驚安燒肉商店

營業中

休息中

今天和男朋友慶祝生日午市 訂了枱餐廳很好午市有七折 還有啤酒買一送一餐廳環境很好空間寬躺亦不會有很大油煙味叫了$588的和牛九宮格 另外還叫了兩個月見飯和買一送一的啤酒 還有雞腎和牛油脂豐富很柔嫩 雞腎很有驚喜很爽脆整體是很滿意很驚喜的一餐還有七折十分化算下次會再來的

留意開美食嘅大家，對呢間9宮格燒肉應該唔太陌生，周不時都會喺ig見到有人去食😋企鵝妹都食左好幾次了，每次都維持到水準，推介👍🏻⭐️九宮格燒牛盛盒 $288 (8/10)入面有唔同部位同唔同口味嘅牛肉，可以先食冇調味嘅肉，最尾再食3款有調味。企鵝妹鍾意食冇醃嘅肉多d，可以更品嚐到牛味同肉質。最欣賞係厚切牛舌芯，有咬口得嚟唔會韌🐮2人share嘅話每款都有2塊左右，啱晒心大心細選擇唔到叫咩嘅大家。不過如果佢有d牌仔介紹每種肉嘅名就更好啦，因為唔太分到邊款係邊款😂⭐️鹿兒島A4和牛西冷 $248 (8.5/10)呢款牛肉質偏軟同好重油脂，輕輕燒一燒就食得，接近入口即溶，係邪惡嘅首選😈⭐️特大薄切牛舌 $78 (7/10)因為9宮格有厚切牛舌，所以另外散叫了薄切試一試，都有牛味同爽口，不過相對嚟講，厚切會更出色⭐️柚子漬雞肉山 $28/半份 (8.5/10) 呢個完全係性價比之冠👑肚餓得濟冇幫佢影相😂上枱名符其實係一座雞肉山嚟，雞肉燒完嫩滑有肉汁，配埋柚子汁好fresh⭐️紫菜月見飯 $28 (7.8/10)食燒肉當然要叫翻碗飯，其實佢嘅材料好簡單，紫菜飯素同蛋黃，但令人忍唔住一啖肉一啖飯接住食🤭

近排食咗間性價比極高嘅燒肉店，食到高質和牛，價錢又唔太貴，翻兜率極高呀！❇️驚安九宫格牛盛合 $588有和牛黑蒜薄燒、和牛友三角磚、和牛上蓋、和牛腩、手切牛頸脊、和牛葱卷、和牛肋條、和牛後腰肉、牛舌腩。九宮格打卡一流，又可以一次過食到九種牛，中間個款應該是最高級，油脂分布均匀，入口即溶，脂肪甘甜的味道會在口中擴散開😋❇️日式味噌黑豚五花 $136呢個睇落去好邪惡，好似好多肥膏🤪用味噌醃得好入味，甜甜地，燒完係唔覺肥膩，食落真係好好味😋❇️雞泡魚干 $76本身是熟的，燒返熱就可以，口感有啲似魷魚，唔錯唔錯🤤❇️壼漬牛肋肉 $88牛肋肉醃好入味，唔需要再沾任何醬汁。❇️明太子月見飯 $36明太子加埋蛋黃同飯撈埋食一流，明太子辣辣地增添胃口，好滋味😋❇️和牛友三角 $218這種肉的特徵是有充足的油脂，備油脂的濃郁鮮美，同時也可以感受到瘦肉的強烈肉味～

Sister restaurant of 激安燒肉工房 in Shau Kei Wan, 驚安燒肉工房 in Tsim Sha Tsui is known for its quality and value-for-money Yakiniku.The dining area is casual and spacious, perfect for a catch up with friends over meat and drinks! The main attraction here is the melt-in-your-mouth Japanese Wagyu beef, from rib-eye and short ribs to sirloin, and it’s best to try them all with the Nine-compartment Platter.五目九宮格盛合（$328）This signature 五目九宮盛合 Nine-Compartment Wagyu Platter consisted of: Thick cut Ox Tongue, A

