馬祖無限時台灣養生涮涮鍋

營業中

休息中

馬祖喺旺角開咗無限時打邊爐，呢個安排實在太貼心，有時想食任食火鍋又想同朋友傾耐啲，嚟呢度就可以滿足晒，而且座位非常寬敞舒適，旺角難得嘅寬敞。我哋揀咗台灣養生涮涮鍋吃到飽套餐SET D，有多款肉類可以揀：極上Prime Grade 霜降牛小排 / 美國SRF極黑和牛肩脊肉 / Prime Grade 安格斯牛麵團 / 西班牙伊比利亞黑毛豬 / 西班牙無激素雞豬肉片，牛肉質素很好，油脂分布平均，有肉味；其他配料選擇非常多，特別推介- 牛柏葉、手工丸類、是日精選海鮮、海蝦等。火鍋湯底有好多款可以選擇，想試一款辣一款唔辣，揀咗鴛鴦湯底-麻辣鴨血凍豆腐鍋/藥膳花膠雞刷刷鍋，兩款湯底真材實料，不用加調味已經帶出到食材嘅味道。另外每檯會附送一包地瓜條，有不同口味調味粉配搭，即叫即炸香脆可口； 飲品選擇亦都好多，有多款冷泡茶供應，茶味香濃，每款味道質素都很好！#旺角瓊華 #馬祖 #吃到飽 #火鍋 #藥饍 #養生火鍋放題 #足料火鍋 #台式 #古早味

馬祖嘅藥膳湯底一向都好出色，今次帶屋企人試吓，呢度點餐主要用手機落單，唔洗自己出去夾野食✅台灣養生涮涮鍋吃到飽套餐🔸藥膳姬松茸雞肉&藥膳椰子雞藥膳湯底建議先飲湯，再食火鍋😋湯底味道濃郁滋潤養生，兩款各有特色🔸肉類極上Prime Grade霜降牛小排套餐，牛肉嘅雪花分佈平均，入口即溶🥩我地主要都係食呢款牛肉🔸其他配料基本配料都有齊，連米血糕都有，仲有我好中意嘅魚雲，另外連海鮮都有😉另外比較有特色嘅係黃金地瓜條，有四款調味粉可以好似shake shake薯條咁食🍟🔸飲品除咗一般嘅飲品，仲有自家製台式冷泡茶飲品食完火鍋仲有雪糕選，記得留肚食啦，連新口味都有🍦🐻總結餐廳的選擇種類非常多，湯底又好食😋💛好味指數:4.6/5💛💜回頭指數:4.5/5💜📍馬祖無限時台灣養生涮涮鍋 (旺角)旺角彌敦道628號瓊華中心11樓

同家企人二訪呢間無限時火鍋店，因為大家收工時間唔同，又唔想老人家等咁耐， 所以去無限時就最適合當日5:30 就到左先黎個芫茜鍋， 勁足料食材方便 ，蝦真係冇得輸， 好有鮮味其他食材就正常！另外芋頭丸都十分推介👍🏻

依間餐廳主打無限時任食，唔洗未食完就趕住走嘅感覺非常好。餐廳有多款湯底可以選擇，今次就揀左養生湯底-藥膳花膠雞刷刷鍋。湯底嘅雞件都唔馬虎，件數多之餘仲好滑溜溜🤪🤪🤪地瓜條可以加入4款shake shake粉嚟shake，有蕃茄味、紫菜味、麻辣味同埋甘梅粉，一路食一路等湯滾👍🏻👍🏻🐮Prime Grade 美國安格斯牛肉肉同脂肪嘅比例平均，肉色都好靚，口感正🤣🐷西班牙無激素豬肉片脂肪較少但肉味濃郁，食落都好爽口😋😋海鮮嘅選擇都比其他餐廳多，貝類魚類蝦類都應有俱全，款款都幾新鮮又好爽口👍🏻👍🏻自家制嘅丸類亦都好彈牙，一啖一粒又夠真材實料😄😄好少見嘅蕃薯苗都有，好幼嫩，浸埋啲湯汁更加索味😝😝同一般嘅放題店，依度嘅樽裝茶較為特別。喺原本嘅茶底加入生果汁，令平平無奇嘅茶飲增添新鮮感😙😙

