馬辣台式鴛鴦火鍋 (創興廣場)

營業中

休息中

本來一早訂咗7:00入座⋯點知塞車要遲10分鐘先到⋯06:30打電話去同佢講聲，叫佢留枱俾我⋯喺電話度就話冇問題⋯點知7:10嚟到就話我過咗時間要重新攞飛，串到爆炸叫我再等過，咁我一早打電話講咗叫你留枱⋯如果你留唔到枱同我講聲，叫我嚟玩我咩⋯呢幢大廈大把選擇我唔一定要幫襯你架😡😡有四人卡位都hold住咗唔比人坐唔比人轉位，知你而家多人幫襯啦🤷🏻‍♂️🤷🏻‍♂️ 祝你生意興隆😡😡早日深圳開分店😡😡

又搵到一間好高性價比嘅放題火鍋店😗晚市任食2.5小時 午市無限時晚市每位💰$208 9:30後就💰$178真係超抵食呢‼️座位側邊仲有插座可以叉電🔋-🥩 肉類有6款：頂級牛梅花、極上無骨牛小排、特選安格斯黑牛仔、精選牛五花、黑豚五花肉、黑毛豬梅花、頂級小肥羊肉本來呢個價錢嘅期望就唔會太高🫣食落正常 至少唔會話好鞋~-🐙海鮮類有海生蝦、脆肉鯇魚腩、脆肉鯇魚片、白鱔片、沙白、雞子、青口另外仲可以加錢嗌其他嘅海鮮食 我就嗌咗個💰$138嘅海鮮盤 有6款海鮮 包括鮑魚、扇貝、蠔等等-而自助凍櫃有唔同嘅肉、丸、菜 選擇非常非常之多🤩有麻吉燒、魷魚、水餃🥟-🍧甜品方面 有一個甜品凍櫃、雪糕櫃有豆腐花、哈蜜瓜食~除咗有雪條雪糕外 仲有一個手作甜品專區 有棉花糖、香蕉班戟、西米露、燉蛋等等😋為成個晚餐畫上完美句號✨-11月限定優惠 - like 社交平台就送每位半隻乳鴿！

涼涼地又到瘋狂打邊爐嘅日子，今日去咗旺角嘅馬辣食餐飽！揀咗鴛鴦湯底芫茜皮蛋湯同酸菜白肉湯底，肉類都幾多款，一口氣幾齊曬😂頂級牛梅花、極上無骨牛小排、特選安格斯黑牛仔等，啲牛好新鮮，而牛味濃！另外仲可以加配海鮮拼盤有带子、珊瑚蚌、鲍魚、蠔等全部都好新鮮，好抵食☺自助區好多嘢揀，有丸、菜等，仲有冷盤~飲品好多款揀，有熱有冷，仲可以沖杯菊花下下火！甜品除咗雪糕、雪條，仲有即叫即整手工甜品，綿花糖等😂原來餐廳搞緊7 週年，打卡有乳鴿😂! 乳鴿肉質嫩，油脂香十足！

馬辣不嬲價錢都好平，而家開始用唔同手法慳成本.啲肉全部好似紙咁薄，筷子一夾就散晒，都唔知自己食咗乜.Order每次每款食物有限量，不論你人頭幾多都限咗2碟，都要重新嗌。.而佢個點餐系統都係精心設計，係冇返回制，一定要重新scan QR code再去到網站。.負責即整甜品嘅阿姐都會扮睇你唔到，幾經辛苦落到單，又會俾說話你聽，我都明返工係唔想做咁多野嘅，咁你一係唔好俾人嗌即整甜品嘛🙂阿姐都係被剝削嘅打工仔，我唔怪佢.食得咁唔暢快，幾平都冇用，寧願你加價俾返合理嘅野！

