魔廚料理 (已結業)

一直聽過呢間生酮餐廳，後尾先知道原來要事先訂位，唔接受walk-in～今次嚟試試佢嘅Keto Omakase，菜式好特別！一嚟有一杯蘋果醋嘅飲品，幾開胃！食物水準非常好，就算唔係生酮都可以嚟試～由於場地好細，只可以容納2-3枱客，相對地師傅同客人嘅溝通交流都會深入啲，密切地關心客人嘅情況～值得一提嘅係最後我哋食到太飽希望打包野食翻去，佢哋準備咗一個好靚嘅金色兜，密封咗咁幫我哋打包，個兜可以直接放上火上面燒/ 焗爐/ 微波爐叮咁樣，仲送埋個保溫袋！睇得出除咗食物係用心製作之外，對客服務都一流👍🏻值得一試💛🔥雞皮蝦餃 好好味，啖啖肉，生酮後都冇再食過點心，係久違了嘅味道🥲🔥隻蛋唔錯幾香煙燻味，同埋神還原海蜇咁嘅質地，食唔出分別咁滯😍🔥XO醬蘿蔔糕非常之惹味同香口，尤其是熱辣辣食，真係正👍🏻如果新年個陣有得食就好🤣🔥大蝦蟹黃麵一直非常聞名嘅花膠麵，終於同佢見面！有大大隻蝦同個蟹蓋係度裝飾，下面係蟹肉蟹膏同麵～以為細細一碟麵冇咩問題啦，點知個底好深，有好多麵，食完已經飽到上心口🤣湯﹑麵同料嘅調味都好恰當，唔會太咸或者冇味～🔥蘋果木燻鱔佢嘅處理方法好特別，係有個盅咁樣嘅野”吸”住，再噴啲氣入去煙燻佢，未上菜都已經聞到香味！食落肉質嫩滑，非常好食，震驚咗唔食鱔嘅我！唯一要小心係鱔會暗藏好多細骨，所以需要慢慢咁食～🔥叉燒配乳豬出面嘅叉燒一般都唔食得，因為都會落蜜糖燒，所以我都好一段日子冇食過喇🥲呢個so called燒味拼盤其實好吸引，因為叉燒同乳豬都好軟熟，又肉脂分明，唯獨係個花膠麵真係塞飽咗我個胃，都冇辦法完全欣賞呢道菜嘅美味😭🔥啫啫豬腸雞煲味道做得好好，同平時嘅雞煲味一樣甚至更好～佢有少少麻辣，我就算食唔到辣我都有食落去，因為真係好好味👍🏻如果鐘意食豬腸嘅朋友應該更加喜歡💛🔥雪條配窩夫我最期待嘅甜品‼️師傅同我講個雪條係一個fat bomb，用cream cheese整，好正😍個窩夫仲可以蘸埋周圍嘅蜜糖同配埋士多啤梨食🍓…查看更多

低碳新同飲食朋友必試小舖開張一年多主打低碳飲食。平時有午餐堂食要訂位過年有盆菜蘿蔔糕晚市有廚師發板。特別推介草飼牛炒蒟蒻河粉，星洲炒花膠，甜品仲有西多士完全冇用麵包冇用粉。廚師發板$500為做埋五月請廚師到會。廚師本人家族傳統中菜出身女主廚融合中式西式做法加上有海味舖拍檔，凱美特別好味。廚師發板每一道菜廚師都會細心講解做法同埋點樣可以做到低碳生酮就算唔係低碳飲食嘅人都可以是味道非常之好每一樣都係心機菜。…查看更多

魔廚料理. 美魔女之生酮廚房女朋友最近好熱衷生酮飲食，成日刨文睇生酮食譜同資訊，最近仲帶埋我去呢間專食生酮料理餐廳。餐飲係西營盤，入面只有一張吧檯，所以主要都係做賣相極之吸引嘅外賣。原來女朋友一早訂好午餐，我地一開始就先食花膠雞煲，雞肉超級嫩口同鮮甜，花膠爽口彈牙，最正係個湯底，原來係大骨湯底。充滿着各種骨骼嘅精粹同埋原味美魔女廚師更介紹呢個大骨湯製作都繁複，要攞骨頭去焗，之後再要煲好長時間令精華釋出，湯底濃郁，飲完超級回味。食完都有少少飽，最後就食朱古力蛋糕，用左99%朱古力，食落唔會好甜，仲會有少少回甘，超級正。個底用左杏仁粉，會健康好多。第一次食到賣相又好而且又健康嘅食品所以非常之推介大家去幫襯！…查看更多

