鬼金棒

營業中

休息中

想試咗好耐㗎啦，一直都未有機會，終於可以食到麻辣味嘅拉麵，見親啲人食都有好多芫荽或者蔥，但我兩樣都唔食，影相出嚟即刻冇咁靚🥹佢地啲湯底非常濃郁順口，係用獨門秘製味噌湯，唔會死鹹，另外辣同麻嘅程度都可以自己選擇，total各有五種。佢哋會將配菜，芽菜同粟米芯大火爆香，用鑊氣引出香味，然後再加入湯頭煮滾，加入拉麵，所以湯底一定夠熱，yumyum煎餃係食拉麵不可缺少嘅，佢哋嘅餃子煎到外皮焦脆金黃，咬落又肉汁流出，而且餡料都幾多，口感滿足整體都唔錯，可以再encore-味玉辣麻味噌拉麵Karashibi Miso Ramen w/Seasoned Egg-炒豆芽菜辣麻味噌拉麵Karashibi Miso Ramen w/Fried Bean Sprouts-煎餃Fried Dumplings

最近去咗一間日式拉麵店，試咗佢哋嘅特製辣麻味噌拉麵同増量叉燒辣麻味噌拉麵，真係有啲嘢要同大家分享下。首先講下特製辣麻味噌拉麵，$125一碗。呢碗拉麵一上桌就已經聞到一陣濃郁嘅味噌香味，真係令人食指大動。湯底夠濃，帶有一股辣味同麻味，辣得嚟又唔會太過，麻得嚟又唔會麻痺舌頭，真係啱啱好。流心蛋煮得好好，蛋黃半熟狀態，輕輕一咬就流出嚟，配埋湯底一齊食，真係絕配。大量芽菜令到整碗麵有啲清新嘅感覺，唔會太膩。厚燒叉燒亦係一大亮點，叉燒厚切但又唔會過韌，入口即化，肉汁豐富，真係食過返尋味。再講下増量叉燒辣麻味噌拉麵，$120一碗。呢款拉麵同特製辣麻味噌拉麵相比，最大嘅特點就係叉燒量增加咗。湯底同樣濃郁，辣味同麻味都好平衡，真係滿足感十足。叉燒厚實，肉質嫩滑，每一塊都充滿肉汁。呢碗麵嘅芽菜同樣唔少，令到整體味道唔會過於油膩。

呢一間拉麵店好有名氣🌟，所以今日就專程嚟旺角試下呢間過江龍拉麵🥳芫荽辣麻味噌拉麵 $115作為呢度嘅招牌湯底一定要試下😆，加左芫荽嘅味道好特別🤤，估唔到同味噌味道好夾，鍾意食芫荽嘅一定要試下❤️增量叉燒X2辣麻味噌拉麵 $140本身嘅辣麻味噌口味好惹味😝，揀左小麻小辣啱晒我，而且有增量叉燒夠晒滿足😍，叉燒肥瘦分明，入口即溶，而且好入味🔥煎餃（6隻） $45餃子皮好薄身，特別欣賞係個醬汁好正👍

日本過江龍拉麵店，招牌係麻辣味噌湯拉麵麻度辣度都可以自己選擇，少有地食到又麻又辣嘅日式拉麵，整體好惹味，啱晒愛辣嘅朋友🔖［ 增量叉燒x2 辣麻味噌拉麵+味玉 ］辣麻味噌拉麵點咗中麻中辣，湯底質感偏濃厚🍜增量叉燒x2嘅份量好震撼😍叉燒肥瘦適中厚厚一件，有油脂香同時有肉香，加埋流心蛋黃，邪惡但好味🤤麵質偏向粗身，口感煙韌特別掛湯，中辣中麻嘅辣度，麻香中帶點辛辣，食得辣嘅朋友可以挑戰大辣🌶️🔖［ 肉飯 ］日本人鍾意澱粉+澱粉嘅組合，食完拉麵再加上肉飯，加少少麻辣湯食又真係幾正🫶🏼🔖［ 增量玉米筍 ］配料可以增量追加，玉米筍口感爽脆，份量夠晒多啱晒同朋友分享