約一班朋友食飯一定係要揀食物質素高，價錢平仲可以坐得耐嘅餐廳啦！創興廣場呢間台式鴛鴦火鍋放題必定係首選👍🏻我哋入座高峰時間嚟(7點)，每位只需$208再加一，就可以任飲任食2.5小時，鍾意飲返两杯嘅朋友仔真係啱晒，除咗罐裝啤酒任飲外，仲有Sapporo 同Blanc 1664可以無限自助斟🍻 唔飲酒嘅朋友都好多選擇，必有汽水、紙包飲品，估唔到有咖啡機、花茶、自家製豆漿同椰青水🤩到戲肉，先喺10款特式火鍋湯底揀两款🍲，我哋揀咗西紅柿洋蔥同馬拉沙嗲西紅柿洋蔥好濃郁酸酸甜甜大人小朋友都鍾意，而馬拉沙嗲微辣帶出肉質鮮甜味，如果鍾意食辣🔥嘅可以揀台式麻辣、胡椒豬肚或者泰式冬蔭功火鍋配料非常多，可以係餐廳中間嘅黃色巴士造型火鍋配料區拎，有蔬菜🥬、菇類🍄、丸類🥟等等肉類方面🥩，豬牛雞羊魚蝦蜆樣樣齊👍🏻，不過好似爭咗樣野咁，冇錯喇，打邊爐點少得食鮑魚帶子呢啲高級少少嘅海鮮🦪呢？所以我哋另外付費加咗海鮮鮮盤($138)份量超足，大大盤超鮮味：鮑魚、帶子、珊瑚蚌、貴花蚌、廣島蠔、火箭魷魚，我媽最鍾意食珊瑚蚌，夠爽脆同好吸湯😋😋😋食完火鍋，梗係到甜品時間🍨呢度除咗有雪糕櫃同甜品櫃之外，仲有即製手工甜品區：即

2.5小時放題🔥生啤任飲🍻旺角📍馬辣台式鴛鴦火鍋旺角永遠是約朋友食飯最方便嘅地方😉一來交通方便📍二來食肆林立今日同朋友來到📍旺角「馬辣台式鴛鴦火鍋」🍲因為這裏的火鍋放題超級抵食😱我們7點入座，每人只需$208 加一，便可以2.5小時任食火鍋放題！任食甜品！最正係任飲生啤🍻🍻🍻提供日本Sapporo及1664生啤😱實在太驚喜🎉湯底為台式鴛鴦鍋，多種經典湯底，讓客人選擇，例如麻辣鍋，胡椒豬肚，沙嗲，連泰式冬陰功都有🔥湯底有辣有唔辣，任君選擇👍🏻火鍋放題，除了提供不同部位牛肉豬肉，一般火鍋配料亦應有盡有，我們還推介大家必定要點🦐嚴選海鮮鮮盤🦪 ！！🔹嚴選海鮮鮮盤 $138 超有驚喜👍🏻海鮮盤好新鮮，超大盤好足料包括💁🏻‍♀️帶子、珊瑚蚌、桂花蚌、鮑魚、蠔及墨魚仔🤤🤤極力推介👍🏻我最鍾意是珊瑚蚌及帶子😋 好鮮味🍨甜品方面除咗有雪櫃任取的甜品，例如雪糕、奶凍、啫喱、泡芙、豆腐花、各式糕點⋯還有即場製作的香蕉班戟和棉花糖🤤班戟超好食，我一個人食咗兩份😋店員服務態度好🤣仲話嚟緊七周年有好多優惠，叫我哋下次再來幫襯😱🔥店員表示11月內幫襯晚市火鍋放題🍲客人社交帳號Follow + Like + Shar

同朋友嚟咗旺角創興廣場見到有好多間火鍋店可以選擇，見到14樓做緊優惠，百零蚊就可以食2.5小時，仲可以免費食埋鴛鴦鍋底，價錢非常抵食🥢任食咁平都有齊牛雞豬羊魚！安格斯黑牛仔、牛小排、牛五花都有～ 質素仲要夠高～ 自助區都夠晒食，蔬菜、台灣丸類，最正記得要食自家製手工餃，幾款都好正😍🥤自家製飲品、汽水機就係定律！估唔到咖啡機同生啤機！都有得即刻飲。啤酒🍻 Draft 有Sapporo同1664！真係回本之選🫕 台式麻辣鍋 + 沙嗲鍋：雙拼鍋底都唔hea。麻辣有大中小辣，夠味夠刺激。沙嗲都夠濃厚同有花生味～ 正👍🏻🥗 海鮮盤：增值之選，除咗靚之外，打卡都得！拼盤有幾款海鮮：生蠔、帶子、桂花蚌、珊瑚蚌，份量都幾多，好新鮮好爽口～ 🍫除左甜品櫃同雪條櫃之外，最正有個手工即製區。專人整香蕉班戟同法式焦糖燉蛋，仲有出面好少見到嘅手拉棉花糖🍭 已經正到暈～ 都唔啱嘅仲有椰汁芋圓西米露。

