馬辣台式鴛鴦火鍋 (創興廣場)

營業中

休息中

我地今次揀左芫西皮蛋湯底 & 台式酸菜白肉湯底勁大個邊爐煲，一次過放多少少野食落煲入面都完全冇問題 😉牛肉 🐮 豬肉 🐽 同海鮮需要用 QR Code 落單牛肉嘅種類有極上無骨牛小排、特選安格斯黑牛仔、精選牛五花同埋頂級牛梅花，幾款都色澤紅潤鮮嫩，岩哂鍾意食牛嘅客人 🤤卡位夠哂闊坐足六個大人都冇問題，感覺環境好舒適自助區食物好多選擇，少見嘅台式滷大腸、滷牛筋都有 😌特別一提有新鮮嘅蟲草花，吸哂湯底既味道好入味馬辣仲有個冰櫃放冰烏冬，又有韓國麪，台灣粗麪夠哂多選擇 😋推薦台式經典滷肉飯，忍唔住食左一大碗好好味飲品甜品非常多，完全眼花撩亂班戟 🥞 焦糖燉蛋 🍮 啫喱、棉花糖等等任飲罐裝啤酒岩哂鍾意飲住酒打邊爐嘅人晚市仲有供應生啤添 🤣

今日好友約我去呢間馬辣台式鴛鴦火鍋放題打邊爐，價錢唔貴，又多種類食材，加上前菜，甜品同飲品都好選擇！淨係啤酒任飲，已經值得再訪！呢到湯底都好多樣化，我地揀左黃豆排骨同酸菜白飲湯底。食材方面，海鮮，丸類，豆品餃子同肉類等等都一應俱全。海鮮方面，我地試左鮮蝦，鯇魚腩，水魷，蜆，扇貝等，海鮮夠晒新鮮，淨係蝦都食10隻；肉類就仲多款，包括各式靚牛肉（牛梅花，牛小排等等）、豬肉、羊肉等，又係回本之作。另外都試下各種蔬菜、餃子同丸，個韮菜餃好有驚喜，高質素，韮菜新鮮，味道好清新好濃郁，台灣丸種類又夠多，過足口癮！仲有魚皮，豆皮串，烏冬，台灣麵，王子麵等等好多好多好味配料，數唔清，超級大滿足！呢到甜品都係另一必食！提供多種甜品選擇，包括雪糕雪條、啫喱、生果等，蛋糕同豆腐花等等，仲可以自製棉花糖。雪糕口味好多，朋友鐘意榴槤雪條，我就揀紅豆同果汁雪條！咁多種食物款項選擇，滿足唔同食客嘅口味需要。佢地嘅服務都好好，收碟加湯都好快手，食物又快送上。服務態度好，餐廳環境又舒服，裝修有特色，加火車頭食材櫃都好吸睛，值得再訪！

創興廣場真係好多餐廳，而且位置方便，今日我地去左位於14樓的「馬辣台式鴛鴦火鍋 」午市無限時放題，係無限時呀，環境又舒適，可以由12:00坐到16:30，成人只係$168，小童$108 ，好抵食。12:00到達，已經見到超多人排緊啦。鴛鴦鍋湯底有10款選擇胡椒豬肚鍋&藥膳豬骨鍋胡椒豬肚鍋比較少見，兩個湯底味道都好濃郁。餐廳牛肉、豬肉、海鮮以QR落單，方便又快捷，一落單都好快送到。除了QR落單，自助吧亦有多款火鍋配料、丸類、蔬菜類、麵類，飲品選擇，以到有紙包、罐裝飲品，啤酒都係任飲，除了有凍飲之外，亦有熱飲，朱古力、菊花茶等等選擇，款式眾多，非常齊全。牛肉有3款：頂級牛梅花、特選安格斯黑牛仔、精選牛五花，三款牛肉，質素都唔錯。海鮮有沙白和海生蝦沙白處理得好好，沒有沙，海生蝦上枱時仲好生猛，爽口彈牙。最後亦要留肚食甜品和雪糕，以到亦有棉花糖，即製香蕉朱古力pancake ，食左咁多個鐘真係飽到上心口，夜晚個餐都食唔落。

