魔芋麻辣雞 (已結業)

天寒地凍，去左葵興揾長輩拜年，同佢食埋晚餐，估唔到佢屋企附近又幾多野食。佢帶左我黎呢間魔芋麻辣雞。佢平時一個人，幫襯開都係叫下小菜，不過其實想試呢度既招牌好耐。於是，我地叫左魔芋麻辣雞煲試下，半隻雞份量都多，而佢最特別係加左魔芋。平時呢啲特別野我都好怕食呢啲野，怕冇味又要咬。不過加係雞煲入面既魔芋真係好食，好入味，但又夠煙韌，煮到尾都唔會淋晒。微辣都幾辣，下次要叫bb辣先得。食到甘上下，就可以加湯落去打邊爐，叫左生菜🥬同墨魚滑。墨魚滑好抵食，唔係平時既一筒，係一‘餅’，又係新鮮手打，真材實料。另外我哋仲叫咗一個水煮牛肉，因為我實在太愛牛了，水煮牛肉都好大盤，入面牛嘅份量都好多，另外仲有枝竹，雲耳，豆卜，冬菇，魔芋好多配料。兩個人再每人叫咗一碗白飯同埋汽水。飽晒！

光輝圍其實都幾多好野食，不過真係住附近先識搵食，今次見依間都幾多人食緊，一於入去試下！可以揀雞煲邊爐、烤魚，又可以揀小菜嗌，選擇都幾多。不過見人地食雞煲超香，所以都揀左雞煲，兩個人食所以叫半隻雞算（$158）半隻雞都好多！！依間嘅雞好入味，嗌左少辣，一入口麻味好重，好惹味。特別嘅係依到雞煲入面係有埋魔竽，姐係好似蒟蒻咁，本身無味嘅，但同雞煲一齊煮之後吸哂啲味，好正，而且咬落好煙韌，有驚喜。店員仲會定時過黎幫手炒一炒，唔驚痴底同煮窿。食完雞煲已經好飽不過都忍唔住嗌多個薯粉食，因為吸哂依個汁一定好好味！依到嘅薯粉仲要係勁幼！唔洗驚難消化。依間真係唔錯，難怪咁多街坊幫襯

正宗魔芋麻辣雞鍋，非位於葵涌的魔芋麻辣雞呢間餐廳莫屬，第一次來呢度食雞煲，宜家知道呢度係堅料，樣樣真材實料好味到震。今次第一次同男朋友來食，一入到餐廳已經覺得十分舒服同親切的感覺，因為侍應們都十分熱情，有禮貌，比到一種親和感，令我們成個感受都好開心，點菜都點得特別開心。我們首先點了最出名的招牌魔芋麻辣雞煲，半隻雞夠兩個人吃，再點了份蠔仔肉碎湯飯，同潮式秘製獅蚶。我想講未試過食魔芋的一定要來呢度試，原來魔芋吾係周圍都有，而且係一種健康植物做成的芋泥，十分彈牙爽口，加上老板娘係四川人，雞煲十分正宗，呢個必試無疑。第二係蠔仔湯飯，真係無諗過$68可以甘大碗，仲要里面勁多蠔仔同埋大大粒，呢個蠔仔湯飯真係超抵食，我鐘諗食蠔仔粥之類既，本人對呢個湯飯極之滿意。最後係潮式秘製獅蚶，真係好味到爆，吾係到到都有得食，我男友勁興奮，要整得衛生及好食真係吾多，我地食完都無問題，十分滿意，下次都一定要點。老板係個好熱情好好客的人，對客人十分好同友善，很喜歡跟老闆聊天，老闆對菜式的分享讓我邊食邊感覺到食物的真諦，而且老闆更令到有賓至如歸的感覺，餐廳好多人都是熟客，簡直高朋滿座，這裡食物水準高，老闆人又好，一定會

