魚之神日本料理 (已結業)

經過寶琳想食日本野，但係又唔想幫襯連鎖店，於是食下小店。有間位置偏僻既睇落都ok，於是入左去，閒日八點唔洗等位。入面有壽司、串燒、拉麵等等。壽司唔算貴，三文魚六蚊件，手握，都幾厚肉，好食！追加了一次。免治雞肉，有d軟骨幾有咬口，係個汁爭d。雞翼都唔錯，外層幾脆。最正都係雞軟骨，最脆口，調味適中滑蛋豬扒飯，賣相唔算靚，估唔到又幾好食，略嫌蛋太熟。埋單兩位253，性價比唔錯，尤其是壽司同串燒，下次想試埋烏冬

香港人生活總係好忙碌，難得出黎放鬆下，又鐘意食日本菜，就黎食下魚之神勝在位置方便，寶林站一出過馬路就到玉子壽司 ＄10玉子甜甜地配飯食好滋味醬燒三文魚腩火焰 $20三文魚腩厚切新鮮，燒得甘香，口感唔錯牛油果軟蟹殻飯卷 $82牛油果本身味道唔突出，不過加左軟蟹殻脆脆地,重食到粒粒蟹籽添牛油鮮帶子焗雜菇＄68雜菇食落幾爽口，牛油味唔算太勁，但係將帶子既鮮味帶出不過帶子太細隻，好快就食哂燒芝士年糕＄32平時食開炸，第一次食燒，外皮唔算脆但芝士餡好多，芝味濃郁，食完又唔覺太膩燒魷魚筒＄68魷魚筒賣相好靚，非常香口，加左燒汁更惹味，d魷魚鬚重好脆添雜錦天婦羅＄68天婦羅有蝦、南瓜、茄子等，都幾豐富炸得香脆，而且炸粉唔太多，唔錯蒲燒鰻魚飯＄78鰻魚好大而且肉質嫩滑，燒得甘香珍珠米飯非常軟熟，加上蒲燒汁冇得輸同朋友真係食左幾多野，但價錢係日本菜黎講算幾平，好滿足

今次來到將軍澳寶琳睇戲，睇完後發現一出港鐵站對面的新都城一期就有一間日本料理，店名叫魚之神日本料理見門面紅噹噹很正宗似的於是就入去試試 入到去見到有十幾張枱，裝修也很日式的 用餐環境很舒服 有軍艦壽司、冷熱飲品、炸物都等等種類繁多 散叫食物有很多選擇，晚餐set的價錢也不貴 就跟朋友決定一人要一個set。 提供精緻日式定食便當，有其他可以單點 炸物、鍋物、壽司讓顧客有更多的選擇 先來兩個味噌湯味道不咸，入口味道清淡！ 兩個set一起來，真的很豐富！份量很多，顏色也很靚！ 除了主食，還可選魚生或手卷，更有飲品和甜品。 拉麵湯底味道好夠煙韌彈牙 我的餐有天婦羅蝦、炸雞、鰻魚、沙律，還有大大碗的拉麵 天婦羅很香口很脆，鰻魚也很鮮甜可口 我更喜歡拉麵很彈牙，很正呀！ 每份便當餐都非常足夠一個人食用，真係飽住出門口 另一個餐有汁煮雞翼，肉質味道豐富且嫩滑、 紫芋甘栗薯餅十分香口脆卜卜、和風野菜牛肉、中華沙律 白飯都幾大碗呀! 嘆嘆2片厚片三文魚刺身啖啖肉 最後來2杯甜品雪糕 上菜速度都很快店員服務也很好

兩個人食飯最好就去食日本菜一人一客，唔洗爭蟹籽軍艦即叫即做，時間上可能要等一等，喺度用料上乘，蟹籽新鮮，粒粒都好爽，食落卜卜聲厚切三文魚腩叫得後切一定有返咁上下嘅，每塊真係足足有2cm咁厚，油脂充足！吉列炸豬扒拉麵豬扒炸到外脆內嫩，仲見到有少少粉紅色，口感不錯，麵都算有彈性，好香麻油味，但個湯底略嫌淡味野菜牛肉飯平時係吉野家就食得多呢一個飯，野菜就比幾舊，牛肉就鞋颯颯，係度就唔同有誠意得多，碗飯上面鋪滿晒椰菜同埋牛肉，啖啖牛肉好滿足！

