魚泉日本料理鐵板燒 (已結業)

一行四人係銅鑼灣行完街...諗緊食咩好見有間日本菜...之前都未食過所以就揀左呢間日本菜食..以為係酒店內會好貴....原來都幾抵食...又唔駛點等位...入到去都有7成人..經理話鍾意食豪一定要試吓D生豪...可以出去豪吧揀啱自己鍾意既口味...咁我地先ORDER四只珍珠豪海水味比較重d..每人一只食住先...嘩..超好食..好有海水味又夠新鮮..跟住再order多每人兩只..魚泉卷 ~~幾種口味海鮮墨魚汁意粉~~超多海鮮...三文魚天使麵 ~~d三文魚一d係熟一d 係生都幾特別燒烤拼盤~~雞奕. 帶子 . 牛柳 . 雞軟骨仲有甜品唔記影相....蕃薯雪糕~一定要試好香蕃薯味....仲以為食緊蕃薯

昨天麻辣小瑪跟admin妹妹原本想去巧味吃常嘗餐, 但行到去時想起還沒有試這間魚泉, 所以便改變主意由於去到時已1點20分, 所以店內已很多, 幸好等了大概6-7分鐘便有位. 服務員姐姐便鳴鼓歡迎我們入去<<食物評語>>麻辣小瑪之選 : 蜜椒薯仔豬肉片定食 (HKD58)Admin妹妹之選 : 野菌汁海鮮焗飯 (HKD48)蜜椒薯仔豬肉片定食 : 前菜:有沙律(本身應是蒸蛋,不過已售罄), 味噌湯及煮茄子粒, 都不過不失主食: 煎過的薯仔粒因煎過所以外圍帶點脆, 不過入面稍微硬了點, 應該是煮得不夠時間; 豬肉片是平時打邊爐般的薄切豬肉, 也是煎得帶點香脆, 配上蜜糖黑椒汁, 甜甜的很惹味, 很配飯野菌汁海鮮焗飯 :前菜如上述主食: 哈哈, 跟之前那個真的是天壤之別, 野菌汁其實就是普通那些忌廉汁, 很淡, 上面的芝士很少, 所以也不能帶出味道, 而海鮮有青口, 魷魚圈, 蝦及帶子; 也不是很新鮮, 特別是青口, 大失敗的一個食品<<環境及服務評語>>店內裝潢都有著一般日本料理店的風格, 也有幾間獨立tatami 房間

今日係我同男友拍拖週年，佢帶我去食日本野，佢話之前同朋友黎過話好味。一黎到唔洗等位，因為book左所以坐左入房，環境幾舒服。經理好高大幾靚仔，仲認得我男朋友黎過，我地唔想煩所以叫佢拍板，經理問左我地大概鐘意食乜就幫我地安排。經理推介蠔，蠔可以出去蠔bar自己選，我唔識所以男朋友自己出去選，先黎一人兩隻蠔，配wine，蠔新鮮，都好食，又唔係真係好貴，45蚊隻。我跟過我老細去其它蠔bar食都成七十至八十蚊，所以呢度唔算好貴。然後黎個刺身拼盤，好大，正既（因為太興奮所以唔記得影相相）跟住送上兩款壽司，經理解釋話係特製架，Manu係無既，係燒魚腩壽司，入口即溶，易味道好甘香，陣味好耐都留係口裏面，高大經理叫我地再飲啖佢地既魚泉清酒味道會仲正，我平時唔飲酒，聽佢咁講咪偷我男朋友果杯少少。平時我覺得好難飲，但食左呢個壽司再飲就變得好易入口，好清甜。然後還有一個油甘魚煮，個樣好靚，由其是d配菜蘿蔔花花，不過上菜時經理提醒我地唔好食配菜住，要先試魚，魚要點多d汁，入口好滑，我未試過食煮法，味好濃但又唔(流)，好味，之後我先再試配菜，我先明點解唔好先食配菜，因為吸晒d汁變得濃得濟。但魚配汁就剛剛好。最後