最近留意到生酮飲食的潮流的興起，某些個案分享這個飲食方法後有明顯瘦下來的效果，著實驚人，也曾大概瞭解過原理，但礙於要生酮現實中要實行起來都有點困難（之前聽說要戒糖戒澱粉戒生果），以致一直遲遲未有嘗試。直至朋友介紹下，拉著男友今日來到這間生酮餐廳，開始有了新的認識，應該更願意嘗試這個飲食方法。餐廳位於西營盤住宅區，裏面位置不多，只有一張吧檯容納最多是個食客。我們預定了花膠雞煲和朱古力蛋糕。來到的時候，美女廚師已經開始為我地準備食材。準備期間，閒談幾句，得知這位樣貌年輕的美女的真實年齡後，大戶不可思議，讚嘆美女廚師絕對是店鋪的生招牌。生酮的原理就是要戒掉澱粉和糖，主要攝取油份，當身體將所有澱粉與糖燒耗掉，便開始進入生酮狀態，燃燒脂肪。而因爲油份爲主要攝取物，用料必須夠靚，不止食材就連醬油都有講究。初次之外，美女廚師道，生酮配搭1-2天的斷食，效果更顯著。而當斷食之後，建議飲用一碗大骨湯補充所需的營養。店鋪所見，製作大骨湯甚花心機，要將大量骨頭烘乾，然後再長時間熬成湯。今日我地訂的花膠雞煲就是將花膠鷄肉煮熟之後，倒進大骨湯煮成。鷄肉依然非常嫩滑，花膠爽口，大骨湯非常美味香濃，而且有豐富膠質，十分滋味。再來的是甜品。朱古力蛋糕用上了99%朱古力，讓朱古力在口中自然融化，甘味慢慢透出，沒有很甜，也沒有想象中的苦澀；蛋糕底用上杏仁粉和少量“fruit sugar”，最重要的是，吃完之後完全沒有以往吃甜品後的負擔感和甜膩感。如果對生酮料理和知識有興趣，不妨到魔廚料理與美魔女聊聊天，交流心得。這裏還有提供爲度身訂做的每日生酮餐單和送貨上門的。…查看更多

尋尋覓覓，終於找到生酮餐廳，餐單還要完全配合本小姐口味，看來這次減肥計劃有着落餐廳位於般咸道，主打外賣要成功生酮一般要堅持數星期，這裡的菜式多元化，雞煲、佛跳牆、牛扒等，甚至乎涮涮鍋也有，保證每天菜單絕不重複還會根據不同節日提供時令菜式，現在就有一系列的派對美食貴妃花膠雞煲的大骨湯十分濃郁！內裡含有豐富的礦物質、膠原蛋白，生酮飲食更是需要，能快速止饑並且補充水分、鹽分、礦物質！花膠份量十足，減肥之餘更可養顏中西菜式應有盡有！生酮漢堡肉厚多汁，還可名正言順地「走飽」！配合香口的蘑菇串燒，簡直是一個完美的漢堡餐生酮不但可以吃漢堡，還可以吃蛋糕！！！朱古力蛋糕口感意想不到的濕潤又不會太甜膩！連我這個不愛吃甜品的女生也覺得十分好吃餐廳有一個測脂機供客人使用，聽說新年之後更為體重管理人士推出為期數週的生酮飲食餐單，並跟各速遞平台合作提供外賣服務！一定不能錯過…查看更多

近排成日聽人講要生酮飲食黎減肥, 以高脂肪, 充足蛋白質, 同低碳水化合物嘅飲食方式強逼身體燃燒脂肪, 從而達至減肥嘅效果通常呢啲減肥餐都要自己係屋企整, 市面上一般嘅餐廳都唔會提供呢啲野食, 令人又多左個藉口話麻煩唔減肥所以大食妹就同大家推介一下位於般咸道嘅魔廚料理:)<生酮版盆菜>魔廚料理嘅生酮版盆菜以精密計算將碳水化合物含量控制係百分之五至十湯汁以金華火腿熬製, 配以豐富食材, 有鮑魚、豬手、花膠、鴨肉、鴨翼、無粉蝦球同豬皮等等咁豪華都只要每人250蚊鮑魚炆得超軟爛鴨翼非常惹味豬手口感彈牙花膠好大隻, 而且入味鴨肉油脂好靚, 味道偏感雞肉肥美肉嫩…查看更多