講到火鍋🍲一定會諗起呢間馬祖，因為佢哋嘅湯底都係同養生有關☺️有好多藥膳類、養顏花膠、滋補等🥰而且一個價錢無限時任食🤤🤤大胃王絕對唔可以錯過😋我哋今次揀左SRF極黑和牛套餐，所以肉類選擇非常多，包括SRF極黑和牛、極級Prime grade安格斯牛頸脊、Prime grade安格斯牛肉、西班牙伊比利黑毛豬、西班牙無激素豬肉片等…我就最鍾意牛小排，因為雪花好靚，油脂比例剛剛好🤤🤤🤤除此之外仲有大量火鍋料，包括海鮮、沙貝、海蝦、各式各樣丸類、蔬菜🥬同台灣特色食物，鴨血、鴨血糕等，選擇非常多，而且全部都好新鮮👍👍我同朋友兩個人都點唔曬所有食物，真係多到不能盡錄😂另外想講火鍋店仲贈送左一客地瓜條俾我地🤤有四款口味嘅調味粉提供，俾你自己shake,我地用左海苔味，食落香脆，加上地瓜條帶甜，令人食到停唔到口😋至於飲品方面，除咗大量凍飲及自家製飲品外，仲有熱飲提供，幾貼心👍食到最後仲有雪糕提供🤤@mazunlimitime 📍馬祖無限時台灣養生涮涮鍋 (旺角)旺角彌敦道628號瓊華中心11樓#黃金地瓜條 #旺角瓊華 #馬祖 #吃到飽 #火鍋 #藥饍 #養生火鍋放題 #足料火鍋 #台式 #古早味 #

今日同好姊妹去打個養生邊爐，兩個人都選左PrimeGrade午餐邊爐。湯底：養生姬松茸雞肉涮涮鍋。有少少藥膳感，好滋補任叫肉類既等級係：-西班牙無激素豬肉片-Prime Grade 美國安格斯牛肉另外，火鍋配料都好多選擇：鮮枝竹：好新鮮，一疊疊，有豆味。花膠：好爽滑牛柏葉：好彈牙，同湯底好夾自製麻辣木耳：麻辣味剛剛好，唔會太辣，但好香，木耳爽脆鮮蝦：隻隻都大大隻，肉質都新鮮，彈牙脆鯇魚片：好脆薄，口感鮮味都有是日精選海鮮：好新鮮，冇沙芝士豆腐燒：超好味，好實的豆腐包住好多芝士仲有好多手工丸都好食例如：手工麻辣牛丸、手工梅菜豬肉肉丸加送小食：黃金地瓜條地瓜條外脆內軟用左甘酶味，酸酸甜甜嘅味，好正。飲品+調味料：有幾款手沖飲品，拿左竹蓆茅根飲，好清潤！調味料好多款，秘製甜豉油好正！甜品：食左士多啤梨Haagen-Dazs

因為又諗唔到食咩,所以依間野我都幫襯左好多次餐廳光猛感覺好乾淨企理. 卡位空間感有足夠 主打無限時,慢慢食慢慢傾都得,最適合同一班朋友聚會放題分三個級別最大分別都係牛肉嘅等級, 價錢每個級別又分3個主要係7點半前離座, 正價時段同埋9點後入座, 最大相差可以去到100蚊架!食物方面CP 值好高,味道都唔差,選擇都算多剩係鍋底都有19種! 未計肉類既火鍋配料超過80種!!今日揀左椰子雞湯底, 淡淡果香,清爽不油膩呢個湯底煮既牛同菜都特別鮮甜肉類方面 牛頸脊, 剩係睇顏色就知佢新鮮肉色仲係紅紅的, 入口果然無令我失望.牛味濃郁是日海鮮係蜆同蟶子bb舊肉超飽滿, 咬落好多汁海蝦都肉彈有鮮味,有人剝既蝦,味道上又再有加乘蝦滑. 墨魚滑細細條, 份量唔多又可以試到味集彈牙爽滑於一身魚皮又係呢到必食既野夠酥脆, 浸湯唔洗幾秒就軟吸左湯既魚皮半脆半軟咁,口感豐富味道惹味飲品方面主要都係飲餐廳自家既茶茶比較解膩可以食多D同埋較少糖,罪惡感細D甜品有MOVENPICK雪糕大力推荐椰子口味, 有椰子既顆粒襯埋今日又係食椰子鍋,好似成個套餐咁!