✨中女獨食難肥日誌 ✨魔芋麻辣雞朋友忽然想吃雞煲火鍋，連鎖大店都吃過好幾間，所以想試試小店。上來openrice做了點功課，見這家魔芋麻辣雞幾特別，所以來試一試一坐下就見到隔離枱的雞煲好香好吸引！亦見到不少人食小菜，不過今次雞煲火鍋是我們目標，有機會再嚐小菜好了！我們二個女生點了招牌魔芋麻辣雞煲半隻招牌魔芋麻辣雞煲半隻(小辣) $158上菜發現半隻雞份量好足！面頭有芫茜，正！仲有魔芋、洋蔥、花椒等等，色香味均不錯！雞件不會老，上桌撈兩撈食得！味道好香好入味！麻麻辣辣，小辣過下口癮又不會太辛苦！好味！魔芋煙韌，沾上醬汁，未試過這種食法幾特別😂手打墨滑 $78看著餐牌「手打」都半信半疑，上碟超大碟！好抵阿平時細細條都收好貴..食落不得了！真店家手打超新鮮彈牙！而且每一口都吃到真墨魚粒，加上脆卜卜蟹子，必食！山水豆腐 $28好滑好大份的山水豆腐，比一般布包豆腐香滑好多！萵荀 $58香港不多地方有萵荀吃，貪其打邊爐吃不油膩感覺清爽，好味！📮地址: 葵涌葵涌道1013號昌年大廈地舖☎電話: +852-56004561

今天在葵涌放工 肚仔餓 要搵野食呀本來想去葵廣掃街 但又唔想同人迫於是就去左葵興食雞煲貪佢一出門口就係巴士站 食飽就可以跳上車走人呀我去到既時候時間尚早 冇乜人但食左一陣就滿曬座lu呢道格局有d似大排檔 位置充足店員熱情招待 仲吹左陣水添呀叫左個魔芋麻辣雞煲 好大煲好足料呀D雞用蔥頭 蒜 芫茜 辣椒同埋秘製香料炒到極香一上枱已經流曬口水 忍唔著要起動了！個魔芋好爽滑彈牙 仲充分索曬d辣雞汁而d雞就炒到岩岩好 入邊仲係好嫩滑既而且啖啖肉 好過癮另外我仲叫左金菇 紅薯粉 雲吞同埋芥蘭不得不讚既係d料真係好大碟我地兩個人去食 真係有一下擔心食唔曬金菇同紅薯粉都係極吸味既食材所以同個雞汁配合得好好呀而原來麻辣雲吞都好正倒曬落去滾一滾就食得 味蕾同埋胃部都獲得滿足我而家一路寫食評一路流緊口水呀我地好攪笑 兩個都鐘意食芥蘭鐘意到食雞煲都要叫芥呀姐好好人提我地食雞煲落芥蘭有d怪但我地都堅持要叫大大碟 高纖維 清清腸胃魔芋麻辣雞煲 值得一試！！

朋友喺葵涌附近做野，就約返附近食晚飯。仲以為附近工廠區冇啖好食，點知俾我地搵到呢間魔芋麻辣雞。本身諗住入到去食雞煲，原來小菜都好吸引！呢度飲杯酒仲要超抵，$25一皮枝大啤，叫黎送小菜，傾下計，十足十大牌檔咁有風味。不過呢度好過大牌檔，因為喺室內又有冷氣電視。兩個人，叫3個餸。豉油皇鵝腸($98)出面冇乜邊間夠膽整呢味，心機野，淨係洗乾淨啲腸都好花時間。一上到黎，大大碟，加分！第一時間仔細望下，夠乾淨，食得！味道方面都唔錯，好爽脆，而且唔會太咸。避風塘茄子($88)呢個係靚姐推介嘅新菜式，見佢咁有誠意就叫嚟試下，價錢方面係少少貴，不過3味我地最鍾意食呢碟，茄子外面加左一層炸粉，外面鬆脆，裡面茄子捻捻地，仲保持到紫紫地色。四季豆炒臘肉($98)本身我鍾意四季豆，加上呢餐都冇肉，就叫左呢味。雖然味道辣咗少少，但係加碗白飯都好開胃，靚姐話已經有就香港人口味減左少少辣，如果正宗四川菜，呢個辣度係唔合格架！如果想食正宗四川野都可以挑戰一下叫佢唔好少辣。總括黎講，呢間小菜ok，臨走前見到隔離檯叫左好近期好hit嘅烤魚，都足足有成個長既鍋咁大條，下次真係要返黎試下。

