馬華餐廳 (已結業)

今日約左寶貝喺呢頭傾下心事 ~ 佢提議黎呢間老店食午飯~我早左少少到先去搵位..推門入去~成間舖不論枱椅裝璜擺設好有古老FEEL~我呢D米之連想再行入少少搵位坐,但覺得太不對勁,因為走廊都相當窄..所以搵左個近門口的位坐下等寶貝~睇個餐牌~簡簡單單,我好快就決定要試佢地的招牌海南鷄飯餐~就因係招牌嘛~寶貝黎左,佢好快都諗好要食餐廳的馳名咖哩牛柳意粉餐招牌海南鷄飯餐 - 海南鷄煮得啱啱好唔會太熟~且好嫩滑~好有水準~有甜酸汁點~相當開胃,油飯冇乜油味~有少少失望,咖哩牛柳意粉 - 寶貝話咖哩唔算好惹味~似沙嗲多D ~牛柳普通出品~幸好鬆肉粉唔多~入口仲有少少咬口~意粉煮得淋左少少~好易爛節瓜豬骨湯 - 真材實料的湯~ 入味得黎唔會覺得好咸~!而且每碗湯都有好多湯渣~正~!最後餐飲我照舊點左杯熱檸水成今餐的句號總括黎講..勝在大件及抵食~!出品方面..這個價錢的話,先放下自己的要求及幻想..尚且仲有點進步空間

唔知系唔系夜左冇咩客,入去冇人帶位,坐低都冇人拎MENU同水黎,要自己叫先有人拎黎...服務有待改善~太餓急住開餐所以相片只有1張海南雞飯(雞批+$5):雞批有雞味,肉嫩~油飯稍嫌唔夠油香~餐湯系白菜湯但應該加左粟米,好甜,但個人唔愛~焗椰子雞飯:有一件小雞胸+雞全翼,D雞肉炆到腍哂,一切就散開,加上好香既椰子汁,正~不過可以既話椰子汁再濃味D就更好啦!只有一樣野好可惜—薯仔,雖然系配菜,不過我個人十分喜愛,但今晚既薯仔完全未煮熟,硬到

Openrice 大多數個個讚好嘅老字號 “馬華餐廳”，果個Set Lunch 真係難以形容咁難食!! 先來個超稀羅宋湯@@味道都…不得了 >.< 唔合格超求其!!! 牛仔柳飯仲可以揀汁, 只得個虛函掂 , 梳打粉完全覆蓋所謂嘅牛屍體!! 正因為呢間係馬來食品出名咪揀咖喱汁囉…真係唔好抱有希望就唔會失望!!! 飯底仲要唔得熱添?! 另一款叫焗菠蘿排骨飯, 係正宗表面焗囉! 得個面d汁邊燶燶地!! 件肉根本係豬扒…咁點解唔就咁叫焗豬扒飯呢??? 個名就幾好聽話菠蘿係主角但都係得兩粒仔咁大把!!! 件肉唔理牛定豬都係嗱到焾晒唔使用牙咬!!! 最正常味道係杯餐飲檬茶!!! 平均每位午餐$43, 環境一般但偏嘈…真係唔咁再幫襯!!!

對於老牌茶餐廳本人比較少光顧, 基於年紀關係 , 熟悉可能只有花園餐廳! 今日朋友要求到馬華餐廳吃晚飯, 出發前亦有在openrice做了資料搜集(非常認真!), 知道餐廳出名海南雞飯及串燒! 到步後, 看到餐廳的裝潢非常懷舊, 用上偏暗的黃燈泡, 四人坐亦是以前偏窄的那種, 侍應態度冷淡, 落單快狠準亦是意料之內! 店內客人除老街坊外, 亦有老外! 似乎亦有很多遊客慕名以來呢! 餐牌上除了出名的星馬菜外, 亦有老牌排餐及中式小炒! 我跟朋友最後點了海南雞飯, Gado Gado同褔州春卷。海南雞飯 – 份量比較少, 還要跟朋友分享略嫌未夠喉! 海南雞色澤豐富, 令人下垂涎三尺, 雞皮下還有一層啫哩! 很不錯! 肉質鮮滑, 骨亦不太多, 很好!! 只賺拌雞的辣汁味道不配。福州春卷 – 一碟HK20, 只有兩條, 價錢比酒樓要貴而且味道一般, 不值得試!Gado Gado – 份量比想像中要大, 賣相很好, 沙津有烚蛋、芽菜、蝦仁、沙葛絲及蘿蔔絲, 再配上比肉醬浠一點的醬汁, 拌勻後吃感覺良好!! 我一個人能夠完成大半碟, 可想而知味道有多好!整體來說唔錯, 價錢平, 下次要試一下鐵鈑餐