收工去咗附近一間拉麵店，門口擺放咗同店名一樣嘅「鬼金棒」，原來係日本東京過江龍拉麵店🇯🇵，主打麻辣味噌湯🌶️，湯底辣度同麻度都可以自己選擇，用QR code落單。🍜增量叉燒辣麻味噌拉麵 $120（無辣，小麻）增量版叉燒份量多一倍！叉燒肥瘦相隔，表面有輕輕燒過，燒完將油脂香氣迫晒出嚟，煮得好入味軟腍😋～ 呢碗嗌咗無辣味，飲到好濃郁嘅豬骨味噌湯味帶微微麻味。麵條係粗身個款，軟硬適中，口感煙韌彈牙，掛上濃厚嘅味噌湯。🍜味玉辣麻味噌拉麵 $105(小辣，小麻）👧🏻係唔食辣嘅人，但嚟到呢度好想試吓佢地出名嘅辣味！少辣正常份量嘅叉燒對女仔啱啱好，呢碗多咗味玉，即係糖心蛋，入面係橙黃色，帶輕微流心狀態，蛋味香濃而且醬油味夠哂入味😍💯！仲有大量嘅芽菜同香蔥，芽菜幼身質地，非常新鮮爽甜，中和番食拉麵嘅膩感。小辣小麻同唔辣小麻各有特色，小辣更加惹味過癮！🥟煎餃（六隻） $45餃子皮薄身，外皮金黃脆口！餡料有椰菜同豬肉，口感爽脆有汁，配埋附送嘅辣醬汁食，好惹味！可樂 $15可樂 Zero $15

第一次黎旺角店, 坐bar枱諗緊食咩之際就見到師傅係入面好有镬氣地炒緊野, 然後𥄫到係炒緊芽菜, 而佢每次只係炒一鑊, 隔一陣又會再炒一鑊, 即係D配料新鮮即炒即時令我覺得吸引力大增!!因此朋友即刻叫左個炒豆芽菜辣麻味噌拉麵, 我就叫左增量叉燒辣麻味噌拉麵。個湯底真係好濃厚, 味道有層次唔單調, 麻同辣都可以揀程度, 我就中意中辣中麻, 岩岩好唔夠重口味又有辣勁, 亦唔會過咸,食得過癮!D配料即炒真係嬴左, 炒芽菜爽甜多汁, 栗米荀都有炒香左。哩度個叉燒更加過足口癮, 又大件又厚身, 增量版既再大件一倍, 半肥瘦咬落去軟淋有油脂既甘香~~~~拉麵麵質彈牙掛湯, 建議加埋隻溏心蛋, 食得更加滿足。餃子即叫即煎, 脆底有肉汁~除左食物有水準之外哩度既環境佈置都好有feel, D惡鬼公仔好得意~

有無人覺得有好多稱聲過江龍既店舖都名過其實🙊不過呢間真心食完覺得好好食，對得住個名🤩 🥓增量叉燒辣麻味噌拉麵佢既叉燒真係好好食❣️強烈推薦增量版❣️肉質軟淋，一咬就開，加上肥瘦相間，非常香口！而且煮到入晒味，真心正！ 湯底都好濃郁惹味，個人好中意☺️而且麻辣度可以揀，唔辣都可以麵既粗幼都啱啱好，而且麵煮得好好，軟硬適中👍🏻 🌿芫荽辣麻味噌拉麵芫荽控必點！真係超多芫荽個湯底其實一樣，不過呢個多左陣香荽味，令成個湯變得更清新🤣 🥟煎餃子煎到個底好香脆皮都算薄，入面有少少肉汁，都幾好食.__. .__. .__.🐥🐥🐥.__. .__. .__. 總結: 因為小編們對拉麵要求好高，呢間真係好難得地一致認為好好食🤤 環境：🐥🐥🐥🐥🐣/5服務態度：🐥🐥🐥🐥/5 食物質素：🐥🐥🐥🐥🐥/5 性價比：🐥🐥🐥🐥🐣/5推介指數 :🐥🐥🐥🐥🐥/5