魔廚料理由一位美魔女主理。原本以為佢係三十幾歲，但佢一講佢個實際年齡我即刻打左個突😳——唔似喎！要見佢真人就要親身去啦。佢keep住靚嘅秘訣就係「生酮飲食」！你聽過未？生酮飲食其實係一種高脂肪，適中蛋白質，非常低澱粉質嘅飲食習慣。魔廚料理主張「生酮飲食」。餐廳主要叫賣外賣為主。但店主認為外賣都應有選擇，外賣都要食得好！所以炮製左咁多好味又健康嘅料理！先點了「海之味一品煲」試試。一上枱——嘩！不得了！「海之味一品煲」有花膠、雞、瑤柱同鮑魚。提提大家，想食「海之味一品煲」要先預訂。店主話食呢個煲可以減肥。食咁多都可以減肥？！係，你冇睇錯。店主話因為花膠含有豐富嘅蛋白質。花膠雞煲落左酒去烹調，好香酒味，加上薑同切成條狀嘅金華火腿，有鹹香。鮑魚實淨有咬口。雞啖啖肉。花膠完全冇魚鯹味重好腍好入味，入口漿漿地，超多骨膠原呀！店主話花膠用湯煨左三日咁多！唔怪得咁好味啦！跟住嗌左冇飯嘅鵝肝鮑魚壽司卷。壽司喎，冇飯點叫壽司呀？其實佢唔係冇飯，只係用左「蒟蒻米」代替傳統嘅米飯姐～除左鵝肝同鮑魚，入面住包住左唔少食材，包括：芝士、牛油果🥑同埋蛋。芝士味濃郁。蛋甜甜地，重有三塊咁多呀！壽司卷上有d日式醬油，甜甜地。鵝肝入口即溶，滿口脂香，一d都唔穌而且冇臭味。第一次食蒟蒻米，口感彈牙。最後食埋甜品就perfect池啦！叫左個chocolate cake。店主話個cake完全無糖！未食之前重驚無糖會好苦，點知都有少少甜。呢種甜係朱古力本身嘅甜味。朱古力味好濃，除左有朱古力嘅甜味重有苦澀味，食到朱古力嘅原味，好natural。唔會甜到好漏。朱古力口感重好滑。重食到一些類似穀麥的食材，有咬口。…查看更多

呢間係一間home kitchen 可以預先order一日兩餐 小店目前嘅服務範圍係中上環半山區-🍥#大阪燒黑毛豬肉加魷魚煙肉鷄蛋 上面鋪滿椰菜絲 味美有口感 面頭嘅燒汁係重點 令到成個感覺味道層次昇華-🥠#鵝油浸牛肝用60度慢煮3小時 含有豐富蛋白質 跟醉雞食最正 -🍰#檸檬芝士蛋糕每星期有甜品treat 健怡版cheesecake質感鬆軟 淡檸檬酸味幾清新-📍#魔廚料理西環西營盤般咸道63B-F號興漢大廈地舖…查看更多

朋友最近學人食生酮飲食，某日約埋我一齊去試。OK，喺西營盤都好方便，食完又可以去附近飲咖啡，就試吓由西營盤站行過嚟都好快。原來舖頭唔係好大，得3個位牛小排壽司 ($120)真係第一次食冇飯嘅壽司，相反大廚好有心機逐塊逐塊蛋咁煎，之後包喺紫菜入面，再加入好多青瓜、牛油果及牛小排肉。每塊肉都係偏瘦，但一啲都唔韌，而且牛味都好重。每件壽司咬落都好有口感，連上面嘅鰻魚汁及garlic mayo都係自家製，的確係心機dish海南雞飯 ($95)又係第一次食冇飯嘅海南雞飯！雞肉非常滑溜，充滿雞油香，同平時嘅唔同就係油飯變咗做蒟蒻米。估唔到原來蒟蒻米係咁好食㗎喎，煙煙韌韌好有咬口感，再加埋充滿薑味蒜味嘅黃色醬汁，基本上同海南雞飯都冇乜特別大分別以為冇米氣落肚會好肚餓，點知又唔會喎！飽到夜晚，講都唔信。香港比較少係專做生酮飲食嘅餐廳，而呢間又做得幾有心機，加油！P.S. 影相嗰陣有少少暗，大廚即刻攞個打燈俾我，靚晒！記住問佢哋借嚟用啊！…查看更多

今日做野經開西營盤附近，因為好小係港島區，見到這間門口有花牌既新餐廳，一於嘗試一下。一入門口店員好友善不停同我介紹&吹水，經過一輪講解後，我點咗個牛柳意粉嚟食。意粉食落唔會太淋冇口感，上邊仲有少少調味應該是七味粉，辣辣地幾好食。牛柳粒店員已經幫我切好晒好貼心，而且食落夠多汁唔會太老，食物價錢唔係太貴都係$7X 到，整體質素真係唔錯。不過店面只有一張小餐枱，如果經過有機會可以一試，疫情下開鋪已經不易，有時光顧下小店都係唔錯嘅選擇…查看更多