高麗軒韓國餐廳

營業中

休息中

今天我要跟你分享一個真正令人垂涎的韓國燒肉體驗，就在高麗軒！這裡的燒肉選擇多到令人眼花繚亂，有牛肉、豬扒、牛舌、羊肉，以及其他種類的肉。這些肉質新鮮，質量一流，每一片都能感受到食材的細膩。特別要提的是他們的五花腩，烤得恰到好處，脆皮搭配多汁的肉，實在太美味了。❤熟食方面，不得不說韓式泡菜餅，微辣的調味和香氣四溢的泡菜，絕對是一個美味的開胃小點心！💯💯海鮮蔥餅也是一個亮點，裡面滿滿的海鮮味道，絕對能滿足你的味蕾。🥳🥳而泡菜炒豬肉的組合也相當不錯，帶著一股酸辣的風味，令人回味無窮。🫶🏼🫶🏼總的來說，高麗軒的午餐燒肉任食提供了令人難以忘懷的美味韓國燒肉體驗。不論你是燒肉愛好者還是想要嘗試不同口味的人，這裡都是一個不錯的選擇。不要猶豫，快來品味這些美味的燒肉和小吃吧！

過海處理啲文件，今日嚟到北角，約咗住喺附近嘅朋友食個晚飯，《高麗韓國菜料理》有任食韓烤。位於商場1樓，地方舊闊落，靠窗是卡位。好彩早啲嚟，夜咗會多啲食客未必有窗口卡位。韓國菜前菜包括菠菜、芽菜、泡菜、丁香魚等等，呢個放題都包咗任食。牛舌~夠爽韌，有口感，牛舌味道冇其他部位可以代替；肥牛~果然好肥；特級牛頸肉~新鮮，肉未夠香濃；肉眼扒~好大件，輕輕烤熟兩面，即刻食得。黑毛豬腩~腩肉夠肥，烤到香口，夾生菜生蒜麵豉醬食，正！辣汁五花肉~辣汁唔算辣，醃過嘅豬肉都幾好味。大蝦~海鮮煎蔥餅~新鮮熱辣辣，即叫即煎，非常香口。蛋包蝦~牛肋骨湯~飲品櫃都有唔少選擇，最後食埋個雪糕都好夠喇。

天氣轉凍就最適合食燒肉，第一次到高麗軒韓國料理， 見到網上評價都不錯，而且是一間老字號韓國燒肉料理餐廳，應該有信心保證，果然沒有令人失望，晚上繁忙時段每人$268就有任飲任食，不但有大量飲品及甜品選擇，亦有不少熟食，包括人參雞湯及煎餅等，性價比非常高。而各款食材方面亦幾高質素，當中亦有不少推介：💙肉眼扒為薄切，大大片啖啖肉，正反面輕燒幾下就可以食用，醬汁調味適中，不會過鹹而搶走肉味，個人喜歡配上生菜，再灑上少少海鹽及胡椒粉，又或者添上孜然粉或辣粉就已經很滋味，每一啖都充滿肉汁，而生菜亦有助減低油膩感。💙牛舌亦同樣出色，雖然薄切但只要燒幾下就已經油香四滋，肉質軟熟而彈牙。💙牛頸肉油脂分佈均勻，牛味最為濃郁，肉質軟熟，不需要過份調味，只需灑上少許海鹽就已經足夠。💙 海鮮類別亦值得推介，魚柳肉質軟滑，上面鋪滿蒜蓉碎，燒過後就非常香口；另外海蝦大大隻，肉質彈牙；而青口亦很有驚喜，味道鮮甜，上面同樣佈滿蒜蓉碎，燒過後更能帶出青口清甜味道；魷魚調味得宜，少少香辣， 魷魚鬚口感彈牙，整體感覺很不錯。💙 雞肉以及雞翼就正常水準，雞翼中間已經剪開，令燒烤時內部更容易熟透，兩者都充滿肉汁，沒有半點雪藏味道

韓式燒肉於香港變得越見大眾化，今次跟朋友到訪位於北角的「高麗軒韓國餐廳」，餐廳提供燒肉放題，更可點選地道韓式湯品、小食及一品料理等，選擇豐富，人均約三百元便可享用；每檯均奉上藍妹啤酒一罐，其他罐裝飲品任飲，雪糕任食古典韓式裝潢四平八穩，韓風滿滿，環境衛生舒適==========🔹牛肉提供牛舌、牛肋骨肉、牛仔骨、特級牛頸肉及肉眼扒等所有牛肉質地皆軟嫩緊緻，牛香不俗，醃料份量恰到好處，夠滋味；配以生菜、蒜頭、紅椒、青椒及麵豉醬一同享用，可減油膩感又令味道及口感層次更豐富==========🔹豬肉提供五花腩、豬頸肉及黑毛豬腩等特別推介油脂豐腴的豬頸肉及黑毛豬腩==========🔹廚師精選提供蒙古羊肉、海虎蝦、海鮮煎蔥餅、泡菜煎餅、牛肉炒雜菜等蝦肉新鮮爽彈；海鮮煎蔥餅味道正宗；牛肉炒雜菜蔬菜種類多，健康美味==========🔹一品料理提供蛋包蝦、蛋包魚、辣炒五花腩、韓式炒年糕、韓式炒粉絲==========🔹湯品提供牛肋骨湯、辣泡菜湯、人參雞湯等人參雞湯濃郁清甜，用料上乘，滿足！==========🔹飯及前菜提供石鍋飯、泡菜炒飯、菠菜、芽菜及泡菜等前菜菠菜及泡菜皆出色，絕不馬虎