之前同朋友食過覺得唔錯,今晚和老公來食飯.叫左個三文魚刺身拼油甘魚~好新鮮~油甘魚超掂..我平時唔多食油甘魚..店長推介話好新鮮今日先由日本返..我地咪試吓囉..真係好新鮮.冇介紹錯...我再order多一個. 蝦天婦羅都ok~隻蝦好大...都幾好味..必食牛油果軟殼蟹卷ok金鉑鮮蝦沙律ok瀨尿蝦壽司~瀨尿蝦夠鮮甜..2支sake,一個心太軟甜品~唔會太甜有客人進來，打響門口個鼓環境就舒服~好有私人空間

今日同兄弟食飯~~見上次來過幾好食~又未試曬d 好野~今次來會一會去~本身想留條平目魚~但無左貨~經理直頭幫我整左個menu~~番工太大壓力~係時候放縱下自己~價錢唔問啦~唔使我諗仲好~全部都好為我地而設~拼左個刺身~有海膽、龍蝦、甜蝦、帶子、立魚~呢度d 刺身真係幾鮮~煎油甘魚頭~呢個好味~d 蝦就連連埋d 雜菜天婦羅一齊炸~個蝦頭真係好正~仲叫左隻蟹~無理咩蟹~反正新鮮就可以了....好鮮甜....有個煙三文魚雜菜壽司~無咩特別~沙律味太重~食唔到其他味~串燒還可以~魚頭湯一流...好好飲~~係個龍蝦泡飯爭d~似粥多d...同埋食到有d 滯~總之叫佢同我拆曬d 龍蝦用出來做個炒飯仲好~加多支sake~~埋單好襟計~位位1160 ar 唔該~~不過咁~經理真係好好service 既~~如果有埋view 就好啦.......

之前同屋企人個日係銅鑼灣搵食, 見到新開張就入左去試下~ 好似剛剛開左幾日而已~ 因為時間尚早, 六點鬆到, 所以都唔係好餓, 叫左刺身, 串燒, 烏冬, 蠔同甜品有D唔記得影相, 但印象串燒, 蠔同紫蕃薯雪糕都幾好食~ 以中高價位既餐廳, 野食質素都叫唔錯, 但就未至於用驚喜形容。不過, ... 黎間個地點環境真係唔錯, 服務都好好, 都叫做搭夠啦~ 想安安靜靜,舒舒服服係鬧市聚會都唔錯既。

那天晚上忽然好想食日本菜，上openrice查下，見呢間評分幾高，就來試下，當進入店時，知客會打響門外大鼓，並示意可以進去，雖然沒有訂位，不過裡面尚有好多空抬，由於第一次來，先叫幾樣野試下先，點知食完一round，決定埋單走人，因為食物質素不濟，無謂浪費金錢，寧願找其他野食醫肚。鰻魚壽司($18): 雖然是特價食物，不過用上半條原條鰻魚做，可惜是用來貨做，而且只是將其"叮"熱，沒有烤香，食下去只有甜味。鹽燒牛舌($42): 差不多每次見到都必叫的一道菜，這裡切得好薄，份量太少，餐廳可以慷慨點嗎﹖而且燒得過火，好韌。碎吞拿魚腩飯($128): 等了十五分鐘才上抬，滿有期待是即叫即做，可是一見色水就覺得唔係好新鮮，而且吞拿魚蓉成個碗型，絕對唔係即整凝似雪了很久， 一放入口，完全沒有任何吞拿魚鮮味，唔知食緊乜野，事到如今，只想快快埋單走人。坦白說，以這裡價位，不比壽司店便宜很多，如湖舟、松島、竹八等，但食物質素與平價港式日本料理冇異，就算有幾多廣告或馬評都好快會孑現形。