我同老公以前都成日食馬辣，今次帶埋二個小朋友，滿意度爆分，現在多左好多不同種類的甜品😻😍平時遷就二位小朋友，所以打邊爐都食唔辣，呢到可以選一個清一個辣嘅鴛鴦鍋👏🏻對於我呢個愛辣的人，真係大開心❤️✨如果食牛肉、豬肉同海鮮，需要用QR code落單，牛的種類已經有多種，極上無骨牛小排、特選安格斯黑牛仔、精選牛五花同埋頂級牛梅花，全部都油花均勻，色澤紅潤又鮮嫩，真心可以食完一碟又一碟🥩我地今次沙嗲湯底🌶️+芫西皮蛋湯底😋🚍中間有架極搶眼既黃巴士自助區，提供多款新鮮丸類、蔬菜、台灣特色配菜，啱曬心大心細的我❤️最鐘意呢到的甜品，朱古力窩夫🧇、班戟🥞、焦糖燉蛋🍮、啫喱、棉花糖、糖水，自己見到都心心眼，二個仔食到好開心，最開心當然有得食棉花糖，哈哈🤗性價比超高的台式鴛鴦火鍋，位置方便環境舒適，食物種類繁多，飲品和甜品非常齊全，一定啱大家心水，無論家庭和朋友聚會，誠意推篤必到之選😝🍲馬辣台式鴛鴦火鍋📍地址 : 旺角彌敦道601號創興廣場14樓

今次帶埋小朋友打邊爐，馬辣火鍋位置方便，環境舒適卡位好夠大！棉花糖又有即整班戟任食，小朋友勁鍾意！鴛鴦火鍋叫左好岩小朋友即西紅柿洋蔥鍋及香濃惹味既馬拉沙爹鍋！必食新鮮蝦！叫咗兩轉啲蝦都係識郁嘅，勁誇張！冇諗過飲食放題會有新鮮識郁嘅蝦！勁正！飲品甜品非常齊全！除咗有海鮮蝦同埋沙白，脆肉鯇魚腩，幾款牛中我最中意特選安格斯黑牛仔，肉🥩質嫩腍，牛味香濃！豬有就有精選牛五花及黑豚五花肉任食！都係好腍，唔韌！仲有好多水餃🥟魷魚🦑香腸、台灣腸、金菇菜，新鮮蔬菜🥬蘿蔔、蘆筍、炸魚皮、響鈴🔔魚皮餃、腐竹等等可以在出面任取！最正竟然有小朋友至愛棉花糖任食😮阿女瘋狂食咗兩次，仲話下次一定要再嚟！除咗棉花糖之外，仲有手工甜品，即做香蕉朱古力班戟😃甜品櫃仲有啫喱、泡芙、雪糕🍦雪條任食，我就最鍾意榴槤味雪條，榴槤味濃，同埋朱古力脆皮雪條，大人小朋友都岩！😁飲品都係一應俱全可樂罐裝~紙包飲品~清潔檸檬飲~Jolly Sandy~啤酒等等，仲有熱飲咖啡花茶等等，勁抵食，性價比好高！🍱馬辣台式鴛鴦火鍋 (創興廣場) (旺角)📍📌旺角彌敦道601號創興廣場14樓

細個嘅時候，好鍾意去創興嗰幢樓度食任食，簡直回憶返晒嚟。最經典喺樓下排隊等𨋢，同埋食雞煲。😂今次同朋友行過，見到呢間台式馬辣，主打鴛鴦火鍋唔使加錢。所以上咗去試吓。佢有10幾款湯底可以揀，我哋嗌咗麻辣湯底同埋台式酸菜白肉，麻辣湯底都幾香，越煮越辣，酸菜白肉係友人最鍾意嘅酸菜。牛魚同埋海鮮，就係要自己落QR code落單，其他可以喺出邊拎。牛肉質素不錯，上菜唔會漏單。另外外邊有架黃色大巴士，入邊有好多其他火鍋配料，丸類蔬菜類，仲有一啲豆製品同埋魷魚牛柏葉餃子。我哋拎咗油麥菜同埋生菜，兩款都好新鮮，仲有自己鍾意食幾多就夾幾多，唔會造成浪費。飲品甜品都係任食，飲品櫃好豐富，有好多紙包飲品，仲有椰青水，仲有啤酒。而甜品區，回憶又返黎啦，有最經典嘅啫喱糖同埋豆腐花，仲有榴槤雪條，呢個幾好食，食咗兩條😂😂性價比幾好！另外值得一提嘅係甜品區另外仲有一邊係即整嘅甜品，有班戟糖水，同埋買咗單之後每人仲可以攞movenpick雪糕一杯。是次消費每人$228 ，今時今日坐得舒服呢個價錢嚟講，真係性價比之王！