今日又嚟咗馬祖打邊爐😆無限時的確係好吸引😆我哋揀咗個每位$408嘅餐，有極級Prime Grade安格斯牛頸脊😍啱晒我呢個牛魔王🤭湯底方面都好多選擇，我哋揀咗養生蟲草花桃膠雞鍋，湯底好有誠意，入面都有豐富嘅湯料😋啲雞件就算煲幾耐都仲係好滑～出面嘅醬料區好乾淨企理～而飲品除咗罐裝飲品外，有四款自家製飲品，冷泡茶好正，又解膩😍仲好貼心咁有埋暖櫃，有暖笠笠維他奶同茶，啱哂想養生嘅朋友👍肉類方面，牛頸脊嘅肥瘦非常均勻，牛味好香～而黑毛豬亦都唔差，完全唔韌，而且好香～呢度係用QR code落單，啲配料好多選擇，無論蔬菜、丸類、海鮮都比其他火鍋店齊全～灸燒芝士丸超好食🤣而佢嘅海鮮都算好新鮮～另外值得一讚嘅係，落咗單之後嘢食超快送到👍🏻呢度最signature就係可以shake shake地瓜條，我揀咗甘酶粉同埋海苔粉，好玩又好味😋甜品方面每人可以揀一個雪糕，都有Dreyer's同Movenpick等等品牌，好滿足😆無限時唔洗趕頭趕命，又可以同朋友傾耐啲，真係好正☺️

早幾日同朋友食飯吹水唔夠喉... 朋友問我邊度食嘢可以坐耐啲... 唔使限時限刻... 我第一時間諗起【馬祖】!呢間無限時火鍋店主打係養生藥膳湯底... 湯底選擇接近20款... 有辣有唔辣!朋友唔係好食得辣... 所以我哋揀咗鴛鴦湯底〈麻辣鴨血凍豆腐鍋〉拼〈養生蟲草花桃膠雞〉! 前者湯底有我至愛嘅鴨血... Q彈嫩滑... 唔會一夾即散! 後者湯底好有「營」... 蟲草花同桃膠夠曬養生!套餐有幾款... 豐儉由人! 值得提一提... 呢度嘅豬肉同牛肉質素相當唔錯!🔸極級Prime Grade霜降牛小排高質素... 油脂比例平均... 幾乎入口即化!🔸極級Prime Grade安格斯牛頸脊肉味濃郁... 肉質豐盈... 脂肪比例唔重!🔸Prime Grade美國安格斯牛肉牛肉味較濃... 有嚼勁... 口感豐富!🔸西班牙伊比利亞黑毛豬/西班牙無激素豬肉片肉味濃郁而且嫩滑!除咗有以上嘅優質牛肉、豬肉... 仲有好多其他選擇㗎... 包括精選海鮮、鹵水嘢、手工丸丸、台式港式火鍋配料!重點推介:🔸鹵水豬大腸本身已經熟咗... 不過需要再翻熱... 翻熱之後食落好軟腍腍!🔸是日精選海鮮有蜆、蟶