葵涌工作完有點餓，與同事行經葵涌道1013號昌年大廈地舖，餐廳頗大，座位闊落，我們點左招牌魔芋麻辣雞煲(半隻) $158，雞肉和魔芋頗多，都幾大煲！雞肉嫩滑鮮甜、魔芋吸了雞煲精華十分好味又彈牙😋魔芋可以降血糖、降膽固醇、血壓和血脂，改善便祕，真是健康有益。吃完雞煲加上湯打火鍋，鮮蝦雲吞$48有8粒，大大粒很好味響鈴$ 38，蔬菜藍$72，有粟米🌽生菜、西洋菜、菜心很新鮮又清甜。這店服務員態度友善，食物大大碟，下次再到葵涌回頭再吃。

走過被他的招牌吸引，店鋪可選火鍋及小菜。叫了椒鹽九肚魚，豉椒炒蜆，金銀蛋豆苗和紅燒豆腐。比想像中份量多，兩人而言4個小菜有點多，哈哈！蜆很大隻，而且很有鑊氣，不會太辣。份量很多下次一定會再叫這款！椒鹽九肚魚即叫即炸，與比平時在外面吃的相對地短小，但很夠惹味及皮不會太厚！金銀蛋豆苗比平時吃的沒那麼多味精及沒有那麼咸，所以不錯。紅燒豆腐很滑！但夾的時侯沒有散開。另外店員態度十分好，很有禮貌。總括而言，下次會再來！

美食呢家嘢真係區區有。正所謂區區有食神🤪今晚嚟呢度開餐。主打食辣㗎！！！辣真係會上引架。一試你就知招牌魔芋麻辣雞煲半隻半隻份量好鬼多～我同女朋友不停食食食😬食極都有。尖椒炒脆鯇片脆鯇片新鮮+彈牙尖椒夠辣越食越開胃仲有豆腐乾伴碟。椒鹽九肚魚🐟九肚魚大大碟。幾乾身。炸完食落唔會啖啖油。大愛❤️兩個人order三碟餸。飽到上心口。抵食+好食+大碟溫馨提示：份量大。建議約埋三五知己開心share !!!

呢度嘅野食有大排檔feel，但係坐得就舒服好多！雖然知道呢到雞煲出名，不過今日黎個三餸一飯先！試試d小菜🤤佢個menu超多選擇，粥粉麵飯家常小菜樣樣都有，我哋揀極都揀唔到樣樣都嘗試，最後決定睇佢牆上面啲相去揀🤣金銀蛋浸時蔬 (菠菜)首先係個蔬菜，健康之選先！估唔到份量好多，超大碗。菠菜新鮮唔老，皮蛋好足料而且香，多汁唔乾，配埋一齊好夾，好食！沙拉一字排份量又係好多😂啖啖肉，而且外層少少脆，鋪層醬汁，正。配飯一流！砵酒煮蠔(桶)超少食嘅一道餸！見到圖片好吸引決定試吓，果然冇失望！有六隻，好肥美。外層炸得超香脆！而且入面隻蠔新鮮肥美，唔會乾，配上酸酸甜甜嘅醬汁好開胃。三餸一飯冇得彈！而且價錢合理，食物多款高質，唔想煮飯但係又想食家常便飯嘅可以一試！下次黎可以試吓佢個雞煲先，見到隔離好多台一圍圍咁食好似都好正。

今日朋友話帶我去食一間又平又靚又正嘅雞煲，我本身心諗雞煲可以有幾特別啊，但係原來呢間雞煲又真係幾特別！初初入到黎嘅時候覺得感覺有少少似大排檔，因為真係好熱鬧，但原來往往最好味嘅嘢食都係最地踎嘅嘢食！食得雞煲通常都會想飲啲比較滋潤少少嘅嘢，呢度唔錯有提供罐裝椰子水，同朋友一人飲一罐。之後雞煲就上枱啦！一嚟到我即刻問呢度只係半隻雞？因為佢真係比平時食嘅雞煲份量要大好多。之後好友善嘅老闆就同我講，呢度嘅雞煲份量係足足有半隻雞，唔會好似出面咁一大煲煮好求其裝俾你。同埋因為佢入面加咗呢間雞煲最特別嘅一樣野，就係魔芋。朋友比較鍾意食肉，而我就主力食嗰啲魔芋。我想講，真係冇諗過魔芋會同雞煲係咁架。佢唔會話好快就吸晒啲汁，但係又可以帶有雞煲嘅汁嗰種麻辣嘅香味。同朋友一路食一路都喺度諗，到底老細係點樣諗到將呢兩樣野加埋一齊架呢？之後我哋就叫咗三樣配料嚟打邊爐，分別係支竹，油麥菜，同埋午餐肉。三樣配料都大大碟，後來我哋都食唔晒，因為佢嘅雞肉份量本身已經好多。埋單嘅時候，覺得好驚訝！呢餐飯竟然只係$300，真係超級超級抵，多謝朋友介紹咗一間好味又抵食嘅雞煲俾我