記得以前荃灣有分店既時候已經食過一次，當時都覺得好多野食又唔錯，價錢又平，之後唔記得左佢，有一日經過旺角創興見到原來佢有分店喺度，荃灣嗰間就冇咗，所以就決定搵日要試試今日地方超大都仲係咁多嘢食都係$208 +1一位，除咗有好多湯底可以選擇，豬牛肉都可以喺電話度任點，近車門之後配菜都可以喺出面自助拎，都有唔少選擇，除咗真係生菜/丸類/之外都仲有豬潤牛筋鵝腸等等 飲品方面男士最開心就係生啤任飲，有Sapporo同1664，另外汽水個d都有好多選擇。甜品方面除咗放題嘅杯仔甜品雪糕外，佢仲有好多唔同嘅甜品可以揀好似即造既朱古力班戟同埋焦糖燉蛋。我直程係食唔晒咁多嘢，因為實在太多選擇😂😂

天氣涼返小小，🐻👨🏽又嘈住要打邊爐，今次來個回憶殺去左創興廣場放題塔食任食自助火鍋，🐻👩🏻揀左馬辣台式鴛鴦火鍋，$208任食兩個半鐘，仲有生啤任飲啱哂🐻👨🏽。坐低左當然要點湯底，有成10款湯底選擇，🐻👩🏻叫左沙嗲湯同藥膳豬骨湯，沙嗲越煮越濃，藥膳都好足藥材好夠味，而店員追加既唔係水而係清湯，真係唔怕會溝淡。肉類同海鮮都要用手機落單，牛肉種類都有幾款可供選擇，海鮮方面海生蝦肉質彈牙鮮甜，真係好有驚喜，白鱔片同鯇魚片都好有質素，完全係性價比之選。外面雪櫃放左幾十款配料自由咁扲，個人最推韮菜餃，自家包皮薄肉甜，🐻👨🏽一個人都食左半打，生菜都好新鮮碧綠，食完肉食菜就啱啱好。飲品方面都唔可以睇小，種類繁多成20幾款，連生啤都可以任飲，淨係飲啤酒都可以回本！食完正餐仲有雪糕甜品，班戟同焦糖燉蛋仲現場即造，成班朋友來食絕對啱哂，每人200幾埋單可以飲飽食醉，好過北上揾食咁舟車勞頓。

之前已經食過佢地既火鍋放題覺得幾正，而家仲推出埋新自費項目 - 海鮮拼盤，又幾啱打卡！海鮮拼盤有幾款海鮮：桂花蚌、珊瑚蚌、蠔同帶子！份量都幾多，好新鮮好爽口.話明台式火鍋，呢度有多款台灣特色湯底同配料，我地揀左藥膳豬骨湯同胡椒豬肚鍋，兩款湯底都好足料！藥膳湯味濃郁，係我最鍾意既重藥材味！胡椒豬肚湯底勁香！開胃！而且幾多豬肚👍🏻.呢度既價錢一向抵食，即使係放題，呢度任食既牛肉質素依然keep住高質，仲有幾款揀添！分別有安格斯黑牛仔、極上無骨牛小排、頂級牛梅花、精選牛五花等等🥩肉味香濃好好食！其他火鍋料都可以出去自助區拎，例如唔同口味既水餃、蔬菜、丸類，特別係爆汁牛丸真係勁多汁好爽！仲有自家製飲品、汽水機、咖啡機同生啤機！生啤都任飲，超抵！.除左甜品櫃有唔同糕點同雪條櫃之外，另一邊仲有手工甜品區，有專人整法式焦糖燉蛋同朱古力醬香蕉pancake！旁邊仲有椰汁芋圓西米露，我要左一碗，好味啊！呢度午市無限時，晚市都有2.5小時！大家可以去試下，真心抵食！