都好一段時間冇去過創興食嘢喇，以前最鍾意就係約埋一大班朋友去創興打邊爐或者食雞煲，而家年紀大咗都各有各忙好難先至可以約到。🫶今日同屋企人嚟咗14樓呢間以前成日都會去嘅台式火鍋，相隔咗咁多年發覺佢哋都唔係加價好犀利，竟然都仲係百幾蚊一位，而家仲有生啤任飲啤酒汽水所有樂天飲品都係任飲，仲有即製嘅香蕉班戟，所以決定入嚟食🥰🥰🥰估唔到而家靚牛肉都係任食㗎喎，黑毛豬梅花五花腩等等都係任點任食，仲有海蝦沙白青口白鱔片脆肉鯇，掃一掃個code,幾分鐘就送到。嚟到黃巴士呢一間火鍋，除咗要食火鍋料，當然唔可以少得佢哋嘅甜品啦！佢哋呢度嘅甜品同埋雪糕都好好食，甜品係自家手工製，雪糕有外國品牌進口嘅，都有本地製作嘅雪糕牌子，真係落重本呀！呢度啲鮮蝦肉質都好爽彈睇得出唔係啲唔新鮮嘅嘢！豬肉方面都好嫩滑，唔使驚咬唔入最重要係佢哋呢度鴛鴦鍋竟然唔使加錢！！呢度座位都好寬闊舒適，非常夠冷氣唔會熱親，最怕就係一路食嘢一路流汗！想gathering或者同親朋戚友一齊食嘢嘅，建議你哋都可以嚟呢間*馬辣*，品種齊全夜晚七點前埋單仲會平40蚊一位！

這次來到位於旺角的馬辣台式鴛鴦火鍋，平日晚上來到，幾乎全場爆滿👥湯底有10款，可以自選兩款湯底，我和朋友就選擇台式麻辣鍋和藥膳豬骨鍋🍲肉類和海鮮可以用QR code下單，而自助區有大量蔬菜、丸和其他各款配料可供選擇～牛肉質素和配料質素不錯👍🏻飲品選擇也不少，除了汽水、紙包/罐裝飲料外，還有椰青水🥥～另外還有多款雪糕、雪條和甜品，最後還會送每人一個Movenpick 雪糕🍧平日晚上每人只需$208，可以任食2.5小時😆😆🔱 另收加一服務費

夏日炎炎，火鍋都係我地一家人聚餐首選，而且火鍋放題更是爸爸至愛。最近知道有間性價比好高既台式鴛鴦火鍋，位於旺角地鐵站附近，可以任食牛肉、海鮮、小食外，更可以任飲飲品同甜品，啱晒一家大細共渡假日。餐廳係可以用qr code下單，馬辣有多款台灣特色火鍋湯底，我地選擇左藥膳豬骨湯比宸宸同宸媽，而爸爸選擇左台式麻辣湯底，非常惹味。首輪我地選擇左頂級牛梅花、極上無骨牛小排、特選安格斯黑牛仔、精選牛五花、黑毛豬梅花、黑豚五花肉、頂級小肥羊肉、白鱔片和青口。餐廳中央有架黃巴士，係火鍋材料自助區。肉類海鮮，甚至熟食都有大量選擇，非常豐富。甜品方面，餐廳還有多種選擇，有朱古力布朗尼蛋糕、忌廉泡芙、Jelly、糯米糍、雪糕、榴槤雪條等。另設甜品即叫即制區，可以製作朱古力panecake，棉花糖、麵包布甸等，滿滿的地道台灣味道。每人都均贈送movenpick一客，好滿足。

馬辣台式鴛鴦火鍋午市放題，好味抵食。款式選擇多，重有學生優惠。一行三人，約470蚊。好過返深圳食。計埋車費𣾀價，咪差唔多。但限翻好多時間，唔使舟車勞頓。重有大把時間行街睇嘢！

心血來潮帶埋仔仔去食火鍋🤩，就揀左地點方便位於旺角，環境舒適，坐位闊落嘅馬辣台式鴛鴦火鍋2.5小時任飲任食鴛鴦火鍋，超級抵食!如果7點前離座，每位可減$40 Tim🤩湯底可以揀選鴛鴦鍋唔使加錢!餐廳中央位置有架黃巴士，兩邊擺左大量嘅火鍋配料，款式選擇多，有齊不同丸類、蔬菜、炸物、餃子等...肉類可以掃qr code落單，選擇亦十分多，有頂級梅花牛、極上無骨牛小排、黑豚五花肉...仲有海鮮可以點飲品有罐裝汽水，紙包飲品，仲有不同冷泡茶選擇甜品都有多種選擇，有蛋糕、泡芙、糯米糍、雪糕、雪條等...