成日都聽到朋友講，係將軍澳有一間抵食的日本料理，她是經常來幫襯，食品幾新鮮，聽到她咁講，自已都係喜歡食日本食物，咁啱，今日約左朋友逛新都城，也順便到她的飯堂醫下個肚。餐廳位置都幾容易搵到，對正寶林地鐵站對面。三文魚魚腩～厚切，非常新鮮，甜美，入口嫩滑，即溶感覺，魚油在口中散發，鮮甜味歷久不散。八瓜魚沙律～色彩、新鮮好吸晴了，八瓜魚、沙律菜爽口鮮甜，上面鋪上了魚籽滑，滑溜好Q.鯆燒鰻魚飯～大大件鰻魚，燒得有小小焦香糖味，淋上鰻魚燒汁，魚啖啖肉，肉質嫩滑可口，配上珍珠米飯，飽滿又增添食慾大增。

係新都城睇完戲之後,朋友話呢度有間日本野,價錢唔算太貴,都可以一戰既日本菜三文魚腩刺身雖然得兩舊,但刺身好厚身,食落幾肥美,都幾新鮮不過得兩舊就真係唔夠喉海鮮丼呢個海鮮丼真係好colourful,入面有唔同類烈既刺身例如吞拿魚,三文魚,油甘魚等等刺身味道幾爽口,加上入面有好多青瓜同蛋,多左份清新既感覺中間既甜蝦幾滑溜,肉質幾爽口軟殼蟹天婦羅炸粉唔厚,食落唔油軟殼蟹卜卜脆,又夠大隻,食炸物最正就係咁!

This Japanese joint has been here for ages but I have never tried it until today.The good thing is that they don't charge 10% in the daytime so go during the day.It is very affordable but don't expect the premium quality that you get in the city.Anyway, here was what we had.++++Salmon roe and salmon don:The salmon and salmon roe was good but the rice was clumped together.++++Assorted don:++++Tofu, vegetable and snapper soup:This had a really fishy smell but it was delicious with a strong fishy t

好耐無係寶琳搵食。女人指定要食日本料理🙄寶琳站對面街就有一間日本料理。魚之神日本料理，只是睇佢個名就知佢對自己料理好有自信。餐牌用木做😳夠哂氣勢。一定一定要提一提！有選擇困難症人士必選魚之神晚市一人前便當。一便當滿足哂你所有願望。味噌湯。一棵豆卜、少量蒽。成就一碗簡單而清淡的味噌湯。前菜一。厚切三文魚啖啖肉，無咩多餘的脂肪。一人前便當A內有紫芋甘栗薯餅、汁煮雞翼、和風野菜牛肉、沙律、白飯。仲有飲品送，真係好抵食。薯餅特寫。紫芋本身口感淋，加上栗子的硬口感，令炸出來的薯餅份外好吃。前菜二。三文魚手卷（有四款可以選😬）三文魚都係好厚好大片。一人前便當B內有蒲燒鰻魚、海老天婦羅、一口豬扒、迷你日式叉燒湯拉麵。跟便當A一樣，好多餸，份量夠一個人食到飽。天婦羅夠哂大條，又夠熱，外脆內軟，用心之作！估唔到佢塊鰻魚咁好大塊！鰻魚唔霉，仲燒得幾有咬感，再加上特製浦汁，一流。便當附送的拉麵。仲有叉燒在內😳食完真係飽到一個點。

家住觀塘，想行下商場，除左去apm之外，偶然都鍾意搭幾個站去將軍澳尋找「新鮮感」，講到搵食，我有時會幫襯「魚之神」，因為佢既「假日午市定食」幾抵食，價錢由$70起，配齊三文魚刺身 (三件)、前菜、湯及飲品，而且選擇夠多，壽司、天婦羅、鐵板、麵食、鍋物等等一應俱全，食凍食熱，悉隨尊便。 三文魚刺身 (跟餐免費)色澤鮮明，脂肪比例唔錯，肥美有油香。 極上壽司盛 ($88)包括：吞拿魚、油甘魚、劍魚腩、池魚、鯛魚、三文魚腩、希靈魚、甜蝦、加州反卷。其中三文魚腩尤其出色，夠肥美，入口即溶；希靈魚味道濃厚，質地結實，魚子卜卜脆，令人印象難忘！ 鵝肝壽司 ($36)、珍寶帆立貝壽司 ($32)、和牛壽司 ($28)、 腐皮壽司 ($10)、加拿大海膽壽司 ($32)、山葵八爪魚軍艦我今日個胃麻麻地，想食少D，於是散叫左唔同既壽司。特別喜歡個海膽壽司，雖然唔算好大片，但夠鮮甜，估唔到平平地都有咁既貨色；另外八爪魚軍艦都幾特別，師傅加入左經醃製既西芹，好爽口，咬到sok sok聲；帆立貝好厚肉，一啖咬落去，啖啖鮮味，唔錯。