大熱天時, 往往做任何事也提不起勁 養成多年的假日行山習慣也無奈壓後 自泰國回來後也大吃大渴無停過, 體重也如溫度的上升中 星期日又係重點美食時段 此店正是近來報紙賣頗多廣告的魚泉 不要以為酒店內的日本菜要高消費 這裡, 不賣這個, 賣的是貼心服務和水準的食物 拖地三文魚壽司 : 是新鮮的但魚油不足的三文魚, 雖則飯質有點點略實, 但順利過關 鰻魚壽司 : 又係一個字..長…比三文更長, 鰻魚燒起頗香口肥美, 我反而喜那甜甜的鰻魚汁啊 原隻大海蝦天婦羅 : 睇落無廣告咁大隻, 瘦左d , 好像化了個頗厚妝的美女粉漿蓋著欠缺鮮味的海蝦, 是令我失望的一環九菜花牛肉卷串燒 : 買相唔錯, 除左牛肉卷還付上開胃的沙律菜平時通常會用上金菇, 今日換上是九菜花, 是濃味和有口感的對決, 可惜是牛肉過份地有咬口, 但牛肉配上燒汁味道更突出, 配合清新沙律菜, 唔錯 鰻魚炒飯 : 炒飯要我們等了 20 分鐘先上枱, 好像去飲時放到最後上 炒飯份量實在頗巨形, 計過... 足有四碗半份量 由於日本米黏度太強, 碟上沒有粒粒分明的飯粒, 而是黏黏的炒飯, 但又不得不讚是師父將配料,蘿蔔,冬菇,

今日同朋友來食飯~見openrice 食評唔錯~叫左個刺身拼盤~幾好食wo!!好新鮮~但相對貴左dd~蝦天婦羅都ok~個雞軟骨估佢唔到都幾好味~反而個生薑豚肉就酸左d~蟹腳湯飯都ok~雞翼可以唔叫~無咩特別~服務就真係幾好~d waiter 好nice~但係唔知咩原因d 餸來得都幾慢~搞到我好肚餓....overall 都幾好~值得一試ar~我相信lunch 會唔錯!!

在近期「飲食男女」看到介紹這間新上場日本料理，便同老公去試了以下幾款:$48 九州豬骨湯拉麵/烏冬(五款半價午市套餐的其中一款) - 有前菜及沙津 $68 溫泉蛋牛肉拉麵/烏冬(午市定食套餐的其中一款) - 有前菜、沙津及2串雞軟骨 溫泉蛋及牛肉一流，湯底普通但勝在不重味精$14拖地三文魚壽司 超抵! 三文魚厚身、肥味$48 超巨型8吋長炸蝦天婦羅 面層稍油、但蝦的肉質很好套餐不包咖啡茶但送甜品 - 朱古力蛋糕不夠甜但經理說是為了迎合OL好味...此店的最大優店是無論經理及男女侍應都有笑容及很禮貌，年輕侍應們主動收碟及加茶。 經理說半價午市套餐將於世界盃後回復正價，因這段期間午市生意欠佳。 侍應於帶客人埋枱前，打響門口個鼓，看見前面的女仕被嚇了一跳!!

相信很多人都對銅鑼灣霎東街的位置都會不太熟悉，其實這條街就在時代廣場後面，毗鄰港島最繁華的購物區。以地利而論，上面就是快捷假日酒店，應該不難吸引酒店住戶和到此區吃喝購物的客流才是。事實上，樓上稻香集團屬下的HIPOT和HITEA很多時都客流疏落，而魚泉位處的1樓，前身為主打魚湯麵線的「開心麵皇」，後者開業半年左右就已關門大吉，相信大家仍不太熟悉這個新場。如果不是看到雜誌的介紹，我也不知道這裏開了一間環境很好的日菜館呢!新張期間，此店有五款午市優惠定食套餐(包括: 鹽燒鯖魚定食$42、和風香脆豚肉湯拉麵/烏冬$44、和風牛肉丼$38、江川卷物壽司定食$45和霜燒吞拿魚沙律$48)，作期間限定供應。另外，這裏除了一般的刺身、壽司外，還有巨型8吋長炸蝦天婦羅$48、拖地三文魚壽司$14、特長鰻魚壽司$18、特厚鵝肝壽司$28和特長版雜錦串燒$68供應。店面裝潢很有日本特色，門口有幾個大鼓，每當客人內進光顧，都有店員打鼓以日語歡迎。靠窗方向有一排以竹簾作間隔的「廂房」，並以日本布簾作廂房門口裝飾，讓客人有自成一隅的感覺。今天我們兩位佔了一個六人「廂房」，感覺特別舒適。今天點了牛油果蟹肉和風沙律