旺角特色拉麵店鐘意食辣嘅朋友仔想食拉麵嘅話不妨可以試吓東京過江龍拉麵店- 鬼金棒。店舖以日式鬼怪作設計主題，還原特別暗黑風。鬼金棒主打辣麻味噌拉麵🍜，辣度同麻度都有4級可以按個人喜好去選擇～味玉辣麻味噌拉麵🍜湯底味道濃郁鮮香，少少偏向擔擔麵嘅味道。辣味同麻味都幾出，舒服得嚟亦唔會好油好咸。味玉係溏心蛋，撘配拉麵更惹味芫茜辣麻味噌拉麵🍜芫茜控芫茜迷嘅天堂。本身辣麻味已經夠香，加埋芫茜係雙倍效果。幫個湯底味道level up~ 拉麵有軟硬程度啱啱好，份量都ok，大食啲嘅朋友仔亦都可以加麵煎餃香口香脆，皮薄，配搭特調醬汁。正❤️

門口至店內都擺放咗鬼金棒裝飾，幾有趣，而點餐用QR Code落單。味玉辣麻味噌拉麵 $105呢度嘅拉麵可以自選辣度及麻度，今次叫咗小麻小辣，湯底紅紅幾濃郁，個人覺得麻味唔算突出。麵身屬於粗身果款，所以好掛湯。配料有蔥花、芽菜、粟米荀及叉燒，而味玉係溏心，個黃係橙黃色，nice！❤️增量叉燒辣麻味噌拉麵 $120增量叉燒會比普通拉麵大一倍，呢度嘅叉燒幾厚身，而且係五花腩，一層肥一層瘦，非常腍身，至於配料同其他拉麵一樣，有蔥花、芽菜及粟米荀。煎餃一份6隻，餃子外層煎到金黃色，而餡料係椰菜豬肉餡，味道唔錯。

哇！東京過江龍拉麵店嘅【増量叉燒辣麻味噌拉麵】絕對喺我夢幻嘅拉麵之選!😍🍜呢碗拉麵以濃郁嘅味噌湯底為基礎，並巧妙地融入了獨特嘅辣麻元素。而最令我垂涎欲滴嘅，就係份量十足嘅厚切叉燒!🥓 味道濃郁，肉質軟稔，入口即溶。配搭上濃郁醇厚嘅湯頭，簡直喺天衣無縫！😋🤤社長三浦正和絕對係一位拉麵界嘅大師，專業調配每一種食材，務求為食客帶來最完美嘅視覺和味蕾體驗。呢碗拉麵無疑係佢嘅得意之作!🙌👏我已經迫不及待想再食呢碗拉麵！💯🤩

平時都好鐘意食辣嘢，加上又鐘意食拉麵，咁就一定要嚟食下呢間日本過江龍辣麻拉麵店裝修幾有特色，以日本神怪作主題🍜特製麻辣味噌拉麵 $125（小辣、小麻）微微橙紅色湯底，配上大量蒜、蔥，令到味道非常濃郁厚實，小辣小麻，感覺唔會太辣，但好惹味！粗身拉麵質感彈牙，都幾掛湯，半肥瘦厚身叉燒非常軟腍、肉味香濃，仲有大量芽菜、粟米仔、溏心蛋，口感真係好豐富，好開胃，真係連湯都飲埋😂🥟煎餃 $45餃子皮煎得好脆，配上辣辣地嘅餃子汁，唔錯，幾好食

放假約朋友去旺角睇戲，經過一間裝修好吸睛嘅拉麵店，不約而同話要入去試吓！鬼金棒係東京過江龍拉麵店，餐廳裝修好特別，店內掛滿傳統嘅日式鬼面和金色鬼金棒，配搭紅色的燈光，更顯日式格調。主打麻辣味噌湯。湯底辣度麻度可以自行揀選。味玉辣麻味噌拉麵：湯底以豬骨、雞殼、魚鮮及蔬菜配合熬製超過八小時的湯頭，搭配日本直送的獨家秘製味噌而成，之後以客人選嘅辣度再調校濃稠的湯底，拉麵掛滿湯汁，吸收精華，非常美味，厚切叉燒肥瘦適中，煮得非常入味。配菜加入大量芽菜和蔥花，層次感十足，還有粟米芯和糖心蛋，十分豐富。增量叉燒辣麻味噌拉麵，追加味玉：增量咗厚切叉燒，肉質夠曬入味，大大舊夠曬滿足。煎餃六隻：餃子煎得金黃香脆不破皮，薄皮熟餡, 鮮美可口。