呢間係兩位小編都好鐘意既高性價比黄燒肉店～知道佢地出左新menu所以再黎 @ 試下😎1️⃣和牛多士 （$228）打響頭炮係呢排佢地熱推嘅和牛多士☺️用左5成熟嘅A4和牛配左自家醬！首先賣相好掂！仲有金箔好高級haha! 多士脆身～肉質幾粉嫩唔會overcook! 但若嫌個芥末醬有啲蓋過牛味～不過如果4個人share試下都唔錯！2️⃣明太子焗帆立貝 （$88/3件）雖然價錢好似有啲高，但帆立貝係幾大粒！一粒都滿足！鐵板上火候岩岩好！唔會韌！明太子醬好濃郁！仲有紫菜配埋一齊食！3️⃣和牛黑蒜薄燒 （$158）啲油花都算幾靚！呢個價錢都算份量多～但唔算太驚喜！4️⃣栗子豬五花 （$48）有5塊唔太夠喉🥹有啲懷念之前既厚燒黑毛豬😋5️⃣蒜香炒雜菇 熟上 （$48）好味道！調味剛好！😜菇菇愛好者表示幾滿足！6️⃣柚子雞肉山 （$28/半份）柚子味好開胃☺️半份岩兩個人share!7️⃣焦糖菠蘿乳酸 （$38）呢杯好抵飲！大大杯！首先個焦糖菠蘿幾香甜！乳酸唔會死甜！仲有菠蘿肉係裏面！8️⃣巨峰可爾必思梳打 （$32）呢個就中規中矩😄但係都好飲既！尖沙咀同筲箕灣分店嘅lunch &外賣自取都有7折🤩就更抵食！😋建議有興趣可以book位

驚安燒肉未開之前，我都係係同一個鋪位食開燒肉嫁，但係轉左做驚安之後就一直都冇機會試下。見佢做緊午市7折好抵，所以係last order前立即入座點餐。🚀驚安九宮格牛盛合 $588🤩呢個餐好處就係可以一次過可以食到九種牛肉，分別係鹿兒島A4和牛腩、蔥卷和牛M9、黑蒜和牛、特上牛舌芯、匠岩手A5和牛友三角、宮崎A4和牛上蓋、和牛肋條、手切牛頸背脊、牛匠岩手A5和牛貝肉🐂另外係有張紙比你對住食，咁就唔會唔知邊打邊個啦！所有肉都好正都有好勁既油脂，牛味好濃😋厚切牛舌芯 $88 👅同九宮格個牛舌芯差不多，都係口感爽彈，牛味好濃好香。其實叫左九宮格都唔洗叫呢個都得既壺漬牛肋條 $88😳我反而幾鐘意呢個，舊肉已經比刀開筋油部位做醃漬，所以係燒果時完全唔洗加調味，等d火燒到外層醬汁酥香而入面肉味重同有紮實的口感😋紫菜月見飯 $28🍚食燒肉冇碗飯點得嫁呢！所以都叫左兩種飯，紫菜月見飯好似大碗好多，同埋勁多紫菜！明太子月見飯$36🍚呢個唔係唔好食，但我覺得用黎夾和牛一齊食有少少油膩。推薦？🟡🟡🟡🟡🟡7拆真係好抵食，同埋啤酒🍻係一送一添！真係要去試下🤩🎉

❃ 五目九宮格盛盒 $328 第一次嚟咩都想食吓，就叫咗呢個最basic嘅九宮格，有齊曬牛、雞同豬肉～質素我覺得同價錢成正比，牛肉味都重，有啲位會有筋，係腩位會比較軟身☺️另外五花腩調味甜甜哋幾好食，不過超級薄😂❃ 紫菜月見飯 $28飯好大碗，紫菜量好多，蛋黃好濃郁，食燒肉一定要配飯🫶🏻lunch有keep住做7 折優惠，呢度環境氣氛都好好，乾淨坐得舒服，抽風ok，食完唔會成身油煙味，staff都好有禮貌☺️