星期五當然約朋友食飯啦，朋友住光輝圍附近，推介依間雞煲好食，就試阿。招牌魔芋麻辣雞煲 望落賣相就已經好吸引，份量真係好大，材料足料。老闆娘親自講介話魔芋係佢係四川自己帶似蒟蒻同啫喱，係爽口的好得意聽講可以降血糖、降膽固醇、血壓和血脂，又可以改善便祕，好健康，最後食哂雞加湯前老板娘幫我加左d 辣，真係好香好野味。》值得再去食，因為食物質素非常新鮮

冬天凍冰冰， 又係打邊爐晚好日子。 雖然夏天開住冷氣打邊爐都係爽， 但係一行出門就出晒澤都係唔好受。 反而凍冰冰打完邊爐一行出門成個人暖暖的好舒服。 今日冇人約， 就同同事公司附近搵個邊爐打下算。 今次食呢間， 門面睇落普普通通， 諗住食飽就算。 食太多辣辣野， 今次食下醉雞煲。 個湯底好足料啵， 成個煲底都係藥材味（頂唔順藥材既要食其他煲喇）當個湯滾起左， 一打開蓋， 基本上成個鋪都係藥材味， 勁多人望向呢邊望下咩湯底咁勁。 佢份醉雞都足成隻雞， 都幾大隻。 唔個會唔會老呢。等d雞熟既時候， 其他野一碟一碟黎到。 個豬頸肉又幾大碟啵。 D丸幾大粒， 唔知好冇食呢。加埋其他火煱料， 其實個量幾大。 吹左陣水， 伙記同我講d雞得喇。 似， 唔知點解， 咁大隻應該老啦， 點知仲有bb雞咁嫩。 加埋d藥材味真係好香。 搶食完一輪， 加湯加火煱料。 D丸好大粒好彈牙， 原來係自家鋪手打， 個牛丸比想像中好食， 又大粒， 好有滿足感。 豬頸肉仲要係厚切， 都唔知係咪唔洗本。 一d都唔硬， 好爽口。 其他野就正正常常啦， 老闆娘最後仲路過問下好唔好食， 夠唔夠食。 咪老實讚下d牛丸好勁。 老闆娘二

葵涌出名多小店，今日同朋友試呢間做街坊生意ge雞煲店，店內環境乾淨，座位之間較近，不過有vip房，方便一大班朋友聚會。我地今次點了招牌魔芋麻辣雞煲(半隻雞)，小辣味道香，份量多，魔芋吸了雞煲味道十分入味，雞件厚肉嫩滑。小菜方面有驚喜！點了酸辣土豆絲和咕嚕肉，土豆絲大大碟，沒有酸味，但辣味出色，土豆絲軟硬適中。咕嚕肉肉多配料少！相信已經好少見，炸粉薄而脆，啖啖肉，甜酸醬濃稠，必點！總括而言，呢間小菜做得出色，可以一試！

之前經常聽朋友說好吃，就訂位來試一下。我與朋友都喜歡吃麻辣的，我們點了三款食物，招牌魔芋麻辣雞煲（半隻），我自己不會吃得太辣，但這個的麻和辣味道剛好適中，吃得好過癮，與可樂一齊吃真是一流。魔芋是老闆娘親自製造，非常入味。招牌菜果然是不同。椒鹽九肚魚：炸粉很薄，很鬆脆，好吃。加上喼汁就更加好吃，最好就是趁熱時吃，夠鬆脆。西蘭花炒蝦球：蝦球新鮮爽脆，餐廳細心地將蝦的腸都清走，西蘭花也脆口。招牌魔芋麻辣雞煲真心推介。