在一個完全沒有動力的選擇下,便休息下吧!開頭想食佐敦間泰國野, 但又無BOOK 位, 又好FULL 下便選了這間.未試過的咖哩湯都幾特別, 有啲似飲咖哩汁, 但浠一點, 但十分足料, 有牛肉,洋蔥, 青椒等.再來一個褔州巻,因好奇所以選擇一試.沙爹串, 無咩特別, 好普通的.見MENU 好多奇怪名, 而亞姐姐又解釋唔到其實係咩時, 便跟朋友本著一試無妨, 便試了這個蔘乜牛肉.只係少少甜甜地, 又似沙爹味.這個蝦沙律是跟餐的, 味道同蔘乜牛肉個汁差不多.最後上的咖哩雞, 個咖哩汁唔錯, 好有咖哩味.而且又跟一隻蛋, 當雞蛋點咖哩汁時, 食落都幾得意.

呢間餐廳經過好多次，但幫襯都係第一次！見到門口的廣告推介海南雞飯呀、炒飯呀好似幾吸引咁，其實都有幾次想入去試吓。今日又路經此地，同男友兩個人嚟食下午茶，男友order了楊州炒飯，我就叫咗個炸雞髀拼薯條。男友的楊州炒飯味道雖然咸咗少少，但都幾足料， 但略嫌多油，不過都算幾好。但我order的雞髀就十分非常唔掂！雞髀炸到over晒，又乾又硬又細隻；薯條是翻炸的，又un又硬，也沒有茄汁供應，茶記都不如！兩者的賣相太快餐店了！令人沒有興趣拍照！不過價錢尚算ok，當去食茶記也無妨！

噚晚去咗馬華食晚餐入去都唔算多人揀咗波士頓龍脷魚柳,配咖哩汁同螺絲粉嗌完一開波就嚟個餐包先,跟住出羅宋湯之後先嚟主菜,我覺得啲嘢賣相都麻麻,魚柳都冇乜味咁最後就嚟杯雪糕,都幾好

上星期5小妹放工同左35知己去左佐敦食飯, 去左間有幾十年歷史既餐廳~好有馬來風味, 間野叫做馬華餐廳~間野睇落比較舊, 但招呼都唔差架~WAITER又幾有禮貌同介紹食物~最緊要價錢又唔貴~首先我地叫左個馬來特製大餐~, 完來上菜同個名一樣好多野架..70幾蚊~佢有咖喱湯, 唔辣但有好濃既咖哩味, 都幾好飲架~另外包括咖哩雞+蛋+飯+著仔, 個咖哩汁好濃., 送飯一流, 個蛋又索晒咖哩汁, 正~蝦參乜D配菜用黎送飯一流~D蝦SIZE都幾大同彈牙~個沙嗲串有豬牛雞揀, 有青瓜伴, 唔錯, 幾野味~咁多都係75$抵~

!!!!好好味的馬來食品!!!大家都知我好鍾意食咖哩同串燒 有同事介紹我去呢間馬華餐廳話有成四十年歷史 今日終於有時間去試下啦放工後一家8人去左馬華餐廳食dinner去到唔駛等位 仲坐得幾舒服 加分!!一坐低 我地就叫左：咖哩牛腩雞牛串燒各半打豬蔘乜喇沙蝦米粉芝士焗西闌花春卷肉絲炒麵海南雞飯T骨扒5杯凍檸茶2個雪糕紅豆冰先講個咖哩：好香，好正宗，加分！串燒：個沙爹醬好好味豬蔘乜：應該係用沙爹醬炒的，少少Spicy，幾特別，可以一試芝士焗西闌花：上面層Cheese焗到溶左，燶燶地，好香肉絲炒麵：我爸爸最欣賞呢碟肉絲炒麵海南雞飯：名符其實，加分！T骨扒：７成熟剛剛好雪糕紅豆冰同凍檸茶：好好味！下次黎都一定會再叫！！加分加分！！結帳時，職員態度好友善，還跟我們交談呢！最後，埋單五百元有找，咁抵食，仲要有番咁上下水準，去邊度搵呢？馬華餐廳！相信我好快又會拜訪！

剛剛同幾個朋友去食,我叫左個唔記得叫咩餐,有帶子同西冷扒的,$58,首先講下個西冷先,同一般港式茶記叫碟頭飯水準咁上下,冇咩特別,炸帶子係用一般凍肉店雪藏的貨色,但勝在夠熱同夠脆,意粉未食已見倒係煮得太耐而有少少發脹,男友叫左個海南雞餐,雞冇雞味,點雞的醬又不夠香不過值得一讚既係,跟餐個白湯雖然冇咩cream味,不過不太杰又不太稀,飲完唔會食唔倒其他野,環境比一般茶餐廳清潔得多另外,menu上列有跟餐有甜品送,不過我同朋友們忘了叫侍應上,埋單離開座位後才記起,於是冇食到....不過居然沒有侍應提醒我地食物質素同服務只屬一般茶餐廳水準,收58蚊一個餐另加一價錢似乎就偏貴左少少啦

