較弱,可能被蓋.其他的小菜有水準,如果除去魚翅後的價錢也不是太貴,所以都算物有所值.

(2006.03.16 晚飯)朋友介紹這裏的蛋散很好吃, 便來試試. 當然要"順便"試試他們的魚翅喇. (哈, 好似相當本末倒置, 為了蛋散去吃翅, 自己想想都覺得有點兒過分.)第一次來, 無論魚翅或小菜都令人眼前一亮, 印象深刻. 選了招牌大飽翅, $200不到, 應該無法在其他酒家吃到如此分量和質素的翅了. 農家拍薑魚頭煲是得獎菜式, 也是實至名歸的, 魚雲很新鮮, 配合薑荵的芳香, 絕對是美食. 紅酒會牛尾濃淡適中, 牛尾當然嫩滑, 難得連配菜都很清香爽口. 蒜蓉炒菜心都認認真真, 青青嫩嫩, 刀工賣相一點沒有馬虎. 飯後蛋散上場, 真的很鬆化, 個人略嫌少了點蛋香, 但$18有這樣的美味甜點, 不能錯過o約! 其實連白飯、前菜(花生)和茶都很好, 是一家很用心盡力的食肆. 只是名為魚翅城, 如過只想清茶淡飯, 可唔可以都o黎呢度食飯o架?

成日响報章睇到廣告,媽媽好喜歡食魚翅,所以假期便就同媽媽試一試...叫左三兩雞湯魚翅$198,魚翅都算多,但媽媽喜歡食魚翅其中一個大原因係鍾情佢啲雞湯,雞湯只得幾啖...唔太夠喉...反而小菜幾好味...叫左蒜頭牛柳/蝦炒旦白/咸魚炒芽菜牛柳好"林"...值得一試...蝦炒旦白淡左啲但都幾好味...咸魚炒芽菜都夠味...結論係主角魚翅比較遜色~~~

我最喜歡來魚翅城食lunch,晚餐都有試過,更覺午餐抵.先來一盅68蚊既翅(沙士時係55蚊,重抵)...翅多,湯底夠濃,蔥花海蜇頭...好滑又無"雪味",炸菜海參魚唇...幾得意,秘醬蒸魚唇...又滑又有咬口,醬汁特別.蒸鮮蝦腸粉...粉皮煙韌,函料又多.甜品,蛋散...鬆化,杏汁撞蛋白...香濃滑.好美味又豐富的一餐!

呢度午市的魚翅湯很足料的﹐而且不貴。我阿媽成日飲茶都會打包碗比我的! 阿媽生日﹐晚飯來了這裡﹐沒叫魚翅. 叫了一個魚唇湯.那些魚唇我是第一次吃的吧~ 很滑很得意的口感! 個湯我都幾鍾意! 小菜要了一個海參茄子煲﹐斑腩同埋咕嚕蝦~ 咕嚕蝦好新鮮﹐同D青椒呀果D炒埋一碟﹐好好味。推介﹗還有一個小菜﹐忘了是什麼=P 所有菜都很好﹗是晚是我請的客﹐既然大家都說好吃﹐太好了﹗而且這裡午餐會送晚市$50 coupon 的﹐以它的精緻品質, 晚飯蠻抵吃的﹗

三個人去食late lunch,叫咗2 set 魚翅灌湯餃餐($48),包括有魚翅灌湯餃,點心一款,及甜品一款,黠心方面分別要蝦餃同鮮蝦腐皮卷,甜品方面要蜂蜜鮮果爽及芒果布丁.灌湯餃的高湯十分香濃,有一'梳'魚翅.足料!兩種用蝦種飴料的點心有水準,連一向不食蝦餃的媽媽都一口氣食了兩件. 甜品我比較喜歡蜂蜜鮮果爽,蜜瓜清甜,蜂蜜解渴,加上有粒粒啫哩,好有口感!此外再叫了幾個小菜,豉油王吊片炒河($28),鑊氣十足,用料上乘,有蝦干,吊片,加少少辣醬十分'野'味.海參魚唇粥($18),粥底非常'棉'.風沙脆豆腐($18),脆皮燒腩肉($23).由於魚翅灌湯餃很好味,媽媽再叫紅燒翅($98)位,真的真的好好味!他說他生日一定要再食2碗!!總結水準之上,連加一$356.有魚翅的午餐,不算太貴!!

來魚翅城，當然要試試它的魚翅，點了六十八元的，材料十足，很好味。魚湯鮮竹卷和蛋散都好吃，其他點心如金菇駝鳥肉腸粉、燒賣則稍為遜色。離開的時候才知道星期一至日下午二時後入座，有四十八元一位的下午茶餐，包一個鮑翅灌湯較，選一款大中小點點心和一款大點甜品，要找機會去試試。

地址：尖沙咀梳士巴利道18-24號新世界中心3樓L315-L316號舖電話：2136-9199唔該晒！

既然呢度o既賣點係魚翅，價錢當然唔算平；不過就點都冇當年新同樂或依家阿一咁貴o既~~兩個人，叫o左兩個一人set，每位$399；有足二兩翅，廿x頭吉品鮑魚或椰汁燉官燕，另選一個大約$8x小菜。個翅揀o左用雞湯整，D翅真係一梳梳咁幾足料，都唔錯。鮑魚就好細隻，絕對食唔出糖心o既感覺。燉官燕真係成碗都係燕窩，雖然唔知係o米燕碎，不過整得好濃，算係咁啦。小菜揀o左一碟叉燒拼燒鵝；叉燒唔鬆，燒鵝太肥，味道應真麻麻。另一碟小菜揀o左花膠北菇爬小唐菜，okay咁啦！Service都算唔錯；不過竟然有侍應嚮我地附近倒瀉o野，失策o左D。相中就係雞湯翅，叉燒拼燒鵝同燉官燕。