來自東京超人氣過江龍憑住佢獨家秘製嘅辣麻味噌拉麵人氣一直有增無減 香港分店亦都越開越多 總有一間喺左近今次黎到旺角分店 店內嘅裝潢同東京店如出一轍餐廳以紅黑色為主調 店內掛滿傳統日式鬼面及鬼金棒吊飾辣 x 麻 程度分別有5級可以選擇 無-小-中-多-鬼增 相互配搭 足足有25個選擇咁多!!!佢嘅「鬼增」Level 辣味係以健力士世界紀錄大全最辣嘅卡羅萊納死神辣椒炮製🌶🌶🌶🌶🌶自問食得辣嘅朋友可以挑戰一下！\ 🍜特製辣麻味噌拉麵 - 中辣小麻 ($125) /用豬骨、雞殼、魚鮮、蔬菜熬製嘅湯頭非常濃郁!!再配上雙份厚叉燒 + 玉子 絕對係食肉獸首選!!層層相間嘅肥瘦肉 以多種香料醃製調味再經一晚燜煮 味道充分滲透入肉質 上枱前再輕輕火炙 迫出油脂食落去有焦香感 而且肉質軟嫩 肥肉入口即化!! 而且份量十足!!麵條屬粗身 麵質煙韌彈牙 掛上濃濃嘅味噌湯 非常好味!!而且麵條唔易淋 食得慢都唔怕!!\ 🌽玉米筍辣麻味噌拉麵 - 中辣小麻 ($120) /玉米筍份量爆滿!!! 再加上大量芽菜 份量十分驚人!!玉米筍表面經過慢火煎至金黃色 食落非常爽脆淡淡嘅甜味配上濃濃嘅味噌湯 層次更加鮮明芽菜

本身啲frd話難食我都未必信到十足，今日去聽到一堆大陸人聲，啲檯又唔抹都心知不妙，食嗰陣就完全體會咩叫三哥麻辣中辣加煲湯豬肉收你95蚊，個麵仲要得幾啖好似你平日口痕去七仔食撈麵咁，呢個價錢我不如去三哥叫個麻辣過橋咪仲抵食，反正個味道一樣，三哥仲要咩餸都有，鬼金棒就得嗰一舊仔屋企煲完湯再拎出去賣嘅肥豬肉，仲衰過人哋啲腩肉片。唉～明明日本嗰間都幾好食，點解嚟到香港就變成咁樣…又貴又無水準，真係好失望！大家都係珍惜食物，遠離香港鬼金棒。

以前食過池袋嘅鬼金棒，估唔到開咗嚟香港～裝修極具特色，店舖內充滿着日本嘅鬼面同埋鬼金棒裝飾，個tone以黑色為主今次食咗特製辣麻味噌拉麵+增量叉燒辣麻味噌拉麵+六隻煎餃煎餃作為appetiser ，沾上日本醋，唔太酸幾開胃湯底極致濃郁，今次揀咗小辣，都唔算好辣，所以我下次會試中辣🤭～拉麵質地好有口感，texture非一般軟腍腍嘅拉麵表面鋪滿咗大量香蔥同埋芽菜，加埋好濃嘅醬汁，味道滿分主角當然係增量叉燒，叉燒稔滑，但住開嘢食嘅都知道，豬肉煮耐咗好易鞋～奇怪地一啲都唔覺得鞋口，相反 叉燒嘅脂肪部份，既有油脂香味，亦保留口感雖然我減緊肥，但係對於高質嘅叉燒無法抗拒😆如果一個女仔食，建議不用增量就可以了，怕吃不完呢～味玉中間嘅流心出色，生熟程度剛好🫶🏻流心嘅顏色偏橙，同平時食開「曉」嘅雞蛋差唔多顏色，蛋香濃郁平日晚飯時間都要排隊，好彩今次揀咗下午茶時間去❤️