呢日下晝好得閒 就搵咗呢間無限時火鍋放題食吓🥰 唔受時間嘅束縛就可以食得更加自在啦 呢日叫咗個最高級嘅套餐嚟歎吓✌🏻鍋底我地揀咗個鴛鴦鍋 分別嗌咗爆漿熔岩芫荽豆腐鍋同埋麻辣鴨血凍豆腐鍋 麻辣鍋有大 中 小辣三款選 嗌小辣都已經好惹味🌶️ 芫荽鍋幾清涼 烹煮蔬菜幾夾肉類呢個餐包括咗多款雪花紋理豐富嘅肉類 當中我最鍾意係極上prime grade霜降牛小排 因為食落口好嫩滑🐮 極級SRF極黑和牛肩脊肉 同埋極級prime grade安格斯牛頸脊嘅牛肉味都幾濃郁👍🏻 無諗過豬肉嘅質素都幾好 西班牙伊比利亞黑毛豬 食落口幾有口感🐷海鮮是日精選海鮮 一份有齊蟶子同埋海蜆 都幾新鮮 冇沙🐚 火鍋必備有大大隻嘅生猛海蝦 脆鯇魚片同埋脆骨腩🐟 呢度仲有白鱔片火鍋配料每份火鍋配料都standardised咗一份三粒😂 呢次我地都試咗好多款😗 手工三寶丸 一份有齊墨魚丸 豬肉丸同埋牛肉丸 每粒都細細粒🍡 我地仲有嗌手工墨魚滑 Q彈正方形魚腐 台灣鴨血 蟹粉丸 芝士腸 香菇皇廷貢丸 芝心包同埋魚皮餃🥟 當中較深印象嘅係金沙魚蛋同埋醬爆濃芝牛丸 因為入面嘅餡係流心 真係要睇熱🤓 另外蔬菜更有特別嘅番薯苗🥬小食一

呢間邊爐其實食過好多次，因為佢無限時真係好抵食，而且牛肉質素亦都性價比高，今次就食咗最平套餐($247)，揀呢個係即使佢唔係最貴嘅餐，但係佢嘅牛同豬都係好出色，牛肉厚薄適中，而且非常有牛味，配埋今次揀嘅中辣麻辣蕃茄牛肉鍋湯底食，牛肉掛晒汁，而且有少少辣味得來仲有蕃茄嘅少少酸甜味，感覺唔會係淨麻辣嘅感覺感，而且佢有好多湯底揀，啱晒唔同飲食習慣嘅你哋😍另外一啲特別嘅地方係佢嘅火鍋配料都係好高質素，例如黑松露墨魚滑、手打三寶丸(墨魚丸、牛丸、豬肉丸)、花膠、脆肉鯇、鱔、超長蟹柳棒、時令海鮮、蝦等等，都係比其他火鍋店較特別嘅地方，唔係間間都食到👍🏻👍🏻飲品方面，佢哋最特別嘅地方係有好多唔同款式嘅茶，呢啲茶係馬祖自己製作，包你有一款啱口味，而我自己最鍾意飲嘅有兩款，就係愛文芒茉莉花茶&冷泡桂花烏龍，每次去都會飲呢兩款😆見佢而家新出咗非常貼心嘅暖飲品俾大家選擇，有維他奶、解茶、茉莉綠茶、烏龍茶、薑母茶，真係飲品都啱晒唔同年齡嘅人😆

呢間餐廳去過一次，感覺良好。今次encore,主力食牛肉和海鮮。湯底我地揀左藥膳椰子雞涮涮鍋，有椰汁的清香，加上微微的藥材甘甜，仲有數量很多的嫩滑雞件。美國安格斯牛肉同安格斯牛頸脊都好出色，肥瘦分佈均勻，肉味濃，淥完入口都夠嫩滑。連豬也有西班牙伊比亞黑毛豬的高級選項，脂肪分佈好似大理石紋，不但肥美，肉味芳香。最推介當然係呢度的海鮮，生猛海蝦大大隻，食得出是新鮮貨式。是日精選海鮮有蜆同蟶子。蜆食落冇沙，超級鮮味。另外白鱔片夠肥美，食落彈牙，我地encore左幾次。其他打邊爐會唸到的食材，例如手打肉丸、墨魚滑、餃子、芝士腸呢度都有。當然唔少得台式食品，例如鴨血、甜不辣、米血糕等等。餐廳仲有多種自家制花茶，飲品的選擇都好多。最後仲有甜品，為今餐劃上完美的句話。