好耐冇約朋友出嚟食飯，朋友話帶我去食韓國燒烤，決定跟住去搵食。最後帶咗我去位於北角高麗軒韓國餐廳。裝修充滿韓國氣息。除咗各類燒烤，仲有熟食，升級仲可以有雪花牛、帶子、帆立貝及羊架等。首先點幾款特色前菜。加拿大prime雪花牛油花分布多，質感柔嫩，油脂豐富、肉質緊實。加拿大3A雪花牛油花呈大理石，肉質有彈性。牛舌富有彈性，肉厚多汁。牛仔骨油脂細緻，肉質結實，幼嫩帶咬口。法式羊架香氣誘人，淡淡飄香，肉質鮮嫩。黑毛豬腩肉質紮實，肥瘦均勻，充滿油脂香氣。帆立貝質地厚實，蒜香十足，彈牙鮮甜。去頭海虎蝦肥美多肉，肉質結實、爽口彈牙。生菜生菜包肉，更加清爽。蔬菜雜錦肉一起烤，調解油膩感，吸收肉汁，更加美味。紅炆牛肋骨暖笠笠，牛肉腍滑，薯仔吸盡湯汁精華，清甜可口。牛肋骨湯呈雪白色，湯頭清澈，香氣濃郁。泡菜豆腐湯濃郁甘甜，結合了辛、香、酸、甜、辣。

1976年開業的【高麗軒】，是老字號的韓式燒烤餐廳，學生時代已經常到尖沙咀店光顧，這次適逢在北角見客，晚上就去大吃一餐。北角店在和富街，住宅區晚上路人不多，但平日晚上也有七成滿，還有日本食客，不愧是老字號。餐廳裝潢比較傳統，但也坐得舒適。烤爐用的是一次性烤網，不粘食物又整潔，掃QR code下單後到出面拿飲品的，我就點了罐藍妹啤酒，和烤肉簡直是絕配，爽呀～牛肉必點【肉眼扒】，整塊上，紋理均勻；豬肉【黑毛豬腩】厚厚的，肉味濃郁；【雞翼】很大隻，燒出來黃金色皮脆肉嫩。海鮮則有【去頭海虎蝦】，又香又鮮爽。放題+$38可升級，更多優質選擇。【3A雪花牛】【Prime雪花牛】脂肪都很豐富，滿口油香；【帆立貝】【帶子】上面滿滿蒜蓉，惹味又鮮美。除了燒烤還有熟食，【牛肋骨湯】奶白香濃；【人參雞湯】甘香足料，都是天氣轉涼的佳品，多喝幾碗已回本。蛋包蝦炸得很香很惹味，都是意想不到的好吃～還有很多熟食挺吸引的，可惜我們戰鬥力有限，下次帶幾個朋友來再大快朵頤～

記一次高麗軒的午餐燒肉之旅。這是一場美味的肉食探險，絕對值得一試！首先，他們的燒肉選擇多樣，有牛肉、豬扒、豬頸肉、牛舌、羊肉、青口，還有牛肋骨和五花腩。這裡的牛肉質嫩滑，每一口都充滿了肉汁，絕對是肉食愛好者的天堂。特別要提的是他們的五花腩，烤得香脆多汁，讓人回味無窮😍😍不僅如此，還有各種美味的熟食。韓式泡菜餅是一個不可錯過的小吃，微辣的味道和酸甜的泡菜完美融合，讓人欲罷不能。👍🏻海鮮蔥餅也很出色，搭配豐富的海鮮，口感酥脆，讓人愛不釋手。還有泡菜炒豬肉，這道經典的韓國料理，風味獨特，讓你一試難忘。🫶🏼總結來說，高麗軒的午餐燒肉任食絕對是一個值得品味的餐廳。肉質優質，口味豐富，環境舒適，讓你能夠享受一頓豐盛的韓國燒肉盛宴。💯🥳不論你是肉食愛好者還是想要嘗試新口味的人，這裡都是一個絕佳的選擇。不要錯過機會，快來一試這個美味的食物！