💠💠馬辣台式鴛鴦火鍋💠💠晚市$200左右可以食足2.5小時🫶🏻，湯底有十款可以揀，鴛鴦鍋唔洗額外加錢😍，肉類可以任食梅花牛、牛小排、安格斯黑牛、牛五花、五花肉、豬梅花同羊肉，整體質素同口感都幾正🙌🏻餐廳中間位置有架黃色巴士造型嘅自助吧擺滿火鍋配料，除左必備食材嘅各種丸類、蔬菜、餃子粉麵飯，仲有鴨血、麻吉燒、甜不辣等台式地道配料👍🏿飲品甜品同樣好齊全好多選擇🤤，飲品有齊啤酒生啤、汽水、豆漿；甜品就有奶凍、啫喱、泡芙、豆腐花、椰汁西米露，即製棉花糖、MOVENPICK雪糕😍𖤥 馬辣台式鴛鴦火鍋 𖤥🗺️ 旺角彌敦道601號創興廣場14樓

今日一家大細一齊去左旺角創興食台式火鍋，地鐵站行黎都只係6-7分鐘，非常方便！環境仲好大，坐得好舒服，性價比仲好高，午市大人$168，小朋友$108，就可以食足2.5鐘，真係可以慢慢食，完全唔會趕頭趕命！🔺一入門口就見到架黃色巴士俾你打卡，但原來車身兩邊都裝有食物俾你任夾，有菜類、丸類、菇類等，就連台灣豆串都有😋用黎索湯汁食一流🔺除此之外肉類、海鮮類就要用電話落單，質量都非常唔錯！個人最喜愛就係佢嘅安格斯黑牛同蝦，兩樣都完全唔覺有冰鮮味，d蝦仲幾爽口！！🔺全場飲品、甜品都任飲任食，Daddy C.就係咁飲啤酒，V小妹就直情好似食甜品放題咁，有佢致愛嘅棉花糖同榴槤雪條！個個都食到捧住個肚走！大家真係要黎試吓呢個性價比超高嘅鴛鴦火鍋放題‼️#mamim #v小妹 #hongkong #hk #香港 #香港好去處 #香港特色 #成長日記 #親子 #親子日常 #子供 #親バカ部 #こども #女の子 #成長記録 #育児 #4歳 #旺角創興 #打邊爐 #台式火鍋 #馬辣 #放題 #任飲任食 #spicyhorsehotpot #旺角火鍋性價比之王 #任飲任食 #打邊爐 #慶祝餐廳

突然間好想打邊爐食返餐好嘅慰勞吓自己，好朋友之前食過呢間，可以任食之餘，食物質素亦唔錯🍲一坐低就要先揀湯底，呢度有成10款湯底可以選擇，平時去其他地方打邊爐要鴛鴦鍋的話係要加錢，但呢度唔駛，今次揀左台式麻辣湯底同藥膳豬骨湯，兩個湯底都好足料🍲火鍋食材方面，選擇都十分齊全；有頂級梅花牛、極尚無骨牛小排、特選安格斯黑牛、精選牛五花、黑豚五花肉，黑毛豬梅花同頂級小肥羊，肉切得薄身，可以好快淥熟；仲有海生蝦同鯇魚片等海鮮🍲除咗肉同海鮮之外，打邊爐點可以少得蔬菜同丸類呢，門口有架顯眼嘅黃巴士，上面裝有各式各樣嘅蔬菜同丸類，個人推薦芝士豆腐，豆腐包住頗多嘅芝士，啱哂我呢啲芝士控🧃飲品方面，啤酒同非酒類飲品都一應俱全，無論係鍾意飲酒定好似我咁滴酒不沾，嗜甜定係唔鍾意飲甜野嘅，都有野飲啱飲🍧甜品方面，除左有甜品櫃之外，仲有手工甜品自取區，仲可以按人頭換MOVENPICK雪糕😋整體來講，佢位置方便而且環境舒適，同埋員工人手好足夠，幫我哋清理枱上面嘅空碟速度好快，值得一讚👍

無論咩天氣都鍾意打邊爐😂平時帶住小朋友，最驚就係食得太趕，馬辣就有2個半鐘可以慢慢食，午市仲要無限時，有十款湯底可以選擇，而且食物種類、飲品同甜品都非常齊全今次我地就叫咗胡椒豬肚湯配藥膳豬骨湯，湯底香濃但係又唔會搶過食材味道🥩肉類選擇有牛肉、豬肉、羊肉🦐海鮮有蝦、脆肉鯇、蜆、白鱔片等🚍黃色巴士自助區有各式各樣新鮮配料、丸類、蔬菜場內提供超過20款飲品選擇，甜品種類亦都相當多，性價比算高，下次都會再去