朋友話呢度最抵食，糧尾岩晒，食3個鐘重可以慢慢坐低傾偈💕最鍾意呢度唔使加錢都有多款啤酒飲任😍放工黎啤啤真係好舒壓，另外飲品櫃都有好多選擇，重有健康啲既自助豆漿、咖啡機同花茶用台灣黃巴士設計成既自助火鍋生料區，相當特別，重可以打卡🤣火鍋湯底揀左番茄配藥膳，配料除咗黑毛豬梅花、黑豚五花肉、頂級牛梅花、特選安格斯牛仔及精選牛五花，重有脆肉鯇魚片、脆肉鯇魚腩、沙白、海生蝦及雞子，當中的海生蝦夠晒大隻啖啖肉熟食區就有台式滷肉蛋及白飯岩晒每餐有飯落肚先得既大胃王甜品櫃內有斑蘭椰汁奶凍、椰汁奶凍、伯爵茶奶凍、朱古力慕絲、三色啫喱、新鮮切件西瓜及盒裝山水豆腐花重有我最愛既榴槤雪條及朱古力和糖果口味雪條，仲有即叫即制的甜品供應，包括有香蕉班戟、焦糖燉蛋還有任取的麵包布甸，而即叫即燒的焦糖燉蛋味道亦很不錯

旺角創興不嬲都知多野食，淨係打邊爐、雞煲都有幾間，今次試左呢間，有驚喜！座位闊落，坐得舒服，一個價錢，全場任飲任食，食足150分鐘。晚上7點前離座，成人每位減$40。門口有架黃巴士，打卡一流。其實係自助區，有多類丸類、肉類、海鮮、蔬菜，款式非常多，多達60款，連鵝腸、蠔仔、串串豆卜呢D比較冷門既食物都有👍仲有超大個飲品櫃，多款飲品、啤酒任飲，另設有甜品區同多款雪糕任食。仲有少量前菜同小食。最吸晴係個手工甜品區，有棉花糖、焦糖燉蛋、香蕉班戟、麵包布丁同椰汁西米露。有部分肉類及海鮮需掃code下單。牛肉都有4款，頂級牛梅花、極上無骨牛小排、特級安格斯黑牛仔、精選牛五花。另有豚肉、羊肉、鯇魚腩、鱔片、蝦、沙白、青口等。

今日同朋友去咗旺角創興樓上台式麻辣火鍋食飯~ 地方超闊落，超寬敞。拎嘢同人迫😂我哋叫咗麻辣湯底同埋酸菜白肉湯底因為唔係好食得辣，所以叫我小辣但已經好辣好惹味。麻辣湯底唔算好油，但係好入味。除咗入火鍋配料之外，另外仲有熟食👍🏻春卷咖喱角，另外仲有齋～醬料方面亦都有多種選擇，啱晒不同口味。多種食物任你揀，豬牛肉同埋豬就可以用QR code落單方便快捷😉超多飲品選擇，好耐冇飲過清涼爽估唔到呢度竟然有得揀😆😆甜品亦都多款選擇仲有雪糕任揀🍧另外會有麵包布甸🤩真係完全估唔到嘅驚喜

加埋1都係$240一個人 好抵食打電話訂位嘅時候講到明有老人家，聽電話嘅客服已經好好幫我安排一個坐得比較鬆動侍應們服務態度都非常良好 嘢食都非常多種類，手機落單點海鮮同埋肉類，都好快送到會再幫襯

落雨濕濕又涼涼地即刻好想打邊爐😜，即興去左創興廣場- 馬辣 ，呢度位置好方便，地方大座位亦坐得舒服，午市任食火鍋放題只係百幾蚊位性價比極高。門口架黃巴士係自助火鍋配料區，有多款蔬菜、丸類、菇類、餃子等可以自助取，而肉類、海鮮就用QR code落單，仲有前菜小食，飲品、甜品、雪糕雪條都係任食 。QR code落單後上菜好快亦冇漏單，食物種類又多好抵食。呢度出名鴛鴦湯底 ，入座時就揀定2 款湯底，我哋揀咗 「泰式冬陰功鍋+ 芫荽皮蛋鍋」，兩款湯底都唔錯👍🏻牛肉、豬肉的質素都幾好，特別鍾意頂級牛梅花 。最後記得留肚食甜品同雪糕，推介「榴槤雪糕」🥰真係食到好飽好滿足。