鬍子叔叔 (已結業)

本來去海南二街買雞食,點知賣完。咁行去瑞士睇下有咩啱食,路過呢間食店,見到有海南,原先想食的我當然入去食個雞啦。佢可能當我係狗,比啲人唔食狗都犬的雞飯我食。呢間個老闆九成對啲伙記麻麻,啲伙記明顯想間嘢接咗佢轉工。我有食到個雞飯,但真心食咗三分一後,我比錢走咗,去咗金母指食。雞咬唔入要非常用力飯我以為佢唔夠水煮。味道我唔講,佢能夠做到而家,真係唔需要好味,只需要生存。

在附近工作，試盡附近餐廳，見佢有雞腿飯，又有健康沙津，第一次去，已經覺得態度不太好，但基於第一次，俾多幾次機會，但基本上，我去既依四次，次次體驗都好差，一般都係服務態度囂張，無禮貌雖然食物質素穩定，但食飯受氣，咀臉差，真係以後都唔會再俾機會

今日同埋同事一齊出去食lunch，話上次試過間鋪啲喇沙好好味，所以帶我地去試下。呢間鋪好多時都經過，但經常都好多人喺到等所以都無留意係食咩。鋪唔大，黎到已經要等位，而且又撞正食飯時間，等左成20分鐘先有位。牆身都有部份野食既相，可以睇相望下邊碟想食。當然叫左個肥牛喇沙米線食，賣相唔錯。米線幾煙韌唔係腍哂，肥牛有5-6塊。湯底可以揀辣同唔辣，又好香椰味。因為我揀唔辣，所以最後我連湯都飲埋，非常好味！

呢間小店開左一段時間，難得今次人少少唔使排隊就入去試一試！佢個午餐都好多元化，又喇沙、海南雞、口水雞同輕怡沙律，其實我唔太知佢定位係咩？！唔太想食飯，就試下湯系列啦！點左個鮮蝦喇沙，配金邊粉！賣相的確麻麻，相信關個碗嘅設計事，佢個高身碗係上闊下窄，所有食材都向下沉，一上菜只見到一陣厚厚嘅油，同啲金邊粉成餅嘢實實咁係底！有4隻蝦，都正常味，金邊粉份量都多，湯底都似喇沙味，辣辣地，有濃濃嘅椰奶味，特別在佢有兩少舊罐頭菠蘿，但略嫌配菜比較少，同餐單有半隻雞蛋不附，係蛋白絲都無！係咪漏左俾蛋我呀？仲有一點想講嘅係，佢除左碗外，全部餐具同杯都用即棄嘢，真係要提倡環保♻️同支持減廢呀！荔枝角選擇都多，特色嘢多的是，未有意慾翻兜住