呢間一直都係人氣燒肉 見到勁吸引 要食嘅話記住book定枱🥹果然係幾高質💛和牛多士 $218和牛生熟度岩岩好 油脂好香 多士同外皮都非常香脆😆 醬汁既黑松露芥末醬錦上添花 唔會喧賓奪主💛以呢個價錢嚟講推介🥳A4 和牛壽喜燒 $148 呢個CP 值極高 服務員幫手用火槍燒到半熟 再配搭黑松露蛋汁 同飯一口食勁滿足☺️牛肉好嫩 個汁又好香 推介😋厚切牛舌芯$88 呢個都係必點🥺‼️牛舌充滿油脂得嚟又好爽口 好嫩💛💛而且好抵 份量咁多粟子豬五花 $48 叫五花肉冇死 肥瘦均勻 燒得香脆啲 配飯都好食😛焦糖菠蘿乳酸 $38個焦糖菠蘿出色🥺❤️ 脆脆既焦糖配又甜又多汁冇渣既菠蘿 入面都有好多新鮮既菠蘿果肉☺️宇治抹茶最中餅$32呢個甜品都幾特別 都幾濃抹茶味 紅豆大大粒 作為甜後甜品都係一個選擇👍🏼呢間一定會回訪！如果晏晝得閒去仲有7折😗店員服務都好好 好細心咁介紹唔同部部既肉同食法 如果諗唔到食咩仲會推介返比我地 又真係樣樣都冇伏😚

呢一間係尖沙咀嘅超人氣燒肉店 最出名就係佢個九宮格牛肉盛盒🍱嗰日同朋友都想食燒肉 就嚟咗呢一間 佢一個盒入面有九款唔同嘅牛肉 最正一定係佢個A4和牛 入口即融 牛味超級濃郁 輕輕燒一燒就食得 口感嫩滑又Juicy 兩個人食其實都夠!!!

朋友訂咗位唔使排隊等位就有得食🥳兩個人坐吧枱傾計都👌🏻🥢五目九宮格盛盒🐮 ($328)枱面有張卡仔寫每格係咩肉👍🏻店員建議食咗上面六格無醃嘅牛肉先全部肉都好味 最鍾意牛小排同鹿兒島A4和牛腩👍🏻👍🏻味增五花腩略嫌有啲肥🥢生菜包小牛排🥩($88)生菜上面已經放咗青瓜同泡菜，配埋牛小排一齊食口感更豐富，亦有助減少油膩感👍🏻但得3塊生菜真係唔夠喉😔🥢厚切牛舌芯($88)肉質夠爽 如果可以再厚切啲就更好🍺生啤買一送一 ($48)食燒肉配啤酒真係超爽🍻限時90分鐘⏰食得有啲趕食物質素唔錯，有機會會再嚟呀🥰

呢到地方好大，枱與枱之間分隔得好開好鬆動，應該冇咁煙霧離漫，每人都有3款汁比你點朋友介紹話雞心同雞腎好食，即刻叫左黎試下，本身未食過雞心都有小小抗拒，不過又真係幾好食，燒完的雞心外脆內軟，口感豐富，唔會有腥味另外仲叫左雞肉山，豬頸肉等等，呢啲肉質素都唔差，雞肉好滑，對得起個價錢重點九宮格牛盛合，一次過可以食到九種牛肉，中間果格係最高級，一望啲雪花勁靚，勁重牛肉香，入口即溶咁濟，建議好野留番最後先食最後想推薦芒果汁，應該真係鮮榨，好濃郁的質地同鮮芒果味埋單3人每人400百有找，呢個質素接受到