喺寶琳住咁耐，都未黎過呢度食野，睇到食評，見評價都唔太差，佢又開左咁耐，諗住都信得過，於是就去試下，坐低叫野，望下隔離左右，發現佢d壽司超級迷你，但價錢一d都唔平喎，隔離檯叫左2件壽司，壽司黎到佢地都嘩然話乜咁貴😢。我地就叫左個牛肉湯烏冬，珍寶三文魚刺身，什錦刺身沙律試下啦，三文魚食落都夠凍夠鮮，超級厚身，食落啖啖肉好滿足；牛肉鍋燒烏冬味道好，烏冬夠煙韌彈牙；什錦刺身沙律就差d, 冇鮮味餸頭餸尾咁囉。睇到呢到你係咪好疑惑我又讚但又話唔會再去食呢？原因就係食完行緊返屋企(都唔駛10分鐘，都未搭我已經感到肚痛，係攪嗰隻，跟住就腸胃炎左一個星期😤！2個人去，2個都攪肚痛，相信d野食應該係有d問題囉(好可能係個什錦刺身沙律)!😩😩😩

平時番學放lunch多數都鐘意黎呢間食所以已經試過好多次架啦~今次試左牛肉湯烏湯好鐘意入面加左隻蛋 因為令個湯底鮮味左好多牛肉有d過肥 而且數量都較少烏冬都幾滑同彈牙冬天食呢個熱鍋會超級暖以呢個價錢包曬飲品，前菜，湯同主菜真係好低既 性格比高如果出餐時間更快會更好~

尋晚同朋友係寶琳睇完戲，諗住就腳係新都城塭食，不過夜晚十點，商場好多餐廳都收哂。係無乜idea之際，突然醒起以前係呢頭讀書果時成日食既呢間日式餐廳，經過原來十一點半先收，仲有得食，一於就入去食翻回憶的味道。一如既往，我都係食翻以前最中意食既牛肉鍋燒烏冬 揀左味噌湯底，好欣賞佢中間加左隻蛋，令個湯濃左，好味好多。烏冬係手打的，彈牙！肥牛都幾肥，所以烏冬都比較油。不過ok既，同以前個味無差，保持水準！係加左價，貴左，以前五十幾蚊。menu靚左，先發現餐廳改左名，以前叫魚之味，依家改左做魚之神。 在我說服下，朋友都嗌了個和我一樣的烏冬。

自改名魚之神後第一次光顧與老公點了二人餐包括：蕃茄沙律﹑餃子﹑雜錦刺身﹑煎雞扒﹑花之戀﹑白飯魚蟹籽栗米冷烏冬&雪糕全部食物的味道都普普通通,,不過不失唯獨煎雞扒好一點點醬汁味道不錯,,而且皮脆肉嫩~~算是比較好的一款食物!!雜錦刺身有三款,,每款剛剛好兩片用大大隻的碟盛載,,覺得有點空虛刺身不算特別鮮甜..但也不會霉就是了~~

宵夜時段唔駛等位，叫左好多正野食：1. 超級三文魚扒刺身-----必食推介~!! 超級厚~!!!2. 生蠔(3隻)------------------鮮甜~3. 鮮赤貝壽司(4件)------------鮮甜~4. 帆立貝壽司(4件)------------鮮甜~5. 象拔蚌壽司(2件)xxxxxxxxx 唔掂，難食....6. 芥末八爪魚軍艦(2件)xxxxxx 唔掂，難食....7. 海膽甜蝦壽司(2件)xxxxxxxx 唔掂，難食....8. 冰清酒(2set)-----------正正常常9. 燒牛舌(1串)------------正正常常10.燒鳳梨(1份)------------正正常常可能叫左清酒同生蠔，所以埋單比較貴，but偶發一次都ok既.....  

今日和男友拜完年就想吃日本野，所以就選了這間魚之味做我們二人世界的晚餐了。可能是年初四的關係，所以特別多人等左二十五分鐘有多終於可以入坐了 第一時間看餐牌點了珍寶三文魚刺身，size比想像中差不多，但欠缺鮮味。再者叫了蠔雜菜鍋，d蠔超唔新鮮，好胜囉。 之後再叫了海膽手卷，又係唔新鮮囉 ，又係好胜囉。 兩個大食王仲未夠飽，再叫左芝士雞翼，等左超耐以為漏單添 ，等左十五分鐘終於黎啦，無咩特別，無芝士味，D肉好老囉。雖然好多人會先揀前菜吃, 但我選擇了在最後叫, 我認為無可能唔好食的，果然不過不失 , 結束整餐的晚餐。總結，如果唔係過來拜年，又唔熟這頭的食肆，再來將軍澳的話不會再揀囉。哈哈。