我和朋友們決定去北角的高麗軒韓國餐廳用餐。這家餐廳成立於1976年，絕對名副其實！之前好多年前已試過他們尖沙咀店。它的寬敞空間和擺設著傳統韓國風格的裝修，餐廳內有卡位，找到舒適的位置非常容易。餐廳提供自助式的放題體驗，真的有驚喜！除了各種飲料供應，果汁、汽水和罐裝韓國飲品，是無限供應的選擇。他們甚至設有熱飲和茶水區。另外，也有不同味道的雪糕可隨心所欲地享用。我們見到有多款飲品，還看到了啤酒，先來一啖，這可是燒烤的絕佳搭配！菜單上無限供應燒肉、海鮮、韓國煎餅、炒菜、一品料理、湯和石鍋飯等等。放題時間限制為90分鐘.用QR碼點餐後，食物擺滿了桌子。有牛肉, 魷魚,肥牛、肉眼扒、牛仔骨、五花腩、黑毛豬腩、豬頸肉、等等。我們最喜歡的首先燒烤的是肉眼扒，它的味道真是美味濃郁。醃製得入味的雞翅,豬頸肉爽脆彈牙，調味濃厚。大蝦、帆立貝、帶子和魚的水準也不錯新鮮而美味。肉汁依然豐富，非常美味。食燒烤最重要除了食物質素仲要抽風裝置效果很好，沒有油煙味，燒烤的食物既香口，肉汁也豐富。

同朋友講開食韓燒, 我講話我係鐘意食新式韓燒, 係有時會更懷念傳統既韓燒,但傳統韓燒已經唔多, 所以食既機會都唔係好多,朋友就話前排無耐係北角食左間幾高質既傳統韓燒我比佢講到心動, 所以就跟佢食好野啦我地係炮台山站出, 行去城市花園果邊, 再行多幾步就到一個叫明暉商場,D個商場好有九十/零零年代既感覺, 幾有feel, 然後去到間叫高麗軒既餐廳,入面既環境都幾有傳統感, 但真心好乾淨, 地板完全冇痴立立既感覺,而且抽風做到好好, 食完件衫都唔覺得有味,跟得上時代係, 佢係用QR code落單的, 咁食物就唔洗放出黎更加衛生食放題飲品同雪糕當然係任食的, 基本想飲既都有, 但啤酒就需要另外叫, 朋友話食韓燒點可以冇啤酒, 所以佢就另外叫左罐藍妹($20)人參雞湯因為我地得兩個人, 朋友就提我話高麗軒D野食都幾大份, 我地得兩個人就叫半份就可以, 咁就唔洗浪費食物,又可以試多D唔同既食物, D度既人參雞湯好足料, 參味幾重, 又唔會到苦, 甘甘地, 幾好飲, 我地好快就飲晒 牛因為我地係食肉"廋"黎, 而且最鐘意就係食牛, 所以一開QR CODE就主攻牛, 牛有好多款, 分別有普通牛肉,

[ 正宗韓式燒烤放題店✨]今次嚟到北角搵食！日式燒烤食得多，今次想搵吓正宗嘅韓燒烤，於是搵到呢間老字號正宗韓燒高麗軒，晚餐有放題任食，最平7:30前埋單$228一位，又可以加$38升級菜式 ，可以有埋海鮮任食，見價錢合理，而且有多種肉類選擇決定試吓！餐廳裝修好有特色，佈置得好似韓屋，打卡一流。今次我哋一行二人，分別都升級咗放題套餐，用QR code落單，飲品同埋雪糕就可以出去出邊攞。🎈 肉類：加拿大prime雪花牛、加拿大3A雪花牛、牛舌、肥牛、五花腩、牛仔骨、肉眼扒、特級牛頸肉、豬頸肉。個人最鍾意係加拿大雪花牛同牛舌，雪花牛肥瘦均勻，而且佈滿雪花，好食！牛頸肉味道也不錯，牛味好突出，而且一點也不韌。牛舌亦非常爽口。肉類有得揀半份或者全份，啱晒啲咩都想試嘅我🤣🎈 海鮮:帆立貝、帶子估唔到佢哋嘅帆立貝同帶子都唔算細隻，帆立貝同埋帶子上面會鋪滿醬料同埋蒜蓉，燒嘅時候相當惹味！兩款都非常新鮮。🎈 紅炆牛肋骨上到枱真係哇咗一聲，因為份量超足！牛肋骨炆得好入味，而且都有成四至五嚿，每舊都好大嚿🤣🤣而且牛肋骨炆得好腍，啱晒老人家食！🎈熟食：牛肋骨湯、韓式炒粉絲牛肋骨湯清清地好好味，亦都估唔到入邊好