佐敦咖喱之旅開始, 因連續幾個星期六在佐敦學電腦, 當然要去掃我的至愛啦!相約友人到佐敦開餐, 友人話喉嚨唔C服, 唔食印度餐, 冇得去返上次的佐敦咖喱屋 即時想起以前時常食的馬華, 多年老字號, 裝修過, 光猛左. 近2:00pm都幾full.友人食午餐, 卅十幾蚊有飯有湯有drink, 抵食之選.本人當然食返我的至愛馬來咖喱羊, 以椰汁煮的咖喱, 香滑依舊, 羊有羊味, 配菜多, 撈飯一流, 40幾蚊, 抵食! 正過好多名過其實的人氣店.食飽去行下永安, 地庫有台灣食品節, 飲返支青草茶下火一流, $5.9 only

點解批評就過唔到編輯?第一次被openrice fake左以為無喊就掂la，點知呢間野咁差塊牛扒得血味無肉味，仲要成塊都係根刀都切死我，半塊都食唔到，要lur番出嚟，完全無誇張到海南雞飯d飯都ok，多水左少少但係得極少雞，應該係新鮮雞不過完全唔熟，係出曬血個隻真係燥曬底唯一好係個中湯，夠熱又唔鹹應該無乜味精服務當然都唔好，特別係個懷疑老細嘅人

都有好一段時間冇黎呢間食店, 咁啱早幾日屋企人提議黎呢度, 師傅見咁耐冇黎過, 於是就投左贊成票! 放飯時間入到去都唔算好多人, 可能禮拜嘅關係, 大部份人都去晒飲茶; 入到去一坐底就睇下有咩好食啦, 淨係睇到個午餐已經夠吸引, 最後師傅揀左二號餐, 香煎巴西雞扒餐跟白飯, 配埋黑椒汁, 而餐湯就要左紅湯, 試下佢得唔得啦!先試下佢個紅湯, 湯料就真係幾多, 而味道就幾好, 不過如果可以再辣d就仲正; 黑椒汁配香煎巴西雞扒, 雞扒都幾大塊加上煎得好香, 肉身又非常嫩滑, 入口鬆軟, 掂呀; 再配埋黑椒汁夠香夠辣, 真係好鬼惹味, 送飯真係一流!總括黎講食物質素不錯, 環境就一般啦, 服務都可以啦, 午餐價錢都幾抵食, 有餐湯, 主菜又有餐飲, 都係三十一蚊, 不過有加一; 通常禮拜日都係飲中茶, 而今次改為飲西茶, 感覺唔錯; 加上咁耐冇黎過, 所以份外開心; 有機會一定再黎食過, 笑臉可以一比!

昨晚到那兒吃飯, 3個人, 每人叫了一樣食物, 1) 海南雞飯, 一般, 不過奇怪的是有鹹酸菜, 而飯煮得不錯; 2) 西檸雞塊拼炸蝦丸, 唔多掂, 個蝦丸唔係自家整, 係買出面的, 西檸雞塊唔夠汁, 攪到 "傑撻撻" no good ; 3) 芝士海鮮焗寬條麵, 海鮮算豐富, 不過 汁少了點, 但又好香濃芝士味, 可是食食吓, 太膩, 唔想食.白湯好重Cream味, GOOD !!! 如果加多些材料更加好甜品....ice-cream (vanilla) 好滑, 幾好味

跟女朋友搵食, 我們附近什麼都吃過, 在豪無信心的情況下, 跑入呢間餐廳. 裝修幾古老, 幾有特色, 坐底左, 發現隔離枱d野食濃晒咁, 心想今次中招了, 叫左2個餐一個係帶子雞八, 一個係牛柳鐵板, 未上菜, 就見到上菜位下面有d食過的餐具, 好dirty! 希望餐廳要改善! 這令我有想死既感覺, 上來兩個羅宋湯, 在陰影底下拼死一喝, eeeee 唔錯喔, 油比較多, 但湯既牛味濃, 是不錯的羅宋湯. 主菜上來, 兩個主菜都叫了蒜容汁, 一上來, 外型真係令人唔想食, 但為了要向女友示範, 首先吃下, 發現同外表差太遠, 味道就有點金鳳既感覺, 但絕對比佢更有肉既質感, 食落真的令人改觀!