今晚去了時代後面的日本舖食，因為有朋友黎過介紹，大約八點黎到，雖然未爆，但VIP房就坐滿，好彩預先定了VIP房，我們一行五人，一入去帶位先會打響個鼓，（有點嚇親）不過都幾有趣，待應態度唔錯。坐低部長介紹食物，感覺都唔係好hard sell,起碼唔會介紹D最貴既野。之前聽過朋友介紹要食大天婦羅蝦，所以每人叫一隻，講真48蚊一隻咁大既蝦唔算好貴，最緊要係好食，粉唔會太多，而且咬落去係咪感覺新鮮。最震撼係個刺身拼盤，好大，好多野食，而且個推羅真係好好食，經理仲介紹新鮮到海膽同埋A5和牛(我唔知A5即係咩級，但同枱朋友話係極品）。還有是原來新鮮到既數量有限，。我們還叫了抄飯，餃子等等，水準OK不過最驚喜係個甜品，多層拿破倫係我想像唔到係日本食店可以食到，而且好好味,再叫了一個心太軟，係好味到食完都唔記得影返張相。總結係需然價錢係中價到高價，但品質係值回票價，而且環境舒服，VIP房可以一班人玩，而出面亦都坐得舒服。

今晚放工後和同事一同去銅鑼灣時代廣場行街 shoppimg。順便慶祝同事生日。行到甘上下, 肚子餓 , 所有餐廳人山人海 ,唯有行出時代廣場搵野食。行到時代廣場後面 , 快捷假日酒店 1樓 , "魚泉" 日本料理 – 貪佢新開張 , 環境清雅 , 但客人卻倒也不少, 我們7時來到, 已經差不多全場滿座。我們點了很多不同的食品, 包括刺身拼盤 (三文魚、吞拿魚、蝦、 魷魚等)、壽司、手卷(軟殼蟹)、青酒 、沙律、炸物(蝦天婦羅、芝麻雞翼、炸蠔、炸餃子)、燒物(牛舌、鯖魚、多春魚、三文魚)、雪糕等等, 款式算是多, 但每一樣食品都做得有水準, 例如蝦天婦羅，好Juice。刺身拼盤 好新鮮。在眾多食品中, 以蝦天婦羅、刺身拼盤最為出色。以二百多元的價錢, 酒店級的環境 , 可以令大家開開心心的吹吹水, 開懷大嚼一番, 舒緩平日緊張繁重的工作 , 加強人際關係 , 感覺著實不錯。推介美食: 蝦天婦羅 , 牛舌 , 刺身拼盤 , 用餐日期: 2010-06-15 是次消費: 每人約HKD250 (晚餐)

見到街邊有人派傳單, 知道CWB新開左間日本料理, 就同朋友去試試, 順便聚下舊.座位都幾舒服, 有幾張卡位可以自成一角~~我地6個人, 都叫左幾多野食. 最回味O既就係8寸長O既蝦天婦羅, 隻蝦好新鮮, 唔係"淋patpat", 48蚊隻都值得食. 另外, 雞泡魚干都做得好出色, 燒得唔會太乾. 最後食左藍莓cheesecake做甜品, 好清新, 一d都唔漏, 賣相亦好靚.

同個friend慶祝生日,相約Time Square,見到附近有間新開o既日本料理,決定試一試....果然,無去錯,幾得噃!見到隔離枱pair情侣叫咗碟好長既天婦羅大蝦,問吓個女侍應(幾nice,又好有禮貌),知道原來呢款係鋪頭出名既10吋長天婦羅大蝦,於是叫嚟試試,好味又有口感,得wow! 同個friend慶祝生日,學人叫d清酒飲吓啦.....我地叫咗凍既.....支酒送嚟既時候,有一套酒杯放埋枱,唔同款式,可以揀隻自己鍾意既杯嚟酙,好細心呀! 跟住我地仲叫咗魚生拼盆,燒蚝,特長串燒,玉子煮 全部都好好味呀!值得一試!我地三個女仔,本來唸住食完日本o野落留下"聰嫂甜品"再戰....點知俾我地見到隔離叫嗰個心太軟鬼咁靚,於是咪叫咗囉,哈哈,無叫錯,真係好鬼正!下次同我honey去要再試!我生日個friend不知幾開心!可能呢到氣氛幾好,d侍應又幾好service啩!見佢個menu,好似仲有好多款lunch set,好似見到幾抵食,特別係刺身飯,唸住lunch都要嚟試試先!