北角韓燒老店高麗軒响北角扎根多年，歷史悠久，食嘅除咗係味道仲有感情，同埋佢懷舊嘅裝修晚市成人$268一位，包任食套餐同飲品，但酒精類就要額外付費，不過都係$20一罐藍妹，都算抵飲放題嘅好處就係唔使就住就住嚟叫，鍾意食乜都點得咁我哋兩個人都冇話點得好誇張，食得開心愉快最緊要牛脷雖然係薄切，但都好爽口，冇特別調味，落少少鹽已經好好食雞中翼醃料唔算過分，中間開一刀，容易啲燒熟牛仔骨最好食，又腍又入味連殼嘅中蝦燒完勁爽口豬頸肉燒到燶邊最好食肉眼扒大大塊，肉味好濃燒牛肋肉牛味最濃，用生菜包埋Kimchi食好夾餐廳仲可以俾我哋任點生菜嚟包肉，因為有啲餐廳要另收費，呢度好慷慨湯方面我哋都飲咗兩款：牛骨湯唔好睇佢奶白色，牛味勁濃，加少少黑胡椒好好飲另外嗰款泡菜豆腐湯有微辣，豆腐夠滑，仲有牛肉粒同熟蛋，啲料好足好好飲熟食方面我哋叫咗個煎蛋包魚肉，新鮮即叫即煎，煎蛋入邊包住調咗味嘅魚肉，唔需要加任何汁醬，味道啱啱好。食完已經非常滿足，所以仲有得揀嘅石窩飯，其實已經食唔落，唯有留返下次😅

很久没食過韓燒，心癢癢今晚找到朋友陪我食。朋友住在城市花園，附近有間傳統的韓式餐廳食物質素唔錯；每人以$268就可享用自助韓烤放題。食物非常豐富，有前菜如Kimchi泡菜、青瓜仔、菜仔、大豆芽等等皆以獨特韓式醃製但仍能保持口感爽脆。肉類多元化不論豬、牛、羊、雞、蝦、魚柳、青口、魷魚樣樣齊備。若每位客人可加$38就可升級有加拿大prime 和3A雪花牛、帆立貝、帶子、法式羊架和紅炆牛肋骨等。其實朋友係牛魔王，單以基本價錢也有特級牛頸肉、肉眼扒、牛仔骨、牛肋骨、肥牛和牛舌供應，足以滿足她的食慾。尤其特級牛頸肉牛味濃郁，肉質淋滑；油脂適中，非常好食。我們居然前後order左三次，食到唔停口。海蝦肉質彈牙新鮮，其他食物皆有質素；蔬果亦很新鮮，欵式很多。除此之外餐廳有一品料理如蛋包飯、炒年糕和多種石煱飯；湯亦有六欵可供選擇。而我們只order左韓式炒粉絲和滋補人參雞湯，個湯好飲人參味濃。最後還有雪糕做甜點來結終。

平時最喜歡吃韓國菜，燒肉，但逐件單價收價一定要多人先吃得多款式，我同男朋友兩個人食，放題就最合適啦～每位$228可以吃到好多韓式料理，超划算～ 加$38升級還可以吃到加拿大Prime雪花牛，3A雪花牛，帆立貝，帶子🤩肉類方面，我覺得最好吃是五花腩，燒到半焦肉質依然嫩，夾上泡菜，生蒜，或者其他前菜小食來吃，非常之配～ 燒五花肉的時候，油脂滴到下面時火光熊熊🔥十分有氣氛～牛仔骨和雞翼質素都不錯～ 牛仔骨調味足夠，燒完之後肉質鮮嫩，雞翼都有輕輕醃製，個人覺得加點椒鹽粉更加好吃😋湯品方面我覺得海帶湯最好喝！好足料，有好多海帶，蜆肉，蛋花，而且沒想過這麼大碗～ 牛肋骨的湯也不錯，牛肉軟嫩又有嚼勁！飲品都有好多選擇，啤酒都有，聚會都不錯！

呢間係一間比較舊式嘅韓燒餐廳，令人懷念年少時同家人食韓燒～放題有好多肉類選擇，加$38升級會有加拿大Prime雪花牛同帶子、仲有法式羊架～各款肉類均不錯，尤其是加拿大Prime雪花牛和3A雪花牛，油花分佈平均，牛味香濃。特級肉眼扒肉質腍滑。黑毛豬腩和豬頸肉爽口，蒙古羊肉也不錯。法式羊架肉質軟腍，醃得入味又無羶味。帆立貝已用蒜蓉調味，大大隻燒得香口～鮮嫩多汁；鮮魷魚入味爽口。食肉加埋生菜包同埋蒜頭夾住食簡直一流～熟食方面都非常出色選擇好多，我就叫咗辣豆腐湯同埋石鍋飯～熱辣辣上菜好美味～前菜都係任食，當然要叫大量泡菜啦哈哈飲品方面好多選擇，雪糕仲有榴連雪糕食，味道都好濃郁！