早晚時段無限時非常好，又唔會食到一半比單你叫你比錢先，地方又企理，環境又光猛，食物都算新鮮，食到夠食到飽，捧住個肚先走，三五知己邊食邊傾偈簡直一流，下午可以由兩點坐到六點先交枱，一日三餐盡在馬祖無限時養生火鍋

今日想食高質養生火鍋，就喺bookmark list揀左呢間同朋友大擦一餐。湯底揀左大熱嘅藥膳椰子雞涮涮鍋、麻辣鴨血蜂巢豆腐鍋。前者椰子味很香；後者選了中辣，嗜辣者絕對可以揀大辣，因為食唔到辣嘅我完全可以接受（或者因為我避開晒d索汁嘅食材😅），麻辣火鍋跟牛肉就係絕配，每啖牛肉入口都帶著小辣嘅刺激，又有麻香味。牛肉雪花紋好靚，肥瘦均勻。安格斯牛肉，肉質嫩滑，夠軟腍。安格斯牛頸脊，肉質爽口，較有牛味。金沙魚蛋，鹹蛋黃控必點，咬開先發覺係流心鹹蛋黃，蛋黃味濃郁，勁好食。手工三寶丸，應該係豬肉丸、墨魚丸、牛丸，細細粒，真係全人手打製，食落有口感，肉質厚實，唔會溝好多粉。墨魚丸同手工黑松露墨魚滑一樣最有咬口，因為真材實料，食到好多墨魚粒。鹵水豬耳，鹵水夠味，爽口又彈牙。手工梅菜豬肉丸，梅菜味道都幾濃，不過如果梅菜更甜可能會更好味。脆骨腩，難得係叫左兩round，共6件，件件都一樣係爽脆、彈牙有嚼勁。蔬菜種類都幾啱我胃口，有萵苣、淮山、紫蘿蔔，三樣都同樣新鮮，只要淥得火喉啱啱好，每件都咁爽脆清甜。黃金地瓜條，特別之處在於有不同味粉自製shake shake 條，有得玩、又好味，個人幾推介海苔粉，因

香港土地問題，租金問題，如果大家食極都唔走，又真係好難返枱，無得返枱就自然好難做生意！不過，最近發現這間餐廳，唔單止開係旺區（旺角），仲要就算你唔識老闆，都保證你無限時台灣養生火鍋放題！環境方面：餐廳有很多卡位，而位與位之間都很寬敞！尤其是不限時，很適合大家食飽飽坐低慢慢傾下計！食物方面：多款套餐可以選擇：成人套餐最平折扣後$247（原價$308）每個套餐包湯底，可選擇有19種咁多，當中包括養生涮涮鍋類（藥膳湯底9款）台式麻辣湯底5款！個人推薦（藥膳湯底：藥膳姬松茸雞肉涮涮鍋）喜歡吃辣的朋友（麻辣湯底：麻辣蕃茄牛肉涮涮鍋）藥膳姬松茸雞肉涮涮鍋材料包括：當歸，北芪，紅棗，杞子，桂圓，姬松茸，雞肉！這個湯底很甜，就算只是喝，都很養生而不會過補！打邊爐就更加唔會上火！麻辣蕃茄牛肉涮涮鍋這個湯底有別於以往食開的麻辣湯底，不會只得一個辣字，佢有麻辣的同時會帶點甜！感覺很特別！前菜無限追加火鍋未到之前，當然要食一些開胃前菜！當中包括（麻辣手拍青瓜，秘製麻辣木耳）前菜仲可以無限追加Shake Shake黃金地瓜條而每一枱都有一份黃金地瓜條，這個黃金地瓜條，即叫即炸，熱辣辣，脆卜卜！配上自家製Shak