話說疫情期間試過幾次在屋企燒肉，之後洗餐死。受過教訓之後我就知道燒肉都系要出街食，特別現在可以晚市堂食，更加應該抓緊機會～話說尖沙咀嘅哩間驚安燒肉商店已經bookmarked咗好耐，午市仲有七折認真抵食，但係佢長期爆場，吾book位應該冇得食～因為今日早收工竟然有位，終於可以過嚟試下。餐廳內環境吾錯，座位各有千秋，想兩個人坐吧台又得，四五個人坐卡位又得，八個人坐圓台又得，而且座位同座位之間間隔得好，系疫情期間更有安全感。五目九宮格盛合($328)，相機食先嘅我首先就點咗哩個必須打卡嘅九宮格盛合，佢絕對系有顏值、有實力嘅系列，肉類整齊擺放在九宮格內，有厚切牛舌腩、A4和牛上蓋、A4後腰脊肉、手切Prime牛小排、A4和牛腩、壺漬牛肋肉、安格斯霜降牛、味噌五花腩、柚子雞肉。一次過可以試曬豬牛雞肉，好滿足！盛合中牛肉肉味濃郁，燒完後仲好juicy，而柚子雞肉又可以平衡下牛嘅油膩感，整個組合好match!和牛沙巴當壽喜燒($188)，A4和牛沙巴當系牛肩胛下部接近肋骨的部分，含有均勻的霜降油花。哩個懶人必點，因為店員會在席前幫你用火槍將牛燒到5成熟左右。秘製壽喜燒汁有濃郁嘅黑鬆露味，再將生雞蛋

緊要嘢要講咗先：第一依到係超～多人等位！記得book位哦。第二依家午市做緊7折，我要搵日午市黎回訪呀喂！！〔必嗌！〕❝和牛多士❞ ($218 +10% → $240)IG多數相都係九宮格燒肉盒，決定先介紹一樣我覺得搶咗九宮格風頭嘅item！XD 坊間聞名﹑又比較高質素嘅和牛三文治動輒都要幾百大元，而依份我會稱之為「平民版和牛多士」～外表色澤金黃，放到嘴邊首先會聞到黑松露香氣，入口第一時間接觸到多士同吉列炸粉，口感香脆。然後到主角和牛，賣相未粉嫩到令人尖叫，但勝在質感比想像之中酥軟十倍﹑唔需要大力咬就已經入口即化。而且油脂極為豐腴，肉味同油脂係口腔入面慢慢揮發，真正做到齒頰留香（完全無誇張）！〔推介！〕❝五目九宮格盛盒❞ ($328 +10% → $361)最打卡-able嘅九宮格！枱面到有張卡仔話你知九格分別係咩肉，店員上菜時亦有貼心提醒享用順序～個人大愛鹿兒島A4和牛腩，油脂感滿滿而且牛肉味道濃厚。宮崎和牛上蓋﹑厚切和舌腩﹑壺漬牛肋肉亦榜上有名～其他無點名嘅都同樣有質素，唔會好似有時食放題咁食到後期驚覺啲牛好似無前期咁好XD❝明太子月見飯❞ ($36 +10% → $40)蛋黃同明太

一行4人地左食夜晚飯，叫左第1輪唔夠食，份量唔算多，價錢中等，袖子雞味道唔錯，但牛就反而麻麻地。重有個玉子紫菜飯有啲喊。焦糖菠蘿乳酸太甜，唔好飲。P. S 唯一啤酒48蚊買1送1最正，服務態度唔差，全部都後生女好有禮貌，其他食物質素試過一次夠，唔會有衝動想再去。

今日同老公一早黎之前訂左位既驚安燒肉，一去到即點佢既九宮格盛盒同紫菜月見飯，同老公非常之期待食呢間野，因為之前試過冇訂位，就算12點15去到，都冇哂位，所以黎之前一定要訂位！講番個九宮格盛盒，真係出乎意料的好食，佢有7款牛，1款雞，1款5花肉！唔好睇佢好似好少咁，但加埋個紫菜月見飯已經好飽飽，燒到咁上下，攪住玩電話，職員見倒我既5花肉燒到唔對路，就燶咁，佢地9秒9衝過黎幫手燒🤣可能怕我燒左間鋪，整體黎講職員都好有禮貌，走既時候都會同我地講88！